茶咖 (MOKO新世紀廣場)

營業中

休息中

店員落錯單，我拎左1分鐘內即時同佢講返，佢都堅持唔認，我原本係點手作芋泥奶菜，同手作芋泥鮮奶都係$36，俾錢見價錢岩就無留意，到拎飲品都無留意，係行左去中庭位置，一飲就發覺點解得奶味（我係唔飲任何只有奶既飲品，由我細細個就已經唔飲奶）所以我點會叫芋泥鮮奶🙄我返去問個中年男店員，可唔可以倒左d奶加返小小菜，佢好堅持話我係叫鮮奶，我都費事同佢嘈，$36買個負評，貴公司應該會覺得好抵既！係我慘d囉，買左一杯飲唔到既野，飲左一啖請左垃圾桶飲啦！

夏日炎炎，見到店舖嘅8424西瓜飲品嘅廣告真係好吸引，加上又見到一班人等緊，心諗應該唔差啩，決定一試🥶店舖喺商場門口隔離，當眼位置。落完order，等咗10分鐘先拎到飲品。往店舖內一看，才發現落單和製作飲品嘅都係同一個人，one man band🤡 由於幫襯當日係假期，人流算多，只有一個員工恐怕應接不暇。至於飲品「一桶8424🍉」，內有兩舊8424西瓜和蒟蒻。呢桶沙冰加咗好多糖水，味道偏甜、但食唔到8424西瓜嘅鮮甜。整體感覺，飲緊一杯約$50的冰凍糖漿。以呢個價錢，不如行多幾步去花園街買即叫即渣嘅水果汁仲平，仲好味。