更多
2025-07-31
0 瀏覽
放暑假真係成日都要諗嘢同小朋友做,搵地方同佢哋去,今次決定帶小朋友到香港離島區玩吓。以前細個入嚟長洲,覺得都係黎食吓啲海鮮或者街頭小食,好耐冇嚟至今日至發覺呢度都變咗好多,多咗好多靚嘅Cafe同餐廳😀一家大細本身一早食咗早餐先出發入嚟,見到咁多餐廳都有啲興趣試吓!老公揀咗呢一間茶啡寄,餐廳外牆白色好乾淨好有文青feel,我地叫咗一個芝士泡菜豬頸肉牛角包窩夫,成個餐送到上嚟真係覺得好足料,大大份。沙律菜都好多,完全有一種大件夾抵食嘅感覺。泡菜豬頸肉加埋啲芝士,又辣又邪惡,跟埋個窩夫食好香口!大熱天時天時食多兩啖沙律菜好解暑💕💕💕另外仲叫咗一個芝士甜辣雞扒牛角包窩夫, 有我最鍾意嘅太陽蛋👍仲有超多薯條!小朋友就追住啲薯條食晒🤩雞扒都煎好香口仲要好厚!最後叫多咗個全日早餐,簡簡單單好精緻,個滑蛋都做得好靚呀!😍所有食物都高質,冇諗過長洲小店可以做到呢個水準👍👍
0 瀏覽
0 讚好
0 留言
張貼