茶廳 (已結業)

Recently I moved to Tsing Yi here, today I was craving local HK food, cha cheen Teng for lunch. Walking around in the mall and check out there is one Cha Teng. Ummmm. i think it’s not bad to have a try !!I ordered a lunch set- minced port with octopus. The soup is surprisingly nice. It tastes like no MSG, home-made soup. More, Soup is hot enough. I prefer the very hot soup personally. I’d like to recommend this soup. The time between I took the order and the food served on table is quite short

同個仔 一家三口 去食飯 , 其他食店排到嘔 , 見呢間唔駛排就入去 , 當初諗住貴者 , 都無所謂啦 . 因為個仔仲細 , 所以揀野食都係清淡為主 , 餐牌只有幾款晚餐 , 常餐就只有一款叉燒湯意 ($55) , 咁就叫左晚餐 蒸肉餅($6x) 同 菠蘿糖醋排骨 ($88) .轉頭就話無晒蒸野 , 揀左好耐(因為無乜野揀) 咁就轉 海南雞飯 . 黎到 , 個 菠蘿糖醋排骨 竟然無菠蘿 , 因為有菠蘿俾個仔食先我先叫呢個餐 , 問職員佢話可能無晒 , 但罐頭菠蘿黎咋喎 , 無晒 ? 但你都要問下個客掛 ? 因為你個餐叫 菠蘿糖醋排骨 嘛 , 其實菠蘿先係重點 ~ 算 , 再黎海南雞飯 , 嘩 , 個海南雞得6舊 , 仲要有幾舊係皮黎 , 大佬 , 你收緊 $88 個海南雞飯 , 賣相唔得 , 份量唔得 , 味道仲好一般 . 個黃飯仲犀利 , 加勁多味精粉 , 無可能食得晒 . $88 我去其他出名海南雞買到半隻啦 . 你問我會唔會再去 ? 真係 No way 啦 , 請都唔去 , 因為真係比一般茶記更一般 , 呢個價錢食翠華會開心好多 .

今日趕時間，見無人等位所以博一博，點知中伏！首先價錢絕對比普通茶餐廳高一截，諗往就算唔好食都唔會太差。 兩個人點左一個午餐套餐a （星州炒米連餐飲，約$70），一份卡邦尼黑松露意粉連餐飲（約$80）。上餐等候時間正常，賣相都正常，份量偏少，味道就出事了！星州炒米完全無辣味，只覺得好咸，食到中途已覺得好口喝⋯卡邦尼意粉，味道普通，以價錢來看，覺得很不值餐飲質素也是普普通通整體表現比集團快餐還要差，但價錢更貴一截絕對沒有下次

上次一個人食過佢晏就個叉燒湯意粉真係麻麻地。。本來都已經無乜信心，但最衰阿妹個晚阿爸生日唔記得訂枱，湊住兩個老人家又費時走黎走去等位，所以諗住再俾多次機會佢啦。如果真係難食，以後唔駛諗。。點知佢地個晚飯餐又幾好食我地5大1小叫咗豉椒炒蜆，蒜蓉菜，粉絲大蝦煲，糖醋骨同條爐魚。碟碟熱辣辣上枱碟蜆起碼有9成啲蜆肉仲係到，仲要大大隻粉絲煲啲粉絲又唔會碎晒條魚又夠滑，無蒸過頭。。後尾俾錢問聲先知原來轉咗菜單唔怪之得同之前咁唔同作為為食仔，到處搵食，都係想食到餐好野希望遲啲再有好野食啦。。

新年過後一家人諗住出街食餐飯。。經過青衣城二期，見間入口都幾"企理"既餐廳就諗住試吓...四個人嗌咗 3個餐Share...菠蘿山楂糖醋骨蒜蓉炒通菜避風塘胡椒鱸魚諗住啲餸都普普通通。。點知黎到樣樣有驚喜!!菠蘿山楂糖醋骨大大碟。。。啲糖醋骨唔會只得骨咬落去（扮專家）好juicy😛酸酸甜甜超開胃帶外國朋友黎一定啱食蒜蓉炒通菜炒完都仲好翠綠但又唔會太生咬落仲要有咬感細看原來除咗基本蒜蓉外，仲加咗炸蒜係面。。。唔怪之得特別香避風塘胡椒鱸魚呢個真係不得不讚條魚煮得好滑又無咩泥味。。仲唔腥添口感亦有別平時食過既煮鱸魚口痕八卦問吓廚師（廚師都好nice)原來加咗秘密武器---麵包糠話依家新派廚師一般都唔會加所以話口味/口感出面好難搵到😋（條魚未相機先食就俾人拆咗骨🙄)順帶一提，起菜都好快，，好開心簡簡單單同屋企人食咗餐喜出望外既晚餐!!

極級難食，食個最普通嘅义燒煎蛋飯，三片甜义燒已經夠恐怖，仲要加埋11成熟嘅蛋,個飯就夠晒大，不過極小豉油汁，凍飲可樂冰底要加10蚊，都1唔緊要，另外叫一個甜而不辣嘅沙嗲牛肉蛋出前一丁，又係11成熟，啲麵淋到亞嫲都食到，極級劣食諗住橫掂2期冇乜茶記，11點幾又諗住食埋飯開工，點知一經過比佢老點咗其實，如果冇心做就唔好做喇，留番個鋪位比啲真係對整嘢食嘅老闆開喇，平就冇嘢講，食屎都要佰幾蚊，嘢已經夠難食，仲要冇招呼，最好笑係我叫亞姐，唔該，一個沙嗲蛋丁，佢答我，哦…302吖嘛！叻叻咁，到我同佢再叫，唔該，502吖，佢居然問我係咩黎架，真係蕭都比佢吹捲，總之，一啲冇誠意嘅食市，早啲收爐，唔好阻住個世界行吖

本來去青衣城係因為去睇戲，但係去到時，時間不多，而商場大部份餐廳都需要等位及超級多人。見呢間餐廳唔使等位，就決定入去食。老公叫咗個牛扒餐，個餐湯係忌廉湯，但個湯非常稀，好似加咗好多水去煲咁，完全無咁。個牛扒雖稱不上難食，但絕對唔係好食，喜歡食牛扒的老公，竟然食淨，可想言之味道如何。我叫咗個卡邦尼意粉，呢個意粉同個湯相反，係極度咸。我唔會期望茶餐廳會有五星級水準，但亦無預期可以難食到咁，我絕對唔會再去呢間餐廳食嘢。☹️

一條友行新商場搵食，四圍都人山人海 係呢間冇人排 見呀姐又幾好禮貌就入左去。坐低呀姐推介燒雞晚餐話拎哂獎好野嚟，不過我見要個餐要百幾蚊 唔包飲品 一個人又怕食唔哂 就隨便叫個咖哩牛飯算 (雖然呀姐話隻雞份量好少 一個人食剛剛好，但我應該呢世都唔會知)。 咖哩牛飯到左 冇乜驚喜一般茶記既咖哩加d牛肉 ,但個白飯lum到漿糊咁 ，個飯一睇就知太多水 咁都照出 惜食運動真係靠你推廣。 講真煮個白飯都咁唔掂，一般茶記嚟講都唔合格。 但以佢一般過一般既質素收翠華既價錢，完全唔知佢點生存落去。 維一好處就係唔洗等位，同呀姐幾好禮貌。

難得有新店開就梗係試試啦！一睇menu 其實唔多選擇而且價錢唔平。我叫咗個茶餐，叉燒意粉，煎雙蛋，多士加奶茶。老公叫咗個豬扒一丁加熱檸水。埋單都$97 , 好似比一般茶餐廳貴。味道ok, 同埋D姐姐都好nice, 值得一讚

話說青衣城開左2期, 見平日人少少去逛下。 行行下肚餓, 見到有間裝修ok,入去幫襯下。坐低叫個熱狗配薯條,加凍檸茶,承惠45元。 其實下午茶黎講都算幾貴。碟熱狗黎到切開左一半, 入面孖腸(普通雞肉腸), 冇任何配菜好似青瓜藩茄, 得一pat黑色醬。 薯條同麥記一樣咁幼,但差過麥記。 一啖咬落個熱狗, 個pat黑醬好難食。 我問侍應個pat醬吾係咁岩我食,而且餐牌冇寫明係用特色醬, 得腸同個包都算。 佢話個醬自家製的, 一係換過隻走醬熱狗,食住薯條先。 😳😳😳吾係掛。。。比腸仔包當熱狗😰😰😰 我話咁樣妳轉過第2樣比我。 咁我叫左花生醬西多士。 張單改過返黎, 寫"咖央西多士"。 唉,又錯。 我啦啦聲叫侍應同廚房改返花生醬西多士。 終於件西多上檯,賣相係正常的。 心諗都算啦, 叫2樣都普通野, 呢次吾會衰啦掛。 嘩, 一啖食落去, 想吐返出來。 個西多淋pat pat, 因為蛋漿吸得太多, 浸到淋晒。 😤😤😤我叫侍應自己睇下, 我可再食啦, 改返狀杯野飲錢算了, 當我倒霉啦。 一杯涷檸茶21元, 就係咁,冇下次。

開頭未入去係度望我見佢好似幾好咁我覺得新開點都唔會太差入到去睇份餐牌選擇少不再話下一個午餐個份量係一個下午茶份量意份小到連女仔食都唔^_^夠飽焗意粉用錫紙盒上 意粉連盒既一半高度都無豬扒一塊 又薄身仲乾到咬唔落個底既意粉仲要燶既杯奶茶我覺得好可惜茶可以，奶可以但唔識沖就係一個大問題叉燒意粉 得3片叉燒好食既都話過得去 但仲要唔好食件牛油多士得個厚牛油就幾乎無得啖笑以一間想做高級少少茶餐廳來計佢係最差食完你會後悔(長期不用等位)

原來「茶餐廳」沒有了「餐」字，真係沒有套餐供應！青衣城二期新開業（已經一週）⋯ 看戲前去試試吧，誰知，唉⋯門外雖然已有「試業」牌，侍應也已說明廚房人手及資源有限，不是所有食物都能供應，我們也入內坐下試試⋯⋯遞上的餐牌很完善，收費也跟餐牌價，但要侍應逐樣說明這個沒有，那個也沒有。好啦，叫個你地有的餐啦。單到，原來飲品又是另外收費，咁唔好叫做「餐」啦！食物質素非常一般，叉燒乾，白飯硬，份量少，根本不值這個收費！找數時，溫馨提示侍應：你們如果係試業，就寫張試業時能供應的菜單吧。叫得餐又唔包飲品，咁點叫做「餐」呢？