茶木‧台式休閒餐廳 (大埔超級城C區)

營業中

休息中

茶木有好多間分店，我最想去嘅就係位於大埔超級城嘅呢一間分店，佢嘅座位唔算多所以每次都要等位。食物來講，我最鍾意食三杯雞，勁好食又入味，不過啲雞就切得細粒咗啲同碎咗啲，同埋佢啲菜式普遍來講都偏細份，性價比就唔算高。必食甜品就係佢嘅蜜糖吐司🍞加埋雪糕係上面冇得彈啊！又凍又熱好正啊

茶木已經食過好多次，覺得正餐水準唔錯，最近見佢推出小丸子主題餐點，所以決定入去試試！！芋圓控嘅我緊係要點小丸子探險芋圓($55)，甜品賣相ok，但芋圓無味同埋好淋，好失望呀！另外仲點左飲品，飲品有四款選擇: 花輪玫瑰咖啡拿鐵、小丸子櫻桃西瓜柳丁、爺爺抹茶歐蕾、野口竹炭仙草奶茶 ($38/杯)。 雖然好想揀小丸子個杯，但抹茶比較吸引，所以最後揀左爺爺。但飲品一黎到，就更加失望了，因為有一半都係冰，唔係裝滿的，而且味道非常淡！！可憐的小丸子探險失敗了

記得以前茶木啱啱嚟香港嘅時候，個雪糕多士轉好好味架！隔咗好耐好耐都冇食過，今次去咗大埔呢間就為左食返好掛住嘅台式多士磚甜品。我哋兩人叫咗一份晚餐，因為會怕再食多士磚食唔到。晚餐叫左火龍果魚塊，聽落好似幾奇怪嘅組合，但味道都好夾，下次試下在家煮。男朋友鐘意綠茶，所以另外我地就叫左綠茶紅豆多士磚，多士加蜜糖味道好好，水果同雪糕就一般，好似冇左以前嘅水準。希望佢地多士磚嘅水果用返更新鮮同甜嘅，而雪糕唔好用假綠茶味嘅就好。

因為上星期公司裝修，所以今日上午都係執捨番d文件，快手快腳搞掂完去食午餐，發覺比平日早咗十五分鐘，於是同事提議去「茶木」吃台灣麵，希望早d去有位喎。到達後，一如既往，排長龍，等了十分鐘，都無乜叫人入座，於是大家商量後，決定外賣自取返公司吃。平日去茶木都係堂食，外賣真係第一次啊！落單後，還要等多約二十分鐘才做好，幾個女仔急忙回公司開餐。我點了一客「酥炸排骨米粉」，排骨已斬成小件，份量非常充足，比平日堂食好像還要多，肉質咬落外脆內軟，雖然外賣回來，但外層仍然鬆脆，保持水準，米粉和湯是分開盛放，吃時才伴勻，令米粉不致浸腍，想得頗周到，而米粉是台灣的新竹米粉，較滑身和幼細，伴著有濃烈牛肉味的湯汁，吃得津津有味，和堂食沒有太大差別。唔想等位，下次可以繼續安哥外賣囉！

又食茶木啦 今次試新出既 蠔仔四色麵 d麵係用甘荀 波菜等整成 好健康架 但蠔仔可以多返d d 就perfect la😂 豬軟骨麵 個湯都濃 好大舊肉 正蠔仔泡飯 多蠔d 幾正 個湯都好鮮 多鹽茜 😂👍🏻

今日想近近地食 去左大埔超級城新開無耐既茶木試試食個晏就 好多人排隊 但想試下呢間分店 惟有等下啦我叫左個牛片肉燥飯 肉片比較薄 份量都不多男朋友就叫個牛腩粗麵 個湯幾濃味 辣辣地 蘿蔔幾甜 雖然份量都不多 但相比個飯 呢個麵比較出色另外試下佢新出既碟豆花曲奇味飲料 呢杯口感比較清新 加埋少少奶香味曲奇 甜甜的 係成餐最印象難忘既👍🏻

放左工搵個地方食Tea志在吹下水🗣💦之前食過好多次茶木咁啱經過咪又入去食Tea🤷🏻‍♀️點知就係咁中伏喇⚡️⚡️⚡️.黑糖芋圓水果仙草食左Lunch無耐唔太肚餓，為免夜晚食唔落🍽所以就叫左個芋圓甜品🍧一上枱見到個樣都唔錯😍仲以為味道都應該OK，點知🤦🏻‍♀️🤦🏻‍♀️一個字，伏！⚡️⚡️⚡️雖然料有好多，有芋圓地瓜圓紅豆薏米涼粉蘆薈士多啤梨🍠🍓🍧但涼粉一咬落去就散，芋圓地瓜圓痴笠笠，薏米食落仲有好重薑味🤢🤢底下用碎冰粒墊底，完全無味，糖水過甜得黎亦都唔夠，成碗得紅豆最正常😑😑😑.推介程度：👍🏻（5個👍🏻為最推介）

68蚊一個LUNCH SET~加埋一都成70幾蚊，絕對唔係平，不過人都係要偶爾對自己好一點REALX 一下~前菜有三款~好似次次黎食都會有D唔同~ 每樣有D，幾好食~! 點了柑桔炸鱸魚柳~比想像中大塊啊!! D 醬同炸鱸魚柳 都好MATCH~! 炸鱸魚柳唔會炸到乾哂，都幾JUICY!! 個紅燒牛肉手作麵都幾好食~ 都幾鍾意食佢既手作麵~!! 野飲加錢點了薄荷珍珠奶茶~ D 珍珠都幾多，幾夠食~!最後加錢點左個開心果香橙蛋糕，但好失望，都幾難食ORZ 下次唔會再叫。LUNCH 時間黎既話, 一定要有心理準備要等幾耐位~

星期日, 本想ㄧ家人食ㄧ餐開心嘅午餐。 大埔超級城間茶木店門都未開, 已經係門口等位。 點知個女店長黑口黑面, 語氣又差, 話4人枱要有ㄧ半人先比枱。我話老人家要去洗手間, 已經行緊嚟喇, 都話唔比, 當時都冇其他人等位, 要我企係門口成5分鐘, 見到齊人先比入。跟住, 又要放d購物車係門口, 走時又唔提你, 又唔幫你,唔知仲以為佢係老闆娘添呀~食過其他分店, 都未有咁差嘅對待。令大家非常掃興 !加上價錢唔平, 食物味道又差。。。。我地ㄧ家決定唔會再幫襯 !

母親節度度都多人見到一間台灣食店TEA WOODMAMI, DADDY都未黎食過就帶佢地黎食啦呢D節日排隊係基本的事叫左MAMI指定要叫既蚵嗲肉碎泡飯蚵嗲即係蠔仔, 比意料中多加埋肉碎泡夠入味仲有少少薑去除蠔仔既腥味香辣牛肉麵俾D辣蓋過了牛肉湯底的味道辣其實不是太辣只是辣油多了點令我食一啖就咳一次都係佢既紅燒牛肉麵好食D有啖啖香濃既牛肉味而香辣牛肉麵試過就好了有驚喜既係手作蔥油麵個名平平無奇, 以為係一個普通麵但係幾好食脆脆地既麵底, 濃郁既蔥油味加上花生令平平無奇既麵變得不一樣

今日想食下甜品🤤🤤所以就試下E間茶木la👏👏👏一入到去...裝修好靚好大好多坐位👍🏻我地叫左士多啤梨雪糕多士😋😋......炸蝦......豬扒肉操飯....👍🏻釀雞翼......👍🏻滷水蛋....👍🏻都幾快就來到👏👏👏👏🤤唔會要等好耐炸蝦🍤好香脆，唔會好乾豬扒肉操飯好好食🤤🤤滷水蛋好正👍🏻👍🏻👍🏻👍🏻👍🏻👍🏻值得一試我下次一定會再來食的👍🏻good

收銀處的接待員已按了我們的等候票號。我們行到收銀處對接待員示意已人齊。收銀員：枱未執好，請等多一陣。那邊張枱就係了。我媽眼看桌子清潔好，收銀員在忙收錢，就踏前了一步，想自己走進去。收銀員喝住：你哋等多陣，我會帶你入去，果張枱係你們就係你們的了，不用心急。我：我媽媽的腰傷了，不能先進去嗎？收銀員：我唔撳你張飛個號碼，你都係喺出面企㗎咋。所以你喺度等多陣。被那員工冷嘲熱諷完之後心情都沒了，三個人就叫了一個吐司和一碟沙朗牛肉飯。

經常都見到茶木大排長龍，今日見人少少走去食個下午茶，等左15分鐘左右，裝修唔錯，座位舒服，不會太迫，叫咗個下午茶，炸雞扒麵及珍珠奶茶，雞扒很鬆軟，肉質不會炸到乾爭爭，雞扒會切開，都有成五六件，香口好味不油膩😋，麵的湯底不錯，是牛肉麵的湯底，搵日要去試吓晚餐😊。補充今次飲珍珠奶茶，之前在銅鑼灣飲過幾好味，但大埔分店麻麻哋😔

近排經過 大埔中心嗰度開咗間茶木 入咗去就叫咗 炸雞麵 啲炸雞真係好香脆 食落去好新鮮 麵質爽口彈牙跟住再叫多咗個 排骨麵 排骨香口 個湯好濃郁食完唔夠喉再叫咗個雪糕甜品呢個甜品最特別之處係雪糕之下有一架架好脆嘅麵包糠你可以將啲雪糕 撈埋啲麵包糠 一齊食 勁正

真心有點怕食茶木，怕甚麽，當然是等位時間啦，食了幾次，沒有一次是少於一小時等候，但又好想試下它的食物，真矛盾呢。今次去了大埔這間分店，入座後，叫了炸豬排麵，肉燥肉柳飯及芝士釀雞翼不得不讚，炸雞翼炸得脆脆，咬開雞肉，芝士流出，濃濃芝士味，與雞肉很配搭。很愛食茶木的肉類食品，肉質嫩滑，不錯！大推芝士炸雞翼，值得一試再試。😋😋😋😋