茶木‧台式休閒餐廳 (康怡廣場北座)

營業中

休息中

平日呢間茶木成日大排長龍，今日竟然唔駛等位，梗係要入去食下我久違左既雪糕麵包磚我之前試過唔同味，始終都覺得配曲奇味雪糕最夾，望到個甜品個樣已經好治癒不過一個人食就真係吃不消，尤其中間既麵包有蜜糖都幾甜下，所以同人share就食得最開心喇！

1月5日星期六三點鐘收工老婆話食飯前想食個下午茶，去到商場見到平時睇好多人嗰間茶木唔使排隊。我哋叫咗一個紅燒半斤半腩牛肚麵，呢個面個湯底唔錯。69蚊，都幾大碗同埋足料跟住再叫咗一個老婆最鍾意食嘅磚塊朱古力曲奇蜜糖磚塊，我自己就最憎食cream，最可惜嘅係佢話唔可以走cream咁唯有叫佢少啲啦。呢舊嘢起碼兩年冇食過了。質感唔錯好豐富。老婆就最鍾意食佢中間嗰啲麵包因為有蜜糖，相反我就鍾意食出面嗰啲因為我嫌太甜。買單連埋+1 $163都算OK

今日同朋友約左睇戲 睇前去決定去呢間到食人數四人 星期六既晚餐時段 等左5分鐘就有位 講到明要90分鐘離坐 最後食左就黎兩個鐘都冇趕人每個人都叫左唔同既野食同飲品我叫左雞排麵同檸檬愛玉（沙冰凍飲）個麵係好食嘅 睇樣係特製既手打粗麵？ 仲要好大碗湯底近睇好似油左少少 但好台式牛肉湯麵湯=味道好搭 就係食到最後有少少膩既感覺炸雞排 外層好脆 粉唔會太多 內層好滑 唯一係切既大細有少少不一 而且放太耐會林左 所以要食快手d杯愛玉沙冰ok啦 係仲係沙冰既狀態下覺得酸度適中 但融化左就酸過頭ry順帶一提 有朋友食火鍋 睇落好細個 仲有人叫左熱帶雜果茶（？）因為唔係季節 所以明顯覺得太酸 叫店員幫手加水都拯救唔到個酸度😂最後四個人食左成五百蚊 人均百幾咁我就覺得性價比係差左少少 不過量足食好飽（本身都細食既但如果比我揀 我一定唔會想再係度食飯或者甜品有機會都會考慮一下？

那些年中學生時代，有幾個錢就好中宜去茶木食下飯，貪佢坐得舒服，又好似好型咁。（其實我都唔係好明型在哪）好啦大個咗識得周圍食野，唔洗淨係去茶木就好少再去。咁又係啦，好耐無食就想試下。【酥炸雞扒麵】呢個麵勁啦，我男朋友食完佢個湯飯都未上，一問之下，原來師傅換緊油啊！係幾咁衛生幾咁良心企業！真係餓到就死都唔嬲得。好啦，終於有得食啦，那些年的味道，如果要我簡那些年錯過大雨定錯過呢個雞扒麵，我會簡呢個麵，因為唔係幾好食。個雞扒都幾油下，不過你放心！新鮮油黎既！放心食！個麵都好淋下，無咩咬口，極普通  :<同埋，呢個價錢呢種質素，真係幾貴。如果我第時個女晒咁多錢食茶木，一定打！總結，那些年有關楚耀紙板的茶木，同宜家有小丸子聯乘的茶木，都係食果種青春感覺，我老了，有緣再食。

又到午飯嘅時候，每日最痛苦既事情就係諗晏晝食乜嘢。思前想後最後決定同同事一齊去太館食茶木。今日好開心呀去到茶木的時候居然唔使等位。最後揀嚟揀去，揀咗個牛肉麵。都想餐飲先知，原來茶木而家已經唔會主動送上飲管囉，要要求先有。支持環保。

附近幾間食肆都冇乜人,唯獨是這間門口有人龍， 好彩都唔係等得太耐，好快就可以入座喇!知道今期以小丸子做主題， 睇咗小丸子的餐牌後，發覺沒有什麼特別，最後都係揀番主餐牌裏面的菜式。之前喺呢度食過的薑母鴨已經冇咗喇! 改咗另外一款的鴨，但對佢都冇乜興趣，揀咗穩陣的鳳梨鮮果甜酸肉，古早烤香腸肉燥飯。鳳梨鮮果甜酸肉，當然有鳳梨和肉同埋白飯一碗，加$30可以轉成套餐，有沙律或者甜品揀加飲品一杯。鳳梨鮮果甜酸肉 $79鳳梨多汁冇渣，超甜，其他生果如士多啤梨、火龍果、藍莓就比較爛。 甜酸肉其實係肉條，但係炸得唔錯，酸甜適中，啲肉都有咬口。古早烤香腸肉燥飯 $68台灣香腸同其他的香腸真係有啲唔同，我愛它的原因係個股甜味，而咬落去的質感比香腸硬身，但係比臘腸軟身， 肉燥都唔會太鹹，唯獨係青瓜、酸菜、同埋隻蛋好冰冷。試咗佢嗰款新口味的鳳梨慕絲蛋糕，本來唔會有好大的期望，事關上一次食藍莓起司蛋糕，覺得好唔掂，但今次鳳梨慕絲蛋糕有驚喜， 外邊黃色部份唔只係奶油咁簡單，真係有鳳梨味，入面又有鳳梨果肉，雖然得好少，蛋糕都幾軟綿綿，唔錯唔錯紅豆薏米水有少少薑,又有少少甜味

好耐冇食過茶木, 難得見到唔駛等位所以入去食番餐. 因為係晚市既關係, 所以有晚飯套餐, 是次晚餐有4個人食, 所以叫左4個晚飯套餐, 有菠蘿鮮果酸甜肉, 牛腩, 鹵水拚盤同酥炸蠔餅再加多個豬排肉燥飯. 菠蘿鮮果酸甜肉好特別, 因為可能平時食開中式既咕嚕肉, 無諗過鮮果入面有荔枝, 藍莓, 火龍果同士多啤梨, 個味都算係夾. 豬肉唔係太肥, 口感亦唔錯. 個牛腩煲好較滑唔太肥, 幾入味. 鹵水拚盤味好香, 而且好多唔同既種類. 豬排肉燥飯就比較想像中油少少, 而個炸豬排唔係太特別. 唔太香脆亦比想像中薄.  到最後既酥炸蠔餅真係好油呀><!!!!! 個邊全部都係吸左油既炸粉, 一塊蛋都搵唔到 ! 到最後要食到去中間先有, 而且個蛋量亦好少, 感覺似食緊成團油淋淋既炸粉, 下次應該都唔會再叫了.野飲方面, 叫左珍珠奶茶同芋香奶茶, 珍藏唔係太Q, 無乜咬感. 亦比較甜. 甜品要左黑森林蛋糕同小茶木劇場蛋糕, 黑森林算係普通, 無乜車厘子味. 而茶木小劇場蛋糕夠硬身, 朱古力味好濃, 值得一試. 而服務都算OK, 可能因為今日唔多人, 所以可以俾坐多過90分鐘. 

一家人諗唔到食咩嘅週末都會去茶木解決 😀 貪佢價錢還好食物質素都算 above average，款式都幾多溏心蛋肉燥飯 ❤️ ($68)評分：8/10.造型可愛嘅滷肉飯，鐵鏟匙羹有田園 feel ☺️ 肉粒比較瘦，唔算特別肥美，但隻汁整體唔稀而且啲飯軟熟。連鎖店嘅滷肉飯嚟講台式滷味拼盤 ❤️ ($73)評分：8/10.其實叫呢個可以俾幾個人當係餸一齊送白飯，有好多種嘢食：雞翼、豆腐、五花腩片、牛腱，口味唔同人都啱食。紅燒牛肉麵 ❤️ ($77)評分：7.5/10.媽媽嗌嘅牛肉麵，其實個湯幾入味同時有唔算油膩～麵條富彈性口感都唔錯。牛腩都有好幾大舊有啲冇筋有啲有筋，全部都軟熟台式烤香腸 ❤️ ($64)評分：7/10.普普通通嘅台灣腸，好食，又係送飯一流。呢個照燒醬大雞排 ❤️ ($64)評分：7.5/10.雞扒好厚 !!! 同埋好脆口。同台灣嘅雞扒都仲有少少距離，炸法唔同，但粉都唔算厚又別有一番風味

今日我去左太古城食午餐，就去茶木試下啦。平日先有既lunch set!好抵食下。佢包左一杯飲料 紅豆蕙米水，主菜。叫左個蔥油嫩雞 配地瓜 山竹米粉。甘樣叫都係68蚊。唔錯。 等左10分鍾就上齊晒 煩忙時間黎講都幾好 唔驚食得太慢啦。 蔥酒油嫩雞大約有8舊雞 是雞胸 幾嫩滑 不會痴牙的。另外 山竹米粉有一大碗 加上3小舊地瓜 。都幾有台灣既風味。是細細既米粉 加了牛肉汁 足夠味道 唔會話太dry。另外 薏米清甜既 底部有好多蔥薏米可以食埋 唔會話太1甜。呢間值得推薦。

雖然茶木係公司附近開左都一段日子, 但每次見到條人龍已經唔會去排, 而且亦要齊人才可進內, 所以未曾嘗過. 尼次剛好有同事能提前去排隊, 當我到達時只需再等10分鐘左右便可入座了.午餐的選擇其實很多, 除了午市套餐亦有主餐牌供選擇, 我選了有3個前菜及主食配飯/麵的套餐, 包一杯餐品. $68有交易屬區內比較平的了.前菜當中很喜歡麻辣豬耳朵,爽脆又夠入味, 辣度合一般人的口味.主食我選了咖喱燜牛腹腩, 餐牌上有辣椒仔, 本以為會辣, 可不是呢. 不知是否台式咖喱的特色關係, 我吃到很多中式調味品的味道.  薯仔有先炸後燜, 腩肉很腍, 當有亦有牛筋, 兩者都很入味, 只是輕微鹹了一點.古早肉燥手作麵口感算彈牙, 份量也夠多, 肉燥為麵條增添了不少分數. 吃畢套餐已很飽了, 應該滿足到一般男士的食量了.最後來了杯黑糖冬瓜茶. 味道偏甜但又剛好中和了主食中的鹹.算是不錯!

今日早左少少收工，拿拿林喺六點前走咗入去『茶、木』坐低，我真係開心可以趕得切叫到下午茶餐。我叫左個最出名嘅台灣牛肉麵加熱黑糖珍珠奶茶。其實茶木係連鎖式餐廳，食物味道嘅質素無論去邊間食、係下午茶時段食、益話係正餐時段食，啲味道都係一樣，所以食下午茶真係好抵。$61 蚊就有碗牛肉麵加黑糖珍珠奶茶。雖然話食物嘅味道跟正價時段冇乜分別，牛肉依然係好林、好有牛肉味，湯底都係夠濃，都係可以當湯咁飲，但係分量就始終都係少咁啲嘅，牛肉只得兩舊，不過放心除此之外面嘅份量都冇乜點少到，都係夠食嘅。至於杯黑糖珍珠奶茶，用咗黑糖黎沖，味道特別香濃，但係，啲珍珠就……好似牛肉嘅份量咁，都係少咁一半！Anyway以咁嘅價錢，肉少咗啲啲、珍珠又少咗啲啲都係非常之抵食嘅

約左朋友係太古睇戲，睇戲之前食個飯廢事睇完出黎就已經差唔多要關門～我地6點幾去到茶木，唔洗排隊！爽～我地3個人叫左3個set，dinner佢有個promo，加30蚊就有白飯+ cake / salad+嘢飲，其實都幾抵既，所以我地都加左～（本身想叫藍莓芝士，點知佢話已經冇曬...sad！）1:酥炸蚵嗲姐係好似炸壕餅咁，上到黎估唔到個壕餅都幾大個炸到金黃色，真係好鬆脆！入面既壕仔都有隻手指公咁既size，配個蚵嗲醬好好吃！而圖中右邊個醬應該係魚露？唔係好清楚，覺得太過鹹了。2:鳳梨鮮果甜酸肉菠蘿好juicy，入面仲有d荔枝，個醬酸酸甜甜好開胃，個肉做得幾出色好嫩，外面炸過有d脆，好吃，但就係份量太小了..有d唔抵食3 ： 三杯雞味道好正宗，雞肉幾嫩，九層塔個味唔多又唔小，啱啱好！好食但都係個句，份量好小，雞肉加埋都冇10舊..每舊雞又唔係大件

今日森仔約咗女朋友仔放工去康怡睇戲，因為剩得一個鐘多少少嘅時間，唯有係康怡入面揀食咩。女朋友又鍾意食台灣嘢，茶木出名穩陣，有主食又有甜品，啱晒一個胃食主食仲有第二個胃食甜品嘅女仔。我哋嗌咗個沙茶大蔥牛小排嘅set，配埋白飯、甜品同嘢飲。牛小排是有骨的，但肉質鬆軟易咬，味道偏咸較濃，汁送飯一流。甜品我地揀咗紅桑子開心果蛋糕，上層係滑滑的mousse cake，一入口平平無奇，但配埋開心果餅底，又少少酸甜味又有口感，上軟下脆飲品就揀咗玫瑰紅茶，茶味較濃亦品嘗到啖啖的玫瑰味，同甜品一齊食簡直係絕配。牛肉麵:e個牛肉麵真係好好食，湯底夠濃牛味，面質俊刀削麵，夠咬口。而牛肉夠林，重牛味，配埋一齊食，令人食唔停口！森仔飲晒d湯添。芒果蜜糖磚:e個係茶木的重點甜品，黎到緊係要必叫。e個食落好鬼正，又有芒果雪糕係面，而麵面焗到好脆口，仲切到一粒粒放反係入面，滿有蜜糖味！nice👍🏼👍🏼👍🏼😆因為甜品係最後先食，所以我叫左後上😂員工就會比e個牌你。到你想上，就比員工。不過，森仔提提你，要早大約20分鐘比佢地準備丫。芒果熱情果梳打：味道一般，較淡淡，芒果味不濃。不過個呂宋芒果肉係真係好正的！額外講講，茶木

星期五約咗個朋友去康山食晏，平時成日都見到好多人排隊，而今次我哋好早就到，11點半開門就入去，所以唔使排隊，坐嘅位置都唔錯，因朋友食晏後要趕返工，所以我哋一坐低就睇餐牌，大家都揀咗食午餐自選套餐，每個套餐$66(另收加一)，有指定前菜(三小碟)，主食(任選一款)，我哋揀咗薑蔥油嫩雞及粟米魚柳，至於飯麵(任選一款)，我哋都揀咗肉燥手作麵，餐飲都揀咗柚子茶，上菜速度夠快，唔需要等好耐。而今次我哋都覺得前菜唔錯，手作湯麵都幾好味，柚子茶唔會太甜，而且又夠大杯，唯一係主食一般，雞肉唔夠嫩，店內環境都算乾淨，職員亦有禮貌，總算係一個食晏嘅好地方。

今日同女朋友岳母去食飯最黎揀左茶木 甘我就第一次黎食呢間 雖然我住附近🤷‍♂️我地叫左兩個午餐同單點左一塊大雞排第一個上茶既係午餐自選套餐豆乳肉排 同 紅燒牛肉手作麵甘因爲第一次叫黎食 所以都唔知岩唔岩甘食到一半 發現旁邊檯張單都同我地一樣叫左呢個餐 但係份野食就唔同既？當時我岳母先食到份『肉排』發現有骨既？再睇下旁邊張檯既餐 唔一樣？好啦 都食左一半 都唔想浪費所以無叫到服務員換餐 甘就繼續食落去第二份午市套餐都黎左 係炸雞排麵呢份餐就無錯啦 仲幾好味既最後等到兩點十分 我份雞排都味到甘我就同服務員反映番啦 佢亦同我去左追餐等到兩點二十分 我就直接叫服務員幫我取消左我自己都做飲食 我個邊都係主賣炸雞我唔明有咩炸雞要炸40幾分鐘？最後我地係套餐叫左兩杯芒果冰沙 係幾好飲既 我個杯飲到最後 發現左一隻蟲？茶木我第一次黎 都會係最後一次 甘既服務 差