茶木‧台式休閒餐廳 (PopCorn 1)

營業中

休息中

一個人黎食午餐🍱叫咗份黑麻油雞翅麵 配 金黃鹽酥雞（小份)。雖然話係小份,但係我認為鹽酥雞份量都算多，而且炸得好好味😋黑麻油雞翅麵內有三隻大大隻嘅雞翼，而且滷得好冧好入味！呢個餐hkd $68.00仲包一杯飲品，蜂蜜柚子茶（熱）飲品杯上仲送咗塊好食嘅cookie 😋很好的配搭。我覺得都好抵食，而且碗麵入面麵條好足🍜最後飽到我都食唔哂。整體感覺唔錯，餐廳空間幾好，唔好坐到好迫，環境又夠乾淨，最緊要係，每一位的員工服務態度都十分之好。

拜完山，太餓走到附近在商場內的茶木吃午飯，没什么選擇點了牛肉面暖下肚。我從前來都是吃草莓香草蜜糖歐軟磚塊。 78元已很大一份，比起我在國內綠茶三十元的好吃多。 今天點的招牌牛肉麵。沒有什麼麵味，口感可以。 牛肉雖然有很厚，可惜一片牛偏乾，另一片好一點。 白蘿蔔和紅蘿漬味道一般，淡！ ！ ！ 湯底很鹹，覺得即食的拉麵說湯底比它還好喝！ 整體不推薦，價格偏高。 覺得最多只值3-4成的價錢。 建議你不要來吃多士以外的東西。

早餐成日食茶記餐蛋麵好悶，所以今日嚟試吓唔同嘅早餐配搭。茶木早餐，7:30am就已經開始有👍今日7:30am入到嚟已經好多人，我見係大部份家長送完小朋友返學坐低食早餐🍳我叫咗份台式肉鬆吐司，吐司上面啲肉鬆幾好食🍞旁邊會有啲菜伴碟。唔夠食可以再加$19-茶木醬油糉（1隻)食落去就好似食緊啲滷肉咁，醬油味太重，我麻麻哋。切開入邊有鹹蛋黃同豬肉肥膏。最醒神係杯熱嘅黑糖薑母茶🤨薑味夠濃夠辣口😍終於唔洗下下早餐都淨係飲熱咖啡☕️

响第二啲區食咗好幾次，呢間第一次去。一入去播住和諧音樂幾relaxing咁，但坐低就開始聞到一陣陣臭渠味，原來呢度做緊臭臭鍋，理解到做生意嘅，但同和諧音樂就唔多襯 xD 叫咗一個麻辣牛肉麵一個紅燒牛肉麵，最後俾咗兩個紅燒牛肉麵 -.- 見樓面好繁忙咁，麵又同價就費事換。 但啲湯底淡咗好多，啲紅蘿蔔同白蘿蔔又唔入味，淨得牛肉似啲樣。 叫咗杯黑糖珍珠奶茶又係冇味嘅，搞到成餐嘢唔知食咗啲乜…加埋一差不多$300，真係唔多抵。

裝修完再嚟一次食茶木，以前所謂台式嘅風味已不復再，入嚟一句「歡迎光臨」好假。講到食物質素，只不過食個下午茶同太興食過茶餐廳冇分別。叫咗個九層塔豬排湯生力麵 配 台式烤香腸，嚟到真係原來塊豬扒麵同出邊茶記食既公仔麵無分別，但我係食緊台式餐廳？另外再叫咗一個，香煎雞髀排湯生力麵 配 台式烤香腸，雞扒好似無醃製呢個咁就算啦，啲香腸都係差啲嘅啫。至少以前嘅下午茶，仲可以食個台式滷肉飯！依家只可以揀豬扒公仔麵或者雞扒公仔麵蝴蝶腸或者炒蛋。仲要計加一⋯⋯太興真係賺到盡。

有時突然諗唔到食乜,就會想食麵,茶木的撈麵我就好中意,次次都叫佢最近去感覺好似細份咗個雞絲也太多沙律醬了,好甜另外個魯肉飯拼排骨也不錯,啱好肉人士🤣同埋珍珠奶茶可揀唔同配料唔一定珍珠,熱都好飲,叫左熱朱古力有棉花糖喺面

當日晚飯後已經食到飽飽！但係成班小朋友出嚟玩又唔願走，又想食吓甜品，又想搵地方切下蛋糕，但係間間都已經截晒單閂門啦！同埋原來將軍澳呢邊可以坐低食甜品嘅地方唔係太多，有可能我哋唔知🤔 上網搵到茶木！開頭仲驚住臨收工先去，仲要只係食甜品，仲要成班細路會俾人黑面！點不知呢度啲姐姐哥哥，態度都好好，冇嫌佢哋嘈，我哋又要餐具又要紙巾有跌晒啲餐具落地咁⋯都冇嫌棄我哋都係講返食物先，第一時間梗係食咗signature 嘅雪糕吐司盒同埋芋圓啦🍧我哋用佢嚟當生日蛋糕切，即係啱晒！小朋友鍾意食，大朋友都好鍾意食☺️個吐司盒賣相靚靚唔使講啦，滿滿嘅朱古力醬，士多啤梨，仲有棉花糖！小朋友爭住食！裏面嘅吐司仲好細心咁樣切到一粒粒， 而每一粒都焗到脆卜卜，外脆內軟，一啖一粒，好好味！仲有個芋圓煙煙韌韌又唔會太甜，唔錯唔錯

第一次忍唔住要寫食評。呢兩年搬咗過嚟將軍澳我堂食得最多嘅，應該係呢一間， 今日啱啱食完一肚火。 首先帶位嗰個見我一個人，就安排廚房前面最差個位，都已經兩點冇乜人大把空枱， 最後我話坐埋牆梳化位， 然後佢講一句掃code落單就好悔氣咁走咗😡叫一個台式撈麵雞絲沙律素鵝拼血鴨，揀走血鴨 因為我唔食。 以前會變成兩件素鵝， 但今次冇，得一件素鵝所以我咪想問下囉。 有個女侍應企喺我視線範圍向住我對住個mon， 我揮一揮手叫唔該， 佢哨一哨我然後原地問「咩事呀？」， 呢三個字即刻辣着我啦，咩事呀？？ 🤬🤬🤬你答我一聲係，或者有咩可以幫到你呢， 呢啲先係做侍應嘅基本禮貌吧?! 我都費事同佢講叫佢叫經理嚟， 同呢個經理投訴佢嘅態度差，然後講我原本想知道嘅嘢，可唔可以轉兩個素餓畀我呢？ 呢個經理話而家要客人主動要求先會換喎， 咁我話我要囉因為一件唔夠飽， 佢話嗰個女侍應係part time， 然後呢個經理放低一件素鵝畀我， 但佢嘅態度都唔見得好，首先一句道歉或者唔好意思都冇😠然後佢加呢件素鵝畀我亦都冇出聲😠， 所以我覺得呢間舖頭上上下下嘅人啲服務態度都有問題，而食物亦都每況如下，我諗我下次應該唔會幫襯最

今日趕時間搭車走人，我就係近地鐵站附近搵左呢間黎食下午茶。首先，我試咗佢哋嘅醬汁沙朗刈包。肉質好咬口又入味，但係有 d 可惜嘅係，舊肉好細塊啊，女仔人家都係兩啖就食曬。如果你唔介意佢塊肉嘅大細，呢個都係一個唔錯嘅選擇黎嘅~另外，我仲試咗福州魚丸肉條紫菜湯。個湯底味道偏鹹，如果你鍾意重鹹，呢個會係一個幾好嘅選擇。再嚟講講茶木嘅街頭小食拼盤，入面有鹽酥雞、古早烤香腸同炸魚蛋。我最鍾意嘅係鹽酥雞，個皮巧脆巧巧食，口感巧正喔，不過古早烤香腸有啲太鹹又乾，令人覺得口渴。至於炸魚蛋，就比較普通啦，冇咩特別。最後，我都試咗茶木嘅兩款飲品。玫瑰紅茶味道正常，冇乜特別。至於奶蓋紫薯奶茶，個樣好靚，只係奶蓋有啲奶粉嘅口感。如果你中意奶蓋入面有夥粒感，可能你會鐘意呢杯奶茶。總括而言，如果你係中意食鹽酥雞同醬汁沙朗刈包，不妨一試。其他野，可以係第二度食。

📍#將軍澳 #茶木#羊羊在將軍澳#羊羊在新界之前KKDAX做優惠，$99就吃到雙人套餐了，超級划算，平時大概只能是一人份🥹不過就算沒優惠也很值得吃，味道不錯😝🐻‍❄️黑眼圈小隊·夜市大步走限定餐點🌟小吃✨自家製台式烤香腸切開了很好看，份量也很多，最後外帶了😝味道跟當地一樣，特別是配了蒜片，馬上回憶上星期去夜市🤣🍠圓滾滾芋泥球很大重量，裡面包了肉鬆跟鹹蛋黃，黃金組合肯定好吃😄🍗金黃鹽酥雞聲稱配了秘製燒烤辣粉或士林鹽酥粉，但吃下去就平平的，還有點放軟😣🌟主食🍜墨汁花枝麻醬手工拌麵麻醬很多呢，所以吃下去很香😤配有一些墨汁花枝條，像甜不辣一樣，煙煙韌韌的😬🍚溏心蛋秘製滷肉飯偏甜的滷肉飯，比較少肥肉，但是份量充足，吃到最後一口也不會沒有滷肉😎🌟飲品🥛四色啵啵芝麻豆乳 不少黑芝麻醬掛杯，拌開了也喝不出芝麻味，飲下去只有糖水味🥺四色啵啵像是浸了很久水的麵團，口感很怪呢😫🥜四色啵啵花生豆乳不好得去那去，有花生味，可是太甜😭豆花碎碎的，喝下去也不搭🫠總價錢－ $99+10% (優惠已完)評分－回頭草指數（🍀🍀🍀🍀🍀滿分）食物：🍀🍀🍀環境：🍀🍀🍀🍀服務：🍀🍀🍀#hkfoodie #吃喝玩樂 #原相直出 #將

叫咗兩個道地小菜，諗住叫兩個白飯，點知個Apps竟然冇白飯叫，白飯要同職員落單……都唔緊要……兩個小菜好快就嚟咗喇～點知問咗3-4次個白飯係咪嚟緊，個職員都話係，但等咗30分都冇嚟到，兩個原本都覺得幾好味嘅小菜都已經凍哂！小菜跟飯係常識，點解呢間茶木可以讓客人對住個等咗30分鐘變凍哂都攞唔到個飯出嚟？老闆請到呢啲員工真倒米！

以前很喜歡在茶木食飯，因為菜式較多選擇；雖然是台式餐廳，但也有西式和fusion的。無論小食主菜甜品到飲品都有很多不同選擇總會找到自己心水的。事隔兩三年沒有食，今次再來發現餐牌上的選擇少了很多。但是下午茶的餐牌上竟然有牛角包窩夫，以這個價錢來說，連飲品CP值挺高。而且味道不錯，兩個人叫了兩個。額外叫了一個刈包連紫菜湯，家人說紫菜湯裏頭的貢丸非常不錯。下次有機會會再吃，希望菜式可以回復像以前一樣選擇比較多，例如地瓜條加梅粉！

茶木開咗好多分店成日同朋友行街，都會見到一間喺附近今次約咗朋友喺將軍澳行街行完街之後入咗去食甜品🍓草莓香草蜜糖磚塊🍓呢個甜品真係茶木嘅signature 記得啱啱茶木開嘅時候蜜糖磚塊甜品係每一台必叫嘅一如以往，甜品賣相好靚😍😍可以用嚟打卡有三層嘅蜜糖磚塊，疊到好高士多啤梨係切開咗一半士多啤梨唔酸，甜甜地👍🏻蜜糖加上士多啤梨雪糕配烤到脆嘅麵包味道真係好好味😋成嗰甜品真係好大份兩個人share啱啱好☺️

難得有晚餐可以慢慢去enjoy，去茶木一定要order飲品。今期有芒果沙冰，試了之後無surprise，不太甜，無愛文芒應有的超甜。而黑糖飲品一定唔會中伏，杯邊的朱古力超甜，加上黑糖真豬，食什麼都衹是其次。值得一題是上面的三兄弟，都好qq。不過到食完都不知，送來的一隻碟是有什麼用？？？點都說下食品，order了牛肉，一般。大家都明。無知點解個pineapple 超酸的，食完成個醒神曬。沙拉是菜。和呀媽是女人的道理一樣。而火龍果魚柳的汁ok，一定好過牛柳的。

今日假期有個悠閒時光，午餐出街食享受下，小朋友一早就指定要嚟食茶木，都好呀唔使苦惱食邊間！😆我哋今次點咗古早紅燒牛肉拌麵、台式烤香腸肉燥飯同金黃鹽酥雞。話真係，每次嚟茶木，小朋友都一定要叫台式烤香腸肉燥飯，佢哋真係好鍾意呢個！呢個飯嘅烤香腸好香，肉燥醬又濃郁，食落好開心。❤️‼️古早紅燒牛肉拌麵亦都好好味。牛肉好嫩滑，紅燒醬汁又夠味，同拌麵一齊食更加好食。金黃鹽酥雞係我哋另一個必點的選擇。雞肉外脆內嫩，每口都帶有鹹香味，真係好開胃。😋❤️茶木嘅服務非常友善，食物上嚟得好快，而且份量都好豐富。環境舒適，適合一家人聚餐。唯一要留意嘅係經常都有好多顧客，有時可能要稍等一陣先有位。如果你鍾意台灣菜同傳統風味，茶木係一個值得一試嘅地方。尤其係如果你有小朋友，佢地一定會愛上呢度嘅美食！‼️❤️