茶木‧台式休閒餐廳 (已結業)

雖然茶木熱潮過咗好鬼耐，但由於小弟走在潮流末端嘅關係，始終都係無食過。同女人係Broadway 睇完戲之後，心血來潮就順腳上咗兆萬茶木啦。始終都有第一次呀嘛。自問係選擇困難症重度患者，所以都廢事揀，直接叫咗餐牌推介嘅士多啤利蜜糖磚塊（好似係咁叫）好彩係兩個人 share ，一個人食真係會食唔晒，因為以甜品嚟講真係好大大大大大大份，當正餐咁食都仲得。揭開蓋住嘅麵包，就係入面嘅蜜糖磚塊，細細塊，點埋雪糕甜甜地係幾好食，個餐牌係無老點。下次都可能會再試下其他，嗯。

成日聽d朋友講話茶木好好食，但當我一聽到佢地話要等位等好耐，我就自不然唔想去排同等😪  巧合地我有一日閒日出左旺角，立即search下哩間餐廳既位置，先知兆萬中心都有分店，我估計無瓊華噤多人等，就決定一於去試下! 我大約晚上九點去到等位，人唔算多，都只係等左五分鐘，坐低後我決定食晚餐再食甜品 叫左個set dinner，個set係跟個小菜，叫左沙嗲個牛仔柳另跟一碗飯，有個前菜沙律同一杯飲品。個牛仔柳好似落得鬆肉粉太多噤  但味道不俗再散叫左個炸排骨麵，但排骨味道好奇怪，個陣味我唔識形容，完全唔係我想像中既豬排味道  但個湯麵幾好，似刀削麵，口感不錯👍最後，壓軸既蜜糖磚塊多士，我個人比較中意食朱古力，所以叫左朱古力味雪糕 好好味，雪糕底下多士內藏住一粒粒脆蜜糖多士粒，一啖雪糕一塊磚塊多士，配搭得好好 下次我再黎，一定必叫哩個既其他味，睇得又食得🙈

平日晚上7:30pm, 去左新開分店既茶木.由於時間尚早, 人流不算多, 8:00pm過後, 開始多人.店員有好多, 勤快有禮, 下單, 上菜既速度都剛好, 食完拿著號碼紙去收銀處結帳.我同友人叫了小食 x 1, 吐司 x 1, 飲品 x 2 . - 綜合水果茶 ($34) :入口酸酸甜甜, 好開胃清爽, 選擇左凍飲, 好岩夏天. 下次要試試熱飲.茶味唔算好濃, 水果味突出, 而且有多種水果, 如草莓, 藍莓, 菠蘿, 青檸. 還有特別的酸莓. - 香蕉巧克力冰淇淋 ($32) : 朱古力同香蕉都平衡到, 唔會好甜膩, 冰凍入口順滑. 而面層既雪糕都係香蕉味, 正丫. - 藍莓香草磚塊蜜糖吐司 ($68) :外觀好華麗, 有2粒草莓裝飾, 一球草莓味雪糕, 還有藍莓漿, cream, 綿花糖, 藍莓粒..配上蜜糖吐司, 一睇到已經好吸引.蜜糖吐司好脆口, 又有甜甜蜜糖香味, 就甘食已經好好味. 配埋雪糕, 一冷一熱仲正.食完中間個層, 就開始自己切開底層, 沾上配料同食.  最驚喜係草莓味雪糕還有果肉.最後我地先食埋最頂層. 好full 好滿足. - 黃金鹽酥雞 ($48) :香酥好味

今日陪囡囡去旺角試補習課程，見未夠鐘上堂就係周邊睇吓有D咩食肆等落堂嘅時候可以醫肚。就係兆萬中心睇中依間茶木台灣餐廳，咁未食過例必上openrice睇吓食評，點知未有人寫過，不過見有其他分店嘅食評評語唔錯，一於去試試，真係冇失望，又經濟，又好味，賣相又靚，囡囡超開心呀！肉噪伴麵$58麵質爽口彈牙，肉噪濃香加上芫荽再放點牛肉湯撈埋一齊食，有D身處台灣嘅感覺！芒果蜜香厚多士$68有球芒果味雪糕加上打得香滑嘅忌廉同新鮮芒果肉再配搽上蜜糖烤得香脆厚多士，視覺同味蕾都滿足晒！囡囡話下次要帶埋公公，婆婆嚟試吓！

茶木最近在旺角又開了新分店，趁新店未有太多人排隊，又近我工作的地點，放工就約朋友來一聚吧。水果茶材料十足，有火龍果，士多啤梨，橙，話梅，賣相已滿分，水果味很濃，橙味濃郁，但甜到有點蓋過茶味，不過整體感覺開胃消暑。黑糖薑母油嫩鴨想不到黑糖薑母和鴨是蠻合襯的，薑味適中，不會嗆，黑糖與薑母的配搭剛剛好，而且鴨肉多汁，不錯。松露夜菌奶油手作麵芝士香氣濃郁，加上奶油令口感豐盈，麵質比闊麵更有彈性，跟綿綿的忌廉溶為一體，喜歡奶油的朋友一定不可以錯過。紅燒牛肉麵湯底牛肉味濃郁，麵條彈牙得來又黏韌，牛肉惹味，而且肉嫩帶軟筋，有口感，配上紅，白蘿蔔是最佳的配搭，不錯。巧克力香草蜜糖磚塊全晚最期待的甜品出場了，最頂層有朱古力雪糕，雪糕表面佈滿綿花糖，cream及士多啤梨，下層就有三塊烘過的多士，頭一塊中間是空心，中間的一塊是把多士切成方磚形狀，再放回入中空的多士中。吐司切成粒狀，塗上蜜糖烤過，粒粒香甜酥脆，再沾著雪糕放進口，令層次更豐富。整體對食物質數滿意，不過不能訂位，要取籌排隊久方能入座，有點費時，而且進餐時間又有限制，有點趕，未能跟朋友盡情談天，普通晚飯是不錯的選擇，如果朋友聚舊談天就不太合適了。