茶檔 (已結業)

之前去中環食早餐食咗四季，今次試埋喺附近又差唔多類型嘅茶檔啦😬 一人30蚊左右其實幾抵食！😋 沙爹牛肉麵早餐 $33😋 茶檔厚多士餐 $25足足平四季常餐15蚊，印象中好似仲平過光榮🙊 湯底同四季同光榮唔同，佢哋用嘅係忌廉湯底，比較濃同埋幾creamy。沙爹牛肉就唔係咁濃味喇，唔知係佢本身唔濃定畀忌廉湯影響咗啦～ 唔係話個湯底唔好，但一山不能藏二虎，兩樣正嘢撞埋一齊就會互相搶味，呢個忌廉湯用嚟食火腿通粉相信係好鬼正😝 沙爹牛嘅份量都幾多，冚住麵嘅大半位置 btw茶檔比四季同光榮嘅早餐仲多塊餐肉🤪沙爹嘔麵早餐跟嘅多士係普通無烘嘅多士再加薄薄牛油，無四季嗰個烘完再加大量牛油咁癲🤣 而厚多士餐嗰塊就烘得好香喇，小編叫咗奶醬多，幾正😆仲想特別講埋佢哋杯奶茶，幾滑㗎，記得試！

哩間茶檔喺中上環嘅中間～同樣方便中環/上環返工嘅打工仔去食lunch～所以今日專登約埋朋友去試下🤓• • • • •🧚🏻‍♀️英式早餐🧚 [$45]個英式早餐唔算太大份，女仔或者細食嘅人都應該會食得晒，但男仔就可能未必夠食啦🤪兩條腸同兩塊煙肉都煎得幾香，唔會太多油🥓個蕃茄切得幾厚，咬落去都幾Juicy🍅蕃茄上面仲淋咗茄汁豆，食落就係正常超級市場嗰隻是蜜味茄汁豆🤣多士都幾多牛油，但係偏淋，如果烘埋底會更加好🍞兩隻太陽蛋都有煎燶邊，個黃唔會熟咗，仲係識流嘅～🍳而我食all day breakfast最期待嘅就薯餅😝佢薯餅食落好香脆，都算唔錯，但如果再熱啲就好😜.🧚🏻‍♀️新記豬頸肉煎蛋芝士汁撈麵🧚 [$57]好耐之前已經想試尖沙咀間新記芝士麵，可惜未食到佢就已經執咗🥺今次嚟到見到茶檔有賣新記芝士麵就忍唔住即係叫咗份🙋🏻‍♀️佢嘅芝士汁真係好多🧀可以鋪滿全個碟，撈完之後每啖都一定會食到芝士汁😆我覺得佢嘅芝士汁都算濃味，而朋友試完就覺得之前尖沙咀新記芝士麵嘅會更加重芝士味，但都可能因為哩個原因茶檔嘅就冇咁膩👀煎蛋唔係流心嘅～🥚豬頸肉嘅份量好多，專登數過有9塊🐷仲要有少少燶邊都真係幾好味🤤• • •

午飯和同事回到機利文新街，因為他說很餓，所以決定和他去吃飯。茶檔出品的飯有質素，價錢又唔貴。他的餐牌選擇不算多，練多兩年都是那幾樣，但對於中環打工仔來說， 已十分足夠。今次我點了叉燒滑蛋飯，同事點了豬頸肉煎蛋飯。煎蛋做得好靚，水噹噹的，豬頸肉都好厚身，好入味。我的叉燒滑蛋飯，蛋和叉燒的比例都不錯，加上甜豉油和香蔥等，簡單又好味。這裏的飲品其實質素也頗不錯，我的奶茶茶味也夠，奶味也有，比例均勻。埋單每人$60有找，比起食連鎖餐廳，價錢相宜得多。

今日咁岩要去中環順便去食個lunch 就去咗呢間由荃灣新記冰室開嘅分店～ 入邊嘅裝修行懷舊風格 好似去咗以前嘅茶餐廳咁 #懷舊常餐-沙嗲牛肉通心粉配火腿炒蛋及牛油厚多士🍜今次就叫咗我去食茶記必叫嘅沙嗲牛肉🐮沙嗲牛肉好入味唔似其他嘅沙嗲汁好稀 通心粉亦都好厚身唔會腍晒 炒蛋好滑份量又多💛估唔到喺中環都可以食到平價午餐 💛 下次一定會試吓佢最出名嘅新記芝士汁豬頸肉撈麵😋而家市道咁差大家一定要支持黃店啊💪🏻

中環食飯唔一定又貴又唔抵！行緊皇后大道中嘅時候，見到一間茶餐廳，咁啱又覺得肚餓，於是行咗去試吓。入到去我就叫咗一個蔥油雞翼煎蛋飯，都只係$55; 而我朋友就叫咗個常餐，一邊有火腿炒蛋牛油多士配雞扒米線，價值$52。中環呢個地方黎講，都算好平好抵食。個炒蛋仲要好香嫩，能夠做到咁，唔係好多間茶餐廳可以做到。絕對值得一試！我哋仲叫咗一杯熱奶茶，一杯熱檸茶。奶茶細滑香口，而塊檸檬都幾新鮮，浸咗好耐杯野都唔算好苦澀。

想食黃店常餐 四季常餐又成日排長龍 🚶🏻‍♂️不妨行多幾步食呢間😛仲有新記冰室嘅招牌芝士撈麵揀添🤩⚠️ 佢啲蔥油雞脾飯 燒豬頸肉煎蛋飯 望落去都好吸引🤩店裝飾得幾令😚好有懷舊風 有兩層座位😆————————————————————————🐕懷舊常餐 ($52)🐕 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯香煎雞扒配上忌廉湯通粉雞扒厚身嫩滑😋忌廉湯底雖然少少油略帶咸味 配上通粉幾夾👍🏻通粉雖略為軟身但可接受幾鐘意佢個多士 夠大塊厚身😋外脆內軟怕肥人士可以好似我咁炒蛋轉煎蛋 牛油另上😜不過聽聞佢炒蛋幾香滑😜⚠️ 同行友人話忌廉湯配沙嗲牛會偏咸 兩者唔太夾🤣唔推薦呢個組合

今日黎到中環機利文新街呢條巷仔既茶檔食lunch，叫得呢個名以為會好地踎，不過裝修都好新淨，有少少走懷舊風。見到餐牌開正旗號有賣好出名既新記芝士麵，原來佢同新記都係同一個老闆，中環既打工仔都可以黎支持下🙌🏻新記豬頸肉煎蛋芝士汁撈麵超級超級多既芝士汁，金黃色咁好eye catching，面頭塊煎蛋既蛋黃橙黃色勁流心😻😻芝士汁屬於相對流質既質地，不過掛汁力都好強，芝士味濃，帶奶香味。豬頸肉份量唔少，好厚身，係甜甜地既蜜汁味，不過之前食過新記芝士麵，佢既豬頸肉應該係煎過，食到好香既燶邊，今次呢個就似淨係炆過，淋咗少少，如果有埋燶邊就更好啦。人均消費：$60推介指數（10分為滿分）：8分

《 茶檔頹飯？》放晏午餐最好嘅選擇一定係茶記碟頭飯，快靚正！最近食左一間好味茶檔。叫左個炭燒豬頸肉飯，豬頸肉真係唔讚唔得，豬頸肉唔係用曬全瘦肉有啲肥肉配搭令到豬頸肉好Juicy。而且碗飯仲有一隻燶邊蛋，食落脆脆地，又有流心，搭埋甜豉油汁，邊有得輸！唯一美中不足就係飯量偏少，男士可能唔夠飽🤔

咁岩去上環行街，我地行到餓餓地，有朋友推薦左呢間懷舊黃店。果日嘅lunch hour都唔算好多人，我地唔使等位之餘，店入面都唔算好逼，坐得都幾舒服。我地果日叫左一個星洲米同一個豬扒飯，當然唔少得配杯凍檸茶。等左一陣就有得食了，上枱嘅野食睇得出係好有心機即叫即煮的。我本來覺得茶記都係咁上下架啦嘅心情試左我嘅星洲米。去茶就基本試我都會叫星洲米的，因為呢個小炒可以好簡單，點整都入得口，好安全。可惜，呢樣野食好多餐廳都會是旦倒一堆咖哩粉，是旦一堆米粉就算。但呢間嘅旦洲米，米粉爽滑得黎，仲要師傅唔重手，咖哩粉同其他香料岩岩好，食完唔會獨咸，亦可以食到米粉整來嘅米香味。好想再翻去一次，食下其他野。臨走嘅時候，我地擺多左錢畀老細，因為老細放左一堆蘋果日報畀食客拎走。我地都好欣賞呢重做法。點知老細叫住我地，畀翻多左嘅錢我地，拍拍我地嘅肩就轉身走翻埋收銀枱。

中環搵食出名艱難…一到Lunch time周圍都排哂長龍…仲要大熱天時…真係諗起都標哂汗😅😅…今日揀左間叫“茶檔”既茶餐廳…係機利文新街。 12:40係電車路一轉入去機利文新街…大鑊…間間鋪都俾10幾20人圍住…心諗“茶檔”都走唔甩…點知到“茶檔”望之下仲驚😱…間間鋪都排哂隊…係佢唔使排仲有好多吉位…好燶伏味😨😨…不過間間都排隊…唯有用血肉之軀試下叫得“茶檔”…當然試下佢地個凍奶茶…野食就爭紮左一陣…因為見到“大廚推介”同“招牌推介”…兩個keyword一齊出現有選擇困難😅。 最後見到香蔥…以為係蔥油既朋友…所以點左香蔥雞扒飯凍奶茶第一啖幾濃幾好飲…不過飲到尾就淡左d同有少少澀味。 個香蔥雞扒飯原來唔係蔥油黎架…係好多一條條既蔥同加左美極醬油炒成。 味道都可以…係細碗少少。 呢個價錢係中環都算ok

作為一個係中環日忙夜忙番工既一名小薯🙈每一日既午飯時間都好頭痛,因為要喺短短既一個鐘時間入面,要食飽飽再行埋番埋公司！終於喺無幾耐之前俾我揾到一間良心💛小店@sunkeecafe 相信好多喺中環番工既朋友仔,都會知道哩間💛小店！所以一到食飯時間,無論店內定店外周圍都有滿滿既人群！今次係我第二次黎哩度,根據我平時既口味！無論茶記定cafe,都要試下每間小店既All Day breakfast 🥞🥓🥚————————————————-英式早餐🥣有煙肉🥓香腸🍖煎雙蛋/炒蛋🥚茄汁焗豆/蕃茄🍅薯餅🍟再配牛角包🥐/厚多士🍞唔夠飽既話仲可以加錢$加飯🍚麵🍜/其他配菜———————————————講真味道就當然唔會好出色,但就住性價比同方便快捷既程度,而且仲要喺中環哩個地方食到,正常黎講,都真係無可挑剔架啦！如果可以減到少少咸既話,就更加完美啦！😄

早前，當媽咪去大陸玩，我無飯開，放工便走到中環機利文新街的新茶記 <茶檔> 食下午茶！ 下午茶 2:30~6:00下午茶：瑞士雞翼煎蛋乾撈麵 & 奶茶紅豆冰 $55瑞士雞翼煎蛋乾撈麵 $45兩隻瑞士雞翼既大隻又多汁入味！撈公仔麵選用公仔麵，見到麵條依然是彎曲，以為口感有彈性，卻是口感頗腍不討好！勝在色澤均勻夠味！奶茶紅豆冰 $26 (跟下午茶餐 +$10)比預期大杯！加入奶茶後的紅豆冰，顯得不太甜，亦有助減低甜度 ，略嫌太多冰！ 兩款港式特飲的配搭，出奇地夾！比起紅豆冰更啱我口味！係咪抵食，真係見仁見智嘞！

在中環經常有聽到朋友說這裡的食物及茶的質素頗高, 專程從中環走路來這裡試試. 第一次來, 餐牌上的义燒滑蛋飯, 芝士汁撈麵都頗吸引. 最後還是點了蔥油瑞士豬扒飯. 豬扒鬆軟好吃, 用上瑞士汁帶點甜甜的味道. 蔥油極香又下飯. 最合我心意是米飯都是粒粒分明, 軟硬適中. 比連鎖快餐店的飯要好太多太多. 餐飲的凍檸茶, 喝得出茶底香濃又滑, 誠意十足. 埋單的價格大約是$60, 中上環食肆的普遍價格, 但質素很高, 日後會成為飯堂常常來吃. 

⤫ 叉燒滑蛋飯舖位前身係出名食叉蛋飯嘅蛇竇，開返係同樣嘅位置當然要試下係咪拍得住馳名嘅叉蛋飯啦。比較偏向炒蛋而唔係滑蛋，叉燒口感幾好唔會榎歰歰，甜豉油味道唔錯但份量比較少，食到後面得翻白飯。整體不過不失，份量正常。⤫ 瑞士雞翼（5隻）當日實在太想食雞翼，一個人食主食加小食，結果就當然係 好飽 好飽 好飽啦。不過都有意外嘅收穫，瑞士汁同薑蔥配飯都一流，彌補返飯唔夠汁嘅缺陷，雞翼都好入味，小可惜係雞翼上檯已經唔熱。⤫ 凍奶茶正常發揮，唔係個啲好水好淡無乜味嘅。中環堂食店黎講算幾抵食，而且上菜都幾快，啱曬附近嘅打工仔，不失為lunch嘅好選擇。鋪頭座位唔算多，人多嘅可能外賣會比較適合。

第一次幫襯 叫左碗爆蒜椒鹽豬扒飯食本身好期待 以為好好味 但太失望🤦🏻‍♂️炸蒜太多 新鮮蒜沒有 味道有點苦👎👎與其他餐廳吃到的不一樣 味道一般 有待改善 環境方面還可以 但食飯時有蚊飛來飛去😡😡有點影響🙅🏻‍♂️ 🙅🏻‍♂️這點大打折扣希望貴店可改善質素 謝謝🙏