茶痴 (已結業)

大概一年前係上環飲過，個時候準備過年，佢哋仲送左包利是封比我。估唔到！依家開到佐敦了！太興奮太開心即刻幫襯🥰買左紅火龍走甜，食到本身火龍果嘅清甜味，加上小小鹹芝士奶蓋，夏日熱辣辣都即刻降溫～從此佐敦不再是廢水沙漠了🤣🤣

今日去佐敦食午餐，食完之後打算行下街，行下行下，大熱天時，大汗耷細汗，緊係要買番杯凍飲降一降溫。係佐敦見到有一間手沖茶，選擇都比較多，我幾鐘意佢個裝修，雖然地方細細，都會放下啲乾花，增添清新氣息。.🍚 桃膠金絲皇菊冬蜜茶睇個名好勁咁，決定叫呢杯睇吓你個龍定鳳。飲得出真材實料，見到店員有用熱水加蓋焗一焗啲菊花，菊花既味道會更加出，桃膠都俾左大半杯，份量充足，本身冬蜜茶都會比較甜，所以我覺得微甜之後係岩岩好。.總括然而，今次試呢杯桃膠金絲皇菊冬蜜茶好唔錯，下次有機會會再試下其他口味。