茶皇殿

營業中

休息中

去過三次,次次都有蝦碌鏡頭,好似剝花生咁睇戲,但今次真係忍唔住要寫食評~酒樓最敗筆就係啲樓面嗰個企喺度唔知做乜,一係就走埋你張枱騷擾你傾計,無啦啦食緊嘢走埋度搞你佢哋唔知搵乜嘢好做。見到隔離枱好多投訴,上次見隔離枱叫咗每人一位上的鮑魚餐,嚟到炒埋一碟上枱,唔怪得隔離4人呱呱嘈要攞返入廚房分碟。其實食物初時沒大問題,只係食一次差一次。所謂一蚊嘅燒鵝越食越差又韌又柴。諗住平平地一蚊优惠。搵個位坐下是但食算啦,每次見啲侍應行好古靈精怪行同衣著騎呢見到都幾反胃。環境新個場靚都冇用,應該唔會再去。尋晚9点未夠,食食下個侍應冇問我,非常自然地隊張單呢要我埋單。我枱面仲有食物嗰場仲有十幾台客我都好愕然。呢度啲侍應好唔掂,個個好似炒散咁,完全冇紀律同質素。食食下嘢無啦啦又走埋你張枱搞下啲餐牌餐具,旭下啲枱面又唔知做乜,直情騷擾客人。我好介意食緊嘢時冇需要幫助D侍應槓埋嚟,冇距離唔衛生,啲管理層點解唔搞好啲,請埋啲咁樣嘅質素楼面趕客。裝修咁靚又有鬼用,嘥曬啲錢咁樣落去真係好快玩完。楼面呢頭扮有服務呢頭追你埋單趕客,侍應戇居居只顧趕吃宵夜收工,趕客走好矛盾。見到呢班人工作啼笑皆非衣衫襤褸更反胃,食都食得唔

冬瓜盅送來是湯已經冇咗一半向傳菜反影她沒有理彩，剛有個疑似部長經過，他說攞返入廚房加水，後來再送出一模一樣的也是之前個沒有換𠆤新的，由侍應分湯後一啖入口淡而無味已知發現只加了半盅水，叫客人怎接受喱？真是不知所謂，沒有良心的酒樓，其他菜也不掂，以後不會再來🤬此店由開張到現在都是劣評，請用心做好吧🤷‍♂️

我都極少出食評，今次真係忍唔住要講一講。其他分店唔知，油塘分店完全唔掂。服務又冇，飲茶好似自助咁，乜都要自己嚟，想搵個侍應係極難。食物又唔見得好食，鹹肉粽入面一粒肉都冇。另外我第一次見燒賣外面塊皮係溶嘅，仲衰過一般屋邨茶樓。話就話飲茶送代幣玩夢幻樂園，但係消費$300先送4個代幣，而玩個夢幻迷宮其實係要288個代幣/2小時。送4個真係好慷慨！總結係完全唔掂，如果要講優點，只係因為隔離就有個樂園比小朋友玩。

今日帶屋企人去飲茶，落單後等咗30分鐘啲點心都未送到，我同個侍應講叫佢幫我睇睇，我等咗好耐，佢話ok，ok完之後一直都冇反應，直到10分鐘後我搵另一個侍應，先發覺原來係冇幫我落過單，我發哂脾氣。個侍應即刻幫我落單，同應該有同廚房催單，因為落單後啲點心都嚟得幾快下，但可能係咁嘅原因，啲點心唔係好夠熱。食物質素唔差，不過啲服務質素就有待改善。

食過兩次，d 樓面好似炒散咁樣，咩都唔知。抱住「呢單嘢唔係我跟開」嘅態度，要乜冇乜，除咗套餐個白飯。職員又懶醒話會幫我跟個小菜再話俾我聽，結果無返過嚟。單都冇落過。親子餐廳方面，隔籬嗰個遊樂區唔係連住。同你喺商場去咗冒險樂園間舖嘅感覺一樣.....嘢食味道都正常，但無服務。

油塘大本型新開咗間親子酒樓，將酒樓+兒童樂園二合一，喺酒樓門口等位悶悶哋，可以陪小朋友去旁邊玩下遊戲先。是夜先來品嚐下酒樓大廚嘅功夫先！黑椒炒牛仔骨通常去酒樓食飯，我鍾意點煲仔小菜，一來夠鑊氣，二來大多數煲仔菜都一定經大廚炒兩炒再上碟，所以熱度十足。而呢款黑椒炒牛仔骨味道濃郁而不太油膩，牛仔骨肉味濃，分量亦多，最鍾意係夠！鑊！氣！鹹魚雞粒豆腐煲嫩滑的豆腐加上雞肉，調味不俗，惟鹹魚味略淡，但依然係送飯必選，推介！清遠走地雞將雞煮熟後，再沾旁邊的蔥油同食。以為係主角的走地雞，味道卻平平，雞肉不太有雞味，肉質不過不失，而蔥油不夠香濃，食落雖然無乜問題，但亦不見得很出色。蒜蓉炒白菜仔

本身真係好少去街坊酒樓度食野，感覺其實唔喺太多野食，而且有好重味精。最近油塘因為foodcourt做唔住關閉左，呢間新酒樓又岩岩開，就過左黎試下。佢哋做緊一蚊一隻鵝或雞，我一坐低，侍應就好殷勤咁問我不如先落左隻雞先，因為淨番最後一隻，我咪即刻order 囉。之後睇番周圍啲人都係食鵝，就知道鵝已經沽清。不過以落par一蚊起計，我就大條道理再慢慢睇有咩其他野食。諗左一陣就慢慢地向侍應order冬瓜盅同埋唔知邊一樣野。點知都係沽清。咁我就叫左小炒王，本來諗住叫三樣最後變左兩樣。個雞同小炒王其實都幾好味，小炒王更加係好足料，雖然喺用急凍海鮮，但係個醬炒得唔錯，又冇雪味，又有口感。隻雞都係中上之選。但係其實埋單都係200蚊內，先唔好講好唔好食，如果每張單都係因為餸菜不足，再加上已經有隻雞填飽左個肚，再再加上之後冇乜返枱，其實都幾難做，希望佢地加油，再定好啲個市場策略同入貨管理。都希望我再有第二次幫襯時已經有改進

我未試過去過一間餐廳係成單都冇落到，人生入面最差嘅堂食經歷。因為實在令人難以接受所以特等開左一個openrice account 在此留下評。我地平日8點入左，叫左三個菜，其中一道菜因為係特價燒鵝所以供應有限。等半粒鐘都未有野到，於是就叫左侍應過黎，先發現其實冇落單。當侍應想幫我地落單嘅時候，我地想點嘅菜都已經售罄。最令人難以接受嘅係經理嘅態度。完全沒有道歉嘅打算，仲要笑笑口話幫我地再落單就冇問題，完全唔覺得自己做錯野。在此希望告誡所以人，光顧此店前請三思。

上個月新開張已經喺油塘fb grp見到好多負皮咁我覺得新開張員工未習慣啫！所以畀啲時間啲員工做熟手啲先今日晚餐去試試-去到門口有得拎飛 就拎咗等咗陣見無嗌過飛就問職員（佢望住我哋拎飛的） 佢話有位唔使等飛🙂入到去 有侍應問飲咩茶我話唔使茶，要滾水，畀個茶壺就得啦佢指住個水壺 話呢度咪有囉我要茶壺都係想用自己茶葉😂唔通放落去水壺咩到最後佢咩都無畀我 連差我2個茶位都無畀🙂我問另一個侍應拎其他meun因為我見到其他枱有唔同嘅佢Up咗一輪野 話有其他又話無其他menu然後menu都未畀就叫我哋落單我哋話未睇最後先拎多張畀我哋🙂落單果陣 我哋嗌完啲野食佢要重複返幾次又係咁問我哋係咪嗌呢個其實個menu得套餐 咩都set好曬唔知點解我嗌親啲咩都要問我哋我哋只係嗌咗3樣野但可能因為佢掛住問我哋野無寫單佢企咗喺度成分鐘寫單😅仲要唔記得🙂✨後記✨好彩咁啱唔餓，因為無太多選擇，完全唔知食咩好同埋食食下野有個侍應企喺我哋隔離好耐😂唔知做咩呢度裝修好靚 但枱太密呢度餐具好靚 但好污糟✨食評✨🐟清蒸虎杉斑-蒸過龍🥬金銀蛋泡時蔬-一般無特別 已經係最好🥹🦞上湯焗澳洲龍蝦（伊麵底）-龍蝦份量算多，但啲麵好碎

油塘新開茶樓等位唔算耐點心🥧精緻又好味炸蝦卷有驚喜好脆好好味流心奶皇包好熱又流心蝦餃多汁又新鮮燒賣同樣好好食足料晚市食左龍蝦伊面好抵食 係新開未夠人手之後應該會更好

平日1點半左右入座，入面都好熱鬧，坐滿7成客人。D姐姐都係未上手咁，鐘意望地下唔望人，揮左一陣手終於有姐姐過嚟收點心紙。上茶上點心速度算快，交左點心紙5分鐘左右，就陸續上點心，手同口冇停低過，呢樣幾好，全部食物放入口都係熱嘅！除左燕窩鮮奶達，應該係凍食？！有漏單情況，只係漏左一樣食物姐，姐姐幫手check左有入單，係上漏。坐左40-45分鐘左右，走果時蝦餃都未上。食物味道正常，冇驚喜。賣相吸引。3個人埋單$308。今次試左個名比較特別嘅菜式，味道正常，不過不失。