茶聚冰室

營業中

休息中

店名:茶聚冰室地址:九龍土瓜灣下鄉道23號地鋪🤗🤗茶聚冰室🤗🤗今日行開土瓜灣，見行到有少少肚餓，於是就搵間茶餐廳醫下個肚仔。見到呢間茶餐廳嘅餐牌價錢合宜，所以就坐低試食一下。我呢一個係豬扒牛角酥，自己第一次食呢個組合。🫢🫢首先講下個豬扒，佢係熱辣辣嘅，牛角酥都好鬆脆，配埋沙律菜，整體冇油膩感🥰👍👍👍讚！而且佢上菜嘅速度都唔係太慢，同朋友傾咗10分鐘都冇就已經可以上菜👍👍整體嚟講今次試食滿意！

朋友住喺土瓜灣呢頭，去佢屋企玩順便食埋午餐。佢推薦呢間位於佢樓下後街車房附近嘅一間茶餐廳。見裝修幾新穎，不過就比較細，容納唔到太多人，繁忙時間都預咗要搭枱🙈不過餐牌上啲野食都好吸引，比較新式，有別於傳統茶餐廳。皇牌頹飯 (主菜配滑蛋+法蘭克福腸) 送熱飲💰HK$50主菜同埋配汁都可以簡，今次我就簡咗特色豬頸肉做主菜，配汁就簡咗忌廉粟米汁！雖然佢叫做頹飯，但係其實佢一啲都唔頹，非常之足料，啲汁多到差唔多覆蓋晒啲肉🤤炒滑蛋都好大舊，法蘭克福腸係脆皮果隻，豬頸肉就係香煎過嘅，外脆內彈牙😋不過可能就係因為太足料，所以食完舊滑蛋之後就覺得有啲滯，最後食唔晒啲飯～ 建議胃口唔大啲人，下次可以落單之前叫少飯會好啲🫢下次嚟搵朋友玩會過嚟再試吓佢嗰啲特色下午茶，見佢嗰啲特式吐司同埋牛角包都好吸引😜不過逢星期日都唔開同埋唔做晚市，所以只可食佢嘅早餐、午餐同下午茶～

土瓜灣一向都勁多野食選擇，今次同朋友一行幾人去試下呢頭既茶記，本身想食果間無開，呢間之前都想試，今日一於試下佢係門口要等一陣位，一路等一路心思思想食咩，價錢唔算貴，不過選擇多多，常餐都可以有唔同配搭👍🏻👍🏻👍🏻👍🏻👍🏻對於我呢啲選擇困難症既人，簡直係快樂既痛苦😂😂😂😂最後掙扎完都係揀食午餐-懷舊公司飯（$56）即係有雞扒，腸仔，火腿，餐肉同煎蛋🥰🥰🥰餐湯跟餐送既整體黎講不過不失既，不過同行朋友食既焗飯好似比我呢個吸引😂😂😂

茶聚@土瓜灣茶餐廳嚟講，真係好高汁🤩碎蛋沙律出色生炸🍗都好正，唔係死柴皮，外脆內juicy🤤💜●‿●💜🏡：👍🏻👍🏻👍🏻😋：👅👅👅👅💵：$37 X 2 🚶🏻‍♀️：🙋🏻‍♀️🙋🏻‍♀️🙋🏻‍♀️🙋🏻‍♀️#hkfoodieblogger #hkfoodies #hkfoodlover #hkcafehopping #hkcafes #hkcafelover #coffeelover #香港食好西 #香港美食 #香港吃貨 #香港咖啡店 #香港咖啡 #咖啡日常 #香港美食指南 #香港小食 #hkcoffee #hkcoffeeshop

一個人去茶餐廳，滿座冇位，叫我等等，之後有三人和兩人排隊，有人走，但先俾位三人。無錯，餐廳係要賺錢，但都至少應該先跟我說聲，依家唔聲唔聲，咁我仲等唔等？下一次有位會俾我定俾兩人？開口問佢點解咁安排，佢仲大大聲話人地三個人，仲建議一係你加埋佢地四個一齊坐。生意係咁做架咩？一間細細街坊茶餐廳咁對待街坊？一係一早講明唔做一個人生意，咁我唔洗向門口等三個字，浪費客人時間。如果餐廳冇基本禮貌，唔尊重客人，眼中只是小錢小利，食物品質和材料質素都唔會有良心。

公司對面開咗間食得入口嘅茶餐廳，攪到我成日唔知食乜就 whatapp 落單，隔一陣過條馬路就攞嘢食實在太方便 🤣🤣🤣🤣上星期返 5 日工幫襯咗 3 餐，1日蒸魚，1日蒸肉餅，1日無食午餐叫咗個吐司下午茶，今日又叫個魚柳飽下午茶餐，食物味道比一般茶餐廳好味，咖啡奶茶都可以，但熱檸茶有苦澀味，希望佢哋會改善啦。餐單選擇唔算多，開業以嚟比意見都有從善如流，有時行過都見午膳時間門口要等位，比起舊嗰間我見個門面都唔想入 😅😅利申：唔係打手，每餐都真金白銀比錢架，真係喺正公司對面夠方便咋 🤣🤣🤣

公司附近新開咗間茶餐廳，裝修乾淨企理，第一日新開同事請食下午茶，可惜落單嗰位叫錯咗我個餐，嚟咗個蛋治烘底，從來我都唔喜歡烘底包外賣，因為多數會焗到個包淋咗，果然走唔出呢個命運，但啲滑蛋係香嘅，凍咖啡有驚喜 👍👍上星期叫咗個午餐麵豉蒸魚飯，味道唔錯，例湯好夠味，奶茶都得 😋早兩日唔知食乜， whataspp 問午餐有乜食，原來佢哋每日換頭像就係當日午餐，好有諗頭喎 👍👍可惜唔啱食，於是叫咗個常餐，腸仔太咸，义燒就普通，相對午餐就較為失色。由於位置實在太方便，第日無預備午餐都可以 whatsapp 落單去攞囉 🤭🤭