茶舍 (淘大商場2期)

營業中

休息中

九龍灣茶舍位於淘大廣場，地點方便，裝修雅致，座位寬敞，坐得相當舒服，係約朋友輕鬆嘆個早餐嘅好地方。鹹牛肉滑蛋牛角酥包 $46呢款鹹牛肉滑蛋牛角酥包賣相吸引，牛角包焗得鬆脆香口，內裡夾住軟滑嘅炒蛋同鹹牛肉，鹹香味濃，配埋牛角包嘅牛油香，口感豐富，食落滿足感十足。野菌沙嗲牛肉湯公仔麵 $43（附丹麥包+火腿炒蛋）湯底帶濃郁沙嗲香味，辣度適中，飲落帶點野菌嘅鮮甜味，牛肉夠嫩滑，配公仔麵剛剛好掛湯。丹麥包焗得酥脆，火腿炒蛋炒得香滑，作為套餐嚟講算係幾抵食。凍咖啡（+ $3）特別要求少冰、少甜、少奶，入口依然有咖啡香，但因為減甜減奶，整體味道偏淡，適合唔鍾意太甜太奶嘅人，但如果鐘意濃郁啲，可以叫正常版。九龍灣茶舍環境舒適，食物選擇多，價格中等，以茶餐廳嚟講算係有誠意，會考慮再訪！

呢間港式茶記係九龍灣都幾有人氣價錢公道大眾化足料又好味焗野係即叫即焗 有焗野·意粉·焗扒·牛角包等等 食物款式選擇多👍🏻.🫧菠蘿鮮茄三層焗豬扒飯 $64嚐鮮的豐富層次焗飯面有一層拉絲芝士🧀 焗至微焦 色香味俱全豬扒外焦內嫩 搭配新鮮的菠蘿🍍同番茄🍅味道酸甜酸甜好開胃.🫧咖喱雞焗飯 $66濃郁的港式咖喱醬汁 仲會穩穩食到香料味香辣咁相當惹味😋雞肉好嫩滑 米飯吸收咖喱🍛的精華 好入味食到停唔到😙.🫧蒲燒鰻魚炒珍珠飯 $72見到粒粒鰻魚已經好安心 唔係得個味果隻炒飯珍珠米飯粒粒飽滿炒至金黃好滿足

今日同屋企人去咗淘大搵嘢食，見到呢間茶舍望落去好乾淨舒服，Menu 嘅食物款式又幾吸引，就入去試吓。坐低後手機落單，第一次食當然要試吓D推介嘢啦，我地點咗個蟹粉炒飯同濃蝦湯飯。首先上咗個湯飯，好好味，D湯好濃，熱騰騰，食材好豐富，有大蝦、帶子、青口、魷魚… 等等，真係落足料；另外佢地嘅蟹粉炒飯真係好有特色，側邊鋪滿蟹粉，再加上D櫻花蝦超香口，每一啖嘅口感都好滿足，擺盤亦好靚，仲有佢地D嘢飲都好有特色，好靚好好飮。佢地嘅出品真係可以媲美高級餐廳嘅水準，值得一試再試，係一間性價比非常高嘅Cafe。

茶舍Hi Tea係咕吱其中一間最愛茶餐廳，每次佢都會order蛋黃煙肉卡邦尼長通粉蛋黃煙肉卡邦尼長通粉 嘅份量適中；醬汁足夠均勻沾上長通粉同配料之中，而且卡邦尼味道濃郁；長通粉嘅烹煮時間得宜，唔會太腍亦唔太硬；煙肉洋蔥，冬菇同蘑菇等配料，就中規中矩啦但由於價錢只係$58，仲包嘢飲，總體性價比都幾高

今日收工同朋友臨時約飯, 見淘大呢間menu勁豐富就佢啦坐低望menu struggle咗好耐, 意粉焗飯鋸扒炒飯 唔想咁heavy食包食沙律都有, end up都係放棄, happy friday決定對自己好啲 跟機同朋友各要咗個最平嘅牛扒佢個餐都足料, 有湯有沙律有飲品, 不過個湯麻麻 講唔出係咩味 白湯但唔係平時啲忌廉湯 之後塊扒上到黎呆咗, 勁厚勁大舊, 黑椒汁正嘅, 仲有啲瓜菜可以refresh下, 舊扒我叫咗三成 都ok唔會太un, 朋友叫五成已經完全係第二個世界lol so far cp值好高, 但下次一定唔會女仔一個人叫一個扒, 絕對食唔晒

當您踏入九龍灣茶舍，彷彿踏入一個美食的仙境。最近我造訪了這家餐廳，品嚐了他們的精緻料理，留下了深刻印象。柑橘炸雞件，外酥內嫩，每一口都散發出柑橘清新的香氣，帶來意想不到的驚喜。蝦汁龍蝦仔蘆筍長通粉，蝦子鮮甜多汁，搭配蘆筍和通心粉，口感絕佳，令人回味無窮。而魚子三文魚蛋炒飯則展現了大廚的精湛廚藝，每一粒飯都充滿了魚子的香氣，與三文魚蛋的絕妙搭配，讓人欲罷不能。這裡的料理不僅味美，更是融合了對食材的用心和獨特的創意。服務也是一流的，熱情周到，讓人倍感溫暖與舒適。九龍灣茶舍給人的不僅僅是美食的享受，更是一種身心靈的愉悅。如果您也是美食愛好者，絕對不能錯過這個讓人沉醉的美食天堂。

茶舍 (淘大商場2期)地址: 九龍灣牛頭角道77號淘大商場2期地下G242-245號舖電話: =====================打完8號風work from home 星期一返公司特別忙，日日ot 已不在話下，今日又要再再再更長時間，送工都夜只好買take away 食$54 鮮茄汁香煎豬扒滑蛋飯，成家都愛吃滑蛋飯，個汁酸酸甜甜好開胃$64 蒲燒鰻魚滑蛋飯，個汁真是妙，配落蛋同用來撈飯食，日式風格味道滿滿$64 咖喱雞焗飯，個咖喱汁富層次，唔會太辣主食加$12 仲有湯同salad ,超值 呢間款多又抵食，menu 上每樣試，都可以幾個月唔重複架！

真心唔好食牛扒 開頭叫5成點知嚟個十一成熟..佢肯換都好啦 188蚊咁貴諗住有啲期望好食..完全無牛味..塊扒變3成熟都接受 ..殼飼安格斯完全無牛…我老婆叫果個紐西蘭肉眼又係…加埋都成330幾蚊.. 咁q屎啲牛扒 ….

落單嗌凍咖啡，黎到就俾熱咖啡，叫佢換過杯去到就黎食哂份早餐都未到，好聲好氣同年紀唔細嘅女服務生講就兇神惡殺咁話黎咗十世係我自己話唔要，出錯野叫你換番見你哋忙都等咗陣啦仲要咁態度，火都黎埋我係黎食野唔通d野唔啱我都要照單全收？仲話唔係話緊我係同入面水吧講好明顯就說話比我聽，連搭枱個倆母女都話佢態度差不可理喻，因為坐緊近出餐口之後就不停發脾氣咁揼碟揼杯想點呀，一直都好鐘意黎依到食連外賣都成日買番去食，但咁嘅服務態度姐係趕客啦。

淘大呢間茶餐廳舒服好坐 係我同老公嘅指定飯堂環境好似cafe咁舒服 食物就偏向茶餐廳 都幾特別帶子魷魚青醬燴天使麵加配餐湯同沙律好大碟份量好足料 女仔一個食唔灑 仲要勁多莞茜 岩灑我呢個莞茜控！跟餐既龍蝦湯夠灑濃郁好飲！香脆魚柳三重芝士撈麵 魚柳大過手掌 仲要外脆內軟同埋入口都夠熱 而且爆多芝士 邪惡但滿足😌仲追加左綠茶朱古力蛋糕🍰 好好彩係最後一件個樣好靚 味道都唔錯 唔會好膩 唔掛之得咁搶手啦！人均100食到咁飽仲有甜品食真係正！

九龍灣茶舍 開係豆漿大王對面個個位原來都幾多分店今晚搵嘢食個陣比佢啲餐牌吸引咗環境光猛是是正正晚餐選擇多除咗正路嘅炒飯焗飯意粉之外 仲有啲立雜嘢牛角酥 沙律 各種小食今次叫咗個鰻魚炒飯同埋青醬天使麵鰻魚炒飯係用珍珠米 大粒飽滿嘅飯吸收曬甜甜嘅鰻魚汁其實就咁食飯已經好出色鰻魚切咗小件 一塊塊吃幾有口感天使麵嘅青醬 比想像中惹味麵條煮到偏軟身 配埋各種海鮮好易入口 龍蝦沙律牛角包雖然唔係即整酥皮唔會太脆 不過牛油香味仍然keep到而且睇到沙律醬滿滿食落唔會太乾柴柴龍蝦份量都多 味道可以 沙律醬比較搶風頭整體而言今餐都好滿意晚餐時段六7十蚊一客正餐 跟野飲冇加一 而且份量足 環境舒服衛生冇地方挑剔

今日去左淘大花園探朋友，買埋外賣去佢屋企，位於商場二期的茶舍絕對係好選擇，價錢平又多野食揀又好味。我地揀左個菠蘿鮮茄三層焗豬扒飯，蒜蓉汁雞扒滑蛋包飯，鮮茄汁豬扒滑蛋包飯。全部都包熱飲，凍飲加3元，仲可以加錢揀其他特飲。先講兩個蛋包飯，大大碗，回到家，蛋仲好滑的，飯是炒過的蛋飯，豬扒好大塊，煎得很香脆肉嫩，好好食，鮮茄汁同蛋很夾，而雞扒都是很大塊厚肉，煎得香口，又juicy,蒜蓉汁特別惹味，記得都是60元左右，抵食又好味。菠蘿鮮茄三層焗豬扒飯更厲害，好多料，豬扒很多，又落了很多芝士，好正啊，啖啖料，配料菠蘿番茄都多，應該是即叫即整，回到家仲熱辣辣，飯都是炒飯來，整個好好食。

📍茶舍 (淘大商場)我之前已經試過其他舖，晚餐都好大份，味道都好食👍🏻今次就試左外賣自取，叫左2杯星級特飲同2個主食🤤💕 牛肋骨滑蛋包飯 ($82)入面有3個蘿蔔，照燒汁配牛肋條同滑蛋牛肋條好冧 又唔會好un 份量好抵食，入面有6舊牛肋條💕蝦汁龍蝦仔露筍長通粉 ($78)呢個岩岩開始新出嘅我比較細食食到1半已經開始飽入面有龍蝦仔粒、蘑菇、露筍龍蝦汁味重🦞仲有啲紫洋蔥💕朱古力綿花糖生椰乳特調☁️ +$18朱古力味配椰汁都好襯現場飲應該會好岩打卡💕西瓜椰椰🍉🥥 +$18入面有粒粒西瓜🍉配椰汁唔會好假甜咁，西瓜迷嘅我推薦而家外賣預點有85折優惠，今日點餐仲諗緊食咩，舖頭姨姨就介紹左蝦汁龍蝦仔露筍長通粉同帶子魷魚青醬燴天使麵。叫完外賣，姨姨仲叫我係舖頭入面等，出面熱Menus:門面:

由於屋企冇焗爐嘅緣故，所以有時經開呢間餐廳都會買啲焗飯返去食，茶舍呢間餐廳喺呢幾年開咗好多間，證明佢哋係做得幾成功菠蘿鮮茄三層芝士焗豬扒飯:經典焗豬。炒飯底做得幾好，粒粒分明。嫩滑多汁嘅豬扒,經過焗烤後表面金黃酥脆,肉質真係鮮嫩惹味。蕃茄醬唔會太甜，所以食多都唔會好膩，為整道菜增添咗酸甜嘅氣息。最後再鋪埋一層香甜多汁嘅菠蘿,同蕃茄醬嘅味道完美融合。芝士嘅份量亦都唔係講笑,經過焗烤後會形成一層香濃rich的芝士層。咖喱牛腩焗飯:炒飯底同樣做得唔錯，一層香滑濃郁嘅咖喱汁,配埋碎粒嘅牛腩,口感非常豐富。,咖喱嘅辛香味配合牛腩嘅鮮香,非常唔錯，而且所有焗飯都係即叫即整非常新鮮順帶一提，佢嘅咖啡都幾好，啱晒我呢啲夜晚都會飲咖啡嘅人😂😂

茶舍 (淘大商場2期)地址: 九龍灣牛頭角道77號淘大商場2期地下G242-245號舖電話: =====================又到幫手做外賣仔照顧小朋友日，去了九龍灣shopping mall 買完先去！呢間多野食，見晚市都好多街坊幫襯，就買了3個樣食，一齊share$54 鮮茄汁香煎豬扒滑蛋飯，成家都愛吃滑蛋飯，個汁酸酸甜甜好開胃豬扒滑蛋飯，個汁真是妙，配落蛋同用來撈飯食，日式風格味道滿滿海鮮鳥冬好多海鮮，蝦蜆青口等等雞翼脆卜卜好食🤤