茶色生香

營業中

休息中

行過見到，見到推介Oreo芝士奶蓋就買黎試下。都不錯，芝士奶蓋分量足夠，啖啖都可以飲到奶蓋同Oreo，飲完覺得好飽。但是一定減糖，因為茶底都偏甜。奶茶味唔算出，可能芝士味已蓋過奶茶。但都值得推介

石門小店眾多，其實呢個商場都幾好行。除咗夾公仔、買下少少精品衣服，仲有好多小食及飲料。呢間茶色生香係一間非常非常出名嘅手搖茶飲店，成日都會諗起，佢嘅「西瓜牛乳」真係好出色，又唔會太甜，又清新又香，次次飲完都好開心。除了「西瓜牛乳」，佢嘅芝士奶蓋都好出色，好濃郁好好味，仲有其他茶飲例如霸氣水果茶，茶底好香，值得一再支持。小店絕對需要支持，否則只會剩返晒所有大型連鎖店，質素又唔能夠保證，價錢又貴，咁就好唔抵啦。

🥤石門必飲良心飲品店經過呢間野又心心念念入去幫襯成日都好掛住佢個芝士奶蓋🧀聽人講🍉🥛牛乳西瓜好飲，就即管試試佢果然唔錯👍🏼一路飲正啖啖西瓜香一路飲到香滑嘅牛奶味加埋一齊好 smooth，成件事好match 叫左走甜都好夠味另外加左芝士奶蓋，total $44另加芝士奶蓋嘅奶蓋份量會比芝士水果沙冰個層奶蓋少🥹🥹掛住奶蓋嘅我表示唔夠喉好想要多啲奶蓋，但喱杯牛奶又好好飲😂好難揀🤤已經好想再買

芝士奶蓋好好味 一試難忘試過之後成日心心念念想再買奶蓋就咁單獨食都好正已經係encore再買 鹹道適中 唔試會後悔‼️火龍果沙冰 夠曬味 店員話最少3分糖 如果唔係沙冰打唔起飲落都唔會太甜 剛剛好

石門京瑞商場好多細細間嘅外賣舖仔，仲有少量坐/企位比你食外賣，真係好啱嚟掃街行住食呀！幾間茶飲店都試過，今次試下茶色生香，門面同啲餐牌設計都幾靚幾有心思。叫左杯推薦牌上面介紹嘅水果茶，店員好細心簡單介紹下唔同茶底有咩分別，我哋就揀左濃啲嘅四季香。果然飲落真係茶味好突出，唔會比水果同甜味蓋過曬，真係要茶葉煲得夠先做到架。水果放滿成隻杯，比得好足，唔同生果都有啲，檸檬比到個酸味、橙出到酸甜、蘋果同西瓜中和下、菠蘿再補足甜味，杯野叫左微甜都夠味，推薦大家試試☺️

第一次行京瑞廣場，原來入面有咁多小店！呢度都有好多間手搖舖頭，最後被呢間良心黃店吸引，原來學生幫襯仲有優惠添。落咗單唔使1分鐘就有得拎，好高效率。宇治抹茶$29- 我哋加$5寒天，唔知係咪因為寒天本身都用糖水煮過，就算我叫宇治抹茶少甜，我飲落去都係正常嘅糖度，好似冇少甜到咁。抹茶味濃郁，唔重奶味，寒天口感煙煙韌韌。我覺得抹茶漸層效果整得好靚，用嚟打卡一流。如果一個人飲晒嘅話會好飽，最好同朋友share一齊飲會好啲！

真係幾好飲 大大杯之前幫襯開第二間 但係呢間芝士比較好飲 草莓味沙冰加芝士奶蓋叫咗半糖 不過好似都有少少甜不過冇葡萄味～睇吓遲啲會唔會有啦阿媽飲芒果味 都話好飲， 芝士算幾多

終於經過茶色生香，可以試下佢個奶蓋。😋返到屋企奶個依然仲喺度，但係下面嘅茶已經比奶蓋混和左。茶就好似唔太夠味，奶蓋鹹香夠味落去層次分明。overall不錯不過可能會再試多啲其他鋪頭

石門返工既我，自從發現左京瑞2期有間新開既珍珠奶茶店後，幾乎每個星期都幫襯佢至少1-2次珍珠奶茶茶底飲得出係用茶去沖，吾似平時其他店用奶精沖，感覺天然好多，飲落好舒服，珍珠好有咬口，正不知不覺就買左十幾次，每買一杯一個印花，十個印花就可以免費換一杯，全店飲品都揀得，最貴都無問題，吾洗買一杯送一杯，係直接送一杯比你，好有良心今次我揀左荔枝酪酪，好飲，有好多果肉食，乳酪味道都好足，真係真材實料，好有質素重回幾位店主哥哥都好友善，我地飲到有折扣變成全個京瑞最抵飲既珍珠奶茶店

石門新開良心店🧋輕盈芝士奶蓋啱哂下午茶時間飲返杯 再係附近幫襯下其他良心店🤩•🧋芝士桃香茗茶(微糖少冰) $34 佢嘅芝士奶蓋係屬於輕盈果一種奶味唔算濃 係淡淡的芝士香同埋奶香 唔錯茶底有淡淡的桃香味 同埋有少少香片嘅感覺😂夾埋個芝士奶蓋都幾好飲係稍為甜咗少少😂🧋芒果益力多(少糖少冰) $36 成飲都係芒果味 feel都用左唔少芒果但益力多味唔太出 似飲緊芒果沙冰多d不過不失建議叫微糖/無糖 少糖太甜了🧋芝士宇治抺茶(少糖少冰) $35個芝士奶蓋就同上面講既一樣佢宇治抺茶味都幾濃嘅 但就真係勁勁勁甜真係要叫微/無糖先得😂芝士同依隻茶唔太夾🙈

今日去石門剪頭髮💇 搞掂之後 見到新開的手沖飲品店🧋🥤就去幫襯下先😋😋😆 爭扎左一陣諗叫玫瑰定芝士珍珠奶茶好 最後都係叫 🌹玫瑰珍珠奶綠$29 呢杯飲品無得揀甜度 本身都擔心會唔會好甜🙈 好彩 甜度岩岩好 唔會太甜🥰🥰🥰 味道唔錯 有淡淡的玫瑰花香 同綠茶茶香 奶味有啲啲重 不過唔會蓋過玫瑰花香😋👍🏻👍🏻 珍珠軟硬適中 煙煙韌韌 而且仲有啲甜甜地😋😋 -後尾同店員傾計先知 原來呢間芝士奶蓋比較出名 🤣 下次再黎試下 呢度嘅芝士奶蓋先😝😝 可能太耐無飲珍珠奶茶🥲🙈 所以未返到屋企 都已經飲左一半啦😂😂

石門返工，樓下2期新開左間珍珠奶茶店，等我又試下先試返最原始嘅珍珠奶茶🧋揀左綠茶底，嘩好飲過平時紅茶，無甘死甜，感覺奶精無其他店甘多，好好飲呀珍珠煙韌彈口好咬口，正同事叫左芝士四季春茶，佢話芝士好多好好飲呀都，比其他店芝士多好多，又唔會好膩仲有試左芒果益力多，成飲都係芒果味，仲有好多芒果肉，但飲吾出益力多味，似係似緊芒果飲品多d，有點失望既，但都好飲同埋叫左百香果四季春，酸酸酸很酸呢，飲左一半飲吾到了，太酸🥺吾知關吾關半糖事總結：整體暫時珍珠奶茶同芝士奶蓋系列唔錯好似，但果茶同益力多就好似一般價錢都偏貴，普遍$30/杯，未有儲印花功能，希望之般有印花儲啦，不竟石門間間珍珠奶茶店都有印花儲，無就輸蝕咗啲，但2位男店員好友善

飲咗三杯一杯係鮮芋奶茶睇個紫色都諗住係香精味 唔會好飲架啦點知仲要冇味嘅 淡到似水一杯芒果牛乳芒果有渣牛奶味又係好淡寧願比多少少錢去買壹茶好過人地態度又好啲又好飲啲真心勸唔洗試啦大家