茶走

營業中

休息中

招牌茶走（少冰）真係有港式茶走 風味，茶底味道有茶嘅 香郁同層次感，入口順滑，完全唔會嚡口。而家唔需一定要去茶餐廳飲，而且可以揀凍飲啊！茶走 或者奶茶 係代表香港茶餐廳 嘅其中一樣特色。飯後 或者食一件西多士，又或者食一件巴斯克蛋糕，再呷一啖茶走，真係有一種幸福感！白桃烏龍茶（少冰）烏龍茶 顏色金黃色，睇落都好清新。而飲落口 先出烏龍茶 味道 ，口感十分清爽香濃，再出 白桃味 甜味，兩者好夾，清新得嚟又解渴。四吋開心果巴斯克外面冇華麗嘅裝飾，但係見到開心果 嘅綠色 已經心心眼😍，入口味道先係充滿濃烈嘅芝士味，跟住開心果味會滲出來。而口感軟熟，綿密細緻，濕潤度剛剛好，濃郁嘅乳酪融化喺口中，清爽不膩，好滿足。

經過見到旺角多左間茶飲店✨分別叫左茶走，牛油果酸奶茶走 L size $29茶味濃郁好甘香，入口順滑同奶嘅調配比例都唔錯👍🏻牛油果酸奶 M size $36拎上手都有d重見到好足料！～兩者加埋帶少少牛油果香味之餘酸奶味亦好出平時鐘意飲酸奶嘅朋友仔絕對可以試下佢嘅酸奶系列唔會因為加左糖令到酸奶飲落太甜👍🏻伯爵茶巴斯克蛋糕 $38伯爵茶香味同芝士嘅香味各佔一半大家都唔會搶左大家嘅味道食落亦唔會太甜😋同朋友share就啱啱好😙仲有紫菜肉鬆，芋泥虎皮卷等等下次可以再試埋佢😙

招牌茶走 奶茶迷必飲🧋茶走衍生自香港原有既的絲襪奶茶指使用煉奶取代淡奶同砂糖既奶茶入口奶茶香滑 茶味濃郁好飲過唔少茶餐廳🫢·抹茶鮮奶🍵 淡淡抹茶香撲鼻而來飲落去充滿馥郁茶香 口感綿滑·肉鬆虎皮卷好足料大大嚿 滿滿肉鬆唔會有好甜膩嘅cream 推薦！

喺旺角又發掘到間唔錯嘅台式手搖飲品，除咗飲品仲供應蛋糕招牌茶走 - 茶記熱嘅茶走飲得多，凍嘅真係冇乜見過，話明招牌，質素真係唔錯，茶底香醇，濃得嚟唔澀，口感順滑，提神之選白桃烏龍 - 烏龍茶底香濃，同白桃味好夾，又清新又解渴栗子伯爵蛋糕 - 一層層栗子蓉、cream、蛋糕咁好有層次，口感同味道都好豐富，甜度適中，賣相好靚，有聖誕氣氛蛋糕櫃供應嘅款式同口味都唔少，各款蛋捲同巴斯克蛋糕都好吸引飲品選擇好多，款款都想試店面又靚又乾淨，帶點日系嘅感覺，下午茶吸買杯嘢飲買件蛋糕真係幾寫意

招牌茶走$26推薦大家嚟旺角行街一定要試呢一個又順又滑嘅奶茶！飲落去會飲到好濃郁嘅奶香，茶味亦都好突出。呢一隻奶茶唔係其他珍珠奶茶舖嘅嗰一啲茶底，係有少少偏向茶餐廳沖出嚟濃郁香醇嘅嗰一隻奶茶。冰涼方面可以揀真多冰、正常冰同埋少冰。甜度就可以要原汁原味 、扣底同埋飛沙。荔枝青茶$36 如果揀合家歡水果茶系列嘅話就一定會係大杯裝嘅凍飲。見到呢一個系列下邊菠蘿烏龍冰茶同埋荔青清茶係最出名，不過平時出邊啲舖頭荔枝味好難試到，所以揀咗荔枝味嚟飲。濃郁嘅茶底配有好多荔枝果肉，飲起上嚟又有啲嘢咬吓非常解壓。仲會飲到原粒嘅荔枝添。Tiramisu $38 喺旺角食完飯再食呢個Tiramisu個size好啱，啲cream 打得好滑好輕盈，加埋吸滿espresso 嘅意式手指餅層，口感層次滿滿！味道方面唔會太膩，每層tiramisu 都一入口就化開左，一啖接住一啖食都得。

✳️今日放工，我喺旺角山東街50號地下D及E號舖嘅「茶走」試咗幾款外賣，話明返屋企享用，心情特別好。✨首先，招牌茶走凍奶茶（$26）真係唔可以錯過！一開袋就已經聞到香濃嘅奶茶香味，飲一口，滑順得嚟又唔會太甜。✨然後，試咗四季春冬瓜茶（$28），呢杯茶就係清新嘅選擇，冬瓜茶嘅味道清甜。✨講到糕點，伯爵茶巴斯克蛋糕（$38）就係今日嘅重頭戲。外表金黃，切開之後，內裡柔滑嘅奶酪與伯爵茶香味融為一體，口感綿密，食落去有種滿足感。

呢日同朋友去麥花臣睇演唱會入場前口痕想搵啲嘢飲Openrice見呢間新開嘅「茶走」幾多選擇沿路都有唔少人攞住 即刻去試吓好遠都見到霓虹燈招牌 好sharp醒望住個menu都有選擇困難症同其他手搖飲品店有少少唔同 呢度有Hong Kong style茶走好想飲港式奶茶但又驚瞓唔着但又抵受唔住 決定試吓🤣茶走即係落煉奶個杯設計得好有心思 加咗香港特色嘅招牌飲落去茶味幾香 唔會澀口又夠滑後面仲寫住我好撚鍾意香港 好有心朋友要咗白桃烏龍顏色有少少漸層 好吸睛烏龍係茶包 浸住令茶味更香濃白桃味道唔會假 幾好飲除咗茶飲 仲有蛋糕要咗肉鬆虎皮卷$40勁大件 2個人share食剛剛好外面焗得好靚 真係虎皮嘅顏色🤣入面有非常多餡料 有蛋、麻糬、紫菜同肉鬆 好豐富味道唔會太甜 又有多重口感好飽肚👍🏻

經過見到間野叫‘茶走’，即刻係open rice search見d食評都唔錯，作為一個茶走忠粉一定要試下，買左杯凍招牌茶走，點知十級失望… 完全稱唔上好飲，連正常都稱不上，完全無茶走的精髓，成杯野奶味太濃，完全無茶味，浪費左個quota…

見到新開呢間茶走真係超級多人，仲要有好多唔同優惠，咁啱又買一送一，就去睇吓。除咗好多款唔同嘅奶茶，仲有蛋糕，同埋蛋卷。我好鍾意佢哋個杯，上面寫住我好撚鍾意香港，好有心思。佢嘅奶茶杯都好結實，飲管都好結實，唔會好似其他飲管咁樣插唔到一杯奶茶度。🧋招牌茶走呢杯茶走真係名不虛傳，絲襪奶茶唔用淡奶，改用煉奶，所以佢奶香十足，啱啱好岩我啲口味。茶底帶少少苦澀味，同奶嘅香滑完美融合，飲落去有種懷舊feel！🍓荔枝青茶呢杯荔枝青茶好清新，荔枝味非常香甜，入面仲要超級多果肉，一啲都唔吝嗇。配合清茶底，唔會太膩。飲落去有陣陣水果香，清新解渴。🧀伯爵茶巴斯克呢個巴斯克芝士蛋糕比較結實，外層微焦。伯爵茶嘅香氣滲入芝士蛋糕中，成個甜品唔會太甜，味道非常平衡。

經過旺角見到開咗間新手搖飲店4/11-8/11開業優惠奶茶類買一送一😍-🔸招牌茶走 （$26）身為奶茶迷超級推介呢款招牌茶走👍🏻入口奶茶香滑茶味非常濃郁香醇一啲都唔澀鍾意港式奶茶嘅朋友仔一定要試呀🩷味道比好多茶餐廳都仲要出色好有驚喜！🔸招牌手工芋泥（$40）芋泥份量佔咗三份一杯足料好味！配搭香滑嘅鮮奶非常之飽肚！🔸開心果巴斯克（$38）餅皮微微焦香但入口卻沒有焦香味！開心果香味適中不膩口感軟滑蛋糕不會過於乾身唔錯👍🏻

山東街有一間新開嘅茶飲店，新開張期間仲有新張優惠奶茶買一送一添😎有別其他嘅台式茶飲店，「茶走」係主打港式奶茶☕️，支持香港style 😎😎門口左邊仲有張bar 枱可以打卡添📸📸除左招牌茶走系列外，仲有港式風味鴛鴦、咖啡等，仲有奶昔、沙冰、水果茶等等門口仲有一大個雪櫃放咗不同嘅蛋糕🎂、盒子同肉鬆貝貝添😆睇見都流哂水🤤🤤招牌「茶走」可自選甜度冰度😆「茶走」係用煉奶代替淡奶，唔使再落砂糖，咁就可以有甜度得嚟，口感仲會更加順滑濃郁，另一重點就係個茶底😆茶香濃郁，加埋煉奶之後中可以有回甘嘅茶香👍黑糖珍珠奶茶🧋黑糖珍珠煙煙韌韌，黑糖珍珠本身都有一定甜度，所以建議奶茶可以再揀少甜啲😌原味巴斯克切件蛋糕🍰巴斯克芝士蛋糕超有驚喜😆入面仲係軟心嫁😍😍食落去口感超級滑順，仲有3款口味添，下次要試埋另外兩隻口味🤭