影片
港鐵灣仔站 B1 出口, 步行約3分鐘
繼續閱讀
電話號碼
93394029
營業時間
今日營業
07:00 - 21:00
星期一至六
07:00 - 21:00
星期日
全日休息
以上資料只供參考, 請與餐廳確認詳情
一日之計在於晨食個好嘅早餐，全日先有精神今日又係食灣仔區嘅茶餐廳做早餐叫咗個牛肩胛配腸仔公仔麵嘅一個普通早餐又蒜又有蔥同埋有幾款辣油有幾條菜係加分嘅，豐富嘅早餐，可以加蛋加好多嘢（不過就要加$10咁就冇加到）除咗早餐，仲有好多嘢食啲甜品呀嗰啲咁我當然唔係早餐食啦，就平時午餐或者晚餐大家都可以嚟食咪試吓成日舖頭入面就比較細嘅，不過都坐得幾舒服嘢食都中等一般啦不過不失都補充到一日嘅能量嘅，咁就叫咗齋啡埋單$4x-5x, 豐儉由人
繼續閱讀
原本想食附近另一間比較出名嘅甜品舖，但因為嗰間滿座，我要趕巴士遂作罷～點知失落嗰時竟然係巴士站附近發現呢間小店，門口寫住「甜品·糖水」。即刻衝入去睇menu！又幾多嘢食(˶‾᷄ ⁻̫ ‾᷅˵) 點左碗龍眼冰冰～（店員姨姨幾熱情，一入去就招呼我）龍眼冰上面好多椰果，啲碎碎冰咬落好爽，雖然無龍眼肉係面頭，但味道濃郁，椰奶好多，每一啖都白花花，好好味！一碗$40，性價比都唔錯👍🏻下次經過灣仔可以再試吓其他～
繼續閱讀
今晚放工同男朋友經過，一路諗緊食咩好，就被親切嘅侍應姨姨熱情推介晚餐，見到餐牌上嘅和牛漢堡扒煎蛋飯賣相十分吸引，於是就點左呢個晚餐～～侍應姨姨好快就拎左兩碗無味精嘅中湯，（記得有西洋菜、豬展等）無一層油喺面，感覺健康好多😃碟飯賣相同相片相似，漢堡扒肉質juicy, 有少少黑椒味，好開胃！兩隻煎蛋邊都有少少脆，好香口！（抱歉無特別影到相）之後我地叫左兩個甜品，侍應姨姨好好，推介我哋點單球疏乎厘，只係$28，點兩份都平過雙球😝於是我哋一人點咗一份，一份係焦糖咖啡味，另一份係海鹽芝士味，兩份都非常出色！面頭嘅cream 滑而不漏，疏乎厘好有空氣感，完全唔實👍🏻性價比真係超高！估唔到一間看似普通嘅小店食物質素咁高！特別要一讚呢度嘅侍應姨姨服務態度好好，好耐心推介唔同嘅食物迎合客人喜好，而且都好細心，好有家庭式經營嘅感覺，同客人有講有笑，充滿人情味，實在係很好嘅用餐體驗，會再次幫襯！
繼續閱讀
食個晏前後唔夠三十分鐘都俾人趕 😡🔥灣仔區食晏一向都係追追趕趕，但係從未試過好似呢間食店，杯嘢飲只係飲咗一半就俾人問食物到齊未？示意叫我盡快離開，覺得我阻住佢入客我：「食物到齊，飲埋杯嘢飲先得唔得？」店員：「（以唔客氣嘅態度講）出面好多人排緊隊」於是我立刻迅速飲埋杯嘢飲，放低杯唔夠一分鐘就收走個杯。知道小店坐位有限，食完都會盡快離開，如果店員以客氣啲嘅態度，講幫忙盡快離開，我會好樂意並理解。本人放飯時間有限，亦都唔會賴死唔走。由到店至離開全程唔夠三十分鐘都俾人趕，呢間食店今次第二次幫襯，唔會有第三次了😌🚫👎🏼#第一次留食評#未試過嬲到要上嚟留食評
繼續閱讀
服務員安排座位不妥當…我入座時店內有很多空位，我兩位隨意坐下…不久有位服務員安排我另外一張枱..一張只可兩人坐的枱…我們坐下跟着同我講要坐多兩位…張枱太細了沒有可能再加人、我說我坐返之前兩個位、服務員說不能因為有5 人嚟緊…其實之前有面壁枱，我可以坐這裏…她又不安排我坐..最後我好不滿走了…難道兩位要我們就五個人嗎？五個人不可以分開坐嗎？她們亦未到，服務員也沒有放在留坐牌在抬上…是不是真的有人留座？還是想等有多客可以坐呢？其實我係周圍去試嘢食者…推廣比外地人唱好香港食物…但今日呢個體驗令我實在太不可理喻⋯⋯有位唔俾人坐.. 每個人做得咁辛苦只係為餐食.. 想座得舒舒服服….我希望呢間餐廳要改善一下…怎樣去留住客人為先⋯⋯
繼續閱讀