茶魚飯后

營業中

休息中

下午茶時間又到，今次去到一間街坊餐廳開餐！見到門口嘅下午茶餐牌，被圖片吸引住😍🗻🗻🗻🗻「 雪 山 西 多 士」🗻🗻🗻🗻由於本人是西多士愛好者！所以即時入去試試先😅食物上台，一共有4塊迷你西多士！每一件裏面都係配上花生醬🥜味道方面正正常常，沒有太大驚喜！都係大家想像到嘅味道😙至於飲品方便只係普通嘅凍檸茶，所以沒有特別拍照了😅食物正常OK👌不過價錢比較貴$4x🤔📍茶魚飯后（天水圍天瑞商場分店）

每次同屋企人經開呢間茶餐廳，都被外邊的麵包🥯吸引住。雖然未入去食過常餐，但麵包就買得多💰。這一間茶餐廳啲麵包好高質素👍一定要推介✨地方就腳，只要喺📍天瑞站一落車，行至兩三分鐘⏰就會見到，非常之方便。✨有時好彩，麵包又剛剛出爐🔥真係熱辣辣，非常之新鮮【食後感】📝✔️麵包好脆，好好食🤤✔️成個包咬落去，口感贏晒✌️✔️平價又大份💰✔️款式多，任君選擇如果配埋熱茶☕️飲，簡直一流🫶🏻🫶🏻嘅下午茶🫖

之前食過鴨腿湯飯呢係好食嘅今日就睇圖叫咗個海南雞飯，可能係我唔識啦，我明明叫咗個海南雞飯，結果我覺得佢似係蒸雞飯，仲要啲雞係冇味。感覺上就好似屋企食蒸雞飯，搞到食完都唔知自己食緊咩，要去隔離M記買嘢食

叫左條蒸魚寫明20分鐘，問埋員工話20分鐘一定有。点知等左45分鐘走去問都話未得，後尾趕時間話唔要，個收銀女人衝出黎係感大聲鬧我地話趕時間咪食啦，以後唔好黎。真係不知所謂，明明自己錯竟然重大大聲

茶魚飯後是一家街坊茶餐廳，我經常同屋企人或自己一個食,今晚自己一個人又走左去食他們的常餐,當中嘅常餐我最愛點 韓風辛泡麵 配豬柳漢堡、蟹棒、鮑汁片、煙肉和煎蛋，樣樣都有,極為豐富。麵條彈牙有嚼勁，係用辛辣麵，微辣非常開胃，豬柳煎得香脆，仲有蟹棒和鮑汁片吃起來非常美味，鮑汁片彈牙爽口，煙肉和煎蛋是這道常餐的點睛之筆。煙肉煎得香脆，帶有微微的煙燻味，非常美味。煎蛋則是經典的搭配，蛋黃鬆軟流動，增添了豐富口感。

身為港島人今日入去天水圍搞咩？話說今日要入學校工作工作完咁岩下午茶時間同朋友走入左呢間茶餐廳由於我係西多控入到去就叫左賣相不錯唔係一大塊但味道一般而且唔中意佢加糖霜太甜仲要好似$4x 唔抵

呢間茶餐廳開咗一段時間，但見佢個價錢以街坊茶記嚟講都唔平，所以都好少幫襯。呢次經開呢頭，適逢想食下午茶就入咗去。睇睇餐牌，發現原來係銀龍集團，唔怪之得下午茶餐都唔平，所以都係求其叫個魚蛋粉就算。叫個侍應阿姐嚟落單，問佢包唔包飲品，佢竟然唔應我，之後我哋兩個人就求其叫咗一個下午茶餐同一碗魚蛋粉，個阿姐成個過程一粒聲都唔出兼黑面，落完單即刻轉頭走咗，期間見到佢行開第二度做嘢時響度口噏噏好似好多勞騷咁，到食物上枱時又係頗粗魯😤食物普通、價錢偏貴、服務態度又差，唔明點解仲做得住，一次就夠唔會再有下次！

年廿七起話新春價,雲吞面加飲品,收55蚊,好過份,年初五已經要正常返工,仲係收咁嘅錢,簡直靠搶,新年加幾蚊價合理,比平日加左15蚊,晚間新春小菜80幾蚊個餸,仲要加12蚊先有湯同白飯飲品,成百蚊食一餐,根本收唔起咁嘅價錢,等人盲中中入去做水魚

食物已經是一般唔緊要，服務態度極差好似唔憂做，叫兩個外賣雲吞麵等足20分鐘，我好聲問佢跟跟張單，但換來一個不耐煩的反應！bye bye喇，街市內麵檔叫外賣兩分鐘攪掂，平過佢好食過佢，服務態度又好！

呢間店專做街坊生意，食物一般，水準唔太穩定，平時好少嚟，但蛋撻、奶茶、出爐麵包就好正，通常外賣。上午跑完步，唔太肚餓，想飲奶茶，於是幫襯佢哋！點咗最簡單的火腿通粉餐，因為要留肚食蛋撻，個餐跟蛋、牛角酥和我最愛嘅奶茶。 ***奶茶：奶茶真係好正，茶味奶味融在一體，又搶唔到對方嘅味，非常醒神。***蛋撻：蛋撻皮好酥，蛋好滑，但微溫，出爐咗一段時間，熱食會更滋味。食完有啲膩，所以一件就夠。***其他：竟然有驚喜，煎得啱啱好，蛋白好滑，溫柔咁包住蛋黃，正！火腿通粉水平一般，冇乜特别，牛角包唔酥，合上眼食唔會食得出係牛角包😅。不过佢哋係今次嘅配角，而且意料中事，都OK啦。

打完風 周日嘆番個下午茶下午茶乾炒牛河$48凍飲加$3唔好以為下午茶就細細碟🍝成碟有7-8片牛肉，牛肉薄切又大塊。河粉、洋蔥同芽菜炒得夠鑊氣，而牛肉都食唔到雪味。咸度剛剛好😋點完餐坐低幾分鐘就上菜，炒河新鮮熱辣辣。滿足的下午茶唔知係咪因為打完風第二日就係星期日嘅關係，餐廳爆滿。係我食緊嘅期間出面都好多人等緊位。

晚市二人套餐$168🔹套餐可選：兩款主菜時菜四選一兩碗中湯兩碗白飯兩杯飲品🥘梅菜扣肉煲得4塊扣肉🫠、底下超多梅菜😵、仲有2棵小白菜🥬。整煲味道香濃，配飯一流！只可惜肉太少😮‍💨😮‍💨評分:6.5/10🥩豉汁涼瓜鮮魷炒牛肉對比前一味餸，呢碟好豐富。牛肉涼瓜份量勁多，魷魚份量都好足。而且炒到夠晒鑊氣又多汁。牛肉嫩滑又多汁🤤🤤，涼瓜煮到夠軟熟夠入味☺️，魷魚鬚好彈牙😋超級送飯嘅一味餸💯評分:10/10**不設+10%服務費**📍 茶魚飯后 (天水圍)天水圍天瑞路9號天瑞商場地下G2D號舖

焗豬扒飯套餐有湯連飲品 食物質素都有保證，有時唔煮飯就當一餐食焗豬扒飯都揀呢間，食到好似飯堂一樣佢既豬扒飯好多汁好多芝士好重口味 唔夠多汁嘅豬扒飯我唔會食每一啖飯都有好濃嘅茄汁仲有面頭有好多芝士另外個飯仲有差唔多成半個番茄肉係入面🍅用錫紙兜之餘用發泡膠盒入住，溫度夠晒熱外賣下午茶平啲60幾蚊，有湯連飲品茶魚飯後24小時營業，不過原來佢都係銀龍集團旗下嘅餐廳，有時宵夜都係唔錯嘅選擇，試過早午晚三餐都食佢仲有其他炒粉麵、湯河粉、西多士下午茶之類

呢間味道還算可以，但部分阿婆服務好差，其中有一个八婆超西，西過西多士。有次我入左無叫攞飛，入左去準備坐低，竟然西面話我無拎飛，正羚羊。不信大家入去感受下。建議去返天恩的銀龍。

（$51）午餐三粒燒肉一條菜，第一次善意向職員查詢，即刻行開。第二次查詢份量是否正常，佢話正常（見不是甘少，可能廚師求其），算了。而家好少餐廳唔顧及客人感受，附近正記大件夾抵食。