茶A (已結業)

下午茶時間，行完山就入咗呢間茶餐廳醫肚等候人數唔算太多，但係入面就座無虛席商場嘅茶餐廳通常都好企理，適合一家大細。又有卡位，坐得又舒服，環境又舒適👍😋牛肉炒意粉因為下午茶，所以特別細碟，份量俾到驚喜我😂真係同食一份多士差不多感覺。意粉有鑊氣，色澤都好靚，牛肉大大件👌雞髀薯條餐最好食居然係個黑松露醬🤤 薯條熱辣辣雞髀脆卜卜，但炸過龍🥩雜扒餐呢個唔係下午茶套餐😂豬扒好大塊諗住叫個粟米汁俾小朋友食但係好鹹，一啖都食唔落🤮

今日放工去咗粉嶺食tea，行過見到呢間餐廳裝修幾靚，燈光光猛，極具空間感。入到餐廳，卡位十分舒適，服務員態度都好好。我地點左兩個茶餐，另外再單點兩個菜。咸牛肉炒蛋多士好特別，有四塊牛油多士圍碟，碟中放咗圓形咸牛肉炒蛋，夾幾多隨自己喜歡。咸牛肉炒蛋味道很好，比單吃咸牛肉無咁肥膩，可以一試。另外我哋點左濃香星州炒米。茶餐來講份量都不少，仲足料，大大隻蝦仁配上濃烈的咖喱味👍🏻👍🏻見到menu個麻辣雞煲好吸引，所以我哋試左！呢度嘅雞煲同其他地方食嘅有啲唔同，呢度比較重豉椒味！雞肉本身新鮮爽口，啲麻辣肉送飯食真係好正！

等人交收早左順便食個飯，粉嶺名都呢個場啲嘢全部差唔多價位。食茶記，呢間睇落去比較乾淨企理啲。嘢食正正常常，冇話特別中伏或好有驚喜啦。個人覺得個鐵板幾正，上枱真係好熱jaja聲，唔多地方有鐵板，好耐冇食。送西湯，是日羅送湯，味濃少渣。豬扒兩大塊，厚薄ok la起碼唔係大x樂啲刀功嘢。司華力腸就開左邊，得半條。有薯菜，飯或意粉揀，個意粉幾唔錯，唔會淋曬一pat。可以揀黑椒汁洋蔥汁，個洋蔥汁幾正，食到啲懷舊風味（即係甜甜地少少熒光橙色嗰種）朋友個滑蛋魚柳飯望落都幾正。魚柳幾大塊，亦唔係炸到硬晒嗰隻。滑蛋正常，真係滑嘅。唯獨係啲飯爛左啲，太淋嘅飯真係要扣分。後來交收嗰人黎又叫多個炸脾薯條，望落都幾正丫，大隻啖啖肉，炸得都幾靚。如果再嚟粉嶺，呢間都ok可以encore。估唔到粉嶺啲嘢食其實都少貴，同埋都幾多人，間間餐廳晚飯時間坐爆仲要等位。

呢排常駐粉嶺，又見到佢地開左咁多間新餐廳。呢間長期都有好多人排隊，咁旺場，今日襯有時間就停低一試。海皇福建炒飯超級足料，有齊雞粒、蝦、魷魚等等。蝦同魷魚個size 大大粒，而且蝦嘅口感夠晒爽口彈牙，夠鑊氣。大澳蝦醬雞全翼配薯仔蛋沙律個蝦醬雞全翼新鮮即炸出黎。一送過黎就聞到超濃蝦醬味，個皮熱辣辣又好脆，真係好味，用黎做下午茶，爽。鹹牛肉炒蛋多士，個人覺得鹹牛肉百搭溝乜都岩🤣飲品方面因為有啲聲沙沙就叫左檸樂煲薑，愈黎愈少餐廳有呢啲特飲架啦。第一次係度飲，味道不錯，飲完即刻暖笠笠。

點解要減肥係為左食更多既美食哈哈 做完占 經過想食個超級邪惡既下午茶同老公坐卡位 幾舒服 老公叫左蔥油豬軟骨撈丁 啲蔥油真係幾好味😋😋仲要配紅豆冰真係透心涼我叫左炸雞髀配黑松露薯條 正！最鐘意食啲咁邪惡既野食😂😂啲肉好多汁 好味😋配左北海道牛乳見呢到竟然有牛奶飲 即刻叫 好似即刻健康左咁然後兩個人都覺得未夠皮再叫多左兩個餐 一個瑞士雞翼餐 一共有五隻 夠哂我地分享一個蝦醬雞全翼餐係好香蝦醬味 好特別我地兩個人叫左4個下午茶餐 又加特飲都唔洗兩百蚊 🤣食到捧住個肚走😋 好抵食😋😋

最近新年周圍去拜年今日黎到粉嶺搵朋友🫢順便同佢tea一tea先黎到粉嶺名都商場聽朋友講新開左間茶A望落環境都唔錯 一於就佢啦✨紅豆西多$39（包飲品）一般茶記都一定走唔於西多士架喇🤣見到呢度有加左紅豆既西多好神奇🤩🤩🤩呢個配搭好新鮮加左紅豆感覺又唔會太甜原來又幾夾喎 仲增加左個口感層次豐富左好多呀✨生炸雞髀皇黑松露薯條$42（包飲品）佢既黑松露其實係醬黎既薯條望落炸得好香脆食落都熱辣辣怕太熱氣既朋友可以選擇配搭沙律tim 雞髀以下午茶黎講係比較大隻肉質都好滑 唔會鞋✨麻辣牛肉米線$50（包飲品）麻辣黎講佢都算係辣 因為冇得調教辣度牛肉片都幾多同新鮮湯底味道出 麻辣味完全岩晒我✨瑞士雞翼（5隻）$40瑞士雞翼係香港獨有但亦都唔係間間餐廳有一見到menu有 就二話不說簡左瑞士汁香濃出色每次雞翼都大大隻 味道入晒雞翼 呢味絕對推介！！✨奶茶紅豆冰$6（跟餐特飲）紅豆都係食茶記必須品💕但紅豆加奶茶都比較少見但都係絕對地夾奶茶重奶味加埋紅豆既甜係相當夾的

📍茶A💡粉嶺一直都想搵機會試試今次就去左試下呢間新餐廳🐥麻辣嫩雞米線夠麻又夠辣米線口感十足食得夠過癮🐥咖哩牛腩飯咖哩椰汁味香濃一上枱已經食指大動咖哩汁拌白飯 十分之惹味牛腩入口即化 係一個幾好既選擇🐥黑椒牛扒飯黑椒汁夠哂濃厚配上薄牛扒係最佳拍檔分量比想像中多怕辣嘅朋友 可能要有心理準備🐥茶A豬扒包配黑松露薯條🍟經烤過既麵包🥯香脆可口豬扒炸得香脆可口且肉質鮮嫩再加上新鮮配菜， 生菜🥬蕃茄🍅大大啖 好滿足呀🥰炸到金黃香脆既薯條配上黑松露醬 食到一條接一條整體來講都算抵食份量十足

好耐冇去粉嶺，太座今日要攞衫俾人，兩公婆順便喺名都商場逛逛，行吓行吓原來都到咗下午茶時間，見到呢間茶餐廳裝修得咁新派又光猛，唔會令人覺得有黑媽媽污糟嘅感覺，決定入去試試！“鮮茄燴牛脷飯”牛脷夠腍冇騷味，茄汁甜度適中，送飯或意粉一流！“乾炒牛肉意粉‘’牛肉唔過火夠嫩，重點係唔太油夠乾身，好多餐廳炒到成碟都係油，食到人口都歪埋，呢度算唔錯！“瑞士雞翼”做得好出色，唔會太鹹，味道剛剛好，雞翼亦都啱啱熟超嫩，瑞士汁好入味，令人食完一隻再一隻！最後茶記重點嘅茶膽，凍檸茶飲落冇澀味，真係好怕飲到澀嘅紅茶，所以呢度係合格！總結價錢合理，味道唔差！

今日去左呢間茶餐廳，見佢裝潢好靚，又乾淨企理，所以一開始都唔知係茶餐廳。好多款式，想食飽肚D所以叫左鹹魚雞粒炒飯，好香口，飯量都幾多，一個女仔都食唔曬。之後叫左個滑蛋叉燒飯，賣相好靚仔。D蛋真係做到滑蛋! 叉燒飯係半肥燒，外面有焦蜜咁，唔會乾柴柴，好好食。飯中間仲有D豉油，撈埋食很正。野飲叫左紅豆冰，紅豆勁多!好好飲，仲有好多特色野品，留番下次啦! 整體黎講，野食幾唔錯，而且吸引，住粉嶺嘅人有福了！！！

一向都好鐘意食茶餐廳，見粉嶺又有新開，所以都好有興趣試下。呢到好多野簡，小炒又有，平時D炒粉面飯都有，最重要係佢既西多士竟然係全日供應!!!一定要叫。叫左個鹹魚雞粒炒飯。望落都好足料，雞粒好多，食落仲有鹹香味，飯都係粒粒分明架。西多士有2款，有款係有紅豆，見圖片都好吸引，不過想食經典款D，就叫左平時個款，中間花生醬好香，外面好脆口，練奶同牛油仲比左好多。好好食!!! 下次有機會黎都會encore!!

就是說呢 一間新開既餐廳 整得光鮮亮麗一點，食物再怎麼不好吃 都還是能吃。 餐牌係吸引既，但煮出黎就so so ， 可能趕開張 希望過一排 d野食水準會提升下，到時就生意興隆，個鋪位甘大，要有品質先生存到架

第一次出粉嶺食野，見個店面好似都唔差，諗住應該唔會太差。點知黎到既食物變左係咁。牛肉老到爆完全咬唔到，焗意米粉完全唔多覺佢有焗過，晚餐野食加野飲收75蚊，完全一d都唔掂，仲衰過大快活同大家樂

下午茶抵食系列今次試試茶A價錢都算實惠 款式都算多🍀 深海魚柳蕃茄湯稻庭烏冬香脆魚柳配上香濃蕃茄湯炸到金黃色 香脆魚柳🤤 🍀 茶A奶油豬大愛 麵包🥯烤到香脆茶上奶油 完全停唔到口🍀 茶A公司三文治🥪餡料豐富 層層分明啖啖大滿足😋🍀 XO醬豬扒炒公仔麵足料 香口惹味既炒公仔麵🍜回憶殺pick 🍀熱檸水🍀紅豆冰🍀熱咖啡☕️下午茶抵食系列今次試試茶A價錢都算實惠 款式都算多🍀 深海魚柳蕃茄湯稻庭烏冬香脆魚柳配上香濃蕃茄湯炸到金黃色 香脆魚柳🤤 🍀 茶A奶油豬大愛 麵包🥯烤到香脆茶上奶油 完全停唔到口🍀 茶A公司三文治🥪餡料豐富 層層分明啖啖大滿足😋🍀 XO醬豬扒炒公仔麵足料 香口惹味既炒公仔麵🍜回憶殺pick 🍀熱檸水🍀紅豆冰🍀熱咖啡☕️炒粉類出餐快黎個速食 認真推介

今晚又去左試新餐廳! 店舖揀位好好 人流最旺既位置!未夠7點已經坐滿人! 裝修新潮闊落，多卡位選擇 坐得舒服中式小菜價格實惠 有SET DINNER天府口水雞拼麻婆豆腐 – 配白飯+飲品口水雞皮黃而爽滑 雞肉好滑嫩 烹調時間岩岩好! 加左少少黑醋提升味道 幾開胃! 吾算好辣! 麻婆豆腐加入了炸菜 增加左D口感! 味道香辣惹味 撈埋白飯食一流!馬來咖哩牛腩咖哩充滿濃郁椰奶香 個汁濃稠度恰好 偏向甜而不辣 牛腩煮到好林 好食!瑞士雞翼雞翼都幾大隻，吾會炆到縮哂水又乾又鞋 好入味!跟餐轉紅豆冰+$6都好抵! 紅豆好大粒好甜啊!總括: 食物水準都高質 坐得舒服又地理位置方便!

粉嶺名都的投注站原位, 變了兩間食店! 首次光顧, 自認常餐喜好者, 當然走進這間港式茶餐廳"茶A"！多士炒蛋是常餐的既定食品, 一試便知厨師手藝! 中午2時正, 七成滿的人客。點了個豬軟骨葱油撈公仔麵常餐$56, 多士凍, 乾柴, 超薄但似久放不脆口, 抹了少許不溶嘅牛油！炒蛋份量少得咋舌; 幸好公仔麵仍有微温, 要馬上大口食; 淡淡鎮江骨味的兩小塊豬軟骨; 葱油亦是偏淡。 葱油麵味道跟酸甜味的豬軟骨肉並不協調！葱油食後喉嚨馬上感到乾涸! 為免食物再失温, 10分鐘便吃完離開, 真心極度失望!