荃灣豐盛酒家 (已結業)

我o地係打邊爐....食物唔係得好多揀但係d人服務態度好差...especially 收$$ and 接待o個個阿姐so if 5/f 間酒樓有得任飲竹庶水的話(only 酸梅湯and 啤酒), 5/f will be better...唔係好prefer 去呢間到打邊爐

(14/3)短足開始之先，當然要來個熱身，去了近地鐵站的酒樓，原想去潮江春等，但他們卻選了這間，那便看看如何。叫了不算太多的食物，但有很多地方都有賣的碗仔翅也叫了，對它沒有期望，又何來失望，只不過是開胃口罷。生滾粥，它們取的定義應該是翻滾粥，不是生滾粥，應該要更正，它亦不算太差，只是一般酒樓提供的水準，你亦可以想像那味道。（煎腸粉、燒賣、鳳爪、牛柏葉等等）點到即止，唯一認同的是酒樓面積很大，不會出現排隊等位的現象。還是喜歡川龍端記：蔬菜新鮮嫩口、燒鵝皮香肉脆，咁近出發點，點解唔去個間？

朋友話龍蝦抵食,$48一碟. 我地已經叫$198孖寶都唔算平,芝士龍蝦加冰鎮豬腳,點知等左8個字催左3次都未黎,把鬼火,仲要黎碟$48個種.即刻叫佢換過,不過始終味道普通,腳多過肉好多.其他普通晚飯小菜,味道ok la. 叫左一共四食送一湯,埋單$450四個人,價錢ok不過咁既食物同服務質素,就真係無下次.

每天飲茶都有優惠,大大碗燒飯都只是四元八角,叉燒都食得過,我最欣賞咸旦燒肉飯,只是八元八角,中午的特價套餐非常經濟好食,而且不太多油,味道適中,不會太儂味,吃不出味精,因為吃後不會口喝,唯一改善的是服務態度,雖然有基本的禮貌,但嫌笑容不足,熱誠不夠,但是有幾個很好,還是覺得那些點心呀姐夠落力.晚飯都去過很多次,最近的一次48元一斤龍蝦,送伊麵底,都幾好食,但伊麵少佐！最欣賞蒸那碟蟠龍鱔,但好遲才上菜,如果早些上,可能吃多碗飯,回為太好味,那天只是閒曰,為什麼房那慢！

今天，恰巧母親放假，她說荃灣南豐中心的豐盛酒樓的點心很「抵食」，好食的我和她一於去探過究竟。還未到「下午茶」，點心部已有人在排隊。一聲「下午茶時間現在開始」，人們一擁而上，為的原來是$3.8一款的「下午茶三寶」。首先是稀得像水的太史五蛇羹，材料只有少許，味精卻放了很多，至於蛇肉就更找不到（或許只是我不夠幸運吧！）。接著是灌湯飽，平時吃灌湯飽，其精髓在於內裡的湯。而眼前這個，在筷子一弄之下，肥油一湧而出，我相信若然喝下的話，十粒消脂丸應該亦抵擋不住，最後我只是　強的吃了一口。至於最後的鳳爪排骨飯，果然亦是同出一轍，一隻鳳爪加四粒排骨放在發漲的飯上面，鳳爪排骨還可入口，但飯卻浸得太耐，失去了飯味和口感，這樣的飯再普通不過了。離開時，聽到一位「阿叔」說：「有羹、有飯、有點心，加埋茶位，廿蚊有找，你仲想點呀？」，此話不錯，這裡的「下午茶三寶」的確「抵食」，如果你對食物不太講究，而又想有一個低消費的「下午茶」的話，這裡確是最佳之選。

服務真係麻麻地, 明明訂左位係貴賓房, 仲係到步前半個鐘係電話confirm, 到可以係到步後話臨時有變貴賓房要空出來預備傍晚既酒席既, 真吹脹. 結果要係大廳食, 用屏風隔開我地兩圍檯同其他檯. 食物都係咁上下酒樓水準, 值得一提既係小菜同炒飯既蝦仁好大粒同好爽好彈牙, 同埋隻白切雞熟得剛剛好, 肉地十分既嫩滑. 菰伊麵好乾身, 係冇油淋淋, 但d麵真係乾到好似冇煮過咁. 我對中菜冇乜特別要求, lee 餐都算係咁~

週末約朋友中午飲茶, 週圍都無位, 於是去左呢間酒樓, (因此間酒樓以前都有去過, 因為服務與食物都是一般, 在無選擇後就是但, 同埋貪天氣熱去唔駛等位), 伙計做野無記性又無禮貌, 無寫檯卡又話我地整唔見, 執野個D清潔阿嬸又有將我地D杯碟碗筷整污漕, 重話無問題, 伙計重離譜, 叫佢寫野食就寫錯晒, 重得罪客人, 食品質素就一般, 但今時今日就唔應該用咁既態度對客人, 呢間酒樓都無下次, 管理層應該檢討下.

週末約朋友中午飲茶, 週圍都無位, 於是去左呢間酒樓, (因此間酒樓以前都有去過, 因為服務與食物都是一般, 在無選擇後就是但, 同埋貪天氣熱去唔駛等位), 伙計做野無記性又無禮貌, 無寫檯卡又話我地整唔見, 執野個D清潔阿嬸又有將我地D杯碟碗筷整污漕, 重話無問題, 伙計重離譜, 叫佢寫野食就寫錯晒, 重得罪客人, 食品質素就一般, 但今時今日就唔應該用咁既態度對客人, 呢間酒樓都無下次, 管理層應該檢討下.

都唔係好差o者，每兩個人仲送一隻乳鴿(雖然係埃塞我比亞來)。<br>D 菜都o黎得幾快，水準不算好差，6道菜埋單三百蚊都唔洗，大排檔都要啦，飯後仲有糖水送，雖然只係紅、綠豆沙，但係唔係溝水o個雙，真材實料，好食過一般d 糖水舖。

星期六同一班舊同事食飯, 都有成13 個人, 諗住近近o地去新光食個晚飯咁啦, 誰不知以經改o左名, 叫乜鬼"豐盛", 不過都係換o下名o者. 果晚八點未夠就到o左叫o左八個菜, 等到十點幾, 都只係上o左四個咁大把, 其間o既時間仲成日走o黎話乜o野又冇, 乜鬼又冇, 我o地成班就忍冇可忍, 走!!! 唉..!!!雖然環境, 味道都ok, 不過要等咁鬼耐, 就好唔掂, 真係"一次都咪試"