荳子冰室 (將軍澳廣場)

營業中

休息中

見有一段時間都冇食過常餐，依日趁喺將軍澳做嘢，search過下見到依間本身開Café嘅食肆都有開冰室，一於去搵嚟試下過口癮 😚🍜 餐肉粒鮮茄 (米粉) 😋😋😋😋😋餐肉粒有唔少，而且切得幾大粒 👍🏻 粒粒大過拇指甲；蕃茄好新鮮，但唔會有腥味；蕃茄湯係微酸偏甜 ☺️ 自選配米粉好夾，可以掛到少少茄湯；其餘蘿蔔🥕、西芹都有唔少，軟硬適中～🍞🍳 丹麥多士 & 煙肉磨菇奄列 😋😋😋😋丹麥多士比普通多士酥脆少少，不過未至於係小編食過最酥嘅；奄列內裡嘅磨菇🍄份量適中，煙肉少許；調味上唔會好重手，鹹味啱啱好，仲有蛋香味～☕️ 香滑奶茶 (熱) 😋😋😋😋熱奶茶係小編去茶餐廳或冰室未嗌嘅～ 玻璃杯裝熱辣辣，飲落順滑、茶味出，淡奶味亦有 😚午餐 💵💵 約港幣$60/人💁🏻‍♀️ 依間冰室好光猛、乾淨、企理，價錢公道，都算唔錯 👌🏻 題外話：將軍澳區嘅商場一直係小編認路嘅剋星 🤣 尤其啲商場名改得好似，好易撈亂～ 建議跨區嚟依邊覓食嘅朋友仔，好好利用商場指南搵路，相信會比用Google maps順利好多～🙆🏻‍♀️ 最後，喜歡嘅話，歡迎follow @foodirectory.hk ！

果日已經好夜先有時間食飯，店員完全唔會因為急收工反而好好招呼我哋，因為就要截單，直接有服務員桌邊幫手落單，但服務態度都好好，完全唔比壓力或者黑面，真心感激🥹餐點現點現做食得出❤️上到來都熱辣辣，味道亦好好！牛柳好嫩！肉質完全對得起呢個價錢👍🏻鐵板兩人餐份量足、味道好！雖然有啲可惜，原本想食嘅紅酒醬汁賣完，但姐姐都好好態度來告知，並幫我轉一款，服務滿分💯推介大家都可以去試試呢間👍🏻👍🏻👍🏻

今日去食飯我地2個人安排左去坐單人連位，尾後見到有2人位冇人想問下有冇得換過去，因為我地叫小菜坐單人位好唔方便。點知個啡色頭髮馬尾阿姐一句話『等一下就會有人坐』就行開左，咩態度？仲有等左勁耐都未上菜，多人幫襯就大晒？

話說上個星期六終於食到成日大排長龍嘅荳子冰室唔係第一次經過呢間冰室，不過次次都見佢咁多人所以冇機會試。成日好奇究竟係咪真喺咁好食呢？今次等咗20分鐘左右就有位，終於可以試到！好感動！提提大家，要食就早啲去排隊啦！一坐低就感受到果種舊式冰室嘅氛圍，用咗淡綠色為主調，加上木枱同卡位，充滿兒時回憶。咖喱吉列豬扒飯🍛列外皮炸得香脆唔油膩👍🏻經過高溫油炸後豬扒依然充滿肉汁，調味啱啱好，再配上椰香馬來咖喱，帶辣嘅咖喱令人更開胃C，不錯！推介大家一試！芝士醬脆煙曲薯🍟小食點咗芝士薯條心，芝士醬味道濃郁，上面放上煙肉碎，，新鮮出爐嘅薯條沒有不喜歡嘅理由吧！蜜糖叉燒包🍞叉燒包上面塗上一層蜜糖好好味😋不是試食！

今日朝早去咗荳子冰室，食咗兩個常餐，真係大滿足！😄沙嗲牛牛肉麵加蘑菇奄列：呢道菜真係出色。牛肉嫩滑，沙嗲醬香濃，麵條吸滿咗精華，味道層次分明。🍜 牛肉同沙嗲醬嘅配搭，再加上蘑菇奄列，蛋香濃郁，簡直係早餐嘅完美選擇。🍄🥚蕃茄餐肉通粉：呢個常餐又係正。蕃茄湯底酸甜適中，餐肉香脆，通粉煮得剛剛好，唔會太淋。再加個玉子蛋包，蛋皮滑溜，內餡豐富，真係一試難忘。🍳荳子冰室嘅環境懷舊，令人有種返到過去嘅感覺，服務亦都好親切，令人賓至如歸。🏠 每次嚟呢度都係一種享受，無論係食物定係氛圍都令人滿意。👍

我去咗荳子冰室試食佢哋嘅沙嗲牛肉麵，仍然保持到應有水準😋一上枱就聞到沙嗲醬嘅香味，嗅到都想食。牛肉片非常嫩滑，沙嗲醬嘅味道滲入去，入口即化，好juicy！🥢麵係用即食麵，彈牙又有嚼勁，吸收咗湯底嘅精華，令味道更豐富。湯底係清淡嘅牛骨湯，帶有少少牛骨香，配合沙嗲牛肉嘅濃味，啱啱好。🍜荳子冰室環境懷舊又舒服，充滿香港情懷。服務員好親切，令到成個用餐體驗更加愉快。😊呢碗沙嗲牛肉麵唔止係一道菜，仲係一段味覺旅程，值得每個鐘意香港味道嘅人嚟試下。下次有機會，我一定會再嚟食多碗！👍🏻

星期六下午3,4點同屋企人喺popcorn附近行街，想搵間餐廳坐低食吓下午茶，見到呢間荳子冰室大排長龍，質素應該有保證，等我哋試吓先！😜下午茶餐選擇唔多，發覺比較多麵包類，相信新鮮出爐嘅麵包係呢間餐廳嘅招牌！👍雙拼三文治 （餐肉炒蛋）$32普普通通嘅烘底餐蛋三文治，不過作為簡單嘅下午茶，係一個唔錯嘅選擇，烘底好夠火候，但係又唔會太燶，不過麵包就夾到扁咗，冇咗麵包鬆軟嘅口感👌菠蘿包三文治 （餐肉炒蛋） $34菠蘿包同餐蛋內餡唔係太夾，菠蘿包嘅甜味掩蓋咗餐肉嘅鹹香，夾埋一齊冇特別加分，不過都唔難食，只係普普通通👌雪糕粒粒西多士 $45雪糕上菜時，用咗底層有乾冰嘅容器裝住，視覺效果一流，但係就冇乾冰嘅效果，因為雪糕已經係溶溶哋嘅狀態 😅 西多士不過不失，不過值得一讚嘅係入面有搽花生醬，亦都係新鮮炸起熱辣辣 👍

Very good service and atmosphere.We ordered one main each. The squid on instant noodles is highly recommended. Curry is full of flavour but the pork chop is on the thin side. Pineapple bun was the star of the show. Freshly baked and fluffy texture.

持住多人等位排隊，負責派位女員工對客人態度惡劣，甚至呼喝客人埋坐，3個人冇卡位，但2人又有卡位，問佢點解，聲大夾惡鬧個客冇要求卡位， 一來佢冇問，佢仲鬧個客"咁而家你係咪等卡位？"， 好受氣，而入面樓面，要問第三次先有一個侍應比清水。 咁既服務態度幾好食都冇用啦，何況啲雞係冇味既。點解要比$80 食lunch 仲要排好耐又受氣？

有時星期日放假，唔想去外區，想係屋企將軍澳附近食個靚早餐，就會諗起荳子冰室🤭不過首先你要唔肚餓先，因為無論早午晚都要排長龍既😆🏃🏃🏃🏃🏃🏃💃今日食沙嗲牛肉麵：沙嗲味濃 牛肉數量夠 丹麥多士配黑松露醬炒滑蛋每一個細節都係心思，樣樣都比其他地方好小小，就係勝出同大排長龍既原因喇 😌 雖然價錢會貴小小又要等，不過我都會ENCORE既 😝

第一次試吃二人餐，牛扒🥩可以更為新鮮一點會更好，而飲品方面都可以不過不失，而坐位的空間不足，等枱時間亦較長，使應的服務品質也幾好😌如餸菜份量可以再多一些就更好，總體都滿意合格😋

今日早上去荳子冰室買咗三個包做早餐，真係要同大家分享下呢個美味嘅體驗😋。首先介紹下菠蘿包🍍，一拎上手已經感受到佢嘅鬆軟。表面嘅菠蘿皮金黃色澤，散發住濃郁嘅牛油香氣。咬落去嘅時候，口感外脆內軟，甜度啱啱好，配搭一杯奶茶☕️，簡直係完美嘅早餐選擇。接住嚟講下火腿蛋包🥪，呢款包嘅麵包質地柔軟，內餡係火腿同蛋🥓🥚。火腿切得唔會太厚，配搭蛋嘅香滑，入口即化。呢個包無論係早餐定下午茶，飽肚之餘亦唔會太膩。最後係牛油餐包🥖，呢個包嘅賣相相當吸引。包身鬆軟，內餡係香濃嘅牛油。咬落去牛油嘅香味即刻喺口中散開，唔會過甜，口感豐富。呢款包非常適合做甜品，食完心情都會好好😊。總括而言，荳子冰室嘅包質素非常高，無論係口感定味道都值得推薦👍。三款包各有特色，滿足唔同口味嘅需求，下次有機會一定會再嚟光顧！

經平台落外賣自取 需要35分鐘 到時平台顯示可取餐 但到店外賣還沒打包 因還沒準備好 還要再等30分回到家除了最遲出的菜 其他只是微温 凍飲不凍 為可店家確認‘’可取餐‘’ 但到店卻還在‘’準備中‘’？？？？

服務好,員工有禮乾淨企理叫個午餐 菜遠牛肉炒河都好好食d 牛肉好高質我敢講tko最好既茶記就係荳子而家潮流興結業, 佢仲可以做到大排長龍不無原因做生意要賺錢,出品同服務缺一不可

有時唔算太肚餓，我都會幫襯好多要排隊既餐廳。點解？因為有值得等待的食物。今次想介紹嘅係荳子冰室嘅鐵板餐，其實荳子冰室有好多種晚餐類型嘅選擇，但係佢嘅鐵板餐呢可以話係性價比好高㗎。鐵板夠熱，牛柳夠腍，配菜一啲都唔少。仲可以揀雜扒，又有大蝦選擇。而且黑椒汁好有港式嘅風味。每逢晚飯時間都會有人願意排隊，我都一樣排到差唔多，跟住肚餓再食時間啱啱好。有小朋友嘅，我最喜歡叫呢一個啫喱甜品。因為真係好懷舊佢有把紙傘，而且啫喱好好食。