荳子 (PopCorn 2)

營業中

休息中

6:08pm落嘅單7:10pm先拎到說好原定嘅6:38pm呢？食物質素一如既往正常但等候時間確實太耐，企係餐廳門口足足等咗大半個鐘！如果下次外賣自取嘅話，呢間一定唔會係我嘅選擇…

而家晚市無得堂食，變相好多餐廳都做外賣自取有折扣優惠，收工經過Beans見到外賣自取七折，OK喎！跟住就買咗兩件餅外賣。紅桑子醬雲呢拿吉士拿破崙 - 佢嘅拿破崙酥皮非常脆，不過整件西餅唔係好甜，唔甜到冇乜味，淨係食到拿破崙酥皮好脆，什麼紅桑子什麼吉士都係得淡淡味，可能佢係一個好健康嘅甜品，但係嚴格啲來講佢唔可以稱之為甜品。栗子蓉栗子忌廉杏仁撻 - 栗子味好濃，中間嘅忌廉提升甜度，配埋杏仁撻估唔到咁好食，甜到啱啱好，不過對我來講可以再甜啲，但係對一般人來講係完美。

餐廳位於地鐵站上蓋，鄰近戲院，易找。-餐廳以水泥牆及灰色做設計，有落地大窗，有甜品櫃。在門口排隊等約15分鐘後入座，有限用餐時間90分鐘，目測滿座，被安排到卡位位置，座位舒適。用QR code二維碼落單，店員服務正常。-食物種類一般，另主打甜品同散水餅。-大蝦龍蝦汁意粉配凍蜂蜜檸檬意粉份量適中，有兩隻開邊大蝦、蝦肉。龍蝦汁有蕃茄同香葉香，蕃茄帶酸，開胃，有胡椒粒，惹味，同龍蝦汁互相輝映，夾。蝦肉普通，大蝦燒過，蝦肉乾，唔彈牙，味道普通。意粉硬度適中，好食。-辣腸海鮮通粉配凍蜂蜜檸檬通粉上碟呈黃色，份量適中，有魷魚、青口、蝦肉、蜆，辣腸。辣腸唔辣，帶鹹，切粒上；海鮮份量多，急凍貨，味道中規中矩。-凱撒沙律（煙三文魚）沙律大份，以生菜為主，煙三文魚份量多，有麵包粒、煙肉、芝士碎、3塊薄法包，另叫凱撒醬汁分開上。味道普通，芝士碎唔香濃，煙肉好硬，麵包粒香，法包有加牛油，烘過，不錯。-總括而言，熱食味道不錯，店員服務一般，性價比正常。

係Popcorn行行吓見到呢間餐廳，就俾佢吸引入去 ，店員安排我坐在舖頭最入邊嘅位置，燈光很柔和，鋪面環境很乾淨，店員服務態度很和善，效率也很高，坐着整體感覺很舒適，等候時間也唔需要太耐，我點左一碟黃金蟹肉意粉🍝，望到都已經流口水🤤，個蟹殼入邊係冇任何野，只係用作裝飾，但意粉啲汁很濃郁，食入口啖啖肉，味道簡直一流，另外我叫咗一杯3D咖啡☕️，睇住上面嗰隻超可愛嘅公仔都唔捨得飲，呢個午餐真係好正好回味🤩🤩😘😘😋😋

.BEANS🥰👩🏻‍🦰👩🏻星期日接朋友收工😻之後就去左食下午茶🫖👩🏻‍❤️‍💋‍👩🏻平時都排曬隊🧍🏻🧍🏼‍♀️🧍🏻‍♂️星期日下午茶☕️時段唔洗點等😝😝………我地叫左2個一樣嘅意粉🍝🤣🤣加多左$25🍰好抵食!!!平時其他cafe都只可以散叫六十幾蚊💰嘅🍰Beans加$25就有😂🥰🥰………🌟卡邦尼黑松露煙肉意粉🍝($98)黑松露味唔太濃🙈 卡邦尼汁夠creamy😻😻……….🌟Green World🍰(飯/意粉+$25)🧚🏻‍♀️甜度適中😍🍰抹茶🍵味夠👍🏻中間有紅豆、寒天，紅豆抹茶好match😽……….🌟Raspberry Lover 🍰(飯/意粉+$25)🧚🏻比起Green World，朋友覺得甜左小小😝但我覺得都唔會太甜😍🥰……….埋單人均$135💰💰又有意粉🍝又有甜品🍮飲品，好似套餐咁，都真係好抵食👍🏻👍🏻……….味道：🌕🌕🌕🌖🌑3.8/5賣相：🌕🌕🌕🌕🌑4/5服務：🌕🌕🌕🌑🌑3/5衛生：🌕🌕🌕🌕🌑4/5性價比：🌕🌕🌕🌕🌑4/5回頭率：🌕🌕🌕🌕🌑4/5………

真係激死人，真係好耐冇去食，坐低唔知道依家落單要掃QR code自己落，咁咪伸手搵個服務員問吓囉，點知佢一句：自己掃QR code啦！鬼知咩，知我就唔會問啦。態度咁鬼差。咁我哋一家人去食，因為未諗到食乜所以淨係落咗2個餐，之後再落單嘅時候撳嚟撳去落唔到單，之後又再伸手問吓服務員，佢又一句得埋黎，冇呢個餐咪落唔到囉。哦！我連續撳咗幾個餐都落唔到，我唔明點解咁差次次都要撳到最後揀晒嘢食揀晒嘢飲之後先至知道冇得食嗰個餐，之後又要再重新撳過。問個服務員有乜嘢餐落唔到，佢淨係識答我你撳到最後落唔到就即係冇。。。真係嬲爆！！！之後嚟咗杯咖啡係cappuccino，個味道極度奇怪，先生叫咗杯凍嘅摩卡，個味道又係好奇怪🤔之前食過好多次個味道都唔係咁樣嘅，到最後買單前，叫咗杯暖水，終於知道點解兩杯嘢飲都咁難飲，原來問題係出咗係d水度。啲水好似有浸噏味，同先前飲嗰兩杯咖啡味道好相似。呢間beans喺朋友口中出晒名服務差，之前都冇感覺到，自從今次去完之後，我相信有一段時間應該唔會再去。

今日黎到BEANS， 一如以往都係要排隊等位，等左半個鐘左右入座。今次冇食ALL DAY BREAKFAST，就試左佢呢個賣相好吸引的意粉。有個蟹殼，不過係空ge，入面咩都冇.....我仲以為會有得食一下..個意粉好好食 忌廉汁完全包圍每條意粉，而意粉又好有口感，彈牙濕度又夠。然後仲有好多的蛋黃+蟹肉蟹黃炒過，好大PAT, MIXED入意粉度食，十分美味。黃金蟹肉意粉 $11X黑松露醬配炸薯條 (跟餐+$25)甘香脆脆的薯條配上味道濃郁的黑松露醬 超好食熱檸蜜

成日都食Beans，基本上係Beans嘅fans，諗唔到食乜嘅時候都會食呢間！而將軍澳嘅Beans最特別之處係同一間茶飲店合作（我想和你無所事事），所以可以食到Beans之餘，仲可以飲我喜愛的茶飲店！最中意黃金蟹肉意粉&黑松露軟殼蟹意粉，基本上係必食!😋黃金蟹肉意粉每次都會有個蟹殼放係隔離裝飾，打卡滿分！意粉充滿住蟹肉香味，意粉軟硬適中，適合一人分量。黑松露軟殼蟹意粉黑松露味濃郁，雖然軟殼蟹唔算好脆，但整體味道中上。千島醬蟹棒帶子帆立貝薄餅味道唔錯，千島醬同蟹棒帶子嘅味道都好夾。而pizza係厚底的，雖然唔算好大塊，但都夠飽。跟餐可以免費包一杯指定飲品，想試其他野飲可以用優惠價買，我買咗我想和你無所事事的飲品😊😊奶蓋四季春四季春茶味清新，夾埋奶蓋一齊飲好邪惡吖😆😆

Deluxe Full English Breakfast $112🥓入面有齊👀窩夫 煙三文魚 煙肉 豬肉腸 蕃茄 茄汁豆 黑松露炒蛋同埋雜菌🥳食落份量啱啱好CP值: 7/10推薦🙆🏽‍♀️:Green Tea Waffles $58🥯個乳酪同埋抹茶雪糕都唔錯 配上暖暖哋嘅蜂蜜窩夫同吉士奶油 就更加好食😋個蜜燴紅豆蘋果 撈落個雪糕度食都唔錯🤣CP值: 8/10不了🙅🏽‍♀️:GAT $58🍊 奶皇麻糬配柚子醬、朱古力同乳酪雪糕👀賣相就滿分 但係食落就有啲出入😂都係不了CP值: 2/10———轉飲”我想和你無所事事”飲品有減$8優惠

已經好多分店但每日經過都會見到出邊一定有幾個人排隊週末得閒少少就不如自己都加入埋呢個排隊人龍可能因為入面座位不算好多所以先長期有人排隊xdMain黑松露軟殼蟹意大利粉 $116黑松露味幾重醬汁幾結身加埋一齊幾正常的好食整體就不過不失正常 附近無咩食可以一試但無咩好深刻印象 不能稱得上超好味煙燻雞胸香菇藜麥意大利飯 $118雞胸煎得有點油同埋好乾身、雖然又未去到柴的程度但都接近意大利飯醬汁有點似卡邦尼  但又不算膩藜麥份量就比想像中少太多、其實食唔到味道淪落為裝飾之用坐近窗口有自然光真係好舒服～Snack羽衣甘藍藜麥沙律 +$22（？）正常都算新鮮個沙律嘅藜麥仲多過個義大利飯有點搞笑Free Drink with set檸檬蜂蜜(熱)黑糖姜母茶(熱)正常啦 勝在好坐環境幾舒服放鬆～味道就好普通正常～同埋staff都好忙 未必會即時應到 

4點幾 好多餐廳都會落場。見到Beans 仲有好多人 姐係有下午茶啦🤩Menu 既afternoon tea set 有6至7款選擇 主要為甜品多👍🏽岩哂女士們1.抹茶麻薯流心多士 岩哂抹茶控 上面有一球抺茶雪糕配上 熱辣辣既多士 口感一流👍🏽 兩個人share 又唔會太膩2.柚子芝士蛋糕食到淡淡既柚子味。只係份量太小 每淡都好淺嘗另外叫左兩杯特飲 Rose latte 幾特別，唔係假既藥水味 有驚喜Vienna black coffee 正正常常冇乜太大驚喜下午茶黎講都幾寫意 傾下計飲杯野

對於鍾意飲咖啡嘅我⋯Beans一定係必須去的仲要係經常去. 去食嘅機會係極高。因為佢哋嘅咖啡打卡1流同埋出色;)每次去必食焦糖香蕉窩夫佈滿脆脆焦糖嘅香蕉. 自家製窩夫夠熱同軟綿綿加埋佢哋清香嘅蜜糖: 出色咖啡方面最愛玫瑰Latte清香嘅玫瑰味. 咖啡同奶既比例又好: 唯一係可能人多個奶泡今次打得差咗少少另外朋友叫咗rainbow latte 好靚好靚同好靚阿. 七彩繽紛嘅顏色令人心情愉快咖啡有陣類似炭燒嘅味道. 有少少苦甘嘅味道;)依間鋪經常多好多人排隊. 但真係值得一食;)

平時一人係好快可以入坐。 星期六中午時間都要排隊，所以同朋友立即轉外賣算，不過外賣都要等30分鐘😅 -我地total 叫4個餐，30分鐘都接受到既。厚豬扒、牛肉漢堡、大蝦龍蝦汁伊面、什菌意大利飯。 每一款都好好食😋而且擺盤都唔差👍🏻 特別要讚下個risotto, 真係唔油，飯夠淋身，而且好足雜菌，呢我呢vegetarian 黎講真係好正。 個意粉都好夠味，好吸晴。 豬扒個網紋燒得好靚，食落唔乾，岩曬食肉獸。burger 搭條青瓜好funny 🤣Bean 一向質素唔差👍🏻合乎期望👏🏻

今日放工經過哩間餐廳 睇睇餐單款式都多同平時去食連鎖西餐廳下午茶差唔多價錢 之後就入咗去試試 大家睇下啲相就知啲食物都打得下卡 叫咗兩樣野食分別係黃金蟹意粉同埋豬骨肋骨漢堡 意粉軟硬適中 不過味道個人覺得偏淡 個蟹蓋感覺似道具 因為都感覺膠膠地 漢堡個度就麻麻地 可以因為係用豬肋骨拆肉整 啲肉一絲絲都鞋鞋地 環境都唔錯坐得都幾舒服 性價比都幾高 非常適合鍾意打卡人士 因為見到其他食物都好吸引下 唔食野飲杯野都唔錯 有機會都會再來試試

同友人喺西貢出到將軍澳諗食乜醒起BEANS喺Popcorn有分店就試吓去Walk in睇吓有冇位下午差唔多四點依然好旺場嗌咗一個下午茶餐千島醬蟹棒蟹子帆立貝pizza $76正常發揮主菜係士多啤梨窩夫 $58諗返起幾年前第一次去荃灣BEANS食呢個窩夫 果陣覺得驚為天人地好食 所以今次未坐低就已經諗住encore 擺到上枱打咗一輪卡先捨得食個冬甩shape嘅窩夫實在太太太太太軟熟 夾埋其他toppings 食好好味 重點係一啲都唔貴 cp值好高食完十分之滿足如果BEANS開分店去港島就好喇🥰🥰