荳子 (朗豪坊)

營業中

休息中

荳子 (朗豪坊)，位於旺角亞皆老街8號朗豪坊4樓7號舖。 餐廳環境舒適，清新風格。晚餐有限時90分鐘用餐時間 ～ 100日殼飼澳洲牛肉眼配忌廉薯蓉， 羽衣甘藍蕎麥沙律， 龍蝦海鮮濃湯， 香蕉朱古力奶昔$422、 蟹膏甲羅燒 黃金蟹肉意大利粉， 焦糖蕃薯條， 龍蝦海鮮濃湯， 檸檬蜂蜜$222、 車厘茄馬蘇里拉芝士薄餅，龍蝦海鮮濃湯，黑糖薑母茶$146。 📍龍蝦海鮮濃湯$44 ～ 湯料有蝦、帶子和蜆肉， 飲到有蝦味。 📍羽衣甘藍蕎麥沙律$30 ～ 羽衣甘藍太乾身， 整碟沙律味道好淡。📍焦糖蕃薯條$30 ～ 蕃薯條帶有焦糖味，香脆可口。 📍100日殼飼澳洲牛肉眼配忌廉薯蓉$318 ～ 肉眼扒五成熟，肉嫩多汁， 但價錢偏貴。 📍蟹膏甲羅燒黃金蟹肉意大利粉$148 ～ 有濃厚的蟹膏味， 配上意粉幾惹味。 📍車厘茄馬蘇里拉芝士薄餅$102 ～ 薄餅餅底唔夠熱， 味道一般。 📍香蕉朱古力奶昔$30 ～ 飲到有淡淡的香蕉味，但沒有朱古力味， 完全唔好飲。 📍檸檬蜂蜜 ～ 檸檬蜂蜜跟套餐，不用加錢。 📍黑糖薑母茶 ～ 味道一般。 整體食物質素可以，但當晚有位女侍應送上餐牌，叫我們選蛋糕作甜品，再跟我們說

First time to visit this cafe. It was next to the Food Court Area. I just walked in for dinner on Monday Night and no need to wait. it was around 6:30pm第一次造訪這家咖啡館。它位於美食廣場附近。 這是星期一晚上約晚上六點半，我Walk in, no need wait time 吃晚餐。 我掃描了QR碼點餐，我點了以下餐點：Scan the QR Code to order the food.I have ordered, 我點了以下餐點：Stonefish fillet 石斑魚柳 HKD158 Hot fresh milk Earl Grey tea (without sugar) 熱鮮奶伯爵茶（十宇奶）（X糖包） HKD35Caramel Napoleon （焦糖拿破崙蛋糕即上）HKD30Kale salad 羽衣甘藍沙律 HKD30Total HKD253 + 10% Service Charge 總計 HKD253 + 10%

想輕食個lunch,同姊妹傾下計，呢間係唔錯既選擇，本來想飲杯咖啡，但被美食吸引，所以叫了個奄列加麵包，加了我最愛的芝士，omg～超級好食！成個食晒飽到不得了(說好的輕食呢？）仲叫左個甜品，係一個吉士puff ,我朋友叫左個拿破倫Puff對我來講味道一般般，不是太岩我口味～但個奄列加麵包加晒分地方環境非常清幽，好適合朋友傾計食下野，我去既時間係下午2點左右，真係無乜人～本人好怕要排隊所以今次食過之後，相信之後都會成為我常去餐廳之一，不過價錢都唔平，一個lunch都預200賣單，有反咁上下質素係咁架啦

今日聖誕節🎄，同好友逛完西九龍文化區後，我哋一齊去左朗豪坊搵嘢食。最後揀咗Beans Cafe，呢度真係唔錯，環境舒服又有氣氛。首先，我哋點咗焗三重芝士通粉🧀，呢個通粉真係香濃到爆，芝士控一定會愛上！三重芝士包括摩澤瑞拉、車打同埋巴馬芝士，焗到啱啱好，香濃拉絲，再加上挪威焦糖士碎，口感豐富，令人回味無窮。另外，我哋仲試咗黑松露軟殼蟹意大利粉🦀，黑松露香氣濃郁，意大利粉煮得啱啱好，口感彈牙。軟殼蟹炸到金黃香脆，再加上挪威焦糖士碎，味道真係一流。每一啖都充滿驚喜，好滋味！😋飲品方面，我哋各自揀咗兩杯飲品。凍美式咖啡☕，咖啡味道濃郁，冰涼解渴，十分提神。維也納朱古力🍫，朱古力味道濃郁，甜度適中，口感絲滑，好滿足。呢度嘅食物真係好出色，無論係通粉定意大利粉都好有特色，加上飲品嘅完美配搭，真係好享受。😄🍝☕🎉

食物方面：tiramisu：咖啡同酒味都幾濃郁，cream都好滑，唔錯😋😆焦糖燉蛋：脆脆焦糖，香滑燉蛋，口感非常好😆😋伯爵茶拿鐵：濃郁茶味加上奶香😆特濃朱古力：朱古力味好突出，少少苦苦地，好正😆服務方面：有禮貌，good環境方面：好舒服性價比方面：抵食備註：消磨時間食個甜品下午茶，不錯的選擇！如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆

呢間餐廳有好多分店，我都去過好幾間，而呢一間係我第二次嚟。上次我覺得啲嘢唔係好好食，今次又唔同咗喎！🔸椰香羅勒炸黃油雞 （半隻切件）好少嗌炸嘢，但係呢個真係要試吓。黃油雞炸得香脆可口，仲有少少油分。肉質嫩滑。🔸手撕豬仔骨漢堡我喺第二間店食過好多次，最初覺得好好食，後期越做越差，啲手撕豬仔肉口感冰凍，而且有羶味，而佢入邊有紫洋蔥，食完個口好大味。今次要求唔要紫洋蔥，廚師換成白洋蔥，真係勁好食呀！麵包微脆有牛油香，太陽蛋煎到蛋汁流出，手撕豬仔肉冇死甜，與白洋蔥混埋，味道自然。同老公一人半個都覺得唔夠喉。薯條唔脆口，似過咗氣。😫熱檸檬蜂蜜係苦，入唔到口。👍🏻特別稱讚帶位個位店員，肯幫手又有少少幽默，身型較大隻，個名係H字頭，前排朗豪坊有‘Harry’ Potter喎😂。

見之前都好多人都有介紹，見有時間同經開唔需要排隊去試下😎。整體黎就都坐得舒服同埋服務態度都好好，整體黎講不過不失~食吓嘢傾吓計。環境裝修都幾靚。※千島醬蟹棒蟹子帆立貝薄餅 $118即叫即整唔係整定，所以拉絲效果好明顯~整體配菜都好多~不過個人覺得Pizza個底就一般，特別係批皮食到去批皮就太多無醬汁,食落去就顯得好乾咁（可能個人口味，一般都中意食爆醬🤣🤣）※卡邦尼煙肉意大利闊條麵 $108卡邦尼闊條麵整體都唔乾身！平均每一條麵都會有醬汁~蘑菇、煙肉都好香，唔會比卡邦尼醬汁蓋過原本既味道。※凍檸檬蜂蜜女士之選，養顏美容同促進排毒啊！檸檬酸再加上蜂蜜甜飲落去都無負擔同壓力~※粒粒青提子梳打 $38杯上面有3粒提子超級甜同大粒！杯底再加埋搗碎左既提子同梳打同梳打水~飲落唔係濃縮提子汁，所以都好推薦！🤪👍👍

朋友OT 要自己食住先，唯有求其搵食。見無人排隊，就走去等位，當時完全無其他人。等等下，後面開始有人排，後來侍應出來，我話只有一位，跟住她直接skip 左我，安排後面嘅人入座，見咁情況，我行前去侍應度，她好醒目自動話無一人位…….第一次去朗豪坊唔知無bar 枱，下次如果單丁，會記得唔好排beans 😐

一向喜歡荳子平日兩點半後的茶餐menu，大部分餐都是六十元以下，連飲品。隔壁foodcourt的快餐也比這個貴。每次我都是吃無骨雞翼薯條加凍檸蜜。坐下下了單，五分鐘左右餐就到了。份量非常足夠，蜜糖雞翼很惹味，應該是先煎了，再焗，雞翼肉不算肥美，但作為小食，是可以的。薯條是非油炸，很大條，是有點鹹，但可接受。配上少許生菜。作為下午茶，很不錯。唯一無解的是，怎麼QR code下單也要加一@@偶爾經過旺角就上去坐坐，以朗豪坊來說是不錯的選擇！

星期六晚同朋友去。。。好神奇嘅經歷。。。去到門口無人帶位，行入去問⋯⋯有位哥哥仔好似好驚訝我地自己行左入去咁，唱山歌咁叫我哋等陣。。。好，等等等等。。。晾左我地十分鐘都無人行出嚟問下你幾位，舖頭好似有結界咁。。。唔敢入去食。。。衛生唔知環境好似唔錯，但卻之不恭了唔怪之得個個都話服務一般。。。客氣左喇。。。

用餐時間90分鐘,沒有消費飲品的話,水都唔加,整體食物是偏乾(利申有點飲品,但食物太乾身,想飲水緩衝下)90分鐘內叫左4次服務員加水都沒有回應(4名不同的服務員)如果需自助都可講聲?每次都回應等等幫你?結果到埋單我一杯水都沒有加到結帳時亦冇禮貌回應, 其實依加香港餐飲業收加一係有咩服務?QR CODE點餐,免費提供的水亦不願意提供直情貼錢買難受我理解服務業辛苦忙碌,但希望至少要有正確態度面對客人。

Lunch time經過，唔洗等位已經可以入去，叫左個【軟殼蟹黑松露意粉】加$30要個【羽甘藍沙律】。意粉味道好唔錯其實唔大食既話，女士已經好夠飽，驚沙律食唔落，要求店員俾個外賣盒，都無計落10% service charge。今次第二次黎幫襯，服務態度依然Very good。

同個friend補返個生日飯，大家都唔係大食既人，所以選擇輕食既Beans，網上book位要求坐Sofa位，私隱度比較高，雖然接近food court，但都唔會覺得嘈。叫左個豪華All day breakfast, 煙三文魚班尼蛋，牛肝菌湯，羽甘藍沙律，拿破崙蛋糕，另外兩杯跟餐既飲品。基本上食物質素仍然keep到，朋友都好滿意，自己一個月內都黎左3次，代表我既認同。

旺角荳子位處朗豪坊四樓,近food court靠左的角落,位置有點隱蔽. 當日我們約三點去到,餐廳客人不多,顯得比較清靜.焦糖香蕉熱烘窩夫全日早餐~切成半邊香蕉表面塗上焦糖燒得好甜脆. 炒蛋上碟形狀好靚,但比較薄和淡色,味道亦一般. 煙肉煎得好香但味道偏咸. 比高包要塗上糖漿和忌廉才好吃.意式香草烤五花腩卷 .紅菜頭汁沙律~豬腩肉不是脆皮最爲可惜,肉質夠鬆化,燒得油脂好香好入味. 沙律色澤深紅好靚,紅菜頭蓉軟軟棉棉,味道清甜好新鮮,吃後令人胃口大開.在此之前都光顧過葵芳分店,覺得兩間荳子的食物上枱賣相都好精美,味道也不錯,可選擇的種類又多元化,我很有興趣再來時試下他們的牛扒和豬手等,且看質素又如何…😉

星期五約左個friend食Tea, 係對方推薦下，第一次食Beans~ 【抹茶黑糖麻糬流心吐司】抹茶特品未必樣樣都好食，但呢款甜品出奇地夾，唯一缺點係麻糬太少。【焦糖單骨雞翼配薯條】一個字“正“。🍹🍸包2杯飲品，個friend要求加水都無say no.✨️✨️質素同價錢成正比，仲可以慢慢坐（平日人流少），慢慢食，侍應都有禮貌，環境簡潔乾淨，整體平，靚，正～Tea Time時段絕對值得一試。