影片
開飯介紹
來自新加坡的福建菜餐廳，把莆田清淡純樸和濃郁鄉間風味帶到香港；其傳統福建菜讓客人品嚐到莆田菜的精髓 ── 新鮮、清淡。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
有關獎賞計劃
優惠
88折
$100現金券(5張) 特色福建菜【莆田】
$88
$100
相關文章
莆田嘅餐牌有唔少有新鮮感嘅菜式，質素一向唔錯，又不時有d 新菜式。今次再來試下其他餸。❌福建紅菇海鮮滷麵 冇海鮮味，冇菇味，普普通通杰杰地嘅湯底。材料頗豐富，味道普通。唔明點解係招牌菜。唔推介。金湯時蔬 味道正常，個汁太杰。阿元香草雞 雞嘅質地同口感比較硬實，汁嘅味道清淡得來都夠味。味道唔錯，可惜係份量太細。蒜蓉蒸頭哆蟶 蟶子唔爽甜，比較淡同腍身。主要係食蒜蓉味。普通。紫菜炆飯 有粒粒質感，唔會太濕。有紫菜同海味乾嘅香味。好味！👌🏼大白菜燉軟豆腐湯冇想像中咁鮮甜好味。只係好淡嘅清湯味，味道好家常。除咗小菜，入邊仲有啲類似油豆腐，同埋有d 蟶子煲到好似橡筋咁硬。成個湯冇想像中希望係濃郁嘅白湯味。普普通通。🥲魚蛋燕皮餃以前幾鐘意佢嘅燕皮餃，雖然細細粒，但幾滋味。但依家多左粒魚蛋。粒巨型魚蛋麻麻地，佢入面有個肉餡，但外層太厚又粉，唔好食。反而希望佢出返個option 係唔使食嘅魚蛋，就咁只食餃子。
繼續閱讀
呢餐飯菜式嘅選擇幾好，有海鮮、豆腐同埋炒米粉，平衡得幾好。「避風塘炒蟶子」蟶子夠鮮味，避風塘嘅蒜蓉、辣椒、豆豉等等配料要香脆惹味，而且份量要充足，可以沾滿每一隻蟶子。「軟煎大黃魚」嘅魚皮煎得香脆，大大條。魚肉唔會煎得太老。調味方面，啱啱好，可以突出魚嘅鮮味。「石鍋滑豆腐」嘅豆腐夠滑，醬汁要夠濃郁。石鍋嘅溫度夠，可以保持豆腐嘅熱度，食落更加滋味。「興化炒米粉」嘅米粉炒得乾身，唔會太油膩，配料例如蝦米、花生、芽菜等等夠豐富，味道要夠鑊氣。
繼續閱讀
❣️正宗閩菜食府荃灣廣場莆田❣️今次同香妍一齊去咗荃灣廣場嘅「莆田」💚佢哋主打嘅閩菜！餐廳標榜用家鄉好食材，仲有個「哆頭蟶子節」，有8種食法，我地叫咗「蒜蓉蒸哆頭蟶」，蟶子鮮甜肥美，蒜蓉香得嚟唔會搶味，真係食到海鮮原汁原味！另外仲叫咗福建特色「海蠣煎」，蠔仔份量足，煎得外脆內軟，蘸埋辣醬超惹味😋午市一人B餐都好抵食，我地叫咗兩個set😍第一個有溏心蛋🥚流心效果正！蝦苗頭水拌紫菜鮮味十足、撈汁青瓜🥒爽脆開胃，主菜揀咗莆田荔枝肉配白飯，肉質鬆化，酸甜醬好開胃😆第二個set有滷水嫩豆腐滑溜入味、酸甜黃花魚🐟炸得香脆，醬汁酸甜平衡，白飯煮得啱啱好！ 加配小食都好抵，+$18有芝麻南瓜餅，外脆內軟，芝麻香濃、農家炸京糕！煙韌香甜，仲有黃饅頭＋紅團＋白米糕💟三色點心，紅團係福建傳統，糯米皮包豆沙，好有風味！+$12嘅莆田印糕❤️軟糯微甜，+$8嘅凍冬瓜薏米水解渴又清潤！ 最後叫埋甜品，凍建蓮雪耳湯清甜滋潤，桂花陳皮燉雪梨🍐暖胃又潤喉，完美作結！ 莆田嘅閩菜真正宗🫶🏻食材新鮮，價錢合理，尤其午市套餐性價比高，加配小食同甜品真心抵😚
繼續閱讀
喺荃灣想食特色中菜，見到海蟶節菜式非常吸引🤩咁肥美又有咁多唔同嘅煮法，仲要有特價 ，實在太吸引👍🏻所以入咗莆田，福建菜，特色小炒同前菜都非常吸引😌撈汁哆頭蟶，冷盤，秘製撈汁加蔥蒜辣椒碎😎喺咁熱嘅天氣食，實在係太好味🤤仲非常食到海蟶嘅鮮味，必試🙌🏻冬瓜哆頭蟶湯，成個湯入邊嘅海蟶非常之多，粒粒都好飽滿，食落又鮮又肥美😍個湯淨係海蟶嘅海鮮味，加埋啲冬瓜，又清又好味，正😄鹹香黃花魚🐠我最愛嘅前菜小食之一，非常之花手工咁清除晒魚唔食得嘅部份，然後炸到外皮香脆，魚肉嫩滑，勁惹味🩵脆皮蒜香雞，半隻，莆田嘅雞肉真係冇得輸👍🏻又嫩又多汁，蒜香雞做到蒜味，好好味😋莆田地道燜豆腐，食過一次返唔到轉頭嘅福建家鄉菜豆腐加蛋配埋唔同嘅配料好味莆田係永遠唔會令人失望嘅中菜🫶🏻仲要做唔係周圍都食到嘅福建菜，材料食得出嘅高質素，未食過海蟶節嘅菜式就一定試吓😽
繼續閱讀
味道幾好😊份量尚算可以😋一家8口大概$3000。 糖醋大黃魚、避風塘聖子、薑母鴨、蒜蓉聖子、芋泥香酥鴨、都幾好味道。環境幾好，足夠大，唔逼逼逼。感覺都值得一試😝
繼續閱讀
您可能會有興趣的...