莊園韓國料理 (已結業)

夜晚八點到去食，入面都好full吓，睇吓人哋食啲嘢，大部分都好大碟，等咗15分鐘~~入得!!一嚟已經11個kimchi，樣樣都勁好食囉，好似唔駛叫其他嘢食已經有啲飽喇!!所以淨係叫咗個八爪魚牛肉窩，跟兩個飯，個湯底有啲似羅宋湯，酸酸哋，辣辣哋，啲八爪魚都好細隻吓囉，牛肉就唔多夠，但係啲配菜勁多，仲要好好食添!! 加埋啲kimchi，送埋飯，兩個人已經食到頂住呀~~由於好多人都會食燒烤，食完之後個身好勁油煙味囉啲待應都好勤力，係咁加茶，又係咁換燒板，上菜又快，簡直得囉~~

琴晚呀爸想食韓國菜, 就帶左佢黎金巴利街食.比左兩間佢去揀, 佢揀左莊園,因為多前菜,感覺上可試多d野食ma…得3個人食~好似好難叫菜咁~向佢地推介左牛肋骨煲,佢地都贊成~另外,呀爸揀左辣豆腐湯,其實本身想叫石頭飯架,但係又食唔晒,因為我同媽媽都細食~所以都係算啦~落單後不久就上左12小碟前菜~自己最鍾意食炒粉絲同煎餅~但係其實每碟份量唔多~約3人份量.所以好快已清左4,5碟.牛肋骨煲先到~辣豆腐湯都跟住黎lu….原來會跟白飯的….幾好喎..辣豆腐湯唔只得豆腐,仲有蝦,,魷魚,同一d菜類o係入面~湯好味道~都唔係太辣~有濃郁既蝦膏味道~用黎食白飯一流~牛肋骨煲則有4大件牛肋骨,仲有4-5件白蘿蔔&紅蘿蔔,少少洋蔥絲…每樣都好入味同淋~所以都好好味架~不過~我覺得有埋栗子就更好,所以好似韓雅林好食d喎~其實整體都唔錯~唔算平~但可接受~我地3個人咁樣叫就剛剛好喇~如果兩個人黎都唔知點算~多人的話建議大家先訂枱~同埋2-3人黎通常都係搭枱架!呢度今年都加左價lu…不過幸好味道冇變…

來到門前才發覺原來很多年前已光顧過此店，只是記不起名字而已。和數年前來一樣，店的裝修頗舊，反而有一種小店獨有的親切感。來吃的超過一半以上是韓國人，不用聽他們說話，單看桌上面的食物便可知，因韓國人點的地道菜一般都不對我們的胃口。點好菜，十小碟馬上鋪滿桌面。每一碟的味道都很好，小臣的永恆至愛是鹹魚仔，主菜未上桌已把它吃光。天氣熱所以點了冷麵。吃慣盛岡冷麵，此麵無論在麵的筋度，湯汁的味道等各方面都不對胃口，吃了一小碗便放棄了。當然這只是我們不喜歡，不代表它味道不地道。主角是牛肋骨煲，滿滿的五大件骨，「色」方面沒有太大花巧，「香」和「味」則俱佳，燜至極腍極入味的牛肋骨，自有其獨有的誘人香氣，除了略乾之外，沒有什麼可挑剔的地方。煲內的紅、白蘿蔔都不可錯過。另外點了一客海鮮薄餅，餅煎至焦脆，加上蔥的香氣，有令人一件接一件吃的衝動。不過餅實在太大，無論我們如何努力也吃不完。想吃地道韓菜，此店是不錯的選擇。

~~~~今日終於去食飯喇! 話左食韓國菜好耐,今日終於成行!! 星期五放工出發去尖沙咀, 行出大街兜入後行.終於到左莊園,入到去,因為時間尚早,無咩人, 計埋我地都係10個人左右.一打開餐牌, 見到樣樣野都好貴, 心諗, 有乜理由一個餃子都要成100蚊,好貴呀 ! 不過話左要試, 咁都無乜所謂.我地2個人叫左 3樣野, 開頭叫左2 樣, 驚唔夠食, 叫多個牛肉. 早知唔叫啦!!!!!是日菜單1. 錦石頭鍋飯 ($100)2. 韓式餃子湯 ($90 )3. 燒牛肉 ($ 100)叫完菜一陣間, 佢黎左11碟前菜, 樣樣都試下, 佢既泡菜麻麻地, 太酸喇, 酸到無晒辣味同咸味, 都係秀韓國餐館既泡菜食好食d.其他都ok, 食食下, 見到隔離枱有豆腐, 咁梗係叫佢攞碟黎試下啦, 呢度d 前菜可以任食,仲有沙律, 不過唔係好想食,所以無叫.過左一陣, 牛肉到左, 自己燒, 都幾開心架, 不過得6-7塊,似薄牛扒,味道都ok, 但唔值呢個價, 下次再黎可以唔食.燒左一陣, 個飯黎左, 朋友見到只可以分到2碗, 仲諗住唔夠食, 點知食下食下就知出事喇,大家都係未見到個餃子己經飽飽地, 到佢碟餃子

比起銅鑼灣那間，這裡小很多。但就算地方淺窄，十二碟kimchi還是照舊，放得一檯都是，而且大部分都相當好吃。坐下才知道，又不吃牛又不吃海鮮，早響嘛，如果早知就不吃韓國菜了，害得我摦爆頭也不知吃甚麼。辣醬炒魷魚的魷魚不算很新鮮，用上與韓式炒年糕一樣的方法泡製。單吃那汁已經很過癮了，不過原來那辣度完全及不上那泡菜湯。血紅色酸酸辣辣的湯異常吸引，一人兩碗後再吃魷魚便完全沒有味了。最後來個石頭飯包底，有水準的，最愛那軟硬適中的飯焦。原來韓菜不吃牛和海鮮，也不是沒有選擇的。的確，吃甚麼其實也不是最重要，最重要是聚在一起的感覺，是日竟然有人記得我喜歡蔡少芬?高興得我，知道我這路人甲在兩位大小姐心中佔了一席位，賺到了。

凌晨3點幾,同老公同D朋友飲完酒,有個friend話想食消夜,老尖大把好野食,但咁夜可以食D乜,特然有個friend話金巴利街好多韓國,咁夜唯有博一博..一行五人,去到見到有兩三間仲開緊,其他都係料理,個friend想食燒烤,好!就試就下厘間....一坐低點左牛肉,牛肋骨同魚塊,轉個頭十幾樣前菜放在眼前,每樣都好有水準,泡菜更係好好食,夠辣同香,個個都鍾意食,問侍應可唔可以加,佢再比三碟我地,又有飯又有湯,好豐富....主菜到,先試牛肋骨,D肉汁好正,唔知係唔係有小小肥肉,口感好香,魚塊都係我十分之鍾意食,水準唔錯,再試牛肉,同牛肋骨係兩回事,肉味重D甜D送飯一流,個個都差少少,再叫多個牛肉食,點知個侍應二話不說,將成碟牛倒落個鑊道,我地呆左,唔係咁趕收工呀.....侍應笑笑口,話正宗食法係咁,因為頭先且我地見逐塊逐塊食,試下咁樣食下,OK喎,逐塊食會泥乾身D,但係香D,成碟食肉汁再濃D,兩個食法都好食....侍應話四點鍾左右無客可能會關門,四點前到會好D,除左我地之外,仲有兩台韓國人,夠地道....三樣都好食,不過牛肉少D,但都幾有水準,前菜叫多左無收多我地錢,唔知係唔係任食厘...

食韓國餐,嚟到金巴利一帶有好多選擇,是但pick,今次pick番莊園!好既一餐唔好又一餐,梗係希望搵到間好食架啦,叫左一個海鮮辣窩,一個牛肋骨煲,已經夠,因為白飯唔使自己叫,而且仲有前菜十幾碟,已經夠哂!海鮮辣窩幾好味,材料豐富,泡菜味湯底醒胃,海鮮有蟹,蝦,黃花魚,尢魚等等!菜有金菇,娃娃菜..娃娃菜索哂泡菜湯,特別好食!牛肋骨煲味道一般,豐園好一d!埋單四百幾,ok啦!

晚飯到莊園食,似乎朝鮮文化依然好行!味道嚟講,佢地既食物可以叫做ok,唔算太好食,都唔太難食,可以講有缺點!好似個海鮮辣湯,湯底好似無咁好飲,其實已經煲左好耐,但係飲既時候成口都係粉狀既辣粉...唔知點解??燒烤味道都ok,牛肉醃得幾好,不過蝦同由魚無咁新鮮!氣氛普通,伙計無咩表情,場面唔係好舒服!

睇完兩位食友去CWB莊園的相後，立即在人日去食，不過我是去尖咀分店。多年前去過一次是食韓烤的，所以今次棄燒烤，食熟食。可能天氣凍關係，食燒烤較暖，全場滿座，遲些都要等位。店內客人多，起初侍應只得一個，又要落單、又要送菜、又要結帳，真是替她辛苦，後來多了兩個幫手，有少少改善。先有11碟前菜，十分豐富，我最愛的是辣蘿蔔多春魚，反而傳統的韓國泡菜就唔夠味，而老公就鍾意辣味生八爪魚。最後見隔離客人有鹹魚仔，立即追加一碟，惹味非常。老公又揀了一枝山渣春酒，細細枝要$100，相等於一個石頭飯價錢，頗為貴。味道很難飲，藥味當相重。落單時侍應姐姐說肋骨煲已沽清，立即想起身走人，最後她都好好人問問廚房，幸好剛剛煮起。肋骨煲有6、7件之多，每件都是大大件，在面頭的一件，不太有味，可能剛煮起的關係？但肉質異常鬆化，之後下面的幾件就香濃入味，而蘿蔔亦清甜、吸收了濃汁精華。這個肋骨煲除了有白蘿蔔、紅蘿蔔、紅棗及冬菇外，還加了洋蔥，更增加美味。石頭飯-最開心的是有不少飯焦，一大塊一大塊十分脆口，又加了不少辣醬，真是十分滋味。而且食完後十分保暖。由於只得兩個人，只叫了什錦石頭飯及牛肋骨煲，已吃得飽飽。但見有客人一碗

我一直都想試，但可惜次次都失敗，剛剛上個月29日在睇show之前和朋友去食了，雖然環境好普通，但食物都不錯，而且燒烤的味道不是很濃，食完之後身體不會很大陣味！我們兩人點了牛肉, 豬肉, 帶子及蝦，全部我都覺得好味，而且估不到一碟帶子會有那麼多粒，我覺得整體上不錯，但服務員就差少少，我點了的東西忘記了，叫了很多次都不來，但我還是會再來食！

前菜有芽菜, 菠菜, 大豆芽, 豆腐, 泡菜, 薯仔, 蘿蔔沙丁魚, 翠玉瓜, 摩芋條等, 十分豐富.牛肋骨煲–牛肋骨汶得很淋但又不失其肉質, 骨肉很易分離, 紅白蘿蔔和冬菇吸收了濃香的肉汁很美味.炒粉絲–炒得不油膩, 配菜有椰菜絲, 紅蘿蔔絲, 木耳絲等. 粉絲粗身彈牙.石頭窩飯–飯焦和辣醬都不夠多, 所以不算太惹味.謝謝!!

今晚同老公出去TST睇燈飾, 去韓國街搵呢間比較多人既試食(漢城根本坐不下)...! 我地兩個人搭了一張大既6人, 同已有人食緊燒烤, 空氣不太流通! 環境已給打了折扣, 鋪頭細細, 都無乜細!餐前既十小碟...做得都唔錯, 我最鍾意食炒粉絲! 我地例牌叫了常吃既...石頭窩飯, $100, 來到時我都睇唔到個樣...佢已經開始拌勻, 唔知有無拌飯醬...佢無拎俾我地, 飯幾香, 料亦足! 另一個係炆牛筋骨, $130, 蘿蔔好腍入味, 不過, 牛筋骨就唔及阿里郎同韓雅林做得咁腍!最後去了洗手間, 同茶餐廳差唔多咁惡劣, 食物還可以, 但如果以價錢黎睇, 我諗阿里同韓雅會坐舒服一點, 值一點!

月頭同女友去食莊園, 一入到去已經打個突, 環境setting比漢陽苑類更差, 好普通, 唔算乾淨企理。二人只可以坐corner位(雖然佢唔fill其他客人係我地隔離)。一來十小碟, 好好味, 比食過gei韓國菜館優勝好多, 多花款又肯refill比我。我地叫左個超級牛肋條、烤雞同埋石頭飯。好好味, d牛肋好足牛肉味, 烤出黎好多肉汁。雞肉都好食, 不過已經比下去了。

今次終於都食到位於尖沙咀一間正宗既韓國菜..不過一座低..睇一睇菜單..嘩..好很貴呀..一碟牛仔肉$ 160 ..一個湯$ 300 ..樣樣都好很貴呀..不過貴都要食架..我地同行三個人..叫左兩樣野..一碟叫綜合燒..簡單就係咩都有..另一個就係普通既牛肉..一貫韓國既特色..就係好多前菜..依度足足有成12 碟前菜..而味道當然係好好味啦..唔錯唔錯..而綜合燒同牛肉都好好味..每人仲有一碗飯同一碗湯..都算唔錯啦..今餐要成$ 435 ..貴就貴啲..不過最緊要好味同..大家食得開心就得啦..算啦..今餐我請啦..就當我同佢地食既聖誕大餐啦..

最近一直都好想試正宗韓式的炸醬麵，終於在星期五試到了！當日約了以前第一份工的兩個經理，食什麼是我指定的，而去邊間就是他們選擇的！他們為了滿足我的要求，選了正中的這裡。七時多到了取位，但要等五張枱才到我們，所以我們先到皇悅酒店飲野，過了半小時便到這裡取位及入座。我們三日點了﹕石頭飯、牛肋骨煱、炸醬麵、韓式燒蝦。先了多碟前菜，樣樣都不錯，但沒有那個特別令人印象深刻。說回我最想試的炸醬麵吧！黑黑的醬配合粗身的麵條，味道估不到是帶有苦味的甜，真不是我想像中的味道呢！但那個麵質是我喜歡的，有口感，如果沒有那種苦味，一定會更好！難道正宗的炸醬麵是這樣的？有沒有人可以告訴我呢？真的想到附近的那幾間試試有何分別。而其他的食物都如我以前在其他韓國食店吃的味道差不多，而那個牛肋骨真的很入味，喜歡吃牛的一定要試，因為其實我是不吃牛的，但也吃了一小口呢！價錢偏貴，但份量都頗大，多些人來試多幾樣就最好，不過地方幾細，等位是必然的了。原來這間店每天開正零晨五時，真的誇張呢！