菠蘿仔食堂 (灣景廣場) (已結業)

今日調舖第一日，剛巧撞到之前識嘅同事Miss Y 就約埋一齊食飯，佢再介紹多兩位新同事比我識，就一齊去食菠蘿🍍仔？🤔🤔原來係喺Aeon百貨旁邊嘅食肆‘菠蘿仔食堂’🤣🤣佢哋唔戴我黎真係唔知開咗都有大半年😂😂我就叫咗～～～照燒雞扒飯～～～作為下午茶嘅套餐，我覺得份量都正常似午餐嘅，有飯有沙律菜有照燒雞扒，+$3有凍檸茶！營養好似幾均衡咁😁😁照燒雞扒有5件，煎得幾靚，‘令立立’咁！甜甜地亦唔會好乾！😚😚仲有少少燶邊脆口🙂🙂沙律菜🥗會有芝麻醬凍凍地幾開胃🤗🤗凍檸茶就一般冇特別😀😀雖然時間唔多，但都傾咗陣計幾開心🥳🥳

無論日子如何，午餐還是要吃，經過見到呢間主打是波蘿既食堂，不過我地冇試波蘿包🤣雖然質素平平，但係這個價位都可以一試。🍗皇牌瑞士雞髀煎蛋飯 連熱飲作為皇牌有點失望，雞髀肉有點乾味道中規中矩，不過驚喜原來在煎蛋，好少見到咁靚。🍔吉列豬扒包+薯條 連熱飲份量好大超驚喜，包很軟豬扒算大塊，味道都唔錯，CP值好高。🍦日本牛乳軟雪糕味道甜甜地幾好味，平平地作為飯後甜品都唔錯。

下午茶時間走左入Aeon 諗住隨意食 叫左兩個餐 菠蘿雞扒包 炸魚柳包餐菠蘿包夾住厚厚既雞扒滿滿既生菜 蕃茄 裡面仲有一片菠蘿 配燒汁 個汁唔會太咸 又唔會太多 剛好 雞扒juicy 餐配左薯條 唔太喜歡薯條既我就因為距地脆口都食太1/3 另外魚柳包都一樣分量十足 手掌甘長厚實炸皮唔厚 下午茶所謂食少少 都可以飽好耐

天氣凍凍地，忽然想食d熱嘢，咁啱見到呢間門口餐牌有就入去試下，原來係要先到門口點餐及購票的…我點咗全日供應嘅套餐照燒雞扒讚歧湯烏冬跟餐飲熱鴛鴦。跟住我入去坐低咗，一陣店員先送上餐飲…熱飲…超熱，而鴛鴦嘅咖啡味道十分濃郁!跟一般茶記味道唔同…會有點味覺驚喜!熱辣辣味噌湯底嘅讚歧烏冬送到面前，湯烏冬配有粟米粒、海帶及京葱，而照燒雞扒會另上!雞扒肉質軟滑配上燒汁、芝麻粒及沙律醬!好嘢味呀!

我本人真係好鍾意食burger, 唔計麥當奴，kFC合成肉平價burger, 我1年都食過大大小小20幾間唔同類型既burger,而呢食過好幾次呢間，因為又好味又抵食，F.4套餐＄52蚊晚市有埋野飲抗通漲一流，無得輸，而且好足料個burger又高身，好飽肚，唯一美中不足係個薯條無咩特別，但比呢個價錢，我又無得話要求d咩，環境好寛躺，奇怪係入座率唔高，希望呢d小店可以在疫情都能夠生存落去啦，我一定會再幫襯，利申：絕非打手

今日行完AEON, 簡簡單單食一餐, 行過呢間菠蘿仔餐廳，肚餓。見佢餐牌啲價錢又唔係好貴就入去試吓，叫咗個焗豬扒飯同金菇肥牛飯，跟兩杯熱Horlick，兩個飯都可以接受但係冇乜特別。

菠蘿仔食堂，一直都未試過。今日行過諗唔到食乜就一於入去試一試。一見到餐牌，覺得呢度選擇比較多，又有漢堡包，有日式野有飯有烏冬。亦都有港式茶餐。最後我哋嗌左：一個鰻魚炒飯$52一個牛肉壽喜燒配白飯$68加配左$8兩隻瑞士雞翼兩杯熱奶茶埋單$128我覺得個鰻魚炒飯炒得好有香有少少鑊味，鰻魚唔係太甜。瑞士雞翼中規中矩然後壽喜燒上到嚟俾我第一感覺係好大份，牛肉睇落好多，配料菜菇粉絲都好多，初初食我覺得正正常常，但食到後期，覺得個壽喜燒咸得滯。如果佢湯底冇咁鹹應該會好好多

今日同屋企人喺荃灣行街，經過見到新開咗間"Pineapple Canteen"，感覺唔錯，就入咗去食😚-薄荷柚子冰茶講真其實冇乜薄荷味，不過係茶上面擺咗兩片薄荷葉，不過杯茶夠凍，熱嘅時候好啱飲，加上我鍾意飲甜嘢，除咗薄荷之外整體上都好好飲😆-日式金菇肥牛丼飯成碗飯都幾香，份量足夠，不過啲洋蔥有啲燶，本人幾鍾意食牛，食落都新鮮，不過啲牛就有啲靭，lum返啲就好喇😁-麻辣咖哩豬扒飯辣呢樣嘢個個口味唔同，個人認為麻辣夠辣，豬扒軟硬度都ok，啲汁配埋飯好好食，不過豬扒得一塊，一塊就好喇😛-皇牌瑞士雞髀煎蛋飯最好食就係呢樣，瑞士汁好好食，隻雞髀好入味，而且隻髀都大隻，成碟食落唔會太鹹，正呀🥳

We weren't sure what to have for dinner so came into Aeon to see what was available. This is where we found Pineapple Canteen. Originally one of the food trucks in the Food Truck plan, it now appears to have turned into a restaurant.The decor was bright and yellow with a number of pineapple sayings.Menu is in English and Chinese. There is no 10% service charge. You order and pay at the cashier where they will bring the food to you. They offer sets that includes a drink and fries along with desse

前幾日晚餐諗唔到食咩，見到菠蘿仔食堂可以係Open Rice 落Order，就試下啦😃叫左吉列豬扒包配薯條,同咖哩麻辣雞扒飯,晚餐都係$50左右仲有野飲,真係幾抵!係Open Rice 訂好方便,餐廳Ready去攞就得!佢嘅外賣包裝得好好!味道唔錯,薯條超多😋吉列豬扒包好香,豬扒夠脆,仲有菠蘿係入面!好特別,味道好夾呀!超級推介!麻辣雞扒飯嘅飯同餸係分開裝嘅,好貼心💕雞扒好大塊,仲有啲薯仔添,少少辣好惹味

近排去多咗荃灣，原來荃灣真係有不少新式食肆，呢間菠蘿仔食堂係第一次見😋似快餐店，有中式飯、西式意粉、日式烏冬、甚至雪糕🍦甜品都有，的確啱晒唔同口味嘅人我哋叫咗兩個餐：1. 照燒雞扒煎蛋羅宋湯讚岐烏冬配凍朱古力雞扒味道唔錯，應該係即叫即整，雞皮鬆脆🤩，羅宋湯配讚岐烏冬係最佳組合，不過亞女今次竟然揀咗食飯喎😳2. 鮮菠蘿咕嚕肉飯配凍絲襪奶茶菠蘿咕嚕肉成日都有機會出街食，今次呢個係鮮菠蘿同平時有啲唔同，咕嚕汁都好好味，亞女揀食飯都唔食烏冬，證明味道真係唔錯😅🍹飲品方面就普通咗啲，不過個杯好特別簡單得來又可以保存凍飲嘅冰凍❄️

疫情下只能自取外賣，包裝唔錯，飲品唔易倒瀉，望入店內，衞生良好，整齊乾淨。紅豆冰不太甜又不會太奶，非常好味。焗豬扒飯份量好大份👍👍👍。菠蘿包配薯條，簡直一流👍👍👍。一定會再幫襯！！！

今晚用網上外賣平台 叫外賣自取，食咗個鮮菠蘿焗雞扒飯。菠蘿食落新鮮，而其他食材分量都剛剛好，唯一想講就係希望焗飯可以再焗多一陣。應該幾適合晚餐想食得飽嘅人。值得一提係外賣盒、餐具，熱飲杯嘅用料都好有驚喜。*因為外賣自取關係，環境分同服務分都係隨便比。

呢段時間放假必定是出外買定幾日餸菜作為預備，行到攰攰地天氣又熱，一定要飲凍飲食返個雪糕，呢間食堂新開既，order了特濃奶茶軟雪糕，雪糕未算出色，但特濃奶茶真心真的好好飲，因有雪糕關係，奶茶應是沒有落糖，所以茶味非常濃郁，下次再黎一定會再飲👍