影片
港鐵旺角站 E1 出口, 港鐵旺角東站 B 出口
繼續閱讀
營業時間
今日營業
09:00 - 02:00
星期一至日
09:00 - 02:00
以上資料只供參考, 請與餐廳確認詳情
好耐冇食茶餐廳，叫返個港式經典常餐嘆吓😌一共12個選擇，全部配有牛乳炒蛋、半份奶油豬/牛油厚多士可以升級丹麥多士或薯餅 (+$2)▶️ 常餐E- 雞湯仿鮑魚火腿絲通粉 ($55)好足料😍三大片彈牙鮑片同一推切絲火腿另外加咗雞扒 (+$8)，手板咁大✋🏻味道新鮮，肉質嫩滑🐔啖啖肉雞湯底味道濃郁，唔太鹹通粉唔係cheap cheap快熟通粉，有質感又掛湯👍🏻橢圓形嘅奶油豬咬落香脆似baguette，搽上香口牛油同甜甜嘅煉奶🤤成個甜品吐司咁 (記得趁熱食，如果唔係變硬)牛乳炒蛋更出色🍳保持到超濕潤，食到一層層但唔散修修Eggy有蛋香，冇一般茶記炒蛋咁重牛油成個套餐超豐富大份飽肚▶️ 焗茄汁牛筋牛肋條飯 ($72)賣相相當唔錯🍅有適量芝士🧀惹味但唔油滯面頭嘅牛筋牛肋肉用料靚，牛筋紮實有韌度🐂係我鍾意嘅質地蕃茄醬汁酸甜調味適中，仲有真蕃茄！感覺冇咩MSG另外仲加咗juicy甜菠蘿粒同洋蔥，味道層次豐富飯底好似唔係炒飯🍚相對健康啲▶️ 熱杏霜杏仁味較淡，質感似豆漿整體唔會太甜▶️ 熱檸茶-可能你會諗：茶記常餐咪都係咁上下但我可以話呢個算係我食過幾高質嘅一個，完全唔馬虎份量超足，用料調味做足🙂↕️環境同服務都唔錯，侍應好禮貌，上菜又快手性價比甚高，平均$70/人，食到好飽💡餐廳24小時營業，設有特別宵夜套餐
繼續閱讀
最近旺角開咗好多新餐廳。呢間華仔冰室都開咗一段時間，招牌好搶眼😎今日經過旺角就黎試下。餐廳餐修有風味，環境座位好闊落。比起好多行都行唔到出黎既茶餐廳，呢間真係無敵寬敞🤣入座時雖然係午市，但都沒有逼我哋搭枱坐👍🏻招牌鮮茄焗豬扒飯 （$68）呢個係餐廳招牌菜，一於叫黎試一試！焗飯即刻焗，上菜時熱辣辣。好多茄汁再加埋芝士做到拉絲效果。豬扒已經幫我哋切咗件，方便啲食。豬扒咬落腍口多汁唔會乾柴柴。半隻鹽焗雞飯 （$78）呢個午餐有驚喜，份量好多。係半隻大雞😂唔係細雞仔！而且唔會好肥，焗得都好入味👍🏻個人覺得兩個人都夠食。跟餐叫咗熱奶茶&熱咖啡，餐廳用黑白奶，奶茶口感幼滑茶香，咖啡係即磨咖啡。兩杯都唔錯！
繼續閱讀
佢地嘅瑞士雞翼撈公仔麵及瑞士雞髀配沙律好好食，唔喊味道適中，但如點餐時可選加汁另上會更好。可能聖誕假期人手不足，上餐時間比較耐，但侍應態度非常好，唔會因為人手問題不理會顧客，態度滿分！值得下次再嚟！
繼續閱讀
估唔到小菜，可以咁好味，快閃旺角食咗啲特色嘢，居然有水煮牛肉，椒鹽軟殼蟹。非常之入味，有鑊氣，仲有嗌咗個西蘭花炒帶子。店員服務又禮，，估唔到簡單食個茶餐廳又咁高質素
繼續閱讀
又到了晚飯時間 之前食過呢間沙嗲牛肉麵真心正今次試吓第二啲 晚餐推介有鹽焗雞半隻$78(包飯包嘢飲 凍飲+3)另外天氣凍 叫咗個啫啫牛仔骨煲$118鹽焗雞半隻真係抵食 咸道適中 味道OK唯一美中不足的地方就是好多細骨（食雞好棹忌多碎碎嘅雞骨 要小心）啫啫牛仔骨煲大碟 都有好多牛仔骨 味道調得好野味唔知係咪啲牛仔比較靭 牛肉多筋位 好難咬開如箍牙或牙力唔咁好就不建議 或者要帶鉸剪 如改善埋就更加好但整體味道OK 感覺良好員工醒目有效率 一眼關七 招呼周到 地道香港人 呢間餐廳能夠傳承到香港地道美食 環境有香港特色霓虹燈可以打卡 可帶外地朋友來而且開放時間二十四小時 值得推薦
繼續閱讀