華園冰室

營業中

休息中

第一次幫襯就覺得難食都想講粗口，吾過一百蚊又話吾送，兩條街又話唔送外賣，斑塊解凍過龍，成個飯得三舊手指尾甘大既斑塊，啲咖哩汁又好似水，根本上佢個廚房唔識煮咖哩汁，服務態度一般，所以成個飯系得兩條腸仔食……

下午茶唔知食乜好，見呢間夠光猛乾淨就入去試下。叫左個薑蔥叉燒撈丁，因為諗起中環果間，當然黎到就完全唔係果回事啦。D薑蔥切到勁粗，而且係生既放上面，根本同d麵撈唔埋。而麵既味係因為落左豉油，出前一丁烚到仲好爽滑，不過純粹豉油撈丁咁，叉燒正常質素有d偏瘦。好彩杯熱飲沖得夠濃，可能叉燒同薑蔥都唔係佢強項啦。

又是一個在假日裡加班工作的早上，來到這一段茶餐廳林立，一個街口足有五六間茶餐廳的汝州街，隨便揀了一間入去食早餐。叫來一個愈來愈多茶餐廳有得吃的「薑絲牛肉麵 + 腸仔炒蛋 + 厚多士」早餐，加多杯「熱奶茶」做早餐。薑絲牛肉麵當然與同在深水埗區的名店「維記」的出品有距離，湯就不用提了，牛肉也是大路貨色，意想不到的是，這兒用的麵甚為軟滑，就像伊麵一樣，就幾好食。不過那炒蛋就不濟了，全無蛋汁，亦熟得只像厚蛋皮一樣，腸仔與厚多士也無甚好提。即使是那杯熱奶茶，水準也只是一般，比快餐店的出品好不了多少。至於服務方面，也許因為侍應都是上了年紀的阿姐關係，效率也不高，原本我的早餐的火腿也被聽錯了是腸仔，雖然我沒有要求更換，但服務方面就不能稱得上滿意了。

下午去食（已經1：45pm，唔算好多人），入去嘅時候見到人地臺上面嘅炒蛋多士幾好，就叫左個特餐叉燒意粉配多士同炒嫩蛋（＄37，凍飲＋＄3）。叉燒意粉（score:2/5)：＊叉燒份量幾多，size ok 大，有4﹣5件，唔肥但係唔鞋口，唔錯。＊意粉好淋，淋到爛開，食唔出係意粉，似煮過頭ge 油麵！唔明點解咁都可以上碟。＊湯底：幾濃，食完都無好口渴。多士同炒嫩蛋 (score:1/5):＊多士叫左多烘，但係明顯無，但係都幾脆，不過就好乾，雖然係厚切多士，都無外脆內軟，好似食緊脆餅咁。＊炒嫩蛋 ：唔掂 - 圖中可以見到，完全唔係炒蛋，而係煎蛋皮，而且非常多油，有一‘泡’油係蛋面。當時唔算peak hour，唔知點解可以咁求其其他：唔計食物質素，夥計都好友善，凍檸茶都唔錯。 

深水步真係有好多好野食.有啲唔算好貴有日經過呢個冰室.見佢幾乾淨光猛.就入去試下. 啲樓面係一啲阿姐.但佢地都好有禮貌.仲介紹我地食咖哩.不過因為lunch食左咖哩.所以唯有試其他佢介紹左食清湯牛腩飯 $38另外再叫左個 淨雲吞 $24喂個牛坑腩真係要俾like38蚊.但呢兜野數過有成10舊腩.仲要有白菜仔墊底好抵呀！食落口仲要幾腍身好有味呀！勁正!個淨雲吞都好surprised.味道都可以..但係有7粒咁多呀！雖然呢件事俾著係5年10年前根本唔係啲咩出奇事值得mentioned.但係今時今日真係好少餐廳會俾咁多粒. 有既都要三.四十蚊碗...所以真係想讚讚呢間餐廳下次想試下佢個咖哩

由一出世就在汝洲街住了十多年, 不知由何時開始變了一條食街, 茶餐廳一間接一間地開... 今個星期又被我多了一間新的, 裝修挺懷舊, 就跟媽媽去試一試...媽媽點了碗魚蛋河($31), 份量不多, 魚蛋片頭切得參差, 味道一般吧...我點了特餐A ($40), 有豬排公仔麵, 火腿奄列及方包...我都真的第一次見到奄列是這樣的, 說白了是雞蛋包火腿, 就這樣把火腿放在蛋皮內就叫奄列?! 可見餐廳心思不多... 方包乾身有點硬就不提了... 豬排麵看起來算是曼正常的, 麵夠軟身, 不過豬排似乎醃了很飛久, 有一陣鬆肉粉的味, 入口不太舒服...最令人印象深刻的我的熱檸茶, 顏色偏深棕, 從來未飲過如此苦澀的檸茶, 還要是十分「鞋」身, 基本上真的2口已經不想再飲了...  茶底真的有很大的進步空間... 坦白說, 深水埗美食一蘿蘿, 華園冰室看來都後會無期...