華園餃子館 (已搬遷) 新店位置

星期六下午在公司附近食午餐，o黎了這間頗唔錯嘅餃子店。叫了蕃茄餡餃子面同一杯豆漿。餃子皮薄，有好多肉汁，好食。那些面條煙韌，爽口，很不錯。至於豆漿亦有驚喜，豆味濃郁，不是很甜，我很鍾意。餐廳的食物好食固然重要，但服務態度會直接影響客人會否再幫襯。這間小店的服務員耐性低（顧客問她問題，答非所問；顧客未揀好食物，表現得好唔奈煩），而且沒有記性（只要斟一斟的豆漿都可以唔記得，要客人催問），服務待態同質素實在有待改善﹗

有一次無意之間想搵間野醫肚, 咁見到入面無乜人, 就入去食啦.O個次我叫左個魚肉蛟同羊肉酥餅. 先先o黎左個魚肉蛟. 因為我係叫淨蛟, 所以無湯跟的 (如跟湯好似要加$1 - $2).食落去味道比我想中像中好, 最緊要係個蛟裡面唔會話夾左好多肥肉食落口好油好肥的感覺. 好好味跟住個羊肉餅就o黎啦. 我最初以為佢係o個d一個麵粉裡面包住肉的做法. 點知唔係, 佢係先煎好個酥餅, 再將羊肉碎放上面. 食的時候會有少少麻煩 (因為要落手食), 但個味道好好, 除左個酥餅好鬆脆之外, 羊肉碎食落口有好多肉汁, 調味做得好好, 正. 今次之後, 我諗以後如果我經過呢到都會去食一次囉

其實之前來過一次第一次點了4款作晚餐1) 芝麻醬拌麪 2) 搾醬拌麪外表似上海中麪, 好有麵粉香, 有"咬勁"拌麪暖烘烘, 加上香口醬料, 正3) 酒醉雞翼- 夠酒香, 雞翼皮爽脆肉唔鞋4) 白灼蕃薯葉- 灼蕃薯葉加豉油, 完全屋企feel埋單約$70第二次點了2款作午餐1) 菠菜豬肉餃麪 2) 雪菜水餃麪 (白菜豬肉水餃)水餃味道不錯, 不油膩. 有d肉汁好鍾意佢個湯冇油. 2) (再來)白灼蕃薯葉- 出面不常見o麻埋單約$70

$17紅油抄手：唔夠山東餃子館的辣，只有蒜泥，蔥都無粒$19茴香餃子：可吃出淡淡的茴香香料味，內有肥豬肉，但鮮肉味不太突出

呢間餃子館雖然地方細, 但d餃子新鮮又好味, 我介紹d朋友去試, 佢哋都讚不絕口! 餃子款式又多, 皮又薄, 用料新鮮!仲有佢有獨特嘅烤串燒, 有羊、豬及雞, 對我嚟講, 鍾意食羊嘅朋友, 一定要試羊肉串, 又無羊"蘇"味, d串燒好快賣晒, 要食就早d落去, 每次開爐要兩串起, 十分香口好味!佢哋仲有個蕃茄蛋拌麵, 每晚都好好賣, 有幾次落去食, 老闆娘都同我講賣晒, 下次再嚟留俾我! 不過老闆娘話點解唔打定電話嚟, 可以幫我留噃一至兩份, so good!

嗰晚行過, 諗住買碗外賁酸辣湯餃子返屋企食...喺門口見滿座, 好現象...我同老板娘講要碗酸辣湯餃子拎走, 佢即刻好串咁問要咩餃子, 咁我已經好快即刻話要菜肉餃...根住老板娘好不肖咁望住我講, "我地呢度好多款菜肉餃, 唔該你睇清楚餐牌先啦"...我即刻佐咀...我都係黎幫襯啫...仲要第一次...我叫完之後, 有個街坊拖住個女, 又係叫外賣, 佢叫佐老板娘一聲, 跟住就叫外賣, 個老板娘即刻大大聲話, "我而家好忙, 都唔知點解咁多人叫外賣, 嗰啲食完嗰啲(指店內客人), 係都要食完先叫外責, 我而家有十幾份等住比人, 要好耐先做到你嗰份喎, 你仲要唔要?"...我喺側邊又佐咀...我諗緊佢係咪趕緊客? 個街坊好似已经慣佐老板娘啲口吻, 超高EQ, 話唔緊要, 佢会照等...返屋企食完餃子, 唔錯! 酸辣湯唔夠料, 味道唔差, 如果可以多啲料會好啲! 價錢唔貴, 會再去試下淨餃子!

2008年4月6日，華園餃子館華園餃子館個電話同位址都同山東餃子館一樣，以為是山東易手，後來發現同一條街有山東餃子館第二分店。不知道兩者有什麼關係。白菜馬蹄鮮肉餃玉米麵：玉米麵唔可以話好好食，但好homemade feel，D餃子細細粒，勝在新鮮，味道也很不錯。白灼番薯苗：好吃，嫩點更好。小蔥拌豆腐：好像從冰箱拿出來，初吃有點實，但味道尚可，鹹鹹香香。番茄鮮肉餃：味道幾好，番茄如果去皮更好，因為有皮好像有“渣”的感覺。豬扒：賣相幾好,有D豉油味，都算鬆化。

一間又抵又好食既餃子館...我地十個人去食,分左兩張枱... 首先(蕃茄蛋拌麵)~老闆娘話晚晚都賣曬,,(麻辣蕃薯粉)~唔怕辣可以試下 一..一" (紅油抄手)~我有朋友食到要飲兩支汽水....(羊,豬,雞肉串燒)~不過要早d叫因為燒 都要一段時間.....講完果4張相,跟住(麻辣豬肚)~(酸辣湯)~(蔥油千層餅)~(麻醬拌麵) (鮮肉貓耳朵)~(十三么餃子)<~~本人覺得喱個抵食可以食到14款唔同既餃子, (茴香餃子)~(蕃茄餃子)~(蕃薯苗餃子)~(羊肉餃子)~(擔擔麵)~(菌菇麵)~(涼拌青瓜)~ (涼拌西芹)~