華嫂冰室 (已搬遷) 新店位置

今次點了華嫂冰室的招牌菠蘿包和皮蛋芫茜雞翼米粉。湯底清甜，是我喜歡的味道！但今次點了的雞翼反而令我有一點失望，望落顏色十分上色，但就是因為煮得太八久了，導致雞翼肉都不滑，稍有遜色。招牌菠蘿包是每一次必點的，試過後一定不會令你失望，菠蘿的皮十分脆，應該是新鮮出爐的，而且有蕃茄的配搭，食落十分新鮮的感覺！牛油在這裡沒有太油膩的感覺，反而平衡了整個菠蘿包的味道！最後，有一點小插曲是在點菜時，店員有一點不禮貌的語氣，不知道是我們點不清楚還是他聽不清楚，點了兩三次他都不明白就不耐煩的樣子，我和朋友都說不清有這麼難明嗎？只是想點兩樣東西罷了☹️

一直都想試好耐ge華嫂冰室.知道一直要排好耐隊又一直冇時間難得的一次平日的補假日.就一早起身黎試下la...一早黎到都見人龍la.食華嫂要入坐前落單(同埋只落一次單)我本來想試最出名ge冰花奶茶點知囗快快叫左凍奶茶....冇計la.下次再試la.蕃茄豬扒雞翼通粉個蕃茄湯幾濃.好食招牌波蘿包有蛋有牛油有蕃茄好豐富ge配塔。果然係招牌。超正！睇相都想再食ar!再叫左個芝士咸牛肉包.熱辣辣好食.不過我都係鐘情於個招牌波羅包多D.

星期六同朋友仔打完波 就去左觀塘附近 食野，朋友就話食華嫂，咁我雖然聽過但未真正食過所以就無所謂啦試試佢。呢間野都好多人排隊，我地都排左4個字先有位，咁我就聽朋友講個波蘿豬扒包幾好食，我又跟風叫左個，個波蘿波熱辣辣，拎上手仲係好熱 個皮仲要係脆既 離遠都嗅到好香既波蘿波味，再加埋個豬扒簡直一流，唔怪得咁多人排隊食啦

每次去華嫂都會8am去 因為係唯一唔洗等位既時間🥰 呢次都係叫左必食既招牌波羅包($19)！個波羅包好好食 成日好想問佢邊度買個波羅包😂 有時會就咁食波羅油 入面夾住一大塊牛油 蛋 蕃茄 進食時有dd呢hea 尤其share食時 一切就好容分開哂😣亦叫左個招牌芝士咸牛肉蛋豬仔包 ($21)，個包熱辣辣 入面d芝士溶落個蛋度 好好味 🤤 咸牛肉個人認為有少少過咸 不過平時無咩點食咸牛肉唔知係咪standard😝次次都係食原鋪 好想試下觀塘同灣仔既特別味😢

久違了嘅華嫂冰室一樣都係咁多人排隊 好彩早少少 等左唔係好耐就入得！咁耐冇食 一定係要食佢既招牌菠蘿包！入面有牛油蕃茄煎蛋，加埋個好脆嘅菠蘿包，超級夾呀皮蛋芫茜豬膶牛肉米線$43 個湯底夠晒重芫茜味，加埋豬膶同牛肉，真係勁夾！呢碗米線好足料，豬膶同牛肉都有好，加上個湯清清地 超岩心水話梅柑桔$18回甘在口 飲完個口keep住甜甜地唯一一個小小嘅提示就係華嫂冰室好多時都要等位如果你係一個好野蚊嘅人，記住帶蚊怕水或者蚊膏呀

成日見到雜誌介紹6叔喺華嫂冰室食野，今日就渣車入元朗試下，睇下有冇運會撞到6叔。果到都算多車位，泊低左架車見到幾多人等。我地要張4人檯，等左30mins。皮蛋芫茜豬潤牛肉米粉 $43 皮蛋芫茜湯底，配上煮得岩岩好嘅豬潤同牛肉，好淋，冇煮過火。招牌菠蘿包 $19 菠蘿油真係好邪惡架，厚厚一片牛油，加埋熱辣辣嘅蛋汁同蕃茄，菠蘿皮好脆，確實好味道呀。招牌蛋沙律多士 $22 蛋沙律好味，配埋蕃茄幾fresh，最緊要麵包烘得唔錯，食多士就冇咁heavy。秘製雞翼通粉 $26 + 新鮮蕃茄湯底 +$8 相對以上嘅招牌推介，呢款單拼雞翼通粉就唔太特別。早知叫鮮茄豬扒雞翼通粉都只需$46，爭唔太遠。檸七 $17 飲品要另外散叫，其他凍飲都要$16-$17，不如叫杯平時少飲嘅。整體上可以再encore，如果唔多人等位。

華嫂出晒名就大家都知，但由於交通唔太方便，始終無試過。早二日朋友話開車入去食，就跟隊啦！終於可以試下去到排隊等差不多半小時，侍應態度很好，差唔多到我地的時候便叫我地點餐並介紹出名菜式。當然少不了蕃茄湯通粉，另外我點左個招牌沙律蛋多士。等左10分鐘已經有得食。招牌蛋多士，沙律蛋好足料，而且麵包皮焗得啱啱好！8分番茄湯雙蛋通粉，番茄好濃郁，啖啖都係蕃茄味，加埋兩隻太陽蛋！好正～9分難怪華嫂一直咁出名，覺得佢哋對食物好有誠意，絕對有下次！

清明連假拜完山，黎到這間華嫂冰室吃東西大大塊的豬扒夾米線, 滿身大汗又攰的感覺頓時消失可能是假日, 店內坐滿了人,不過老闆娘還是很落力的招呼每一位人客整體來說食物不錯

每次放假都會想黎食華嫂，除咗要等耐啲同比蚊咬都無野好挑剔。元朗呢間先有冬陰公湯底就梗係要叫啦，配埋面頭既炸蒜好惹味。最令我鍾意食華嫂既係佢啲包，招牌菠蘿包同埋咸牛肉豬仔。平時一個普通既菠蘿油只要包夠熱牛油夠凍已經好好食，呢個仲要加埋煎蛋同蕃茄，令個包更多層次，蕃茄又fresh 又多汁，再加脆既菠蘿包真係好夾。咸牛豬都係重點要夠熱同包夠脆，佢做到了，配埋咸牛肉同煎蛋，真係令人成都好想黎食返個呀！

永遠要排隊但都排得心甘情願嘅華嫂，隔幾個月就會走去食，住市區嘅人專登入去係有點遠，但對有車嘅人講反而係方便，因為有車泊，通常都係早少少去到等開門，頭一兩round就會食到，如果遲咗就變食tea架啦🥺🔸冬蔭功湯 雞翼鮑片麵基本上豬排雞翼乜都食過晒，款款都啱晒食肉獸，啖啖肉又入味。冬陰功湯底都落足料，非常香濃，仲有好多香料渣，而且越食越辣，正！🔹莞茜皮蛋湯 豬潤肉筋米粉係我最愛嘅莞茜湯，其實本身唔係特別好莞茜但勁鍾意食呢個嘅湯，次次黎都嗌，莞茜又多皮蛋又多，茜味極重。豬潤又煮到啱啱好唔太粉，肉筋我第一次試，係連住筋嘅豬肉，彈牙有咬口！🔸招牌鹹牛肉芝士蛋豬仔包半熟蛋冇得輸！就算飽到嘔都要嗌一款呢啲包試下，仲有菠蘿油個啲款都好正，必食！嗌埋杯凍奶茶，正到不行！仲有冰花奶茶又係好好飲，不過飲品另計所以就唔係次次都嗌黎飲～好多人話其他鋪冇元朗鋪咁好食，因為我未試過其他店所以不予置評，但元朗店本身真係好好食，所以我覺得排一陣都係值得嘅！！（但等緊個陣好多蚊，要有心理準備同啲蚊搏鬥）

本身自己唔係特別鍾意食波蘿包，但難得閒日抽到時間到新界行一轉，又經過華嫂就去試下。由於閒日早上人唔太多，不用排隊3分鐘左右入坐，入坐後沒想太多點了華嫂最出名的“招牌波蘿包”、“芝士咸牛肉蛋豬仔包”、“雞翼豬扒蕃茄通”、一杯凍奶茶、一杯凍好立克。招牌波蘿包本抱著唔大期望，因波蘿包內夾了牛油、煎蛋、蕃茄，又咸又甜諗住唔會太好食，點知一入口所有配料與波蘿包出奇地夾，華嫂波蘿包外脆內軟，但波蘿皮唔似平日在麵包店購買的波蘿包，唔會太甜襯托出各餡料的味道出奇地美味，真是意外驚喜芝士咸牛肉蛋豬仔包反而無乜驚喜，但亦無驚嚇，平平淡淡一般般，蛋炒得太熟咸牛肉唔夠嘢味，豬仔包唔夠香脆，普普通通的水準。雞翼豬扒蕃茄通，豉油雞翼唔太咸肉嫩滑，豬扒入味有煎個，但稍熟了點，蕃茄湯底比較濃，味道唔太酸有點甜，又未至於好好味……奶茶冲得也可，有茶香順滑可口我地進食完畢，步出小店原來好多人在排隊等位真係好彩都想讚下華嫂的員工，雖然佢地好忙，咁多客人光顧，當日我拎住個大手袋佢地好窩心怕我攬住個袋食得唔舒服主動比咗張櫈我放手袋，走時埋單我有同華嫂傾咗幾句計，佢都好友善，值得一讚 經營食店除了食物有水準質素，店員服務態度都好

去華嫂最緊要留意翻營業時間！因為星期日只有尖沙咀店會營業，而觀塘同元朗店星期一至六只會開到5pm。—呢度既菠蘿包未算超出色，但好多層次，因為真係夾左好多料，味道好復雜！而蕃茄雞翼豬排通粉，雞翼好味過豬排！— #招牌菠蘿包 #蕃茄雞翼豬扒通粉 #招牌奶茶 #華嫂冰室

山長水遠入元朗試華嫂本店，梗係想試菠蘿治同冰花奶茶！你睇，外表完勝！暖暖的包（暖包好緊要）、厚切牛油、嫩滑炒蛋，加片serve 汁的蕃茄，當日係點諗到呢個配搭嫁？第一次食菠蘿治就喺華嫂真係好難返轉頭！可惜冰花奶茶已經售罄，但華嫂知道我們山長水遠入黎之後，俾咗少少佢雪咗聽日賣的冰花奶茶我們試，人情味令人忘記山長水遠，留低人情味濃的記憶！好波！

雖然市區開咗好多間分店，但始終都係情歸總店，要試都選擇揀返總店黎試先食得返個種人情風味！招牌蕃茄雞翼豬扒麵，好老實講味道真係十分一般，水準同冰室差不多，蕃茄湯唔算濃郁，蕃茄愛好者表示有啲hea交功課，所以食嘅係人氣only!芝士咸牛肉蛋包，有定心理準備去試招牌菜。咸牛肉份量ok，蛋係普通煎蛋，再加片芝士，十分普通，但價錢偏貴。呢個豬扒熱狗就更加之失望，豬扒又硬又韌，生菜口蕃茄唔係特別新鮮，但價錢又係偏貴，好失望啊華嫂！公司三文活烘底加分，普通茶餐廳水準，無驚喜。手寫指示牌🔜🔜🔜食完行出來嘅風景真係美極，市區真係比較難見到好似一幅畫咁💙☁️

發覺好耐未試過去華嫂食早餐，難得佢清明節都開，於是就去幫襯下。今次三個人食，揸咗車入去，好早就去到，唔使排隊等，真好～我哋一行三人，叫咗兩個招牌菠蘿包，同埋一個招牌鹹牛肉芝士豬仔包，再加一碗芫荽牛肉米線，同埋餐蛋一丁，另外每人再帶多杯嘢飲，我就帶咗動話梅柑桔，非常醒胃。最鍾意佢嘅包真係新鮮烘同製作，咸牛肉芝士豬仔包嘅皮永遠都咁香脆～最後埋單$214 ，散叫講，價錢都偏貴，但係新鮮熱辣，值唔值就見仁見智～