華御結 (已結業)

華御結眾所皆知係食飯團既地方，但你地有無試過食甜點？小編今日就買左個黑糖蕨餅食。這蕨餅煙煙韌韌，餅內有滿滿既黑糖漿，香甜可口，黑糖味好濃郁，餅外有少量黃豆粉，配合埋蕨餅，甜而不膩。雖然價錢不太便宜，28蚊得5粒，但勝在包裝精美，味道可口，所以大家除左飯團外，亦可以試下甜點！除此之外，小編亦推介大家食流心蛋黃飯團 ，流心蛋味道香濃，略帶咸味，咬落去有啖啖蛋黃香味，只售16蚊，加上店鋪整潔，所以大家可以試一下！

琴日預備左今日既LUNCH竟然大頭蝦唔記得帶，唯有又去華御結買飯團食啦! 論方便度華御結既飯團真係NO.1，又唔怕整污糟隻手，衛生又方便，最緊要係快~今日1點幾去到竟然冇哂三文魚，唯有轉流心濃香蛋黃。我未食過呢款飯團，但見佢卡路里唔高又係咁多款入面蛋白質最高既所以就買黎試下啦!咬第一啖落去見到少少蛋黃，第二啖就開始見到流心喇，質地好黏好杰，味道ok但試完都係覺得三文魚好味D。而飯團既紫菜同飯都keep住有水準既~日本飯團真係點都好食~華御結仲有d lunch set、有便當、沙律同甜品飲品果d賣，便當要$70就貴左d，沙律30幾蚊下次都可以一試

自從去完日本旅行就根本食唔落香港嘅壽司因為響日本就算連普通便利店嘅飯團都超級無敵好味完全唔可以同香港連鎖便利店相比華御結喺香港都開咗一段時間佢哋嘅壽司做到日本嘅味道大概六到七成但係價錢亦都算偏貴大概係日本嘅兩倍平時我就會入佢哋嘅豆乳雞肉湯～今次再同你地介紹吓佢哋期間限定嘅壽司第一款就係香辣瘦肉粒：呢度有好香嘅香草味加上瘦肉都幾鮮甜如果食得辣嘅你可以試吓蟹沙律🍣味道幾好唔會太過鹹～中規中矩呢一款就係燒三文魚腩，亦都係我通常諗唔到食乜嘢就會直接買因為好鍾意佢Salmon fat 好豐富今次就買咗返屋企食再去整返熱呢度仲好過凍冰冰食最後就係咁芝麻吞拿魚見佢個名幾特別就買咗嚟試吓好香嘅芝麻味再加上吞拿魚肉實的的not bad if u like sweet sushi haha總括嚟講今次佢哋嘅壽司系列係好味嘅

平時見同事成日買華御結既早餐午餐不過一直都未試過今日收工後有野做未必有時間食晚飯就買定一個飯團返公司備用見到有午市套餐$42-60飯團選擇都幾多有差唔多十款有素食選擇（梅子/牛蒡/半熟蛋等等）非素食就有明太子沙津/三文魚/吞拿魚沙津/芥末八爪魚等等今日試左明太子沙津飯團OISHII!! 有日本既感覺！因為平時食親便利店既飯團都冇好結果次次d 飯都硬到好似生米咁華御結飯團d 飯冇生米情況而且明太子沙津的確勾回我思鄉既情懷（我鄉下係日本）下次OT 一定會再買！

🍙🍙和風牛飯糰 溫泉蛋黃飯糰 各$15 華御結🍙🍙包裝設計令紫菜保持乾脆 亦唔洗用手接觸都包到個飯糰👍 牛肉餡得一細片 好彩仲有少少牛肉汁 但偏甜 肉味略微 始終內餡還需大方多了😢溫泉蛋其實似溫泉蛋黃醬?內餡稠稠黏黏 帶微微蛋香而已 令我好質疑佢成份有幾多係蛋黃👿👿.呢個價錢... 寧願去M記買豬柳強/7仔買韓式手卷/三文治🐤🐤🐤

本人很喜歡吃飯卷和豆乳湯 華御結 正合我意💕基本上每個月總有一天的午餐是吃這個飯卷味道和軟硬度剛好 👍🏼豆乳骨膠原雞湯更是我大愛😍飲完感覺很滋潤 美美的✨試過香港很多的飯卷 暫時還是覺得這家最好7仔的 差不多價錢 但勸籲還是別試 別浪費金錢😌都是要花一樣的錢 作為消費者當然要選好吃的啊😋

每次去日本旅行都會瘋狂流連便利店，早上更甚，為左既就係勁多口味選擇睇到你頭暈既飯團。香港有特色既飯團店唔多，華御結可能就係比較像樣既一間😄.因為好肚餓，急急腳就買左個和風燒牛肉口味。.飯同料比例均勻，不過對於重口味既我感覺可以再濃味d 😆😆😆我諗對女士黎講一個飯團岩岩好男士就... 應該好似食左陣風啦哈哈😂

要數日式外賣店，爭鮮和魚尚固然是廉價之選，但個人卻對華御結的出品最有信心，雖然飯團的價錢比魚尚的貴上數元，但是款式多樣千變萬化，而且質素亦有保證。流心濃香蛋黃御結 ($15)記得到日本旅行時嚐過便利店的原隻流心蛋飯團，雖然飯團名稱相若，但是這款卻是只有包著半熟蛋黃。在日本料理中不難看到生蛋黃與白飯的組合，蛋黃香滑濃稠，味道簡單樸實卻令人滿足。胡麻銀魚乾御結 ($16)銀魚乾煙煙韌韌，鹹香惹味。魷魚昆布絲御結 ($16)魷魚份量不多，不過為飯團增添了少許煙韌感，昆布所帶的醋酸甚是開胃。飯團款式每星期轉換，新鮮感十足，在香港想一嚐日本飯團滋味，除了華御結外別無他選。

去澳門前當然要買少少野食。係上環客運碼頭有間賣飯團嘅專門店華御結因為趕時間，所以隨便買兩個試試。打住100%日本米，應該唔會中伏。可惜有少少失望。本格和風燒牛肉。米飯、料係可以的，但有點平平無奇，跟小七賣的差不多，但價錢賣貴一倍。。。。高級三文魚。煮熟左嘅三文魚。。。。不評論。基本上連拆包裝的方式都跟小七賣的一式一樣。性價比真係太低。

華御結愈開愈多分店，無他既，平靚又企理。返工人士一流，而且又無飯盒油膩。今日經過見到個湯好吸引，腐竹雞肉，順便買多個飯團pre workout 食。高級三文魚飯團，可能真係好高級，個篤三文魚少得可憐，好在飯既質地尚算可以，但用料實在太不大氣，寧願比多幾蚊多d料。咬到尾聲先出現既三文魚，大啖d都會消失埋。好戲在後頭，佢地d湯真係唔係講笑，好多料，今次個豆乳湯好正！豆腐味濃！十個like! 所以話，一間店係唔係伏，睇你叫左咩而定😅

因為要減肥，所以到處搵口味唔肥嘅野，但係度度弓多油.....一係就清到冇味，一直好煩。點大有日就見到呢間野原來所有食物都會寫晒卡路里出黎，唔駛我估估下!!!!又方便到我計食左幾多卡落肚，真係超開心呀!!!忍唔住買黎試。飯團啲飯好口味，料雖然唔多，但清清地都岩岩好架。一個飯團其實唔夠飽，不過加多一碗湯就岩岩好，佢嘅豆乳骨膠原雞湯真係好好飲!!!!!湯料好多，好香豆乳味，細碗已經可以飲到你好飽。不過唯一不足就係啲餸，買左個雞，其實都唔記得左個餸叫咩名，好廿菜，但得兩舊好細嘅雞，咁真係有點貴.....個餸都3十幾蚊架.....不過飯團就錯，如果買到早餐就更抵，亦都好多選擇!希望開多啲喺民居，因為放假真係唔會返工業區。

平時喺金鐘上堂，七點去買華御結都有特價，所以成日以為幾抵食，點知原來平時晏晝買咁貴。今次只係嗌咗個三文魚手卷，已經成三十幾四十蚊，不過啲三文魚都幾新鮮，食落唔會淡茂茂，但係得2塊有啲少，我比左咁多錢比多塊黎都好呀。d飯都粒粒分明，唔會話雪到好凍，但就無咩味，唔加豉油好難放入口。紫菜夠脆唔會焗到林晒。係手卷黎講都ok既，但我下次都係特價先去買。

今日過馬交搵吓有咩好食，上船前又口痕喎離遠見到以為係壽司，馬上過去睇睇先!原來大部份都係賣飯團，仲有什錦魚生飯等等。。買咗一個芥末章魚同鰻魚飯團再加個素什菜湯。呢味湯因為係素嘅關係，比起平常飲嘅雜菜湯清新啲，有幾款唔同嘅蔬菜同菇類，嚼口豐富，另外仲有其中一蔬就係秋葵喇!加咗秋葵後個湯飲落口更滑順，又無油，啱晒減肥中嘅女士喇御結就要咗鰻魚同芥末章魚，鰻魚有一片係裡，兩個飯都爽口，唔係雪到死硬個種，紫菜亦夠脆口，芥末章魚餡料份量適中，但略嫌芥末味唔夠，食唔到辣辣哋個種過癮。佢呢個包裝同以前食嘅開袋方法有啲唔一樣，係左右兩邊分開抆出嚟，咁就唔使整到成手都係方便好多，夜晚6點過後有8折，埋單盛為$39.2

一日之計在於晨！同事介紹係公司附近有間買飯團嘅店，最鐘意食飯嘅我梗係即刻去試下先遠處已經見到搶眼嘅粉紅色招牌埋黎睇埋黎揀：唔同口味嘅飯團擺唒係抬面套餐有好多唔同嘅配搭，想食多啲飯團又得，配搭燒賣食都得。今日唔算好餓，都係叫個飯團加燒賣食。 有丁丁失望，白飯都夠香甜軟，但三文魚份量偏少，同埋食唔出三文魚嘅味成個套餐都係$25,其實都好平，不過味道就普通丫！

同事成日都幫襯華御結，上次我偷食完雞粒之後發現驚為天人，所以今日自己去買！雞粒飽滿，每粒都有咁上下重量，絕對唔係細細粒貨仔，最正係咬落成啖肉成，又唔會油膩，而且食過兩次都係熱辣辣。個汁就一般般，加少少檸檬汁就夠，唔會搶哂雞味。以後經過華御結一定要食！