華悅海鮮酒家 (已結業)

尼間咁既野真係入黑名單，絕對無下次，態度又差，料又唔掂入席時已覺態度有問題，枱面有兩壺茶，咁叫佢攞茶杯，佢話要睇我地飲咩再攞杯，大姐咁你攞壺茶係度做乜？而且我地係任飲任，咁飲咩又有咩關係？？落單入左5張，催左成個鈡只嚟左3張單既野，但都係唔齊，問係咪無，無就話我地知，佢直頭唔回應。唉⋯話係粥底火鍋任食，原來係清水加隔晚飯做鍋底，再用尼個鍋做火鍋底，滾完鍋粥啲邊起晒白泡，見到都唔想食啦總的一個字⋯⋯差，兩個字⋯⋯勁差

90分鐘團購點心一去到比d生既點心要自己蒸，蒸完第一輪點心叫左半個鐘都未有第二輪。58加一加28茶位，大把選擇唔想俾人食就唔好出呢d優惠真心垃圾第一次食野食到嬲

首先我想講我係經團購網站買蒸氣海鮮鍋加粥底打邊爐但係由頭到尾都冇人整個粥底比佢去到最尾我問過經理嘅時候佢話啲員工唔記得咗下次再嚟食嘅時候補返俾你跟住仲要話人多係咁㗎啦，真係俾佢吹脹左。講下食嘢個方面其實我哋識咗五款，我自己認為龍蝦好新鮮啲肉好鮮甜，但係其餘嗰啲梘肉，四隻入面有兩隻係開唔到口嘅，跟住我又問過經理，個經理話送隻乳鴿俾你啊，但係我想講我係黎食海鮮，唔係黎食乳鴿，去到最咪收埋街啊我發覺團購仲貴過walk in，真係不得了。

真係比狗都唔會想食貼埋錢比我再去都唔會回頭成班fd去完partyroom玩諗住打個邊爐就去左依間野門口見到個咩蒸氣海鮮鍋咪諗住試試佢點知就中哂伏! 真係貼錢買難受!!一上到去位都未坐暖個呀姐已經想水我地每位加40蚊食埋佢個龍蝦我地都話冇興趣 佢都來回講左3,4次之後好啦佢上野食佢真係傻的嗎同我上個蝦蛟同粉果注意! 係生架! 要放係個爐度等十幾分鐘!我地成班餓到死佢仲要上個生野比轉好心佢蒸好先比我啦 我個蒸爐係蒸海鮮架!叫佢唔好再上點心啦 d咩燒賣馬拉糕我地唔要 比海鮮啦好啦又等半個鐘 上海鮮啦 佢個量都ok嘅 每位2隻扇貝2隻鮑魚仲冇其他貝殼類同魚蝦但係唔乾淨果下先死d鮑魚成條腸都係屎 食果陣先好小心唔好吉穿佢呀 唔係成口屎味!扇貝,蜆好多沙 係個蝦正正常常蒸下食下都成粒鐘諗住終於捱住啦可以正正常常咁打個邊爐9點鐘入單 9點半先出第一轉野食 仲要好多都漏單比我 好啦唔緊要我食住先同個姐姐講漏單 佢叫我再入比佢咁我再入 入完等 又等左半個鐘又追下個姐姐啦 佢反問返我有野未到咩? 有冇再午單呀?果刻我地成枱都心入面+€\×$/÷\×$€仲要唔係得我地枱係咁 隔離幾張枱都係漏單嚟唔齊冇野食好

點解唔飲啤酒就乜汁乜汁都無得飲，有40款食物只是任叫唔係任食(重複叫3次嚟1啲)，套餐連指定食物無都唔出聲，仲要3吹4請，聽到枱枱都無嘢食，唔怪得可以食4個鐘啦！> <

跟老公買優惠價、早上沒吃飯就等下午這一餐、兩個餓昏了、一進門就開吃、先拿個5籠、點心都算是水準、沒有好與壞、選項就偏少、吃來吃去都是這幾樣、還有燒賣出一次就沒有再出了、都是甜點跟包居多還有鳳爪、算是便宜、偶爾吃一下可以、吃太多西式餐廳吃一些港式點心也是不錯、

難得平安夜休半日，收工去附近飲個午茶先鬆人。兩條友費事四圍揾就黎呢度。好耐冇來以前好似叫"金X"，轉咗名，門面依舊。上到樓，嘩! 乜仲殘過之前嘅?! 枱布仲變咗D永遠唔會換，只會抹兩抹的膠枱布，好"地茂"喎!坐底叫茶，見有個牌話午茶每人免費有二兩蝦，問下坐收銀似經理嘅阿叔，佢話: 有! 除即係部機襟兩下。好快蝦已送來......嘩! 冇乜賣相可言，兩個人有6隻。免費就算la 唔好咁多要求。點心原來不是寫紙，係自己出去攞。咁啱幾條痲甩老一齊走咗去，阿姐揭開所有籠由我地自己攞，不過冇腸粉，炸野囉。食咗5籠，味道過得去，碟頭ok. 不過選擇少囉。食飽起身去收銀埋單，個好似經理阿叔計咗我六個點心，好彩我望下張單!佢話唔好意思，佢睇錯喎!之後望下食評先知呢度咁多負評，真係執番身彩!講真心! 好難有下次la。

今晚食左過4人餐，寫就4百幾蚊，買單成千蚊落樓，首先餐具唔乾淨，湯咸到海水咁，條魚超細， 炒蜆又變左沙蛤，羊腩得兩舊連腐乳都冇，野食又唔足料4個人根本唔够地方又邋遢，唔會再幫襯囉！

本身我買左團購 食奄仔蟹羊腩琴晚一去到竟然話個爐壞左無得食佢無講知我都唔緊要佢就即場offer左任食火鍋 仲話送海鮮拼盤因為張團購都要用 酒樓又答唔到我幾時整好個爐咁我地就逼於無奈要食任食火鍋結果就係強差人意花甲海鮮湯底 - 得兩塊花甲 + 上湯安格斯肥牛 - 個晚全部有黑邊黑豚肉片 - 其實係豬頸肉手打蝦丸係還可以我地都係食丸飽肚如果想買團購的你 想去呢間食野1. 當日打電話買定係咪有2. 有心理準備到時被逼食自助火鍋總之去之前要三思

首先我們一行六人用團購食牛腩煲中菜式，已早一星期book左枱，點知到達當日先知悉，廚房爐壞左無得供應真係勁嬲，嬲係事前無通知，仲問我地轉吾轉食火煱，已經知賴野，心情如同入左克店唯有食💲128任食火煱，所謂任食火煱，上菜慢兼漏單，個湯底勁無味仲有D肥牛，碟碟D牛的邊邊位都菌哂黑邊，答應了送我們的海鮮拼盤又嘈一輪先肯上，今晚簡直貼錢買難受以後有咩優惠都吾會幫襯食M記仲開心D，唉！

朋友慶生日，見到呢間酒家火鍋放題有生日者免費優惠，大家就決定上去食環境一般酒樓裝修，座位都寬闊舒適火鍋放題每位$148算是中價，有手切牛頸脊+海鮮四款+三文魚+80款刁鑽火鍋配料任食+潮爆啤酒汽水任飲，2.5小時任飲任食湯底有10幾款免費任揀，有二款雞鍋重無限添加任食，香辣蟹走地雞鍋/麻辣鮑魚走地雞鍋，我至愛雞鍋重有蟹添手切牛頸脊肥牛，非一般火鍋放題的肥牛，油脂肪分佈均，肉質鮮嫩重牛味80款刁鑽火鍋配料任食，真係夠刁鑽，有黑牛柏葉、雞子、有膏鵝腸、即劏田雞、竹串大海蝦、黑豚肉片、安格斯肥牛都是無限量任食樣樣都係我最愛的精選海鮮有大聖子、貴妃蚌、元貝及蕃薯貝海鮮非常新鮮，極之鮮味有6款啤酒及10幾款飲品汽水任揀任飲咁既價錢有咁超質量火鍋放題，值得一讚

每位$148食龍蝦海鮮蒸氣鍋十無限時任食睇傳單非常吸引，以火鍋價食龍蝦海鮮蒸氣鍋十無限時任食，都係以平常心去試下，無咩太大期望，一分錢 一分貨龍蝦及其他海鮮好新鮮，龍蝦啖啖肉，非常鮮甜，D蝦好大隻，重會彈下彈下既，食落爽甜無比，手切牛頸脊好正，真係用靚料任食配料有40款，我最欣賞手打牛肉丸，爽滑彈牙，超正飲品超抵，大樽藍妹都係$19.8/支，各款汽水$19.8/3罐，真係超級市場都買唔到！以咁既價錢有咁既食物質素，真係有意外驚喜

好後悔無睇食評，因為買過咁多次團購都未試過差成咁，其他評論基本已提出所有問題，我只想帶出一點，我最終食飽肚的都是我樓下佳寶有買的雜丸，老闆你真有種，公然違反商品說明條例，講完！閣下如果要試下被搵笨的滋味，我大力推薦呢間無良食肆!

中伏！！團购火锅，超级差劲！！点的食物久久不来，来的也不是所点的。都已经滚干了水，向所有服务人员及貌似老闆的催单，全部没反应！！黑面，不跟单，不回应，不行动。服务水准这样差劲，食物质素偏下。诚意告诫大家，别关顾！

公司附近近近地有間酒樓，lunch time去左一試。一入到去，係好懷舊既感覺，而且自己搵位，冇人招呼你。後來職員比左菜單我地睇，同茶餐廳既餐牌冇異，仲有奶茶、檸檬茶飲😱酒樓竟然冇點心紙😱後來發覺酒樓既中間有點心車，有幾款點心可以選。我地見點心太少款，最後叫左一人一個餸。滑雞蒸飯（$48）大大碟飯，味道ok，但雞既份量好少，而且仲有少少好似未熟...茄子炆米（$54）正常味，但偏淡，茄子都好多舊咕嚕龍鳳球煎麵（$59）尼碟最好食，麵超多，仲煎到脆卜卜！龍鳳係指咕嚕蝦同魚塊，賣相好得，料又多飲品叫左凍奶茶少冰（+$3）勁大杯！少冰=走冰，黎到我手已經一粒冰都冇😂甜左少少，茶底好濃好濃真係好濃...我飲哂成杯之後覺得個人四枝無力、有少少手震同心跳加速....食物味道普通，但超大碟！一枱四個人，三男一女，加埋淨左一碟飯😱點餐仲有湯同一碟菜送，食到好飽而尼到服務態度超差，冇人理你，例如叫外賣盒，叫左三次都冇比，最後阿姐指個櫃叫我自己攞😓哦 所以免收加一服務費😄