華星冰室 (太和中心)

營業中

休息中

久仰大名嘅「華星冰室」，順路經過所以決定一試！大約兩點到餐廳，唔需要等候都可以入座！小妹點左個「營養餐 = $36」，炒蛋有豐富嘅蛋汁，香滑而濃郁嘅蛋味，令人一試難忘！火腿沒有什麼特別，就是普通嘅火腿！多士好凍適中，熱度掌握十分好，唔會太燶，趁熱食配上牛油非常可口！「茶走」，茶味香濃，溫度同甜度都掌握得非常好，下次會再叫「茶走」👍🏽

放假當然要睡到自然醒啦，這會是最美好的假期！除了要補補眠外，還要相約男朋友一去享受美好假期呢！在出發去睇戲前，大家就醫醫肚先出發啦！我們就一起到華星冰室食個tea 先啦！先來一個常餐，有通粉、炒蛋多士及熱檸茶呢！叉燒通粉湯底較味，通粉煮的時間也適中，不會過腍！多士新鮮烘起，仍然是暖烘烘的，還很香脆！炒蛋也十分幼滑，雖然有點膩的感覺！熱檸茶茶味夠香濃，有淡淡的茶葉香味，檸檬也較新鮮，沒有澀味！整體食物質素不錯，店員也有禮，但環境有點擠迫，可能是香港不少餐廳也會出現的問題呢！！

初三喺大埔好多餐廳都冇開，見華星冰室有開仲要係試業中，雖然新年要收加一，咁都好正常嘅。今日叫咗幾樣食物，咸牛肉蛋出前一丁、火腿炒蛋通粉、牛肉湯意粉、菠蘿油、奶油豬、等等，另外再叫杯凍檸茶加杯熱柚子蜜。食物好快就到，出前一丁喺要自己撈粉同落麻油，撈完後試一試個咸牛肉蛋，食落咸咗少少但都煎得唔錯，佢哋俾得好足料㗎，啖啖都有咸牛肉。另外個菠蘿油先抵食，個包熱而個面脆，加上鮮油厚切都只不過賣$9一個。奶油豬都做得唔錯，豬仔包有充足煉奶而個包亦夠脆。飲品方面，凍檸茶嘅茶味好濃，檸檬都俾咗5塊。華星冰室雖然比一般茶餐廳貴啲啲，但佢哋冇將價就貨，俾番客人嘅食物有一定嘅質素~