華樂冰室

營業中

休息中

樓下講開波羅油，唔係呀划等足成個下午，你都食得落？而且唔係自制麵品，係麵包店拎貨賣成間店冇野好食，唔係過油就過Salt已經見過好幾百個學生哥要拎塊紙巾索油真係好有問題架

同男朋友去古董街搵舊雜誌，梗係要o係呢度tea一tea啦，菠蘿油好香好好味，豬排大大塊，炸得啱啱好，咁o既價錢，食得飽飽又有味覺享受，好過好多餐廳tea set o架喇，哈哈，咁當然地方就窄o的同好似污漕o的囉，但懷舊嘛！

係就係平過其他餐廳～！但就係垃圾出品，就算只係叫碟米粉，只要有味覺的人都會感覺到米粉中帶一陣異味（未經處理的米粉），再加上麵包早上交來，放到夜晚又沒沒東西蓋好，長期放著小心肚痛

勝香園放一個星期暑假，朝早要飲杯鴛鴦食件奶油多，就要搵過第二度。剛巧要去印刷朋友處拿色辦，晨早已在上環區，八點鐘，就順手來這裡吃早餐。呢度地方完全係舊式茶記，就看那舊式花紋的瓷磚就知。來時雖早，但人已不少。例牌鴦走少甜，加件奶油多。阿姐在落單時也帶猶豫，問「不要通粉嗎？」又難怪，單叫兩樣野要十幾蚊，加兩蚊已可要多個麵或通粉，不過一清早，吃不了這麼多了。鴛鴦茶多啡少，不過都算幾香，始終舊式茶記，爛船總有三斤釘；多士薄薄的，奶及油都只是隨隨便便的搽上，麻麻地，當然一看便知是餐附上的多士。埋單十三個半，論質數當然拍唔上勝香園，不過杯咖啡算是幾好的。

呢度位置隱秘，處於摩囉街對落的一條小街，門面又唔起眼，作為蛇竇就最適合不過。內裡佈置好有歷史，係高高吊在天花的大圓風扇同直角椅，老闆同大部份的伙記亦上左年紀，一望就知開左好耐日子。食物選擇不多，但傳統茶檔最core果幾樣都有得供應，食飯時間一樣有午餐同茶餐食，通常都要坐到出門口的，可見識搵到來的人都唔少。淨飲熱咖啡奶茶都只係7蚊一杯，記憶所及中環及上環的茶檔﹝不是美心、大家樂的快餐店﹞來說是最平。另各式麵包及蛋糕是別處交來，擺到下午看樣子都知新鮮極都有個譜，可以不試。行開呢頭都會蛇來tea break的。