華樂冰室

營業中

休息中

不嬲都中意試下d懷舊餐廳，今日就去左上環華樂冰室試試。入到冰室，裝修好懷舊，好有老香港的味道。 入到黎唔知點咩好，就試試招牌粉麵吧! 雖然點既都係餐肉，香腸，炒蛋咁，但師傅煎到好香口，味道都唔錯! 個餐仲包埋醬多，上環黎講都算抵食！冰室老闆娘好友善，主動同我傾計，唔講都唔知呢間冰室已經開左70年有多了，真係好有歷史！希望老闆娘生意興隆，多d人幫襯小店!

今日食過“吉列鱼柳+奶醬多士+咖啡”，魚柳脆，多士和咖啡都是經典味。以下午茶嚟講，份量啱啱好，價錢$36算是極抵食。下次再試「炸鷄翼配薯條」，同價。其實華樂冰室係極老牌茶餐廳，不過低調而且位置隱蔽。雖然地點十分近便，在上環文娛中心同文武廟附近，除咗街坊鄰里，唔係好多人識得去食嘢。此冰室有好多款抵食下午茶餐。其中我特別回味的有幾款：招牌豬扒包（獨家薑汁味）沙爹牛肉包（沙爹醬優質）皮旦魚片米線 （魚片新鮮）推薦！

自細在中上環區成長，兒時經常跟隨父母在摩囉上街做小眅擺賣瓷器古玩，但近年生活繁忙已很少回到這裏。今天相約幾位老友去上環逛逛，趁機尋找舊日旳足跡。疫情下摩囉街遊人不多，行到東街見到一間舊式茶餐廳，「華樂」這名字依稀已聽過幾十年，友人建議就在這裏食午餐。伙記姐姐有禮貌地招呼我們，我点了最喜歡的蠔仔肉碎泡飯，友人分別也点了咖喱牛扒，炸豬排等。在泡飯裏找到好多粒手指公大的蠔仔，加上美味的豬肉碎香葱芹菜及濃湯，食一口熱騰騰泡飯，再嚐一淡香淳咖啡，在茶餐廳花幾十元也可以找到幸福的味道呢！☺️見友人食完滿枱的食物也給予正面評價，臨行見陸續來了多位看似附近返工的客人，心想我地要多抽時間來幫襯，支持下這間有香港特色的良心老店。

A Enjoyable Lunch in the Old Town of Hong Kong.Remarkable Malaysian Curry Favour, Tasty Chicken Fillet, with good quantity of Rice. Finally, there is a good cup of  Hong Kong Style Milk Tea.Service is unbelievably good. The ladies try to understand the needs of the customers. Great Experience.

炸豬扒+黑椒汁乾炒意粉：夠份量；好滿足。豬扒外脆內軟，好大塊。薑汁味食不停口。最特别是“華樂冰室”有東街傳入嚟嘅背景音樂。對面有間懐舊玩具店，插放70年代兒歌；隔離鋪賣懐舊唱片，又傳出60年代國流行曲。冰室瓷磚嘅款式，肯定起碼有有半個世紀。呢種視覺、聽覺、味覺三合一嘅「懷舊Feel」，獨一無二。

3/52 star for the food, 1 star for the people. Great people, women running the whole shop, gentle, cute and powerful. Good I like the pork chop the most, texture right, deep fried well. I like the slightly heavy ginger marinate.Spaghetti, curry sauce both quite light to taste. Pasta added black pepper sauce much better. Chicken in curry is alright. Peanut butter on toast could be a little more generous.

追尋舊日 香港茶記 的足跡 👣👣中上環一帶 老牌茶記 確實不少 只要於 荷里活道 威靈頓街 士丹利街 士丹頓街 奧卑利街 這一帶走走 於網上搜搜熱點 可以找到不少 昔日老牌冰室 茶餐廳等 🍴🍴這天上午二人 從荷里活道 到樂古道 嚒囉上街 東街交街 找到這間 坐下吃了兩份早餐 🍳🍳早餐 🍅🍅彷鮑片 火腿絲通心粉 菠蘿油 凍奶茶 🧋🧋炸魚柳煎蛋 奶油多士 熱奶茶 ☕☕食物有水準 一貫茶記製法 味道不錯 茶亦沖泡出色 茶香濃郁 奶滑 👍👍午餐吃了早餐後 看了網民照片 發現午餐有 乾炒意粉 黑椒汁 於是向阿姨點了份 提早來的午餐 🍽🍽煎雞翼 乾炒意粉配黑椒汁 熱奶茶 🍝🍝沒有失望 意粉乾炒過後 加了黑椒汁 配上香煎雞翼 好吃得沒意見 🍖🍖來到這些 昔日老牌茶記 雖然感覺略為粗糙 卻是美味 人情味濃厚 沒走一趟 也不知道呢 ☕☕

There are a lot of cha chan tengs that have a retro decor but most of them are only recreated. But hidden away in a side street near Man Mo Temple is a true cha chan teng from the blast. 華樂冰室 has been here forever. The tiles look like they have been here since the 60s.The menu is in English and Chinese. There is no 10% service charge and you pay on your way out. During lunch the y offer sets that all include a drink. We both decided to get set b which includes a meat item, pasta, bread with egg

華樂冰室, 上環☕️初二朝早去完#文武廟 諗住去食個早餐但發覺好多餐廳今日都唔開，好多都要去到初四初五之後先啟市。行行吓見到呢一間茶餐廳，諗都唔諗就入咗去試吓。晨早流流就俾人開咗個早年。原因係我落單嗌「午餐肉同太陽蛋」而唔係「餐蛋，雞蛋要太陽蛋」🙃食物方面其實真係一般，普通過其他茶餐廳。我一向覺得以茶餐廳既定位，食物唔洗花巧，正常發揮已經夠。但佢份#多士 真係好難食，塊包好似根本就唔係完整嘅，焗完出嚟又唔脆，好似放咗一陣先拎出嚟咁(可以睇圖二)。佢哋賣點可能係價錢比較相宜，而且附近冇乜多選擇，所以都見到有啲熟客。可惜食物質素真係欠奉，加上服務態度真係好差，我見新正頭走個陣仲好正能量好開心咁同佢講佢恭喜發財，生意興隆，佢完全無理我🙁我都未試過比咁低嘅評分🙁.📍#上環東街18號 🌟HappiMuffin Rating: 4/10💰Price: $40-50 pp.

大食妹襯住weekend去上環搵好姊妹食晏之前好姊妹同大食妹propose左好多間餐廳, 都俾大食妹ban左因為大部分餐廳大食妹都已經食過最後終於俾我地搵到華樂冰室<午餐B>華樂冰室嘅午餐選擇唔多, 只有四款大食妹就嗌左份午餐B午餐B包括肉類一款, 可以揀豬扒/豬頸肉/牛扒/雞扒/雞翼主食方面, 就可以係意粉/通粉/米粉/出前一丁/河粉/烏冬裏面揀一款, 全部都係湯粉, 除咗意粉可以轉茄汁/黑椒汁炒意外除此之外, 仲可以喺煎蛋牛油方包同各式多士裏面揀一款, 配埋杯咖啡或茶, 咁多嘢食先至44蚊, 性價比幾高<豬扒>肉食方面, 大食妹就揀咗豬扒豬扒煎得好脆, 而且份量好大, 口感彈牙<黑椒汁乾炒意粉>主食方面, 大食妹就揀咗黑椒汁乾炒意粉炒意粉同黑椒汁份量同樣好多, 黑椒汁味道偏辣, 而且非常濃郁, 重口味嘅朋友一定要試吓意粉質地就中等偏軟, 但非常入味<奶多>麵包方面, 大食妹就揀咗至愛嘅奶多奶多去邊, 烘得外脆內軟, 加上煉奶, 簡單但好味<熱咖啡>飲品方面, 大食妹就揀咗杯熱咖啡可能水溫太熱, 味道偏酸

所謂懷舊冰室嘅人情味，係呢間華樂完全搵唔到，阿姐大支嘢唔俾影舖頭入面，驚死影蝕咁食物款式唔算太多，同家姐各叫咗個豬扒炒意粉同雞翼炒意粉，唔駛兩分鐘已經上枱，感覺係一早已經整好哂，一有人落單就即出。理解豬扒同雞翼一般都會煎定，但無諗過炒意粉都咁快上枱。豬扒同雞翼味道其實都okay，豬扒食得出有用香茅醃製，都幾香口亦唔會好乾，而且size都算大塊。但個炒意粉完全唔掂，未試過食咁難嘅炒意粉😣 通常餐記都會烚定意粉先，之後有人order就會即炒，但好明顯佢哋係一早炒定個意粉，所以勁快可以上枱同埋溫度係微溫，而且成個口感係勁粉，啲豉油汁俾啲意粉吸到乾晒，成碟嘢乾爭爭，食咗兩啖完全食唔落去🤢好在個餐跟一份多士，有別於一般餐記/冰室，呢度有得揀唔同嘅口味，例如奶油多、奶醬多，我哋咁啱都想食油占多。多士用一般方包，唔係厚多士，味道okay，但唔太香脆。算好有塊包可以食下，唔係真係唔夠飽😣飲品就叫咗茶走，都達一般standard，但食物真係唔掂，都好難會再幫襯第二次。

近排成日落大雨，都唔知食乜嘢好今日去開上環，突然間又落大雨，見到有間冰室喺附近，即刻衝左入去食個晏先入到去發現裝修好懷舊，果然係舊式嘅冰室，通常救兵晒啲夥計態度都唔係好但係姐姐態度幾好，食到懷舊嘅味道，仲有人情味添<午餐A $41>午餐選擇唔算好多，大概40幾蚊左右，正常冰室嘅價錢不過份量真係超級大，多士仲可以轉奶油多，勁有誠意，仲要看到脆卜卜咁火腿湯意粉味道就正常茶餐廳嘅味道，火腿份量好多食到最後都夠撈意粉食

又到食飯時間，可憐我哋仲未有在家辦工計劃，唯有出外食餐飯都搵間相對地少人嘅餐廳啦！結果，比我哋發現左呢間隱世懷舊小店。環境：位於摩羅街，附近都比大大小小嘅古董店包圍，真係估唔到原來呢度旁邊有間冰室！佢地方唔大，但好有以前冰室嘅風味，因為疫情關係，冇乜人堂食，多數都係外賣，所以都算食得放心！食物：其實講真，只係普通野，火腿湯意，奶醬多，凍咖啡！但係呢啲正正係我哋香港嘅特色，亦係由細食到大都百吃不厭嘅美食。坦白講，由上年開始社會事件到而家疫情，愈來愈多小店已經頂唔住，趁佢哋而家仲喺度，好快啲食多幾次，唔係唔知仲有冇機會再回味...

上環既可愛之處, 係佢有多種要素集於一身。既有商業大廈, 又有海味街同古董街; 既有高上食肆, 又有平民美食。今日由商業區走入摩囉街既橫巷, 係「華樂冰室」。去到門口, 第一時間係諗起Juno耿耿於懷既MV, 完全係一個樣🎼華樂係傳統既茶記, 一個小水吧做晒所有嘢👏 餐飲同麵飯都係10零呎既位置完成。舖頭有圓枱同卡位, 基本上係用盡每一吋空間, 反映香港智慧🇭🇰個人非常鍾意佢既牆身瓷磚, 泛黃既底色襯番橙色既花紋, 將時間停留係90年代🎥餐牌上面只有A,B,C,D四個餐, 主要係豬牛雞🐖🐂🐥搭番茶記好友: 火腿、餐肉同雞蛋; 而牆身上有其他咖喱飯及泡飯等選擇。煎蛋牛油包好似都少見, 一隻半熟蛋放係麵包上🍳🍞忍唔住要篤爆佢等蛋汁流係包面🤣加埋塗係中間既牛油, 簡單已經好好食。(只要你小心唔好整污糟自己🙄)豬頸肉出前一丁, 肉就先黎🐷茶記從來你都唔好預好排好盤比你👨‍🍳猛火煎好既豬頸肉, 少許燒焦, 少許韌, 味道唔錯👍然後, 出前一丁, 就出前一丁咁既味囉✔️至於杯凍啡, 不過不失吖👌簡單一個午餐, 盛惠49。開飯期間人流不絕, 茶記唔係要絕頂美味, 華樂就係比到呢份快靚正街坊味👍

豬扒同多士都好味，而且無論咩野煮法，都好够味，岩晒我口味。午飯時間雖然人好多，不過上菜都唔慢，午餐包主食，多士加餐飲，性價比高啊！不過風扇好勁，怕涷既人，最好帶件外套擋下風。