華記潮州滷水車仔麵

營業中

休息中

深藏太子街頭的華記潮州滷水車仔麵，是尋覓地道風味的好去處。其靈魂所在，莫過於那鍋香氣撲鼻的潮州滷水，八角、桂皮等香料馥郁醇厚，深沉誘人。**牛什麵**是經典之選。牛肚、牛膀、牛腸等內臟滷得入味非常，軟糯中帶點嚼勁，毫無異味，盡顯滷水功力。濃郁的滷汁包裹著彈牙的麵條，每一口都飽蘸潮式鹹香。**豬什麵**同樣出色。豬腸處理得乾淨，口感豐腴彈牙；豬肚爽脆，豬肺嫩滑，各部位滷香滲透，與牛什呈現不同的風味層次，卻同樣精彩。小食方面，**涼拌生腸**是驚喜。生腸汆燙得恰到好處，口感極致爽脆，毫無腥氣。拌上微酸帶辣的醬汁，加上蒜蓉、芫荽提味，冰涼開胃，是絕佳的前菜或解膩良伴。**新鮮魷魚鬚**則展現了食材本真。白灼後僅簡單調味，魷鬚新鮮彈牙，鮮味十足，沾點滷汁或辣椒油，更添風味。華記的出品，份量實在，價錢親民。濃香的滷水、真材實料的牛豬什、爽脆的涼拌生腸與鮮甜的魷魚鬚，交織成令人回味的地道潮式車仔麵體驗，是街頭飽腹解饞的必試心水之選。---

下午茶時間在太子區想吃點東西卻不知吃甚麼，偶然經過《華記潮州滷水車仔麵》，見店外無人排隊，二話不說推門而入。店子不大，卻因人少而顯得舒適。這裡第一次來卻對這間店早有耳聞，特別是對內臟這類「邪惡」美食格外感興趣的我，終於鼓起勇氣一試。這次選了招牌豬雜油麵，特別加了蔥和芫茜。淨牛雜則選了滷水汁底——香氣撲鼻、帶甜不鹹，滲入每一口內臟的紋理裡。牛潤、牛肺、牛肚、牛大腸、牛小腸輪番上陣，每一樣都有份，每一款都不吝嗇地給足多件。牛腸尤其令人印象深刻，肥膏多而不膩，燜得夠味，邪惡得叫人心甘情願。豬雜方面更是誠意十足——豬大腸、粉腸、豬潤、生腸、豬脷，樣樣齊全。豬腸豬肚清洗得非常乾淨，毫無異味，保留適當油脂，入口香滑又爽口。粉腸有咬口、無渣，豬潤厚薄得宜，粉嫩冇腥，生腸滑溜，豬脷則鬆嫩可口。另外點的煎釀三寶——茄子、青椒、紅腸，全是即叫即煎，魚肉釀得鼓鼓的，香口又有魚味，誠意可見一斑。雖然食物份量頗多，一個人食到尾段也有點挑戰，但滿足感極高。《華記》能夠一次過讓人同時享受到豬雜與牛雜，而又做得美味我暫時仍未能搵到第二間，而且款式多樣、火候到位，每種食物也花不少時間心機烹調才可有這美食。唯一小小的遺憾

本人不是第一次幫襯，每次都會點蘿蔔。但今次實在令我有點失望，同時店員的反應同樣令我失望。可能有一半出名後的店舖也會忽略咗。從前做食的人，間中也會說：「呢期啲貨唔靚，靚嗰啲又貴，所以咪唔賣住囉，費事做壞個名」今天我向店員反映啲蘿蔔有渣，第二嚿又有啲苦咁我同店員反映，店員就同我講，「換過俾你啊，同埋今期啲蘿蔔唔係當造，所以係咁㗎啦冇計。全世界都係咁」（我怕繼續再講會好似食神咁樣。。。🤣🤣）於是乎我就等佢換俾我誰不知道我差唔多食完啦走啦佢都未換俾我，我就同佢講多一次佢又話換俾我。咁有誠意🙄。我答我走啦唔食。唉，今時今日食碗車仔麵唔平㗎。可以買到兩餐雙餸飯㗎啦。其他食物，就保持到。可能真係食材關係。若果係從前嘅那渣麵就真係冇乜要求。

🐑牛雜麵HK$45一碗，白蘿蔔另加HK$10，份量方面，唔計白蘿蔔，HK$45一碗牛雜麵嚟講，真係大件夾抵食。牛腸、牛肚、牛肺、牛膀各從其類，每樣3-5件不等，牛雜當中最矜貴嘅牛膀，就有厚厚嘅三件，一啲都唔孤寒，而白蘿蔔都有3大嚿，佔咗碗面3分之1嘅面積，好誇張，啲餸好似越食越有咁，麵食晒啲餸都未食完，絕對係餸多過麵。味道方面，牛雜全部都清洗乾淨，冇異味，用滷水滷，整體都夠入味，又爽口。蘿蔔好夠甜，冇筋，冇苦澀味。叫咗重口味辣汁，係有咖喱成份嘅辣汁，中辣，都真係夠辣，而且惹味。麵方面，叫咗爽口啲，但都係好淋，係來貨嘅問題。其他餸菜，紅腸柴咗啲；鮮魷魚鬚幾爽口；牛肉餅係壓扁咗嘅牛丸，正正常常啦。

數九龍區最出名的車仔麵，華記一定榜上有名。平時路過實在太多人排隊，一見到條長長人龍就立即調頭走，今期有幸見到條隊好似短左少少，於是就決定入去食番個Lunch先。三餸車仔麵 – 蘿蔔好似唔洗錢咁，有3件，仲要係超大舊，大到會想笑，因為真係好巨型，但非常非常入味，最後係一啖都無剩。牛肺，完全沒有內臟那一陣臭味，爽口彈牙。春卷，煙靭入味，也很不錯。最值得一讚當然係個招牌湯底，重口味小辣，唔會勁口渴，係真材實料既。豬雜麵 – 如果唔想揀，可以選擇豬雜麵又或者牛雜麵。豬雜麵入面有豬脷、豬潤、豬肚…總之你講得出既豬內臟都有。但好想講既係，d內臟真係洗得好乾淨，因為真係完全冇平時食內臟都應該會有個浸內臟異味，好勁。豬雜配上咖喱湯底，十分美味。太陽餅 – 蝦餅，炸到非常香脆，食落啖啖蝦肉，十分惹味。下次要份外賣，返屋企配番杯啤酒。新鮮魷魚鬚 – 又爽口又彈牙，配上秘製醬汁，正！

車仔麵餸份量很多，抵食晚上九點半後比較少人。🍜牛腩、雞翼、蘿蔔，油麥菜底，滷水加腩汁。牛腩🌟🌟🌟🌟🌟大大嚿，又腍又入味。雞翼🌟🌟🌟不算很入味，但勝在肉質不會燜得太腍。蘿蔔🌟🌟🌟🌟超大嚿，用滷水煮過，不是糖心那種。🍜鮮魷魚鬚、牛肉餅、巨型魚蛋，出前一丁，滷水加腩汁。鮮魷魚鬚🌟🌟🌟🌟🌟口感彈牙，完全不韌。牛肉餅🌟🌟🌟🌟🌟口感彈牙，有驚喜。巨型魚蛋🌟🌟🌟🌟很少地方做車仔麵有大魚蛋吃，幾特別。

🌸牛雜河🌟🌟🌟🌟🌟大大杯，份量十足，每一款牛雜均有三件，全部都好入味而且好新鮮，河粉也好滑捋捋，軟硬適中，飲埋清甜清湯，非常滿足。🌸豬雜米加腩汁🌟🌟🌟🌟🌟新鮮豬雜，每款均有三件，全部都好入味，豬脷非常嫩滑，豬心大大片，米粉選了爽粉，配埋腩汁加湯非常好味。🌸涼拌生腸🌟🌟🌟🌟🌟大大碟，生腸脆口的，非常易咬，有少少辣，拌埋芫荽、蔥、及脆卜卜花生，口感非常豐富。🌸新鮮魷魚鬚🌟🌟🌟🌟🌟大大碟新鮮大大條魷魚鬚，用辣椒醬拌埋芫荽、蔥、脆卜卜花生，味蕾非常豐富。🌸王老吉（罐）🌸津路烏龍茶（樽）

太掛住牛雜麵，今日約左朋友食晏，就揀呢度三餸車仔麵朋友仔揀左咖喱魚蛋、牛腩同埋魚片頭-咖喱魚蛋超入味，大大粒又彈牙手，口感一流-牛腩大大嚿，有啲牛筋又咬口，加埋啲腩汁又係一絕，店家啲牛腩炆到好腍！差不多入口即溶-魚片頭口感鮮嫰，味道一流招牌牛雜麵選擇彈性，可以根據客人嘅喜好選擇面嘅彈性，汁嘅份量。牛雜非常足料，食到你飽之餘又非常入味，每日新鮮製造香煎太陽餅香脆可口，新鮮炸起，每塊太陽餅入邊仲有蝦隻，好足料，點上酸辣醬吃一流涼拌生腸香辣可好惹味，生腸非常爽脆，配上芫荽和花生粒，食到停唔到口

餐廳自設廠房，每日新鮮製造潮州滷水，為切合市場加入車仔麵元素，令市民可以用親民車仔麵價錢食到靚滷水😍豬雜麵 $58 係滿滿嘅膽固醇🤣 豬腸、豬潤、豬肺款款都係我最愛，配個腩汁米粉簡簡單單已經勁好味。專門店係唔同啲，勁多豬腸但個湯底一滴油都冇，食到油香但係唔膩勁正🤩三餸車仔麵 $53 全部餸劃一價錢，想食咩就揀咩。牛肉餅感覺似牛肉丸只係扁少少，爽口彈牙好多汁。牛脷大大塊好厚身好腍好滑不得了。牛肺係牛雜必選，口感軟嫩，跟咗個滷水油麵更香口小食都係必叫，試咗兩款辣嘅涼菜，都配有芫荽、花生同辣油。新鮮魷魚鬚 $52 份量十足，軟滑爽口。涼拌生腸 $30 同平時食開嘅橙色生腸好唔同，新鮮嘅更加滑，加上秘製潮式辣油食到停唔到口飲品都算親民價，有大和豆漿 $11，罐裝汽水都係$8，食辣嘢一定要襯凍嘢飲先得

一路以嚟呢間車仔麵d人都話好好食 所以都好想去 昨日終於經過順路去試下。 試完後個人覺得魚蛋夠係彈牙， 魷魚同太陽餅味道都可以，但湯底味道同其它餸的味道都好一般 ， 同埋款式比較少 ，如果比我選擇，我比較鍾意深水埗文記車仔麵同埋銅鑼灣榮記車仔麵多啲

冬天特別容易餓，行過經過間有人排隊既車仔麵，我就跟風排隊，估唔到真係有驚喜🤭 讚呀「牛雜麵」乜牛都係哂裡面，香濃牛味，我仲自選加滷水汁，更有味道，內臟爽脆👍🏻仲有我最愛的牛根🤭「新鮮魷魚鬚」熱辣辣，好香口的，野味👍🏻「涼拌生腸」這款是冷盤，正呀「三餸車仔麵」油麵，牛筋，春卷，雞中翼，咖喱汁，有好多款式給我選擇，最欣賞有咖哩汁加，令味道緊加出，牛筋爽軟，雞中翼入哂味🥳「大和豆漿」最後跟餐仲加左豆漿，好耐無飲了👍🏻日

心目中嘅車仔麵天花板 😌 次次去到門口都有一條隊，雖然都唔係等好耐，但係成日都心諗“可唔可以唔好咁多人識呢間嘢，唔想次次都要排隊呀” 🤣作為一個濃味人，最鐘意係佢地個重口味推薦（全部汁），不得了！有齊滷汁、咖喱汁同腩汁！同第二度d車仔麵豉油湯唔同，呢個更有層次。麵底又唔會煮得過腍，餸嘅選擇又多，最正係有🐮🫁 食得落一定要試埋佢地個太陽餅，超讚 💯 另外佢個魷魚鬚都好出色，如果幾個人嚟食，可以叫埋你share😋真係唔好俾條隊嚇親，佢哋流量好快，所以唔會等得超誇張。

好耐無食過太子華記潮州滷水車仔麵三餸車仔麵（蘿蔔底，牛筋，牛肺，牛膀，滷水汁）：個人超愛這個組合三餸車仔麵（蘿蔔底，牛筋，牛肺，牛膀，滷水汁）！蘿蔔底清甜入味，完全吸收了滷水的精華，卻依然保留自身的爽甜，牛筋軟嫩 Q 彈，入口即化，膠質滿滿，個人超喜歡它的嚼勁和濃郁牛香。牛肺呢口感綿密細膩，滷得相當入味！=牛膀滷水味完全滲入其中，咬下去還會爆汁，三款配料加上香濃的滷水汁，欲罷不能！新鮮魷魷魚鬚.超讚！首先份量十足，而且隻隻都非常新鮮肥美。入口爽脆彈牙，鮮味十足，完全沒有一點腥味，調味調得好惹味, 口感一絕！豬雜麵這碗麵真的高質，豬雜份量給得慷慨，有豬肚、豬腸、豬心、豬腰等等，每一樣都處理得非常乾淨，沒有任何異味。豬腸爽脆，加上爽滑的米粉和香濃的滷水汁，整碗麵的味道層次豐富，讓人回味無窮。太陽餅（蝦餅5件）： 太陽餅，金黃酥脆，每一口都有驚喜！內裡的蝦肉鮮甜彈牙，鹹香惹味，個人超喜歡!華記潮州滷水車仔麵 太子大南街74號地舖#華記潮州滷水車仔麵 #太子美食 #車仔麵 #滷水 #魷魚鬚 #豬雜麵 #太陽餅 #香港美食 #地道美食

今日嚟到太子當然要試試啲地道美食啦呢間車仔麵好多明星嚟食朋友都話好正㗎我見好多選擇全部都係鍾意食嘅嘢於是今晚晚餐就交俾佢啦唔想排隊就要早啲嚟啦現場見到好多街坊等位有唔少人買外賣坐低即刻揀咗啲心頭好牛腸好正入邊好大一圈！咬落火候啱啱好豬什麵都好大碗竟然有豬舌啊豬腸啊食落都好腍我哋都鍾意食無論豬雜定係牛雜都絕非平時隨便搵一間麵檔可以食到而且份量都好多非常抵食！小食我最推介嘅係魷魚鬚香香辣辣撈埋啲芫荽好惹味

華記潮州滷水車仔麵所出品滷水車仔麵真係好好味！價錢實惠！份量好足！難怪長期排長龍！更有麵劵派比於有需要人士🩷食麵之餘又意義！⭐️豬雜麵⭐️一次過食到豬脷、豬膶、豬肚、大腸、生腸、粉腸多款豬雜！完全無內臟膻臭味道👅口感爽脆配上招牌滷水汁、腩汁湯底！湯頭清甜🌟三併車仔麵 ⭐️多款式自由選：簡左粗麵併牛筋、牛肚、豬手湯底：重口味推薦👍🏻腩汁、滷水汁、咖喱汁三款湯底全部都食到～微辣惹味！🌟太陽餅⭐️用上鮮蝦製成黃金蝦餅！香脆可口蝦肉彈牙⭐️新鮮魷魚鬚⭐️加入芫茜、花生同秘製辣汁而成新鮮魷魚鬚口感豐富食唔停口華記潮州滷水車仔麵📍太子界限街34號民興大廈地舖