華記陳皮燒鵝

營業中

休息中

係附近返工呢半年Lunch多數都係華記解決即石lunch時間好多人排隊都不影響佢嘅銷量和質量偶爾沒有位坐有時會打包返公司食一樣不會失望公司同事讚不絕口係一間適合寫字樓一族唔使洗太多錢但又可以滿足味蕾嘅餐廳👍

今日經過見到燒鵝，於是滿懷期待地入去食咗，點知個招牌連合格都俾唔到。首先話陳皮燒鵝完全無陳皮味，然後燒鵝皮唔脆，肉都明顯太老。建議大廚去順德深造一下再開舖啦！！

夜媽媽收工就打算喺附近醫埋肚先返屋企，求其走入間茶餐廳諗住食碗粉填個肚就算，侍應叔叔好友善，一望個餐牌原來係以陳皮燒鵝作為名號就當然要叫返個燒鵝啦，一場黎到就拼多個燒肉，感覺好似可以試多少少野咁，雖然已經都有啲夜，但係燒肉嘅皮仲係帶點脆脆的，至於肉嘅部份係淋淋的，但又唔會成層肥膏喺度，燒鵝肉汁味濃，肉質都唔錯，以$67既一份燒鵝燒味雙拼，價錢應該都算係唔貴的，因為我印象平時出面拼燒鵝通常都係貴啲的。

今日下午行過，發現這家新開的燒味店，開起來不錯，買個下裝回家試試。不錯，鵝味濃郁，甘香，不鹹也不淡剛好，下次再來試試他的叉燒和乳豬，推薦給在附近上班的兄弟去試試午餐的水平。

燒鵝拼叉燒食過咁多間燒味，呢間燒味餐廳嘅份量算係比得好足！特別係燒鵝，絕對係呢間餐廳嘅賣點之一，好食得黎 又嫩口。叉燒尚可，好適合鍾意食瘦叉燒嘅食客。因為每次去到啲叉燒都係好瘦如果要食肥叉燒嘅話，可能要叫其他餸了！不過啲叉燒的確又係幾好食，總算合格有餘整體嚟講，呢間燒味不過不失。位置寬敞之餘，亦都坐得舒適位置又近觀塘地鐵站到行幾步路之後就係APM。食飽就可以去附近行吓商場，下班行街又得。下次得閒會再黎！

每次中午經過，總能看到十多人排隊等候。今天中午十二點後，餐廳已經滿座了。我點了蒸魚飯，但感覺只是一般茶記的水準。蒸魚可能翻熱太久，不夠新鮮，不過燒味可能會好一些。。

原來真係唔可以原諒！亦唔可以再俾機會幫襯！上次食中燒鴨頭頭尾尾諗緊係咪自己問題？ 黑仔。上次見人哋食叉燒半肥瘦又好靚啦最近都好想食叉燒，就諗住唉，再試一次啦都真係唉！一雙碟見到 成碟瘦叉 都真係個心離一離！大佬 會唔會係咁樣做生意？啲飯又乾啲叉燒又哽頸 成個下晝個胃勁唔舒服！ 真心唔可以原諒幾時可以執笠？ 仲要每一日都咁多人排隊大家可唔可以睇到呢篇食評？真心！警惕世人警惕自己！我決定從此以後唔會再食呢一間！！！！！！！！！！！！！！！！！！！！劣劣劣劣劣劣劣劣劣！！

晚餐同屋企人喺度食飯一共叫咗兩款菜式$278 華記燒鵝（半隻）$108 華記小炒皇另外兩個白飯$278 半隻燒鵝，燒鵝肉好瘦，肉質老同柴晒皮，燒鵝皮明顯因為放內阻冇晒光澤同埋皺晒皮，一啲都唔脆 （同店主反映，店主依然堅持話即刻燒出嚟，雖然燒鵝有出煙嘅情況，不過食落去係暖嘅，似係微波爐翻熱多啲）半隻燒鵝唔係同一隻鵝的半隻，而係左右搭成為半隻，就以脂肪比例同埋表皮顏色已經唔一致$108 小炒皇味道正常，不過冇鑊氣

下午 一條友 三點幾 百無聊賴行過 諗住食碗 燒鵝瀨 做下午茶。 上嚟 成隻 燒鵝髀上 真係有啲驚喜。 點知咬落 皮脆肉香 鵝肉嫩滑 正。 鵝肉咬落有肉汁， 脆燒鵝皮上面仲有少少陳皮香味。 配返兩杯冰凍藍妹 ，舒服曬！ 返去瞓覺聽朝起身又去 捱騍仔😔

Lunch時間去大約等左15分鐘先有位，衛生環境一般般，枱又抹唔乾。雖然呢度出名陳皮燒鵝，但唔係度度都有乳豬可以叫，所以最後叫左個乳豬燻蹄瀨粉，加凍奶茶。佢個燻蹄幾好食份量算多，唔會切到超薄冇曬口感。乳豬都脆皮而且肥瘦適中既，但就份量相對較少，同埋搭左件頭頭尾尾唔好食既，實際份量少左啲。加埋凍飲一共$81，普普通通有啲唔值咁，純粹係想食下乳豬就會去。最後臨走聽到隔離食客問呀姐拎個碗仔，呀姐就比左隻碟佢，少少搞笑

見到新開業,出面掛既燒鵝又好靚加上排晒隊 一定無死啦!!排左一陣 終於入到去啦!!首先餐廳冷氣好凍 見人地既燒味都好靚 加上主打燒鵝! 當然叫左燒鵝試試就order左個燒鵝米,但落單等左超過10分鐘 😵😵😵竟然得到頭頭尾尾,, 🤬🤬🤬🤬🤬話好既肉 得3件 其他係骨?🤬🤬🤬🤬個份量 我以為係人地食淨。點解其他人 order既咁靚同一款 只係我轉左米麵 就遲上 燒鵝又差人地咁多?!🤬🤬🤬🤬係咪歧視先!? 🤬🤬🤬有冇得換!? 真係好想知🤬🤬🤬🤬朋友碗叉燒就ok既

晚飯叫咗燒鵝和一些小炒，首先燒鵝又干又瘦，味道同普通燒臘店沒有分別🙁。小炒普普通通同餐廳收的價錢不成正比！白飯要收$12 一碗，同酒樓無分別。最最重要店員態度惡劣。😡😡😡建議不要貼錢買難受。

見新開諗住試下，依間嘢全部女店員啲態度都有問題根本趕客，晚餐叫個龍躉蒸飯食，每一舊魚都有魚鱗退咗，因為我哋趕時間有個女店員介紹叫我哋轉食燒味飯，第二碟燒鵝，嚟到全部得啲頭頭尾尾見到都廢事食直接退咗。咁算啦諗住就咁飲埋嗰兩杯嘢飲俾錢走，有個扎住馬尾微胖嘅樓面大嬸已經黑曬面抹枱仲要將啲飯話跣手倒咗落我個身到。收走曬啲嘢之後有個扎低馬尾嘅樓面阿嬸無啦啦行過嚟好大聲話：咁巴閉叫佢返去自己煮啦出街食飯係咁㗎啦！然後擰轉面拎返碟嘢過嚟問好地地做咩退？！不知所謂！去收銀俾錢嘅時候又係嗰個微胖扎馬尾樓面收錢，仲要反我哋白眼！食物質素又差，態度又差！