菲爾斯曲奇專賣店 (已結業)

每次路過旺角站或者九龍塘站都會想入去買件曲奇食，但因為最近減肥所以最後都冇買到曲奇，反而買咗佢新出嘅兔子首飾盒，裏面係有朱古力。喜愛兔子嘅女孩子當然不能放過此產品啦，佢係用左瓦瓷做既首飾圓盒，如果用嚟放耳環就一流啦，擺喺房間嘅話能夠點綴不少可愛嘅風格。裏面雖然只有三粒朱古力，但係每粒朱古力都係香滑牛奶製成嘅朱古力。如果係送禮比朋友嘅話可以要求配埋不織布嘅包裝袋，係粉紅色嘅非常啱女孩子，而且店員嘅服務態度亦都相當好

以前都會間中會買黎食，但自從銅鑼店結業後，我就少左買好多。今次經過旺角地鐵站，才剛9:30，就已經漸起人龍，因為終於到特價時段，估唔到而家都仲有特價我幾乎每一次都係係特價時段先買佢地既曲奇($14.5/1)，買3送3，白朱古力果仁、牛奶朱古力都係我最愛！好中意食呢種偏淋身既軟曲奇，不過佢地既曲奇真係好甜同好肥鬆餅就買2送2，所以覺得等到9:30先買就抵食啲，但固然就冇咁新鮮買到最後一個double chocolate另外個3款唔記得咩名喇，不過都係中意食朱古力多D

/<Mrs. Fields Cookies>❤️🍪🙋🏻我食左:🍰草莓芝士蛋糕味🍪合桃特韌🍪椰絲特韌🍪玉桂曲奇🍪燕麥提子合桃🍪朱古力果仁🌸質地偏腍身嘅軟曲奇，我比較喜愛脆身，軟曲奇相對較甜🙈邪惡d🐷

見到有d肚餓 就買個曲奇餅黎食下 買左個朱古力特韌 一聞落去好香朱古力味 但好似偏甜咁 一食落去個口感係有d煙煙unun 感覺幾得意既 不過真係偏甜 食到好口乾 10零蚊一塊下次都未必會再食

今日同晉豬行街街，路經旺角MTR，晉豬眼甘甘望住呢間曲奇餅店，呢間美國軟心曲奇真係好好食，我以前放學也會買黎食，美好回憶呀！好喇！順應民意買幾塊比晉大爺食下囉！剛好遇著做優惠買五送一，太好了！咁就買六塊回家食喇！晉豬好鐘意食朱古力味，買左三料朱古力味，即場食左一塊，內有三款不同種類朱古力再加棉花糖，口感一流，濃濃朱古力味，又鬆軟又煙韌，晉豬大叫好味！

平時早餐食麵包食到悶悶地，昨晚放工行過Mrs fields買兩個muffun放縱一下自己😁😁，香蕉合桃必定系首選～濃濃的香蕉味加埋合桃就算再邪惡的牛油都令我念念不忘，一個又點會満足到我呢.....有個新口味黑加侖子味～味道有少少酸、但新鮮生果配muffun確實令我著迷，因為用果醬做的，沒有原粒水果口感 ，所以我很愛Mrs fields

啱啱經過地鐵站，見到 Mrs. Fields！好耐無食啦！之前幫襯過藍莓鬆餅同香蕉合桃 鬆餅，味道唔錯！價錢不算貴！兩款式鬆餅很鬆化，軟棉棉！藍莓款式充滿新鮮藍莓，甜甜酸酸的，味道感覺很好！而香蕉合桃份量足料！合桃很脆！而香蕉味十足！今次買嘅係迷～你雙層朱古力批，三料朱古力批，合桃朱古力批！26蚊有6件 抵呀！我揀哂三種味道！但係我比較喜歡合桃朱古力批，合桃舖滿批面，感覺不太甜！可以接受！脆脆地加上甜甜的朱古力，口感豐富！但係雙層朱古力同三料朱古力太甜啦！可能外國人比較適合！他們很喜歡食甜品，加上一杯鮮奶更佳！

Mrs. Fields Cookies never disappoint.Discovered that they had some new flavours so got the super chewy ones and the coconut and macadamia cookie.I couldn't resist the cookies so some were already finished before I took any photographs.Obviously, the coconut and macadamia were good because the fragrant coconut and nutty macadamia tasted great together.The mocha chocolate chewy was divine as it was not too sweet and I loved the chewy texture.

上次等朋友到，就想係附近買d野食，之前一向都買cookies，今次就試下買muffin ，朱古力味，個面有小小硬小小膽幾有口感，好好食！入面d朱古力都融左d落個蛋糕度，但入面蛋糕略嫌太濕。呢間服務都幾好！店員勁好笑容。

喜歡Mrs Fields可以追溯到中學時代, 那時又甜又膩三料朱古力Brownie, 簡直令人滿足到全日也不用吃東西到現在, Mrs Fields的滋味仍在, 不過人又好像吃得"清淡"和"健康"了, 也就沒有再買過什麼批類吃了取而代之, 就是double chocolate cookie和牛油拖肥曲奇<-- 這個真是好吃到不行到最近, 就從新愛上Muffin, 因為看見所有食物均在加價, 曲奇又不太抵, 吃Muffin滿足感大得多~其實每次一撞正特價時段我就一定會排隊, 買二送二太抵了~ 一來確保清貨, 二來又讓大眾享受美味, 普天同興!這幾天吃了士多啤梨Muffin及藍梅muffin其實特價時段的味道選擇往往有限, 而且每種也分別不大如此味士多啤梨Muffin我根本吃不出它跟Respberry Muffin有何分別, 都是酸酸地有些粒子而我通常會買回家, 第二朝用微波爐翻叮, 暖暖的仍然好吃而藍梅Muffin永遠也是我的NO.1! 而層質感與內裡的不一樣, 外鬆化, 微脆, 內超軟滿足牛油香~雖然藍梅的味道一定被牛油味蓋過, 不過層次又比淨吃牛油Muffin豐富而back t

我 PaPaccino今日要工作，忙到連晏晝果餐都冇時間坐低食，途經旺角港鐵站，聞到一陣好香o既曲奇味，原來係 Mrs. Fields Cookies～陣香味令我口水直流，所以我就一個箭步衝去睇下有咩咖啡野食喇！舖頭曲奇款式繁多，之但係我實在太餓了，食曲奇就好似唔係幾夠飽，所以最後揀左佢o既 Mocha Muffin 喇！坦白講，單睇外表都唔算太吸引，加上望落去似件朱古力鬆餅多啲～至於味道方面呢，都係一件朱古力鬆餅黎架喎？！我啲 Mocha味去左邊度呢？原來係比佢夾雜o係鬆餅之間o既朱古力粒深深咁掩蓋住……看啊！佢啲朱古力粒真係多到呢，食極都仲o係度，結果到我食晒之後，我開始忘記自己叫o既係 Mocha Muffin 了～總括黎講，如果喜歡食朱古力o既朋友，可能會鍾意呢個鬆餅o既，之但係一心諗住食 Mocha 味o既我，就真係有啲失望了。而且我PaPaccino覺得，呢間舖o既曲奇遠比鬆餅出色。我下次都係食返曲奇比較穩陣啲～最後，如果大家對飲飲食食有興趣，可以黎我個Blog 睇下架。http://hk.myblog.yahoo.com/call-freebreak

我之前填左張表..之後佢比左張卡我每年生日既月入去任何一間既mrs fields cookies攞有2塊價值12蚊既曲奇用12蚊去買一塊1啖可以食哂既曲奇真係唔抵我覺得最好食係雙料朱古力曲奇咬落去第1下有小小脆既感覺入面係軟既..但唔會好麵粉感覺良好..但價錢真係唔得愈黎愈貴又愈黎愈細

這間的服務很差! 女生很惡由於它真的很貴，所以只好等夜晚減價才光顧。買了三塊曲奇，分別是牛奶朱古力，肉桂拖肥，合桃xx {忘記了}牛奶朱古力味的， 依然很甜，但充滿朱古力的曲奇的確跟朱古力特韌沒什麼分別。肉桂拖肥，必吃!! 完全覺得自己在吃拖肥糖，很神奇合桃xx，不要提了，我印象中是很難吃的，完全是果仁的味道，味道帶點甘甘苦苦的。現在每次經過Mrs Fields都很想買那拖肥曲奇

第三站 , 本來應該係去朗豪坊 , 但食食下就想返銅鑼灣食其他野 , 所以就去搭地鐵 , 落到地鐵 , 又俾mrs field既曲奇味引住我個鼻走 呢幾日每日都同人一人一件分享 , 一定肥死啦 不過真係好難忍手我記得買過白朱古力($11) , 雙料朱古力($11) , 白朱古力杏仁($11) , 純朱古力($11)上面4隻都好好味 , 鐘意食chocolate既甜魔多數都會喜歡今次就試左草莓白朱古力($11)同埋牛奶朱古力($11)牛奶朱古力冇白朱古力咁甜 , 朱古力味好出 , 朱古力粒粒都好多草莓白朱古力 , 有少少草莓粒係入面 , 連埋d白朱古力一齊食 , 甜得黎有少少草莓酸甜食完就出發去銅鑼灣sogo 啦!!!!

返學途中看見出了新款就買來填填肚子自己只對他們家的曲奇印象深刻點,見到有新產品就不能錯過這次的新產品是蛋糕圈,雙重朱古力和芝士味各要了一個雙重朱古力本以為會像鬆餅一樣那麼甜的,但入口沒有想像中的甜膩而且質感硬身一點,還有味道沒有前者般香濃中間還吃到一粒粒的東西,開始時以為是朱古力粒,但吃清楚才發覺原來是芝士粒而芝士味就和普通蛋糕沒太大分別,中間亦有芝士粒這個蛋糕圈試過一次就夠了,不太喜歡它厚實的質感,還是鬆餅好一點!