萬寶素食館 (已結業)

舊式齋舖，咁多年都冇裝修，餐廳很殘舊，客人大多數上咗年紀。餐廳選擇很多，不同種類都有，連打邊爐也有，還有水果，糖水任食。食物質素不錯，像真度很高，我們點了乳豬，口感和真的乳豬沒有大分別。錦鹵雲吞，份量充足，比傳統酒樓更多，很有小時後的感覺。豆豉蒸魚，味道濃郁，個汁好好味，可以用來送飯。炒粉麵飯，份量也很多，一份可以供4-5人。食物整體質素不錯，但味精比較多，食完好口渴，餐廳環境比較舊，感覺不太舒服，其他大致上都OK。

打邊爐係冬天少不了既活動，個個打邊爐都話要食肥牛，聽到素食邊爐就以為得菜會好dry，但其實素食邊爐一啲都唔dry，而且仲好正添！素食火窩有四款湯底，我地揀左鴛鴦湯底，一邊係清湯，一邊係沙嗲。落單前問左阿姐沙嗲湯底有冇蛋奶，佢話啲師傅都係咁食，咁應該即係冇蛋奶啦！火窩料可以散叫，但如果唔想用腦就可以叫什錦火窩，乜都有啲。我地又問多次阿姐啲火窩料有冇蛋奶，佢話得個素雞柳有蛋奶，可以幫我地換第啲料，好貼心。我地叫左一個大既什錦火窩，真係好大盤！素料啦、菜呀、菇同好多豆腐。唔鐘意食素料既可以考慮散叫。另外仲叫左個好多人都推薦既炸水餃，就咁食又得，放落湯當響鈴咁食都仲得。除左打邊爐，萬寶仲有任食生果，當晚既生果有木瓜、梨同蕃石榴。負責既叔叔成晚不停手咁去切生，唔洗擔心啲生果唔新鮮，啲姐姐仲係咁提我地去拎黎食，好貼心呀。萬寶既裝修係舊啲同老土左啲，坐亦未必坐得好舒服，但味道同服務都令人好想再黎encore！

一間10分懷舊嘅齋菜，我讀大學補習嘅時候已經嚟呢間野買齋春卷食，有時仲會買盒齋滷味返屋企。菜式價錢一啲都唔平，一樣有茶介加一服務費！而且裝修殘舊，清潔狀態一般。大嘅齋滷味，味道比以前退步了一點，齋鴨腎OK好味。五柳仙班味道酸酸甜甜幾開胃，芋頭魚炸得唔夠酥脆。加上醬汁螢光的顏色⋯⋯豉汁鰻魚豆腐煲，食齋其中一個趣味就係無論你睇過名寫乜嘢你都係食緊齋素數鰻魚味道一點也不會像鰻魚。還有喜歡食乾燒伊麵，材料夠經典。最欣賞係老闆切生果放題，仲有幾款可以選擇。雖然唔理想但可以接受!繼續努力

之前因爲有朋友唔太食肉類，所以食飯都要諗過去邊，呢間位於油麻地同旺角中間嘅素食館，就算係唔錯嘅選擇。雖然門面唔係話好光鮮，但係坐落都唔會話感覺太差，野食方面都多元化，雖然用料都係個啲，主要都係豆類製品當肉類咁煮，不過都唔差，今次食左芋頭魚、沙薑素雞、炒三絲等等，重點佢有一味素魚生，就咁食落其實無咩味道，但一同豉油一齊食，又真係幾似魚生喎衰鬼。值得一試。另外就係，晚市食夠人均60蚊就可以食佢地嘅生果放題，有咩生果就視乎老細切緊咩生果而定，仲有涼粉同紅豆沙任食，都幾特別。

A walk back into 1980s HK.. Might be the huge pile of cassette tapes displayed outside. But it also sells a veg old school dish too. One of the few vegetarian places in HK which still make the old-school dry beancurd sheet rolls. From $15 you can get a take away assortment of the gluten mock meats from the stall downstairs. These aren't the loose ones you get at dim sum. This is a proper back in the day vegatarian favourite. Only a few places in HK still do these... Everything else? Yep, yummy!

昨晚專登同朋友試食 齋火鍋！ 這間火鍋不能訂檯，所以我們唯有早點到！ 剛到餐廳，明明仲有好多吉檯，我們一早打電話來問了想訂檯！ 但餐廳覆我們不能訂檯！ 點知見到餐廳有檯寫住留座！ 要我地去到仲要同人搭檯，說有些檯有人訂了！ 最後因爲我地係打邊爐 才又安排到一張檯俾我們！ 根本明明有檯，又不想俾我們！ 之後到落單，問姐姐 大同細size 差幾遠！ 然後佢答我地，有些2個人都食大齋邊爐！ 聽佢咁講，咁我地3個人就點左個大既！ 點知黎到，大個係超大！ 其實係5-6人份量！ 😑😑😑搞到我地食唔曬，浪費左d野食！！！ 可能係佢地太環保，節省能源啦，d 姐姐行過幾次叫我地熄細d個爐！咁我地食打邊爐，點熄細個火呀，我們係想滾熟d 食材，唔係浸熟d食材呀！ 同佢講我地想加水，又話我地得返小小野食炸喔！ 😑😑😑早知一早聽朋友講，返屋企用清水打邊爐仲好！ 食個齋邊爐，都不停俾d 姐姐寸！ 食野變食氣！

打邊爐大家就試得多，唔知大家有冇試過素食嘅打邊爐? 我喺何文田區搵到一間素食打邊爐， 非常之好食，湯底選用了芫茜， 喜歡的人很喜歡，不喜歡的可以食其他。這裏最特別的還有水果糖水飲食，好健康呀！唯一唔好處要行一層樓梯先到， 老人家比較不太方便。

上一次嚟食齋時見到隔離枱打素食邊爐已經決定下次要試下，上兩星期終於搵到時間嚟！我哋比較晏先食飯，所以上到樓上已經得返幾枱客人。叫咗個細嘅素食火鍋。餐廳有一個自助吧，有不同生果、涼粉同埋糖水。等緊嘢食時，我哋都食咗啲梨同埋提子！上次嚟嘅時候水果比較多款色，可能今日妟咗，所以得兩種。之後姐姐就拎醬料比我哋自己調，仲好推介我哋試麻醬嘩！雖然我哋叫咗細份量，但都唔細啊！好多種類！我哋一路食到得返兩枱客人，心入面好唔好意思，好似阻住人收工咁。但職員仲一路好好咁問我哋要唔要加水，又叫我哋慢慢食，唔洗急！到到走嘅時候，仲問我哋做咩唔食埋糖水先走，但我哋已經好唔好意思！服務真係好好！！！下次一定會再嚟

巳經唔係第一次黎老字號萬寶素食館，今日食左4道菜，其中有兩道一定要推介，超好味😋一試難忘😍香煎素鹹魚🐟，外形無咩特別，咬左一口，有肉絲質感😱，咀嚼一口，濃厚嘅鹹魚味道，仿如食緊真鹹魚😱，點解會咁！從未食過如此內人尋味🤔嘅餸菜！又係🐠，泰式酸辣素黃魚🐠，啖啖肉好有口感，酸辣度洽當又濃郁，好醒胃😋，我忍唔住叫左個白飯，用哂D酸辣汁送飯，肥死人😜完美嘅一餐係要有甜品同生果作總結🤤，呢到個老闆好好人，特設甜品生果自助區，比客人可以食過夠，盡興而歸👏👏

今日中午我們去咗何文田窩打老道嘅「萬寶素食館」買外賣自取食！我們買咗盒齋鹵味食，咖哩齋嘅味道好香濃，酸齋嘅酸甜度好夠，酸酸甜甜相當醒胃，齋叉燒嘅質感好煙煙韌韌，齋鴨腎嘅質感就比較硬，豆腐就比較乾身同味道好淡！

約返舊同事午餐，於是選擇公司附近開餐，慳返d往返時間，一行數人有人提議食素！午餐選擇比較平實，食左以下幾款粟米粥 - 好香粟米甜味，粥底唔杰幾易入口荔芋卷 - 香口有芋味，內脆內軟綿，配埋酸甜汁，正！炸大腸 - 造型好似，唔肥，又係配酸甜汁，好味炒河粉 - 份量頗大碟，配料炒得好味絲瓜炒菇 - 絲瓜好鮮甜，味道清新，岩夏天食仲有生果任食，正晒！

齋老味 !!! D咖哩齋 同酸齋 超好食 !!! 酸齋唔係有醋精味個隻，好食 !! 北菇素麵 - 菇菜新鮮 麵質都 ok但湯偏淡同甜素鵝 - 甜甜哋 蔬菜新鮮 ... 幾好食炒菜 - 蒜香 菜嫩素禾蟲 - 一定要叫呢個 超香 熱辣辣 個面脆脆地 好好食

今晚我們去咗何文田窩打老道嘅「萬寶素食館」食晚飯！我們叫咗素魚生刺身、紫菜豆腐素魚丸湯、咕嚕肉素蝦碌、豉汁素鰻魚豆腐煲同豉汁素倉魚！素魚生刺身係用蒟蒻做，口感好爽滑彈牙，味道都幾似真魚生嘅感覺！紫菜豆腐素魚丸湯嘅湯底味道好清甜，素魚丸一咬落去就覺得我食緊真魚丸嗎？口感同味道同真魚丸無乜分別，口感好爽口彈牙，味道好鮮甜！咕嚕肉素蝦碌嘅素蝦碌好煙韌彈牙，素咕嚕肉嘅肉質好鬆軟，好似食緊真嘅咕嚕肉咁！豉汁素鰻魚豆腐煲嘅素鰻魚肉質好彈牙，豆腐亦好嫩滑，而且份量相當多！豉汁素倉魚係將啲素魚肉堆砌成一條魚嘅形狀，賣相都幾精緻，而肉質就相當軟熟！另外！有新鮮生果同糖水可供免費任食！真係好抵食！

本來以為會好遠,但其實行行下由E出口去都係10-15 分鐘左右…間鋪有兩層, 通常食素既都會比一般食肆早D收, 但佢地就8.30pm 都好旺場…人頭湧湧….點左3 個菜之後,我地去拎 左D生果…佢成晚流水式咁切左好多種…有西瓜,芒果, 提子,木瓜同梨超甜之仔餘仲有紅豆沙食….之後主菜到, 有栗子煲,菇炒守蜜糖豆同齋鹵味….有穫氣之餘,個調味好好, 而且冇咁重味精,食完都冇超口渴~會再黎捧場!!

平日出面食飯食肉食得多，都要食下素食平衡一下。新派素食已經食過好多間，滿意既實在非常有限，好怕食素魚生、素排骨等等的非傳統素菜。傳統素菜始終都係小弟至愛，要推一下既就係呢間位處窩打老道既素食，小弟每幾個月都會光顧一次。不過呢間店都敵唔過新派素菜既競爭，餐牌多左好多非傳統素菜。不過我都係食番我既至愛…店面算係舊，無裝修，但係多左一份人情同回憶。呢間素菜既特色，就係有任食生果糖水，師傅張去皮切件既不同類生果放係枱邊，客人自取。一口氣羅左4款…打左個底先。薑汁菜芯，每次食素都要點，菜炒得青綠淋甜…油係多左少少，傳統素菜特色！芋頭係小弟至愛之一，五柳仙斑、荔芋卷等等，總有一個係必點項目。今次點左五柳仙斑，不過有少少失望，沒有以往香脆，芋茸亦唔夠香…欖菜素火腿炒飯，呢間店炒飯一向水準穩定，炒飯略略油左少少，但米粒分明，配菜足兼調味到位，非常開胃，一碗接一碗。焗禾蟲，媽子好想食，就叫啦…焗禾蟲都真係要有禾蟲先好味既，不過呢個素禾蟲以粉絲代替，你唔好諗住食梗禾蟲，其實都幾好送飯。一輪攻勢之後，當然唔好晒左人地既任食糖水啦，紅豆綠豆糖水，夠晒多豆頂肚！.......滿足地離開！