萬華糖水店

營業中

休息中

自從我同老公好鍾意食嘅芋圓嗰間鋪頭執咗之後，今日率之俾我哋發現咗有一間喺紅磡專賣芋圓糖水嘅鋪頭見晚飯未開始，即刻試一試佢先我哋揀咗自選款式，加兩款料就＄30，加四款餡就$35，試新野都係唔好搏，嗌兩款先，我哋揀咗薏米同埋小丸子佢首先係畢咗啲冰底，撈咗啲唔知咩汁，然後成碗野係無糖水，我諗係靠啲冰融左出嚟變糖水，薏米都幾好食，覺得佢係撈左D煉奶，芋圓同小丸子嗰啲口感都係煙煙銀銀OK嘅只係覺得冇糖水爭小小不過可能係我哋揀自選所以佢用冰底，其實佢有啲123號嘅糖水已經set係咩料，嗰啲疑似就有糖水底雖然我同老公都覺得執笠嗰間好食啲不過呢間都唔差

之前成日黎食熱嘅綜合紅豆芋圓而家天氣熱咗，出咗好多新野選擇困難症嘅我，樣樣都想食今日試咗個芋頭綜合將仙草轉咗粉粿芋圓凍食都無硬到，一樣咁煙韌，超有水準，抺茶凍有抺茶味仲好滑粉粿超級煙韌珍珠啱啱好，唔會太淋又唔會痴埋一堆，最厲害係連舊芋頭都煙韌成碗樣樣都係煙韌到爆炸另一碗係芋圓仙草8號，材料差唔多，一樣咁好味新產品一樣超水準，價錢仲係$2x~$3x,超抵食正餐不能吃太多，要留足夠空間先食得哂一碗食到巧full~~超滿足。。。夏天如何減得了肥

🍡綜合湯圓($25)▪️其實真係好愛吃圓，乜圓都鐘意🤤🍡所以有依個綜合版真係太好la~一碗包含❤️刨冰，芋圓，地瓜圓，小丸子西米，洋薏米，紅豆，綠豆。🤭全部都好鐘意食，無嘢係唔食嘅！見住叔叔抔到滿一滿好開心🤤💕芋圓，地瓜圓，欣賞煙韌彈牙嘅質感，芋頭，蕃薯味就唔算好出，但都食到嘅，小丸子，西米煮得好好，不會太腍太粉爛，QQ der😆洋薏米就無乜味，純粹有口感咬下，紅綠豆也是有顆粒口感，不過挫刨冰，冰凍的使豆味無咁出🤔但依個價錢抵試la~

諗住係附近食啲野，無意中見到呢間鋪頭，又對芋圓糖水有興趣，就買一碗試下啦！鋪頭無特別裝修，同埋無得坐既，裡面主要都係放材料，而且有日光時無開燈，十分簡單既鋪頭，但好有台灣味道。叫左碗粉果綜合凍，有粉果、抹茶凍、仙草凍、紅豆、綠豆、珍珠仲有芋圓，都好足料，滿滿的一碗。粉果好煙韌，抹茶凍幾好食同好滑，仙草凍就無乜味，紅豆綠豆正常啦，珍珠都好好咬口，芋圓都好食都有芋頭番薯味。但係個糖水底建議可以用黑糖底，甘就多啲台灣風味。整體黎講吾貴又足料，可以一試

老實講，新開張嘅時候好多人排隊嗰陣食過一次，當時真係都幾唔好食，啲味道配搭唔夠特別，稀dumdum 又唔夠豐富。但今晚突然真係好想食芋圓宵夜，咁就唯有近近地落萬華買碗食下止癮。點知出乎意料地，好食左好多，芋圓細粒左易入口，但份量又冇少到，其他豆類小丸子配合同甜味又啱啱好，唔係得個甜字! 食完之後覺得好飽好滿足。但因為本來對呢碗綜合湯圓冇期望所以唔記得左影相。不過由覺得佢勁唔掂到而家覺得值得推介，相信老闆都花左唔少心機。希望可以繼續食到又平又好食嘅甜品宵夜啦

同朋友做嘢做得辛苦，決定來這兒食個糖水稿賞自己。(題外話，我幾喜歡萬華這個店名 哈哈) 這兒有樣嘢不好，只可以立食。我哋兩個做到咁攰其實都想坐下，而且街邊位置唔大，一邊食一邊覺得阻住條路很尷尬。這個價錢又是超有良心的街坊價。我揀咗綠豆綜合湯圓。可惜就算我在店外立食都是用發泡膠，如果有瓷碗會環保一點。佢準備的時候是先放湯圓，後放熱糖水。於是全部小丸子和芋圓都是沉底的。所以溫馨提示：記得攪勻先好食。地瓜圓和芋圓都食得出佢本身的味道，都幾Q幾有口感。但小丸子我食落只覺得是一團麵粉搓出來。而且偏甜。不過除此之外都真的很好吃！！👍🏻質素未去到第一我都會比第二名！加上良心價錢，絕對值得經過再食！🤤

第二次黎到紅磡我最愛既芋圓店，香港賣芋圓既個人覺得佢最抵又最好食。全部都係手制，真正功夫錢香港小店當然要支持下啦。但一定要注意，三點先開門我地都摸過兩次門釘。今次好彩2:58去到，佢準備開門成為左第一位人客。當然周圍都有好多人揸車黎到，泊定一邊等開門門面好有特色，有台灣夜市車仔既做型上面掛既牌都好有台灣感覺另外，係排隊點單可以見到仔細既menu。好細心列哂所有食物有咩係入面店舖好簡單，無得堂食 全外賣。仲見到有人係入面整緊芋圓綜合仙草凍 $25 (評分:9/10) 呢個價錢我覺得抵到爛，芋圓地瓜圓食到Qq口感 彈牙而且帶有地瓜同芋頭香味，唔係人工化學味。份量好誇張，有七八粒，兩個人分都食到好飽，因為真係好足料另外仙草爽滑 夾埋紅豆綠豆沙一齊食今次食既碎冰比上次少一半，如果夏天會比較想要多冰。冬天就岩岩好

地膽祖迪2個星期推介:「紅磡開咗間外賣芋圓糖水舖, 6點開門, 8點就賣晒, 足料又大粒, 超抵食」 地膽都要買數次才食得, 有祖迪推薦, 一定不會失望, 於是上星期便相約依莉一行6人去食芋圓仙草凍. 我們16:45經過差館里, 本來只是預覽, 誰知糖水店已開, 祖迪問:「今日咁早開嘅?」 負責人答:「因為早咗預備, 所以可以早D賣...」嘩! 沒有人龍, 即買即買. 阿太:「芋圓, 地瓜圓真係好似個5毫子咁大粒喎」 SY:「好煙韌, 好好食, 連D湯水都好好飲呀! 祖迪哥哥你真係無介紹錯」 祖迪:「$25蚊咁大碗, 足料到食完都真係會好飽, 係咪好抵呢?」 我:「真係深水埗, 太子, 旺角食開, 雖然都係差唔多價錢, 但一定無佢哋咁多料, 同芋圓, 地瓜圓無咁巨型, 無咁好咬口...」 當我們正沉醉著超抵的糖水之時...SY問:「姐姐同媽媽呢?」 原來, 她們已經潛入了人龍中, 想再買多一碗有涼粉的喎...我:「不出10分鐘...條人龍就走咗出嚟啦...」 SY:「我哋今日真係Lucky, 唔駛排隊」(係囉...好彩早嚟咋) 萬華糖水店紅磡差

講到經磡近期最 hit 嘅長龍店一定係呢間「萬華糖水店」。排長龍嘅原因唔止係媒體介紹咁簡單，最緊要係足料又抵食！手工芋圓由老闆每日親自預備，由到街市買新鮮芋頭同番薯，到削皮、蒸熟、壓成蓉，再搓成大大粒芋圓同地瓜圓。因為芋圓都係全部人手製作，所以每日限量供應。每日下午 6點開店，差唔多 8點就會賣晒。要食真係要計準時間啊！ 比起一般芋圓同地瓜圓大 3倍，成粒擦膠咁大。雖然唔太煙韌，不過就口感十足，芋頭味重，大大啖好有滿足感。而且一碗 $25 嘅綜合湯圓，一碗就有齊湯圓、西米、薏米、芋圓同地瓜圓，再加上紅豆沙同綠豆沙，用料十足，比起之前深水埗新開間芋圓店足料 10倍呢！難怪咁受歡迎！

平時落紅磡食飯都冇行經呢邊，今次就有朋友帶我黎到呢間糖水舖試食啦：0雖然天氣好凍 但都係想試下呢間既仙草，所以就叫左4號啦綜合仙草凍（凍）$25見住老闆一路放配料落個碗 差唔多滿瀉既感覺好治癒呢碗糖水有幾多款配料，包括仙草凍，芋圓，地瓜圓，刨冰，紅綠豆同埋洋薏米-d冰融得幾快，只係10分鐘後食 但就已經食唔到冰得番一碗糖水：‘（ 叫冰食既你地記住快快食啦-仙草凍份量挺多的，差不多有成1/4口感就平平，同台灣飲料舖頭個d差唔多，唔算特別香仙草成大舊沈低，我食到差唔多最後先記得，你地唔好同我犯同一個錯誤啊：P-聽聞呢度既芋圓係最出名的，但就令人有d失望啊真係幾大粒下，同平時見開個d大成倍既但就唔係好夠稔，口感比較實，好似個芯未煮熟甘～- 佢既地瓜圓就真的不錯地瓜香味好好好突出！雖然口感同芋圓差唔多，但佢既香味完全抵銷番曬以呢個價錢黎講都算抵食既，但下次就真係要即食啦：）

有一天下午，我去紅磡行街，見到間店開了，並且沒有人排隊。我很期待已久想試的糖水店以前開了，因為我以前去都是寫著6：30開。我叫了综合仙草凍，行去公園食。食落去芋圓有芋頭粒，很有芋頭味。而综合仙草凍的甜度不過火，值得推介

話説呢排呢間糖水店好出名，於是專誠去試下，舖頭無坐位只可以外賣或者企埋一邊食，話有好多人排隊，不過舖頭一開我就去買就無咩人喇。店舖只有幾款糖水可以揀，芋圓地瓜圓果啲配料全部煮定左放係度，隔離就係紅豆綠豆沙。得幾款糖水，除左仙草之外就叫左《紅豆綜合湯圓》($25)，入面有紅豆沙芋圓地瓜圓小丸子西米同洋薏米，芋圓地瓜圓好大舊，但係完全無煙靭既口感，亦都味道唔夠出。小丸子直情痴埋一大舊分唔開，點解可以咁多人排隊呢。店名：萬華糖水店地址：紅磡差館里17號聚賢大廈地下2C號舖餐牌:

朋友帶我開拓紅磡版圖～之前去台灣食唔到芋圓，今次冇同台灣比較，單純以個人口味去評萬華係台灣出名多嘢食嘅一區舖仔細細只能外賣冇得坐嚟計價錢唔算平望落都幾足料，但刨冰未食完就溶晒，成碗糖水只係暖唔係凍唔係好大碗西米熟嘅，但就漿埋咗一塊紅綠豆幾稔，但糖水主要係仙草同冰糖味。仙草成磚咁滯，而且好重涼粉味，又唔會太硬，唔錯芋圓幾香芋頭蕃薯味，都幾大粒，但就好實，唔煙韌，質地似雪過夜嘅糯米。唔清楚咁正唔正宗，但我覺得普通啦。

作為芋圓控呢間新開的糖水鋪,係我要試既芋圓List 之一可惜.....令我有點失望叫左個<綜合仙草凍>好似都幾多料,芋圓地瓜圓係超大粒,可惜一食落口我認為一般芋圓都分為2類1.比教粉身,食落軟糯,芋頭同地瓜味一般會比較出2.比較煙韌d, 即係口感QQ但呢度既芋圓食落口,係好實好硬,雖然係有好強烈既地瓜同芋頭味,但個口感好奇怪,又唔QQ,又唔係軟糯....我諗應該係比例問題吧？其他配料亦好一般,西米係痴埋一大舊唯一讚既係佢個仙草底好好味,唔算太軟身但有好香仙草既味,唔似其他鋪味淡同落太多糖水翻食指數：30 (再食都應該會係因為個仙草)#萬華糖水店紅磡差館里17號聚賢大廈地下2C號舖

慕名而來食呢間好似係新開嘅糖水店 去到發現鋪面頹頹地😂 而且淨係得外賣（呢點係去前已經知🤡）今次foodpigss🐷🐷食左呢個凍綜合湯圓（$25）👉🏻有刨冰、芋圓、地瓜圓、小丸子、西米、洋薏米、紅豆&綠豆 聽落好似好多野 但其實份量好少 加上唔知係咪🐷🐷嘅相機食得太耐🤣 所以刨冰已經溶溶地 食幾啖就冇曬咁🙁 本身以為會有真湯圓 姐係有餡果啲🤔 原來只係諗多左🤦🏻‍♀️ 而小丸子都算幾煙韌 至於主角芋圓同地瓜圓確實係幾大粒😁 暫時係🐷🐷食過最大粒的 但口感就唔係話勁煙韌 仲粉粉地 不過各自都幾有芋頭味同地瓜味😝 而其他配料撈撈埋埋就同平時食開一罐嘅八寶粥一樣味😂 只能說一分錢一分貨 算係不過不失 試下就好了😆