蒲東小館 (九龍貿易中心)

營業中

休息中

想食平價上海菜，又唔想出九龍，通常都會諗起蒲東小館。 佢响葵興KCC，搭地鐵行過去，全程响商場入面，真係黑雨都唔駛怕。最難得嘅係，佢開足7日。今日係食套，套餐有前菜、主食、飲品， 價錢由60至到100蚊不等。今日一行六人食咗以下嘅菜式。涼拌茄子（套餐） 個人唔鍾意食茄子， 但同行人話味道唔錯， 食得出有醬油，醋，味道酸酸地，好開胃。蒜泥白肉（套餐） 醬汁同涼拌茄子一樣， 蒜泥唔夠多，就唔夠香。小籠包 小籠包皮薄爆汁， 肉質有啲鬆散，但係整體合格有餘。酸菜魚拉麵 湯底酸辣適中，麻味好重，加上魚片好滑，估唔到响呢度可以食到唔錯嘅酸菜魚。排骨擔擔麵 湯底花生味好濃，有辣味但唔會好嗆，比夏X館出色。排骨炸得酥脆，但就乾咗少少。雞肉燴麵 湯底係雲吞雞湯同款，鹹鮮口味， 菜比雞肉多，算係清淡口味。要注意佢嘅麵量係最多嘅，一個人應該食唔晒。蒲東小館炒飯 醬油炒飯，炒飯粒粒分明，味道鹹味適中。雞扒菜飯 無骨炸雞扒食落去好脆口， 菜飯一般般。 問題係成蝶菜冇汁，食過去好乾。雞絲涼拌麵 啲麵上枱已經結埋一沱，要花好多時間拆鬆佢。雖然叫「涼拌」，但啲麵係熱嘅（暖暖地），唔好以為係冷麵。 調味醬有好濃嘅花生味

第一個感覺餐廳環境好闊落，食物選擇種類多，午市還有午市自選套餐，包括有主食、小食、一杯飲品都算抵食。排骨擔擔麵湯底很濃郁花生醬味，少少辣但接受到，碗麵仲加了肉碎，食起上嚟感覺唔太單調，陽春麵煮到剛剛好，小食揀了小籠包，皮唔太厚味道都OK。整體嚟講$78一份午餐都算抵。

KCC餐廳都較早關門所以揀咗間貼地嘅上海菜食晚餐老實講第一次喺呢間餐廳食lunch味道真係有待改善不過今次晚餐又出奇地有質素👍🏻🍚蟹粉炒飯🌟🌟🌟🍚雞絲粉皮🍚炒鱔糊🍚四川口水雞(偏咸)🍚津白上湯年糕🍚酸辣湯推介抵食套餐，包一個小食、主食、飲品，而且小食份量都好多，例如雞絲粉皮、酸辣湯、口水雞都係加嘅小食，特別要讚雞絲粉皮，味道不錯👍🏻主食方面，揀咗當季嘅蟹粉炒飯，蟹黃同蟹肉都幾多，貨真價實價錢又唔貴👍🏻炒鱔糊有鑊氣，鱔肉彈牙爽脆，都幾新鮮🐠

酸辣湯雲吞麵+ 上海小籠包湯底唔辣帶小酸，略嫌配料少左啲，再多啲冬菇雲耳，口感更豐富 。雲吞皮有啲厚，但夠大粒，好似一碗有4粒，味道尚算可以 。麵底煮得幾好，保持少少咬口，唔會淋哂，而且份量都好足夠，非常飽肚 。食得上海野，一定要叫埋小籠包 。大小啱啱好，可以一口一啖，啲湯汁一啖都無浪費，皮薄適中，加一啲醋，幾條薑絲，唔錯👍🏻水煮牛肉麵+春卷水煮牛太多油，同埋都幾辣，小編已經算係食辣之人，唔食得辣千期唔好試，都好彩仲有杯豆漿解下辣，油麵煮得淋左啲，相對失色🙂‍↔️牛肉咬落幼嫩，都還可以 。而個小食春卷就炸得幾脆，鍾意香口野，可以點呢個 。小食+主食+飲品，價錢大約58-80左右 。lunch 價黎講差不多，而且非常飽肚，可以一試 。環境：店舖都幾大，午餐時間好快就等到位，而且環境乾淨光猛，冷氣足夠，坐得好舒服 ，食得開心 。

今日lunch同一大班同事去食依間上海菜價錢，我覺得偏向中間，但係食物嘅質素都比較好我叫咗個雞扒菜飯菜飯非常之味道濃郁但雞扒略嫌沒有汁可以點加上可以叫小食小籠包雞絲粉皮小籠包汁水非常之多，大家注意小心熱到

昨天下課後2人叫了一個168套餐再加一隻薰蛋。先講隻薰蛋，乾真真，同menu張相爭好遠，無香味無流心，我淨係食到D薰同酸味。再講個小籠包，皮厚完全唔掂。 個蒜泥白肉好似係雪櫃啱啱攞出嚟，淨係得啲蒜蓉同醋味好難食。嗰擔擔麵亦非常一般，唔怪得六點幾得我們一枱客。如果唔改善好快執得。

叫咗個set dinner，六七十蚊包一個點心+一碗麵/飯+飲品。份量OK，正常食量係夠飽嘅，無偷工減料。選擇都多嘅。味道中中挺挺不過不失。服務就麻麻地有待改善。

📍 蒲東小館葵興區工廠商廈多，九龍貿易廣場叫做集中最多食肆嘅地方。見好耐冇食上海野，揀左蒲東小館，店內環境都幾舒服，坐位算多，有一邊開揚大窗，唔會侷促，而且見餐牌價錢又唔貴。🍜紅燒牛腩麵🐮麵的份量頗大，湯底顏色夠深，牛腩有6舊， 但牛腩炆得淋仲好硬身，伴幾條小棠菜。🍜酸辣湯餛飩麵亦都係麵的份量很大，酸辣湯味道酸甜辣味有齊，雲吞大大隻但淥得太淋。鮮肉小籠包好厚皮又唔爆汁，麻麻地。煎餃子煎得唔錯好香口。整體食物真係質素一般回頭指數極低

星期日要帶小朋友黎附近上堂，上完堂得一兩間餐廳有開，其中一間就係呢間，見未試過，所以就入咗去啦。先睇環境先，其實呢間環境都幾舒服，加上星期日其實都冇咩人，所以一定唔會俾人趕，而且其實佢個餐牌都幾平，所以都有啲期待。我哋一共嗌咗兩個餐，另外加咗兩款小食。嘢食好快就嚟到啦，先講下兩個小食先，我哋叫咗蒜泥白肉同小籠包，但係呢兩樣嘢真係好差😮‍💨蒜泥白肉可以改名做酸泥白肉，因為佢個陳醋好似唔使錢咁瘋狂落，食落去剩係得一浸酸味，其他味都食唔到😰而小籠包就好厚皮，淨係睇張相都睇到佢有幾厚皮啦😮‍💨之後就係酸辣雲吞麵同埋排骨炸醬麵，兩個面嘅味道普普通通，但係雲吞都有皮厚嘅問題，不過以呢個價錢嚟講就不失不過啦。最後就係兩杯嘢飲啦，杯酸梅湯味道正常，但唔知點解好似俾人飲咗幾啖咁，拍埋杯凍奶茶就睇得好清楚，直程冇咗差唔多三份一🤫奶茶亦都唔算香濃，不過上海舖買奶茶其實都冇乜好大期望，所以尚算合格。總括嚟講，如果唔係其他餐廳星期日冇開，一定唔會揀呢間餐廳食嘢🫠

蒲東小館 今次係我第三次回訪呢間「蒲東小館」，上次買多咗一張OPENRICE 82折現金券，見就快到期經開葵興就用埋佢啦！1.雪菜河蝦仁炒飯$78（9/10）呢個炒飯好香，飯粒粒炒到挺身，蝦仁好爽口，雪菜又唔咸，唔錯！2.鮮肉小籠包$42（6/10）平時一諗起想食小籠包就會諗起呢間「蒲東小館」，皮薄爆汁，而且價錢比較親民，可惜今次嘅小籠包皮乾又無爆唔到汁，差咗好多，唉！2人原本總共價錢$120，用咗1張OPENRICE 82折現金券後，最終價錢$20，平咗$18**OPENRICE 82折現金券優惠由即日起做到到2024年1月30日，現金券只適用於正價單點食品**個人口味總評分：7.5/10地址：葵涌葵昌路51號九龍貿易中心KCC 2座M04號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#蒲東小館 #上海菜 #葵興 #葵興好去處 #小籠包 #葵興美食 #香港美食 #hkfoodie #hkfoodblogger #hkfoodpic #hkfoods #hk

食過幾次每次都覺得好好食👍 尤其是蟹皇蝦仁炒飯，炒飯炒得非常之有鑊氣同有濃濃的蛋香味，而且米飯粒粒分明煙靭有口感。套餐好抵食有88折🙏🏻 大家一定多啲幫襯 呢間舖人流唔係好多 希望佢長做長有

上星期來這裡午餐覺得幾好味，膽粗粗來試晚餐。這裡工商業區晚上人流稀少，接近七點店內已經有兩三枱客，七點半左右有兩張大枱入座，可能提早做冬，好熱鬧。小籠包～不過不失生煎包～似炸包多過生煎燻蛋～煙燻味好香特色鳳尾魚～炸過火了，太硬油炆小竹筍～好入味酸菜魚～不過不失担担麵～麵條做得好好，湯底都好上海粗炒～正，麵條好香，味道剛好高力豆沙～好味，唔會太甜總括：這裡既生煎包是炸的，不是生煎，包內沒有肉汁有點失望主食麵條好出色，正埋單後才發現openrice有優惠價買現金劵

今日趁午飯時段到訪KCC購買中藥，原本想食三哥，但見到店外人頭湧湧，即轉向隔離店舖看看，有西餐及上海菜，與同事商量，決定食上海麵。進店一看幾乎滿座，服務員帶我們在最入既座位，爭取時間我們點了套餐。蒜泥白肉+排骨擔擔麵+豆漿小籠包+酸辣湯麵+豆漿食物上枱速度快，全部食物熱辣辣 排骨好大塊碎上，方便食用，讚酸辣湯味道好傳統，酸辣平衡得剛剛好😋😋係我碗湯。好耐無食過咁好味既上海麵，I will be back😎

蒲東小館 今次再回訪呢間「蒲東小館」，睇返記錄原來上次食已經係上年11月啦，今次嚟到變化好大，除咗OPENRICE 82折現金券可以即買即用外（圖10），仲有就係全場爆滿哂，同上年得我哋自己坐一枱食簡直兩回事，做餐飲過去三年真係好慘，唯有依家盡量支持返好味嘅餐廳啦，依家真係有好多好味嘅餐廳越執越多！😢😢😢1.蟹粉小籠包$80（8/10）呢間小籠包皮薄多汁，但呢個蟹粉小籠包無咩蟹味，都係鍾意原味多d！2.鮮肉小籠包$42（10/10）都係最普通最原味嘅鮮肉小籠包好味好多，同一年前食都係一樣皮薄多汁，粒粒夾起都穿底，湯嘅精華咁就流走咗，食完一粒又一粒，最終食咗3籠鮮肉小籠包！3.黃金魚塊$88（8/10）呢個黃金魚塊炸粉比較厚，食到有少少咸蛋味！4.孜然牛肉$98（9/10）呢碟炒牛肉份量算多，牛肉片大約有10塊，肉質嫩滑唔韌，反而我幾鍾意個配角「洋蔥」，洋蔥食落爽同有辛辣味，好少地方食到爽而辣嘅洋蔥，多數洋蔥炒到軟淋淋！5.乾鍋花菜$78（10/10）呢碟椰菜花整得好惹味，椰菜花好爽口同辣辣地！6.肉味粉絲煲$72（8/10）呢個粉絲煲有少少失手，除咗本身嘅甜甜地，今次就咸咗少少！7.蒸

平時好少去葵興食嘢，今日閒日陪媽媽去葵青康健中心見姑娘分析驗血報告，完成後喺附近食午餐。好少食到上海嘢午餐，所以4間入面揀咗呢間試。地方都大，坐得舒適！有套餐好抵至到晚上9點，有小食，主食&飲品。我揀咗個菜肉雲吞麵，雲吞&湯底濃但唔會太咸，啱晒我口味😋，麵份量好多，男仕食都應該夠飽！飲品我揀熱豆漿，甜度適中，另有咖啡奶茶檸茶，檸水可選。兩個餐小食，手拍青瓜，略嫌重味咗少少，而家都市人都比較注意健康，若淡返d更啱胃口！酸辣木耳（我覺得係雲耳），味道合適少少酸少少辣，啱晒我口味！媽媽揀咗個好少會食的酸菜魚米線，魚肉嫩滑，份量正常，有幾片萵筍吸晒味，米線都係超多。湯底比較麻辣，越食覺得越辣😬整體滿意，比起荃灣區平好多，其實好抵食，外賣仲有88折，啱晒附近打工仔