蒲東小館 (九龍貿易中心)

營業中

休息中

最近到九龍貿易中心附近覓食，發現了一間主打上海風味的小館。雖然菜式選擇不算特別多，但品質穩定，特別是麵點和點心類，都能吃到細緻的手工感。這次簡單點了 小籠包 和豆漿，雖然是經典組合，但水準卻有驚喜！小籠包 皮薄但不易破，內裡的豬肉餡鮮嫩，湯汁豐富，輕輕一咬就能感受到肉汁在口中爆開。配上薑絲和醬油，味道更有層次感，不會覺得單調。豆漿 是店家自家製，豆香味濃郁，不會過稀或太甜，口感相當順滑，帶點微微的黃豆回甘，作為搭配小籠包的飲品剛剛好，有解膩的效果。整體來說，這間小館主打的上海風味相當不錯，小籠包水準很高，自家製豆漿也值得一試。雖然餐點選擇不算多，但想吃地道上海小點的話，這間店是不錯的選擇！

蒲東小館 今次係我第四次回訪呢間「蒲東小館」，睇到OpenRice做緊75折現金券，點知去到下午茶套餐仲吸引，最後揀咗下午茶套餐，如果要用OpenRice嘅75折現金卷就要用正價菜單，精明嘅我緊係揀下午茶套餐啦！1.嫩雞煨麵$48+凍港式咖啡$3（9.5/10）呢碗嫩雞煨麵份量好多，幾乎可以兩個人食，湯底好濃郁，個麵吸哂湯嘅精華，又彈牙，嫩雞係切到一小舊，肉質好滑，大約都有20舊小嫩雞，幾好味！飲品揀咗凍港式咖啡，下午茶套餐凍飲只係加$3，咖啡又滑又香濃，唔會酸，我鍾意！2.紅燒牛腩麵$48+凍蜂蜜柚子茶$3（9.5/10）呢碗紅燒牛腩麵個牛腩睇落以為好硬，原來食落都好軟淋，大約有十舊切細咗嘅牛腩，個麵掛汁彈牙，唔錯！飲品揀咗凍蜂蜜柚子茶，味道正常！3.小籠包（4件）$32（8/10）叫咗兩籠小籠包，一個下午茶套餐可以追加一款食物，今次依然個皮有少少厚，但係湯汁多過上一次，不過小籠包外形越包越樣衰，希望下次會有改善！4.高力豆沙（3粒）$42（9/10）呢個高力豆沙唔會好甜，入面紅豆沙餡都算多，一共有三粒高力豆沙！5.牛肉生煎包（3粒）$42（8.5/10）呢個牛肉生煎包咬落都有少少汁

最近在九龍貿易中心附近發現了一家主打上海菜的小館，裝潢簡約，環境乾淨舒服，餐牌上有不少經典上海風味的選擇，整體味道不錯上海粗炒麵是一大亮點，麵條炒得剛剛好，醬香濃郁但不會過鹹，口感彈牙，帶點微微焦香，夠鑊氣！配料有豬肉絲、椰菜等，讓整體層次更豐富，不會只有單一的麵條口感，吃起來很有滿足感四川擔擔麵辣度適中，帶點花椒的麻香，不會過於刺激，但夠惹味。麵條軟硬適中，花生醬的香氣提升了整體的濃郁度，湯底調味剛好，不會太膩，適合喜歡重口味的朋友蜂蜜柚子茶剛剛好柚子的果香帶點微酸，配上蜂蜜的甜度，口感清爽解膩，而且柚子果肉給得挺足這家小館的出品算是穩定，味道不會過油或過鹹，適合喜歡上海菜或重口味麵食的朋友來試試。價格也算合理，值得回訪

位於葵涌商貿區核心的九龍貿易中心（KCC），**蒲東小館**以低調的門面藏身於二座商場內，主打上海本幫菜與江浙風味，是附近上班族聚餐的熱門選擇之一。這次品嚐了四道招牌菜，整體水準不俗，但價位偏高，適合追求精緻風味、預算寬鬆的食客。### 🔸 **亮點菜式｜傳統與創新的平衡** **「小籠包」**（$68/4顆） 皮薄透光，湯汁豐盈，肉餡鮮甜不腥，屬穩紮穩打之作。可惜一籠僅四顆，以價位而言份量略顯矜貴。 **「花雕醉雞」**（$128） 冰鎮上桌，雞肉嫩滑入味，淡淡花雕酒香滲透肌理，清爽開胃。可惜份量偏少，淺嚐即止。 **「水煮牛肉」**（$198） 驚喜之選！辣度溫和卻不失川味香氣，牛肉片厚薄適中，口感滑嫩，底層吸飽湯汁的寬粉更是亮點。適合本地化的辣度調整，怕辣者也能嘗試。 **「蟹粉獅子頭」**（$108/顆） 濃郁蟹粉包裹手打豬肉，綿密鬆軟中帶顆粒感，醬汁鮮甜。但一人一顆稍膩，建議分食搭配白飯。### 🔸 **價位與環境｜商務客導向的定位** 人均消費約$250-300，份量精緻，定價貼近中高檔餐廳，與街坊小店相比CP值不高。裝潢簡約雅緻，燈光柔和，座位間距寬敞，

九龍貿易中心這間主打上海菜的小館，裝潢簡潔，氣氛輕鬆下午茶選擇不少，這次試了兩款經典的上海菜式，味道讓人滿意😃上海粗炒麵炒得油亮不膩，醬香濃郁，每一條麵條都均勻掛上醬汁，口感彈牙。配料豐富，有豬肉絲、蔬菜等，炒得火候剛好，不會過油，也沒有過於濕潤，保持了上海炒麵應有的乾爽口感😎小籠包作為上海菜的靈魂，一定要點來試試皮薄餡靚，輕輕夾起還能看到湯汁在內，咬開後肉餡鮮香，湯汁甘甜，沒有過多的油膩感，蒸得剛剛好，不會有破皮或麵皮過厚的問題，味道挺有水準👍🏻蜂蜜柚子茶則是一款很適合搭配上海菜的飲品，柚子的清香加上蜂蜜的微甜，喝起來清爽解膩，配著小籠包和炒麵剛剛好😀整體來說，這家小館出品穩定，口味適中，不會過鹹或過油，價格合理，適合喜歡上海風味的朋友來試試🫶🫶

行完佛羅倫斯 工廠區選擇唔多睇完OK冰室Menu唔啱 試吓食吓上海嘢店內環境都算寬敞 唔侷促比佢個蟹粉盛宴套餐吸引咗好彩冇叫 原來188一位 並不是兩位係最少兩位先可以叫最後揀咗全日自選套餐排骨擔擔麵套餐$80 (跟小籠包兩粒+凍檸茶加$3)排骨算係幾好味 都算係Juicy 份量十足擔擔面點餐時默認中辣 如果要少辣記得講聲 可惜小籠包就真係麻麻哋 厚皮又唔多汁 好乾凍檸茶好細杯啊，仲要加$3唔抵雞扒菜飯套餐$78 (跟蒜泥白肉+熱柚子蜜）雞扒挺大份 菜飯OK 蒜泥白肉麻麻哋 白肉偏乾而且硬硬地 好一般柚子蜜叫做過得去整體食物份量十足，味道就一般過得去員工偏老50+ 人手少 而且冇乜士氣 冇乜笑容 可以講話冇Service不過工廠區唔係好多選擇整體：3.5/5 唔會特登過嚟食

第一個感覺餐廳環境好闊落，食物選擇種類多，午市還有午市自選套餐，包括有主食、小食、一杯飲品都算抵食。排骨擔擔麵湯底很濃郁花生醬味，少少辣但接受到，碗麵仲加了肉碎，食起上嚟感覺唔太單調，陽春麵煮到剛剛好，小食揀了小籠包，皮唔太厚味道都OK。整體嚟講$78一份午餐都算抵。

KCC餐廳都較早關門所以揀咗間貼地嘅上海菜食晚餐老實講第一次喺呢間餐廳食lunch味道真係有待改善不過今次晚餐又出奇地有質素👍🏻🍚蟹粉炒飯🌟🌟🌟🍚雞絲粉皮🍚炒鱔糊🍚四川口水雞(偏咸)🍚津白上湯年糕🍚酸辣湯推介抵食套餐，包一個小食、主食、飲品，而且小食份量都好多，例如雞絲粉皮、酸辣湯、口水雞都係加嘅小食，特別要讚雞絲粉皮，味道不錯👍🏻主食方面，揀咗當季嘅蟹粉炒飯，蟹黃同蟹肉都幾多，貨真價實價錢又唔貴👍🏻炒鱔糊有鑊氣，鱔肉彈牙爽脆，都幾新鮮🐠

酸辣湯雲吞麵+ 上海小籠包湯底唔辣帶小酸，略嫌配料少左啲，再多啲冬菇雲耳，口感更豐富 。雲吞皮有啲厚，但夠大粒，好似一碗有4粒，味道尚算可以 。麵底煮得幾好，保持少少咬口，唔會淋哂，而且份量都好足夠，非常飽肚 。食得上海野，一定要叫埋小籠包 。大小啱啱好，可以一口一啖，啲湯汁一啖都無浪費，皮薄適中，加一啲醋，幾條薑絲，唔錯👍🏻水煮牛肉麵+春卷水煮牛太多油，同埋都幾辣，小編已經算係食辣之人，唔食得辣千期唔好試，都好彩仲有杯豆漿解下辣，油麵煮得淋左啲，相對失色🙂‍↔️牛肉咬落幼嫩，都還可以 。而個小食春卷就炸得幾脆，鍾意香口野，可以點呢個 。小食+主食+飲品，價錢大約58-80左右 。lunch 價黎講差不多，而且非常飽肚，可以一試 。環境：店舖都幾大，午餐時間好快就等到位，而且環境乾淨光猛，冷氣足夠，坐得好舒服 ，食得開心 。

今日lunch同一大班同事去食依間上海菜價錢，我覺得偏向中間，但係食物嘅質素都比較好我叫咗個雞扒菜飯菜飯非常之味道濃郁但雞扒略嫌沒有汁可以點加上可以叫小食小籠包雞絲粉皮小籠包汁水非常之多，大家注意小心熱到

想食平價上海菜，又唔想出九龍，通常都會諗起蒲東小館。 佢响葵興KCC，搭地鐵行過去，全程响商場入面，真係黑雨都唔駛怕。最難得嘅係，佢開足7日。今日係食套，套餐有前菜、主食、飲品， 價錢由60至到100蚊不等。今日一行六人食咗以下嘅菜式。涼拌茄子（套餐） 個人唔鍾意食茄子， 但同行人話味道唔錯， 食得出有醬油，醋，味道酸酸地，好開胃。蒜泥白肉（套餐） 醬汁同涼拌茄子一樣， 蒜泥唔夠多，就唔夠香。小籠包 小籠包皮薄爆汁， 肉質有啲鬆散，但係整體合格有餘。酸菜魚拉麵 湯底酸辣適中，麻味好重，加上魚片好滑，估唔到响呢度可以食到唔錯嘅酸菜魚。排骨擔擔麵 湯底花生味好濃，有辣味但唔會好嗆，比夏X館出色。排骨炸得酥脆，但就乾咗少少。雞肉燴麵 湯底係雲吞雞湯同款，鹹鮮口味， 菜比雞肉多，算係清淡口味。要注意佢嘅麵量係最多嘅，一個人應該食唔晒。蒲東小館炒飯 醬油炒飯，炒飯粒粒分明，味道鹹味適中。雞扒菜飯 無骨炸雞扒食落去好脆口， 菜飯一般般。 問題係成蝶菜冇汁，食過去好乾。雞絲涼拌麵 啲麵上枱已經結埋一沱，要花好多時間拆鬆佢。雖然叫「涼拌」，但啲麵係熱嘅（暖暖地），唔好以為係冷麵。 調味醬有好濃嘅花生味

昨天下課後2人叫了一個168套餐再加一隻薰蛋。先講隻薰蛋，乾真真，同menu張相爭好遠，無香味無流心，我淨係食到D薰同酸味。再講個小籠包，皮厚完全唔掂。 個蒜泥白肉好似係雪櫃啱啱攞出嚟，淨係得啲蒜蓉同醋味好難食。嗰擔擔麵亦非常一般，唔怪得六點幾得我們一枱客。如果唔改善好快執得。

叫咗個set dinner，六七十蚊包一個點心+一碗麵/飯+飲品。份量OK，正常食量係夠飽嘅，無偷工減料。選擇都多嘅。味道中中挺挺不過不失。服務就麻麻地有待改善。

📍 蒲東小館葵興區工廠商廈多，九龍貿易廣場叫做集中最多食肆嘅地方。見好耐冇食上海野，揀左蒲東小館，店內環境都幾舒服，坐位算多，有一邊開揚大窗，唔會侷促，而且見餐牌價錢又唔貴。🍜紅燒牛腩麵🐮麵的份量頗大，湯底顏色夠深，牛腩有6舊， 但牛腩炆得淋仲好硬身，伴幾條小棠菜。🍜酸辣湯餛飩麵亦都係麵的份量很大，酸辣湯味道酸甜辣味有齊，雲吞大大隻但淥得太淋。鮮肉小籠包好厚皮又唔爆汁，麻麻地。煎餃子煎得唔錯好香口。整體食物真係質素一般回頭指數極低

星期日要帶小朋友黎附近上堂，上完堂得一兩間餐廳有開，其中一間就係呢間，見未試過，所以就入咗去啦。先睇環境先，其實呢間環境都幾舒服，加上星期日其實都冇咩人，所以一定唔會俾人趕，而且其實佢個餐牌都幾平，所以都有啲期待。我哋一共嗌咗兩個餐，另外加咗兩款小食。嘢食好快就嚟到啦，先講下兩個小食先，我哋叫咗蒜泥白肉同小籠包，但係呢兩樣嘢真係好差😮‍💨蒜泥白肉可以改名做酸泥白肉，因為佢個陳醋好似唔使錢咁瘋狂落，食落去剩係得一浸酸味，其他味都食唔到😰而小籠包就好厚皮，淨係睇張相都睇到佢有幾厚皮啦😮‍💨之後就係酸辣雲吞麵同埋排骨炸醬麵，兩個面嘅味道普普通通，但係雲吞都有皮厚嘅問題，不過以呢個價錢嚟講就不失不過啦。最後就係兩杯嘢飲啦，杯酸梅湯味道正常，但唔知點解好似俾人飲咗幾啖咁，拍埋杯凍奶茶就睇得好清楚，直程冇咗差唔多三份一🤫奶茶亦都唔算香濃，不過上海舖買奶茶其實都冇乜好大期望，所以尚算合格。總括嚟講，如果唔係其他餐廳星期日冇開，一定唔會揀呢間餐廳食嘢🫠