薩莉亞意式餐廳 (大元街市) (已結業)

我地係星期五晚飯時間黎食既～一路都知多人等位，已經6點半去到等位。一開始就俾張No.541既手寫飛我地，我都奇怪，因為個電視顯示A、B、C呢3款枱既籌，自助取票個部機又封左，咁我地以為部機壞左先俾手寫飛。等左25分鐘，終於都叫到我張541既手寫飛，行到埋去，個經理係部自助取票機度拎過張B91既飛我地囉！攞飛排隊等攞飛！咩料呀？之後要再等多40分鐘先有位！總括黎講就係服務態度同食物水準都唔得！

我今日同呀媽去左食, 等位都唔係話好耐。入到去都幾大, 見到啲野食價錢都okay。就嗌左2個意大利麵, 睇落okay但系食落一般, 但系佢已經加左芝士粉, 令我唔系幾鍾意..因為佢應該問下客人要唔要芝士粉/ 放係隔離比人自己落。令一啲唔系幾鍾意芝士粉唔enjoy成個麵:'( 另外嗌左個薩莉亞布丁, $18味道唔錯但系太細!!!!直徑太約只有6cm到.味道okay幾好食但唔值$18服務都okay, 野飲自己拎。啲位真系好窄, 肥小小都行唔入@@

我以前幫襯過杭口、寶琳和荃灣, 而家大埔分店終於開左啦! 趁初初無咁多人幫襯既時候, 同朋友一齊去試下, 今次一行六人去幫襯, 朋友六點半去拿飛, 今次等位只需15分鐘便有位, 算快架啦, 是次叫了    1) 甜蝦沙律                  2) 粟米忌廉湯               3) 蒜香法包                  4) 芝士法包                  5) 辣味雞亦                  6) 蒜蓉焗田螺               7) 水牛芝士 pizza         8) 煙肉菠蘿 pizza         9) 野菌忌廉意大利飯    10) 卡邦拿那意大利粉    11) 墨魚汁意大利粉       另外每位加錢揀了任飲及蛋糕費$25, 最後埋單成為$296, 即係每人平均$50, 真係好抵食, 所以一定會再幫襯.