薩莉亞意式餐廳 (已搬遷) 新店位置

銀座新開了一間意大利餐廳(其實已經開左一排)到處張貼了宣傳海報最近做左得獎餐廳今天終於來了一試要拎籌等位等左唔係好耐, 5分鐘就有位喇! 場內好大人客食得快, 走得快!價錢相當便宜廿零蚊有交易麥記價錢食到意大利餐實在超值上菜唔使2分鐘可能已經整定哂所以個pizza一d都唔熱只係暖暖地而已芝士唔多餅底唔厚但以$28呢個價錢尚可接受呢個好好味可能多人叫所以即叫即整橙色芝士粉裡有著少少香蒜味熱辣辣,有煙強感好好味依家好少有細蜆仔吃了因為到處多數是紅色既大花甲呢個牛油+黑胡椒雖然唔算好突出但$16實在平到笑有多款咖啡, 水果茶包和汽水任君選擇, 任君添飲$12/人...shared雖然無即磨咖啡咁好飲但有起泡感都算唔錯了總括而言: 這裡是價廉物"值"既意大利餐廳最適合以低價而要求唔高既人會再來試試其他意大利粉/意大利飯/鐵板扒

呢家野,今日都係第一次去食兩個人叫左一個pizza , 野菌飯,煙三文芝士麵\,同埋4隻雞翼埋單都係92蚊好抵之餘又好好食!第一次去食..真係衰左無影相野食的質素唔差絕對值得去試試~

難得呀爸放假，就同佢出黎食lunch。本來想去甜甜咖啡，不過由於星期一唔開門做生意。但天水圍又無乜野食，所以就呢度解決作罷。呢度勝在有個lunch set，都係三十幾蚊到。都算幾抵既，而且呢段時間又唔係太多人。紅湯呢個係呀爸既，只可用淡如水黎形容。因為個湯真係一茄味都無，配料又唔係特別多。真係諗唔到淡如水以外既形容詞去形容呢碗湯。香蒜意大利包個包整得好鬆軟，次次都係新鮮焗起架。蒜蓉味好重，個包既份量又唔錯。真係夠哂滋味架。香辣西蘭花煙肉意粉我幾鍾意食呢個意粉，因為呢個意粉炒得幾好食架。好食在炒得黎又唔太油，而且有陣陣既辣味。呢樣已經令我好滿足。配料方面雖然真係好簡單，不過簡單就是美。呢個意粉既質地夠彈牙，味道又好。無乜可以挑剔既理由。野菌意大利飯呀爸叫既飯，其實我之前都食過。不過食完真係好"漏"架。個飯其實都幾淋，配料都唔係太差既。不過我覺得個飯食完真係好"漏"，對佢真係無乜好感。呢餐食左60蚊，真係幾伐算架。服務就無乜要求，因為一分錢真係一分貨。而食物既品質，只要對食物無期望。你就會食得開心得多。間唔中平平地食呢平價西餐，慳翻一餐既價錢再食其他好野，算係唔錯既選擇。

spanish seafood rice-->is in iron pan, so it's very hot and there's some 飯焦, i dunno y the rice is in yellow colour,,,rice is abit dry and tough....there's a lot of seafood eg. squid, green mouth, prawns, "hin"....add cheese powder is better too!however rice portion is not large and too much MSG so that i feel thirsty and after finish the whole dish there's oil left on the iron pan....drink barcan choose a lot of coffee type, eg.lattee, cuppcinno, mocha, (coffee machine)have tea bags too (fl

夜晚九點幾去左呢間餐廳食晚餐。一入去即刻有待應帶位招呼，都幾多人不過仲有唔少空位。呢度地方寬闊，裝修又唔錯，俾人一種舒服的感覺。叫左個 "忌廉汁蘑菇焗飯 "，$24。等左大約十分鐘就有得食，好快手。個飯好多汁，加左唔少芝士粉，攪拌過後正式開餐。味道唔錯，個飯唔會話好稀或者好杰，而且 d 冬菇片仲幾好食。份量方面，一般人都應該夠食。埋單只係 $24 (免加一)，真係值得再去。

約咗住喺天水圍嘅朋友食飯，之前都食過呢間，都知抵食，我又想食意粉！兩個人食咗：1）northern shrimp salad $26 - ok 好抵，蝦雖小但多！2）rice with squid ink n squid $22 - 過濕，味道係蒜味3）spaghetti with spinach n smoked salmon $26 - 加芝士粉後更好味4）cheese cake $6 夠軟夠芝味，超抵，三個cakes最鍾意呢個5）choco cake $6 - ok, nth special6）tiramisu $6 - 好厚嘅moussee 加層薄sponge cake, 味道還可以 7）green tea gelato $10 - good! 重綠茶味，都算滑！個scoop比我想像中大！其實咁嘅價錢($57@)有呢個質素已經好好！食到好飽，環境都可以！仲要求咩呢？香港多啲呢類餐廳就好喇

今晚突然好想食意大利野...又要平價當然lee間係首選la~~天水圍分店今次係第二次食.辣味雞翼 仍然好味keep到 $16蚊4隻蒜蓉意大利包 唔夠蒜味蒜蓉唔夠多焗田螺 lee個小食係大受歡迎所以點都要試下..一黎到熱辣辣起哂泡...但係實在係好失望...一d好咸一d又正常...雖然好多蒜好香好好食但太咸最衰連蒜都食唔到..仲有就係....勁多油囉墨汁意大利粉 lee個係最穩陣同埋係最好味ga..我就鐘意加辣椒仔辣汁真係超正呀~~~~~~~~下次要同相公一人一碟先得煙肉波菜 d波菜仍然係咁林好似波菜蓉咁點解會比ok呢..係個田螺最累事囉....因為真係實在太太太失望la...點解會咁咸ga..想點~~~~~~~雖然d野食唔算話係好好好味..但睇番咁既價錢仲想點呀???今餐食左$98蚊$100仲要找$2蚊比你

因為想看<借東西的小矮人***亞莉亞蒂>,又順便過來探望大表弟的新居,一早上網購票,好在早場都是10:50am,不致於一大早要從九龍這邊去到天水圍那麼遙遠.,而且今日氣溫最低降至11度,新界區還要低一,二度,好在今日有太陽伯伯的出現,感覺稍為溫暖.看完電影都是12:30am,由於弟弟同表弟都未肚餓,又要等妹妹及妹夫他們,所以吃午飯變了下午茶,表弟介紹這裡,他話食物唔錯,價錢唔貴,在等他們來的時候,先看看餐牌,價錢幾便宜(好多主菜都是十幾元到三十幾元),食物相片又吸引,因為這樣我們好豪爽點了很多食物.墨魚汁意大利粉,海鮮海鹽湯意粉,蜆肉鐵板,野菌忌廉意大利飯,芝士焗菠菜,辣味雞翼,雜菜湯,三文魚pizza,吞拿魚pizza,凱撤沙律,芝士意大利包,蒜蓉意大利包,還有加$12任飲,所以今日一口氣飲了三款咖啡:cappuccino,特濃咖啡,朱古力咖啡,味道還不錯.總括來說,食物方面沒有太大的驚喜,但質同量平均都唔錯,其中他們話辣味雞翼好好味,這裡上菜的速度好快,連pizza好像不用幾分鐘就出場,這餐結帳5 人共$283,價錢真係幾平

２０１０年１１月４日為了遷就時間，我和友人提早了數星期慶祝生日。且在朋友的介紹下，特意來到這家位於天水圍的平價意大利餐廳。我們總共點了三款菜色，分別是凱撒沙律、芝士包、地中海ｐｉｚｚａ這家店的ｐｉｚｚａ令人滿意，芝士能夠拉絲而且拉到很高還沒斷，實在驚喜萬分。最值得一提的時，這裡是採取任飲政策，只要付出少少的金錢，就能夠在享用期間不斷添飲飲品，是香港餐廳很少見的做法。希望別的食店也可能參考一下這做法。另外，雖然這裡在午餐時間比較繁忙，但員工卻十分的細心及精明！有客人沒有下單卻隨意的飲用飲品，員工能夠馬上發現且細心的「提示」她們，這些員工真的要給予讚賞。三款食品＋任飲，我們兩個女生也只是花了７７蚊，確實經濟。

今朝睇完早場"李小龍", 諗住行去10元店, 竟然發現新開咗Saizeriya, 其實之前都去過中染新城嗰間食過, 超值又好食, 所以見呢度開咗梗係即刻幫襯啦! 仲唔駛等位噃, 以前第一次去試中染嗰間要排成粒鐘架!兩個人埋單都只係八十幾, 食物水準高, 但價錢就好抵, 所以都有唔少學生幫襯, 想起以前細個邊有可能食意大利菜做午餐咁巴閉架! 而家年青人真係幸褔!

先講講，呢間野不得不讚就係Ｄ侍應態度。雖然全部都係後生仔女，但即使忙到甩碌，客人幾咁煩。個個都好有笑容，語氣都好好，加上個個樣貌端正，唔係蒲仔！漢堡扒（３０蚊）份量小，加上個件漢堡扒都幾酥下…麻麻地……而且附上的薯角，細塊得很…　粟米好乾，所以很硬……墨魚汁意大利粉（２６蚊）我第一次響呢度食墨魚汁意大利粉，呢個唔腥！佢加左Ｄ爆過既洋蔥粒，唔錯唔錯！海鮮意大利飯（２４蚊）最鐘意呢個Ｄ汁，好開胃！焗田螺（２０蚊）好好食！！推薦呀！！！芝士焗菠菜（１６蚊）以為芝士會好濃味，反而味道好淡喎…

呢日係重陽，由於係假期既關係。所以就無set lunch供應啦。咁就只好睇住餐牌叫野食，所以只係叫左個pizza同兩個主盤算啦。芝士pizzaPizza反而會黎先，但食落真係好夠熱。值得一讚既係，芝士既份量好多，而且可以拉到一撕撕咁長。真係好吸引，而且又有芝士味。呢個pizza索價都係28蚊，真係好睇又好食。香辣煙肉長通粉呢個都唔錯，長通粉算好煙韌。雖然配料唔太多，但勝在簡單就是美。因為個汁辣得好惹味，所以配料是如何已經變得唔重要。最小，個粉真係20幾蚊到，不可能要求太多。甜蝦多利亞飯又一個唔錯既飯，勝在忌廉味濃。而且個飯一都唔硬，食落仲好有咬口。價錢真係好平，但唔會將貨就價！而甜蝦又唔係得個名，食落真係幾甜架。呢個飯真係幾好食，份量又好，好抵食。雖然假期係無set lunch，但選得適當都可以用相宜既價錢食到好飽架。最緊要既係，佢地唔會因為價錢平而將貨就價。

個場好大!但7:00pm到都ok多人.意粉:只可俾合格.很普通.焗田螺:不錯!可以一試!pizza:我最鐘意既一樣!好食!焗飯:都ok.但就真係細份.漢堡扒:最唔得!no good!*加$12任飲!*waiter有禮貌同做野好快手!*但食野唔算大份以上野食3人剛好.

中秋節，一家三口做節。哈哈煙三文魚還算不錯，不腥。但明顯係某佳超級市場有得買既煙三文魚，一包五片。香蒜意大利包我略嫌蒜味唔夠濃！同埋呢個一定要趁熱食先好味～！唔熱就好硬…薯角好普通既薯角，無乜特別。勝在份量都算多！吞拿魚辣汁意大利粉呢個荼單寫有兩個辣，但我個人覺得一個辣！辣辣地，幾和味～！地中海海鮮焗飯左右兩邊Ｄ飯同Ｄ料好硬……但味道算ＯＫ。焗田螺好大既洋蔥，好濃既蒜味！好食呀！煙肉菠菜 賣相雖然核突。有少少煙肉調味，清清地。

呢篇都係上個月既事，見有時間就走過黎呢度食lunch。貪佢三十幾蚊就有個午餐食，而且質素也不俗。所以lunch都幾多人等位。香蒜意大利包呢個前菜不錯，新鮮既包包加上濃香既蒜蓉，點可能唔好食呢！雞肉多利亞飯呢個係白汁既，忌廉味唔算重。不過呢個飯又幾好食，因為都有芝士面。而且個飯都整得幾煙韌，而且雞肉唔鞋口。三十蚊個飯，真係無乜特別要求。肉醬多利亞飯呢個就無乜特別，只係普通既肉醬飯。不過肉醬味濃，都算交足功課。蒜蓉田螺又唔錯既小食，香濃既蒜蓉牛油味。加上田螺，味道不賴。不過田螺個size可以大番個碼就好啦。個午餐算幾抵食，而且有任飲飲品吧。真係唔錯，實有機會再回頭架。