薩莉亞意式餐廳 (置富第一城)

營業中

休息中

今日嚟到沙田第一城，月尾想食平少少，薩莉亞都係個唔錯嘅選擇。.Menu 有好多菜式，包括湯、沙律、前菜、意粉、焗飯、pizza、肉類、甜品等等，好豐富！而且價錢幾相宜，叫多幾款share食都唔會肉赤。.我哋叫咗2款沙律，分別是甜蝦沙律（半份）、煙三文魚沙律（一份）前菜：黑椒蜆肉鐵板煮、香烤羊肉串主菜：煙三文魚菠菜忌廉意大利粉、莎樂美腸薄餅.甜蝦沙律、煙三文魚沙律 —生菜幾爽，算新鮮，而且有好多沙律醬，好味；蝦份量都幾多，幾爽口幾鮮甜；煙三文魚切得幾厚肉，幾嫩滑.黑椒蜆肉鐵板煮 —份量幾多，蜆肉唔韌、無沙，煮得幾入味幾好食.香烤羊肉串 —呢個係新菜式，好有驚喜！估唔到羊肉串烤得幾嫩滑又入味，有羊味！喜歡佢將肉+肥膏隔住咁串埋一齊，一齊食個口感幾正；簡單用鹽及黑椒調味已好好食👍🏻.煙三文魚菠菜忌廉意大利粉 —好大碟！菠菜、煙三文魚粒同意粉的份量都好多；菠菜忌廉汁好濃郁，做到掛汁！醬汁好香好味，但食落又唔覺「漏」，好滿意👍🏻.莎樂美腸薄餅 —薄餅芝士味好濃，焗完熱辣辣好香，啖啖都有拉絲；莎樂美腸都幾香脆，唔算好辣.我哋2個人都食得好飽又滿足！食咁多野埋單都係total $200，真係平靚正之

一段時間冇黎，食物品質有改善，食得幾滿足。晚餐時間唔使等位，就諗到食喱間，用Apps 點了以下食物：1. 8隻原味雞翼：香口好食，今次仲有啲脆口，肉質嫩滑。2. 香焗白汁菠菜：冇燶烘得幾靚，白汁又夠多。3. 香焗肉醬多利亞：鐘意個白汁+肉醬撈飯，太愛食了。4. 海鮮薄餅：焗到脆卜卜，表面唔會焗到汁乾曬，濕濕地幾好食。5. 香蒜辣汁野菌西蘭花：辣汁唔夠多，淡左少少，菜類清淡一些可以接受。6. 黑松露野菌忌廉意粉：食咁多次最保持到質素，夠creamy個人都好鐘意食。服務幾好，見到多返幾個侍應，上菜都快!!!

見好耐冇食喱間，用求飽心態享用，入座後經Apps 點了以下食物：1. 原味雞翼8隻：幾香口好食又夠熱，鐘意嘅話仲有得買家庭裝返去叮返熱嚟食。2. 雞肉多利亞：面頭焗得幾靚，cream cream地幾鐘意。3. 香焗白汁菠菜：菠菜拌勻白汁幾好食，會更鐘意食菜。4. 煙肉菠蘿薄餅：好難唔好食，餅底夠熱夠脆，唔錯。5. 明太子海鮮意粉：海鮮有蝦、魷魚撈白汁明太子醬，略為味道偏重，都唔差。服務幾好，見樓面有新面孔有問有答，效率有改善!!!

冇話好唔好食, 但求有飲品吧提供任飲，食得飽就好，不能要求太多過左早餐時間，又唔想多人等位，就諗到食喱間，用Apps 點了以下食物：1. 原味雞翼：幾香口好食，今次只點4隻，之前黎都會點8隻。2. 雞肉多利亞：面頭燶左啲，即係白汁雞飯，不過不失3. 香焗白汁雞肉菠菜：白汁菠菜拌勻幾好食，當然主要係個汁4. 飲品吧：有各種汽水、茶包、咖啡機任飲，係幾抵飲，又唔使加一服務OK LA, 一句唔答，問多幾句佢都要答!!!

薩莉亞已經食過好多次，差唔多每區都有一間，甚至有啲超過兩間，見好耐無食過，今晚就同老公去食，今次就揀咗第一城分店，我地大約7點左右到，2位等五張枱，等咗大約20分鐘就入得（都算快）入到去用手機掃code落單，已經聽到隔離枱話等咗好耐仲有幾樣野未到，會唔會漏咗單🫣我因為叫咗個沙律🥗無需煮，所以好快就到，到我食咗一半個沙律，老公個墨魚汁意大利飯就到啦🦑個賣相就⋯算，（老公話分量少驚唔飽，我話咁快啲加野啦，唔知等幾耐）講番個飯先，老公話都好味同熱既，等到老公差唔多食晒個飯，雞翼同芝士焗粟米🌽嚟到啦，跟著就一路等⋯等埋加單既漢堡扒⋯繼續等⋯其實有其他枱都等好耐先嚟野食同聽到其他人對呢間店既服務同衛生既意見睇一睇時間原來個漢堡扒等咗半個鐘仲未到😫我地唔等出去埋單順便叫佢取消，個收銀都ok既，有講唔好意思，今餐真係好失望🤦🏻‍♀️又未夠飽😔平時上菜好快架嘛，快到成枱都係，今次有食法國餐既感覺食完一道先上下一道😟

當日我入到餐廳, 有位體型較肥嘅女服務員就嚟接待, 我就問下佢有冇得調位 咁好正常啫問一下, 但係佢好似好嬲咁, 直接暴走, 我都唔知畀啲咩反應好. 後來發現個位原來係reserved嘅, 成件事就係咁, 但係佢嘅態度真係差勁, 就算你幾忙心情幾差, 都唔該唔好亂發脾氣,唔該.

一家人開開心心去食晚餐。要求坐近水吧那邊、職員因打烊理由強迫我們坐近廚房門口座位、那時候是8點左右、但可笑的是近水吧位置也有食客剛點餐及開始進食。為何是我們要被迫安排坐一個不願意坐的位置！

一到門口，叫我響門口等，問多句都鬧咁唔願答，入到去，無人招呼，惟有用apps點餐，點佐6個，等佐好耐，點知黎得4個，吹佢，一直無回應，跟住行去鬧，佢話我只係點佐4個餐，態度極差，走！

本人連同母親，一行兩人光顧貴分店，入座後得知已轉用QR code下單，由於本人對手機操作不太熟悉，故此請求店員幫忙，一名穿着黑色衫袖的副店長kstar立即上前協助，他非常有禮嘗試協助使用手機內的QR code掃描器，唯不成功，該職員沒有放棄，並嘗試使用瀏覽器內的相機掃描功能，不用一會便立即成功進入到網頁，他並沒有立即離開玩簡單介紹介面的操作，例如在上方滑動可以選擇不同品種的食物，還詳細介紹牛冧扒與肉眼扒的分別，便於本人選擇，非常有耐性值得嘉許👍🏻👍🏻

偶然經過，見店內光顧人士不過幾枱，店外也不見多人等候，便直接進店叫了外賣自取。店員原本聲稱等候約15min。差不多返店，未有，查詢，要繼續等。過了一會再追單，仍然未有，不知道是甚麼回事。店員遲遲未有回應，原因不明，最後卻要還漏了一件食品。在門外等了又等，前後共約40min才湊齊所有食品。食物質素沒有甚麼問題，是可以的，但職員未能適當跟進事情，服務態度表現欠佳。不會再光顧這店。

第一城要數平靚正餐廳，呢間都係其中之選。閒日去仲少D人等位～鍾意食羊的朋友，其實都係必叫的，因為佢D羊好so~ 好好食！次次去都會食「多利亞」，鍾意食芝士、cream的朋友唔好錯過！上碟超熱超正，小心燙嘴！Pizza 食過地中海海鮮pizza. 雞肉，今次試煙肉菠蘿以呢個價錢黎講係好抵食，芝士味濃～我必叫的是明太子意粉，超濃味，食極都唔厭～賣相也非常好，鍾意食明太子的朋友不用考慮，必叫！黑松露入三甲，但好睇廚師手勢，我覺得佢嘅汁好濃味。但唔係次次入味，菇類係正的！

中午去食飯原本想買外賣，還好見到這間不用排隊就入去坐低吃吧！黑椒蜆肉鐵板煮每次來都會點這個，蜆肉鮮甜但今次沒有吃到黑椒味同太多水。蒜汁燒魷魚原隻魷魚都幾抵食，不過師傅重手左都幾咸。青醬雞肉野菌意大利粉青醬汁味道清新，配雞肉野菌做餡味道頗夾，意大利粉每條都掛滿住醬汁。有新餐牌推介——熱辣辣惹味烤焗嘅香烤雞髀同香草牛油焗田螺，都是期間限定優惠。薄餅也有一款新出品，明太子白汁薄餅，見到隔離枱有點這個薄餅。而意大利粉都有兩款新產品，青醬雞肉野菌意大利粉同青醬蜆肉西蘭花意大利粉，兩款都是選用青醬做醬汁。

經openrice 叫餐方便之處係可以唔駛等，到時候去到就即刻有得攞👍🏻。我今次如常叫餐後10分鐘去嘗試取餐，我見收銀櫃位職員身後有跟我包裝一樣的外賣包，就問佢是否我的號碼7號。她隨意向後瞄了一眼，就話可以攞的話會有通知並打發我走👋🏻。再等10分鐘當廚房有新一批外賣推出後，她將這包外賣混入去，到最後才在APP內轉為「可取餐」讓我去攞。這一下奇怪又叫人討厭的安排，讓我的外賣多放涼了10分鐘，回家後要翻熱才可進食😡以後在這家叫外賣要認真考慮

是晚一人用餐。等待了15分鐘。點了三樣食品和飲品。上菜時間, 温度正常。味道正常。入座到用餐大约到40分鐘時, 分別被2個（一男一女）侍應催促收取未食完的碟子,令整個用餐氣氛徹底地破壞得令人失望！不明白, 門外目測只有不多於10人等候, 卻要客人盡快離座, 這裡並不是限時入座的！更不明白這個分店用這方式訓練員工, 不懂禮貌！木無表情！只要客人稍為停下刀义便馬上清枱！我也沒有再取第二杯飲品, 便憤而離開了！是次令我極不滿意！不吐不快！😡😡😡

上次外賣嗌左個雞翼，拎到返上嚟竟然燒燶晒今次叫咗肉醬多莉亞，同埋雞翼，仲有個pizza今次外賣前已經同職員投訴返上次雞翼燒燶晒。一返上去睇到，雞翼側邊都有少少燶。個肉醬多莉亞仲過分，啲飯蒸乾晒，又硬又乾，啲飯得返薄薄一層，都唔知叫我食咩！打去投訴，個蘇經理仲要係我投訴緊嗰陣cut我線，都唔知係咩服務態度！服務態度好惡劣！之後我打返去，轉左第二個江職員聽，話費事我同個經理嗌交？！仲要聽到蘇經理喺後面大聲辱罵我！該分店服務態度十分惡劣！因為疫情問題唔方便落去拎個新嘅，萬一中途染病佢都負責唔到，要求我可以隨時憑單落去拎個新，點知佢仲要無視我講嘅說話！佢有佢講，我有我講！起碼重覆左二十次先hea我話好好好好好！比我隨時落去拎過新！