薩莉亞意式餐廳 (環海東岸)

營業中

休息中

好耐無食saizeriya...啱啱附近有間就走去食...點知啲野食咸到飛起.....服務態度差....服務員攞啲野過黎唔係放低...係拋低...啲野食差多跣咗出黎...問佢有冇芝士粉同茄汁...佢叫我自己係手機落單個到加...茄汁竟然要比1蚊...我問個經理食薯條落茄汁都要比錢咗等錢洗？？ 諗住要芝士粉..要比成5蚊..咁樣咪相貴咗...應該唔會有下次囉..樣樣都計錢..

這間平價意大利餐廳是居民日常就餐的熱門去處。餐廳氛圍輕鬆，裝潢簡樸，提供舒適的用餐環境，讓客人感到放鬆自在。作為開胃菜，八爪魚沙律以新鮮的八爪魚搭配新鮮蔬菜，八爪魚的嫩滑與蔬菜的清爽相互融合。菠菜是受歡迎的配菜，這道菜既簡單又美味，加入少許煙肉炒製，保留了菠菜的新鮮口感和營養價值。主菜方面，蕃茄海鮮蕃茄醬意大利粉帶有微妙的酸甜風味，意大利粉煮得剛剛好，分量亦夠大。我們亦嘗試了雞翼、炸雞、香腸拼盤，小朋友一定鍾意食。這間餐廳以其實惠的價格和美味的菜品贏得了許多家庭食客的喜愛。

漢堡扒是快餐界的經典之一，它多汁，不乾，大塊，它的肉質和醬汁都是影響口感的關鍵。使用優質的肉類讓你品嚐到健康美味。焗腸仔外皮香脆，內裡是口感鬆軟的香腸，再加上特製的醬汁，讓你品嚐到豐富的口味。炸雞翼它的外皮酥脆，內裡多汁鮮嫩。使用特製的調味料，讓你品嚐到獨特的口感。總的來說，漢堡扒、焗腸仔和炸雞翼都是CP值高、好吃的快餐食品。它們都可以滿足你的飢餓感和口感需求，讓你享受美食的同時也不會讓你的荷包太受影響。

今日星期日放假，返正要出街買餸，不如出街食飯算，女友小熊提意去薩莉亞，於是落咗 Soda Mall 哩間薩莉亞幫襯.哩間薩莉亞唔係第一次幫襯，水準叫okay，但今次就失敗了!第一次點墨魚汁意大利飯，一上枱嚇一跳，墨魚汁質感好水好淡，望上去完全係墨汁浸飯，完全無濃郁感! 成碗飯食咗兩啖放棄浪費食物! 難食到為食仔都反艇!!邊個係為食仔? 係女友小熊為佢改名嘅小熊唯尼! 自己睇相吧!另外粗管麵嘅忌廉汁，粟米湯同磨菇湯質感同樣好水，唔合格，好失望，攪到為食仔開始發脾氣!羊架口感鬆軟但味道頗淡，要加黑胡椒同芝士粉先叫做有D味食得落!正常嘅日式管理嘅餐廳，水準都好穩定㗎，點解今次咁失敗? 接二連三嘅菜式都出問題?慶幸意大利咖啡蛋糕同檸檬蛋糕，水準不變夠凍夠香又夠味!

價廉物美，瘋狂order也不肉痛款式多，份量適中，可一次過品嘗不同的菜式，重點是價錢非常親民！雞翼是必食的！外皮香脆，內裏肉質鮮嫩，而且10分入味，$20/4隻！黑椒蜆肉鐵板煮 $20 亦是我必點的菜式，蜆肉雖然細細粒，但勝在鐵質豐富！蘑菇湯和雜菜湯 $13/each味道也不錯，前者粒粒蘑菇在湯裏，後者蔬菜十足 ，$13 一碗西湯，不用挑剔吧鐵板鯖魚 $46 上盤熱辣辣，鯖魚不腥，魚味香濃，不錯！二人晚膳 $157.... 😌現在轉了用QR code點餐，更快更方便，因分店持續人手不足，這個絕對是個喜訊！

我都去過三間唔同地方的薩莉亞！但我非常喜歡紅磡崇安街環海東岸！食品質素每間都差不多！但今日我晚上來食！未坐底就遠處迎面行來說（歡迎光臨幾多位）（最主要係有Eyes contact）到我坐底、落單到至送食品來！佢哋員工的語氣都係好開心！好有禮貌！他們是比較年長的員工！但比起其他鋪後生的員工真係差天共地！我會再來這間食的！讚！讚！讚！

此餐廳一向食物及服務好好。不知為什麼, 餐應早前廳換經理及部份員工,新來的一名樓面較年青的四眼男只員工(高高大大形), 終日遊手好閒企在Cashier 位, 叫他做野, 態度非常差, 不願做。其他員工就很忙到甩碌。 總結: 管理無能!

我們取票在食肆外等位中，有客人可以成功直入食肆位下，不用取票等候，甚至落單叫食物，好在有等待的客人看見詢問職員，幾經交涉，職員最後才請那枱客人離坐！人手嚴重不足，無人收碟，直至人食完埋單才清枱。是日嚴重嘈雜，內有兩張枱分別坐了大約8個/10個人，兩枱食客不斷大聲講話，嚴重騷擾到其他客人！有客人不佩帶口罩用餐後由食肆較入位置一直行到門口收銀處，沿途經過很多張坐滿客人用膳中的枱！

墨魚汁意大利飯🍲$29香辣腸🌶$19最近先知原來響紅磡廣場附近開咗間Saizeriya😂起碼多咗一個選擇😎而且選擇多，價錢合理😉唔駛成日去茶餐廳🤣墨魚汁意大利飯，記得以前食過一次☺️今次食都算唔錯，食到成口黑晒😆香辣腸就麻麻地，煮到好乾🥸不過味道都幾好，食完一條又一條🤭而且個新商場環境都幾好😌唯一覺得唔方便就係要俾現金🤭薩莉亞意式餐廳 (環海東岸) (紅磡)紅磡崇安街23號環海東岸1樓20A-20B號舖

約了朋友靜靜的見吓面，附近真的沒有好餐廳，唯有選上此店。真心餐牌價錢十分落地，難怪咁多青年人喜歡。點了較貴的肉眼加上飲品放題，朋友點了魚及菜。先上牛扒，立刻感覺又浪費了是日晚餐Quota,面前的肉眼肥到一個點，應該有3-4成係肥膏，可以話係鐵板牛油，而非鐵板牛扒。除了牛扒肥外，整塊碟都滿佈油光。一個肥字。但畢竟環境舒適，又唔趕客。所以如果叫返其他一般啲嘅食物，應該都唔差。

哩間薩莉亞座落係一個地點比較隱閉嘅商場，所以環境清優無咩人.我都好唔明，一碟什麼什麼簡簡單單嘅卡邦尼意粉，郁吓都七八十蚊，貴響邊？薩莉亞D意粉一碟都只係三十令蚊咋！平易近人得多囉！當然，一份錢一份貨，價錢平咗份量會少咗，但即使叫多一碟價錢都平過人，而且份量少D我又可以叫多一款不同味嘅意粉，再加上減少食物浪費，一舉三得.幫襯時差不多六點，接近限聚令禁食堂食時間，唯有打包外賣拎走.點咗脆脆蝦，芝士薯角，雞肉粗管意粉同水牛芝士pizza，第一次幫襯薩莉亞，又睇睇質素如何？優點：1, 餐廳環境清優.2, 職員態度唔錯.3, 雖然每款嘅份量少但價錢平.4, 可能客人唔多，所以外賣速度快，唔洗等好耐.5, 芝士薯角嘅芝士份量足.6, 水牛芝士pizza芝士味香濃.7, 我唔太欣賞條狀意粉，所以有其他形狀嘅意粉選擇會加分，雞肉粗管意粉即係長通粉，意粉入口彈牙，滿意.缺點：1. 脆脆蝦唔脆，而且無咩蝦味.2, pizza 餅底只有一款選擇，餅底彈牙但我中意脆底，唔係我杯茶.3, 外賣無餐湯供應，食意粉無西湯，感覺總係有所欠缺不足.4, 薩莉亞行份量少價錢平將價就貨路線，對於D大胃王嚟講優點可能變成缺點

這間薩利亞坐落於土瓜灣一個較新的商場，由於位置不是在大街上，人流較少，但餐廳內寬敞，如果坐在窗旁，景色也不錯。今天在出發土瓜灣遊前先來這裡醫肚。 食物方面：1.雞翼 （評分：7／10）一向都喜歡吃這裡的雞翼，少少辣，很惹味，不過唔夠香脆，同埋偏向細隻。 2.煙肉菠蘿Pizza（評分：7／10）本身喜歡煙肉和菠蘿，這兩樣材料很配搭，餅底有點偏硬。 3.青醬甜蝦西蘭花意粉（評分：3／10）這個special menu先有，但圖片與事實不符，圖片的蝦是大隻點，上枱時變了似蝦米咁細，吃下去還是凍的，青醬也偏油，很失望。

土魷記的第一站，就是要填飽肚子。土瓜灣以前是舊區之一，但經歷了舊區重建之後，搖身一變變了一個小社區。soda mall就是這個時代所衍生的產物，商場內的店舖屈指可數，薩利亞已是充滿人氣。點了1）雞翼2）煙肉菠蘿薄餅3）青醬甜蝦西蘭花意粉倒是想評論一下那個青醬甜蝦西蘭花意粉，甜蝦像是蚯蚓，很細條，不但圖文不乎，而且吃下去也沒有口感，並且是凍的，心底上和觀感上也打了折扣，建讀讀書不要作嘗試。倒是其他食品，還是正正常常。日期：2021.1.10