薩莉亞意式餐廳 (美孚新邨)

營業中

休息中

美孚４期平台的店，其實是寶輪街九巴大廈５樓搬過去的，在寶輪街(更靠近我家)時只堂食過１次和外賣自取２次，搬到４期平台後，差不多每個星期都來吃１次！每次必點的：#Drink bar，咖啡、茶(４款)、可樂、雪碧、芬達、檸檬茶，無限添加，13元/位，超值！#黑松露野菌忌廉意大利粉，純素食，黑松露忌廉汁又香又滑#原味雞翼，不辣但很惹味，好吃#意式波菜伴煙肉，多吃蔬菜對身體有益#香煎焗鯖魚，皮脆肉嫩，好吃！有時會點的：#水牛芝士薄餅，這個要趁熱吃，涼了口感會變差！#蒜蓉包，10元一大塊，好抵！#脆焗香味雞球，有點似麥樂雞，但沒有配醬#意大利咖啡凍餅，咖啡味濃郁，質感細滑

美孚間薩莉亞搬左去新地址，係喺四期平台位置，今日就去左試左佢個煙肉焗薯角。佢薯角嘅份量係好多，不過我嫌佢煎得唔夠脆，另外，煙肉份量都好多，當lunch食好夠飽。不過員工比較少，有時等好耐先有staff嚟幫我地落單☹️

【 平價西式餐廳 】接左仔仔放學後，約左成班同學仔同家長一齊去玩，出發前要去食左Lunch先，因為多人，要揾間餐廳比較大些的，最後揀咗美孚新村的薩莉亞意式餐廳，我地總共分左3張枱坐，不過都只係喺隔離，可以傾到計。我同另一個家長一齊叫左3樣嘢，大家分黎食，有小朋友鍾意食的意粉和薄餅。溫泉蛋卡邦拿那意大利粉，我哋叫左走蛋，醬汁味道啱啱好，唔會太咸，啱小朋友食。 黑松露野菌忌廉意大利粉，估唔到咁好味，野菌多到食唔晒，好誇張。菠菜煙肉芝士薄餅，菠菜比較失色，好乾身，煙肉夠多，整體上味道不錯。

薩莉亞可以話我係由細食到大，價廉物美之餘，區區都總有一間，方便就腳。美孚嘅薩莉亞搬咗上平台，大咗闊落左，整潔度仲高咗好多。我每次必食嘅一定係野菌西蘭花香蒜辣汁意大利粉，意粉嘅軟硬度每次都可以保持係穩定嘅水準，彈牙有咬口，唔會煮到好水咁，最鍾意係佢會落好多香蒜片，香蒜片咬落亦好香口，少少辣層次豐富。小食方面，水牛芝士蕃茄係我嘅至愛，一口軟棉棉咬落好似棉花糖嘅水牛芝士，再食一粒蕃茄仔，清新得來又滿足。另外，蒜蓉包同蕃茄雜菜湯都係我必點的，蒜蓉包每一次都係焗到又脆又香，包嘅外層脆，但係咬落去有夠煙韌，差不多每次食嘅味道都係一樣，保持到佢嘅水準。蕃茄雜菜湯有好多蔬菜粒，食完覺得自己食咗好多菜，健康感大增。最抵仍然係佢嘅飲品吧，一個價錢任飲汽水/咖啡☕️，絕對係抗通脹價錢。一間餐廳嘅成功有好多因素，價錢、食物嘅質素、餐廳嘅環境、服務員嘅態度，當然還有整潔度⋯⋯其實薩莉亞大部份都做得好好，只係有時人流太多，佢嘅整潔度可以再稍為留意多少少🤏，咁食客食得放心，自然會多多幫襯。

我們一家去到這間新開的薩莉亞，這兒座位寬躺，令人用餐時感到舒適，環境都好乾淨。當上次去吃這間餐廳時，有一件大事，就是沒有了薄餅🍕，而當時只是12點半。上菜嘅速度都好快。這間薩莉亞的羊架非常好味，不會太鹹，不會太生也不會太肥，而且厚度比其他分店都厚，賣相也更吸引，如果喜歡食平價羊架極力推薦。那裏的意粉非常彈牙，不會太軟，而且汁好像不要錢一樣有很多很多。焗飯也非常好味，芝士濃，焗得合時，其他小食也非常美味，特別是魷魚🦑，非常彈牙。價錢也非常合理。所以非常推薦大家一家大細去嘗試一下。

這品牌的餐廳已經吃過了無數次， 今天因工作關係在美孚看到有新開的， 變化決心去試試， 餐廳的環境很乾淨光猛。 可能因為晚了一點緣故， 沒有太多顧客 ，坐下來急不及待叫了一個漢堡扒及自助飲品吧。 當然質素不能夠要求太高， 扒是鐵板上的但沒有那種熱騰騰的蒸氣， 也算對得起這個價錢。 而飲品方面種類多·， 也只是十三元便可以無限任飲 ，這個價錢在茶餐廳也只可飲一杯熱飲品。 當然飲品的品牌不能夠有要求， 但也算不錯， 有水果茶包，綠茶包，紅茶包。 咖啡方面有cappuccino，latte, black tea亦有四款汽水. 算是可以接受了

今日 我和我朋友 Lunch去食平價意大利菜🇮🇹其實係源自日本, 經營模式係家庭餐廳, 提供超值的意大利菜我們去了舊的分店地址,找不到薩莉亞(美孚店)問了大廈保安才發現搬了新地址新分店更加接近地鐵站🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽我們叫了 「水牛芝士」、「波菜煙肉香蒜辣汁意大利粉」、「辣味雞翼(4隻)」、「兩位飲品吧餐」水牛芝士薄餅：水牛芝士好味,再加芝士粉(要問店員拎喔),正波菜煙肉香蒜辣汁意大利粉：又健康又好味辣味雞翼(4隻）：必叫之選飲品吧餐：我們飲了可樂及咖啡,正正常常CP值🌟80%

2020年10月18日搬咗新舖新裝修，地方闊落咗，玻璃大窗令視野遼闊開揚，環境較舊舖優勝！新舖開張，搶先嚟幫襯。食咗好味，一星期連續食兩次，想幫新舖寫第一篇食評。簇新的碗碗碟碟予人好感，享受美食份外開心。食物擺盤、上菜速度方面，依然係新勝舊相同的食物才能比較：能夠保持水準；更有意外驚喜：份量多了、大碟咗！叫了不同的食物，滿滿一枱，琳琅滿目，賞心悅目！附上溫馨小貼士：搵食要趁早，以免等位！遇上周末周日，外傭姐姐都會結伴成群，蜂湧而至!