薩莉亞意式餐廳 (馬鞍山廣場)

營業中

休息中

已經預早落訂單，製作時間話要整30分鐘，之後openrice程式顯示製作完成可以領取，但結果去到仲要再等20分鐘。如果諗住慳返等候嘅時間，咁要鬆動d提早d去訂。

溫泉蛋卡邦尼意粉：溫泉蛋賣相幾好，完整。卡邦尼醬汁濃郁足夠，意粉軟硬適中，不錯之選。蕃茄煙肉意粉：番茄和煙肉足夠，配合香濃番茄醬，酸酸甜甜，一個人吃完意粉非常飽肚。雞肉粗管麵：白汁好味，配合雞肉很夾，粗管麵吸收所有醬汁味道，上層有些芝士令口感更加豐富。歐陸風烤焗香腸：香腸外皮香脆，用鐵板上熱辣辣很好吃。還有四條薯角也不錯。蒜汁燒魷魚🦑：這個就一般般，可能是急凍墨魚的關係，沒有什麼鮮味可言，而且還有點硬。最後一題是衞生的確麻麻，所有餐具都有漬！

放假唔想出街就係附近搵嘢食！見有一排都無來這間食飯，今日一於又來吃啦！例牌一定會叫的～～～蒜蓉燒魷魚真的好好味，魷魚燒得香脆軟軟的又唔會硬角角，加埋蒜蓉汁特別惹味。黑椒蜆肉鐵板煮，蜆肉鮮嫩又大隻。農舍薄餅，雜菇唔會有青味焗得鬆脆，有蕃茄醬芝士加上洋蔥碎好夾，口感好豐富。薄餅底好脆口明太子魷魚蝦仁意大利粉，估唔到都好大碟意大利粉撈明太子醬第一次吃幾特別，不會太油膩。有蝦仁同魷魚到甜品呀！點了紐約芝士蛋糕，今餐真的好豐富又滿足。

大約都有五個幾月無幫襯過喇，因為次次都有勁多人排隊唔想等，今日經過見到竟然無咩人，所以就入咗去幫襯，叫咗甜粟脆薯煙肉焗蛋、蒜汁燒魷魚、香焗白汁雞肉菠菜、地中海海鮮薄餅、明太子魷魚蝦仁意大利粉。甜粟脆薯煙内焗蛋 ($22) : 份量比以往新開張果時少咗好多，只有薄薄的一層，味道亦無太大變化。蒜汁燒魷魚 ($26) : 呢個幾抵食，呢個價錢係街市買隻魷魚都未必得，而且個醬汁亦幾惹味。香焗白汁雞肉菠菜 ($25) : 呢個亦勝在夠平，味道都可接受，一分錢一分貨。地中海海鮮薄餅 ($36) : 加咗 $ 6 蚊轉雙重芝士，配料有幾隻蝦、魷魚、煙三文魚，味道略為普通，可以選擇不叫。明太子魷魚蝦仁意大利粉 ($34) : 每次黎既必叫之選，明太子醬汁夠哂多，令到每條意大利粉都沾滿了超好食既明太子醬。👍🏻 👍🏻

馬鞍山難得一見既平價西餐，開左一個月都仍然非常長龍，今日見終於小左排隊就入去食啦！叫左必食既肉醬多利亞，水牛芝士pizza , 雞翼 ，蒜辣西蘭花 另外加左每位任飲$13 !肉醬多利亞係一如以往既出色，肉醬，cream同飯既比例岩岩好！Pizza 一定要熱食，凍左會好難食西蘭花都算惹味。加$13任飲係個得最錯既決定!!!!! 朱古力得個甜字都算，可樂竟然係淺啡色到接近透明....總括而言，唔計環境衛生，唔計服務質素，唔計飲品的話，其實d野食係性價比高既。

成日出街食飯真係會洗左好多錢慳家小先鋒既男神今日就帶左圈圈⭕️去食平靚正既薩莉亞每碟份量吾多但勝在可以叫多幾樣野食不過晚餐時段等位都要等成一個鐘以上圈圈⭕️就叫左個🔺肉醬多莉亞肉醬既醬汁豐富基本上每一啖飯都有肉醬沾滿果然係招牌菜😋👍🏻👍🏻男神就叫左🔺黑松露野菌忌廉意大利粉好有黑松露既香味而且多汁 意粉吾會乾身都算吾錯🔺辣味雞翼四隻雞翼比較細但食落都幾juicy 香口個人認為辣味比較重~~

雖然是月尾但都要吃飯的！所以今日我們去了這間餐廳吃飯，因為這間價廉物美，款式頗多有意粉、薄餅、沙律、小食同甜品，所以想吃什麼就吃什麼，不用看價錢都可以吃得飽飽！煙肉菠蘿薄餅，即叫即做熱辣辣，薄餅邊非常鬆脆，滿滿芝士同蕃茄醬鋪面加埋煙肉同菠蘿一起吃真的好夾的。蒜汁燒魷魚，每次來這裡都會叫這個的，因為他們做得好嫩，燒得外皮香脆而蒜蓉汁又好惹味。歐陸風烤焗香腸，這個又是必吃的，烤得鬆脆肉質唔會太咸。意式洋蔥蒜蓉漢堡，這個漢堡扒鋪滿着洋蔥碎蒜蓉碎好醒胃，每啖漢堡都是蒜蓉圍著真治癒呀！

又一間抵食餐廳係馬鞍山， 平均都係30左右。 以西式為主的餐廳。 推介： 1. 雞絲沙律廿幾錢， 大大碟。2. 黃金粟米薄餅主要以粟米及沙律醬， 但低層有芝士， 放耐左都唔算好硬3. 明太子魷魚蝦仁意大利粉必食， 口味比較清新， 份量都算大。 魷魚唔會熟得太硬。 4. 魷魚原條魷魚出，都係廿幾， 抵食注意⚠️1. 由於任坐、 所以係6:00左右開始，會排好耐， 唔想排甘耐，就提早食或事前取票2. 食物偏味濃， 如口味清炎者不建意食食既時候跟汁食。

依間薩莉亞自從開張以來都係咁多人排隊！我地估應該都幾好食/幾抵食掛，所以今日晏晝一有機會就黎試下。賣嘅應該係帶少少日式風味的意大利菜，出名平靚正。我地見佢Ｄ野食好似細細份咁，但價錢好平，就叫多左幾款黎試試。最後叫左：蕃茄蜆意粉，煙肉菠蘿PIZZA，炒香腸，沙律，炒磨菇西蘭花，再黎多件蛋糕做甜品，仲有汽水。叫咁多野擺到一檯都係，見到都幾開心。PIZZA味道都可以，但個底硬左Ｄ。意粉唔錯，用左真係連殼蜆肉，依個價錢算係咁。香腸正常同素菜類的都正常，可以。重點係佢地Ｄ野食真係好平，叫咁多野都好似$200到，唔怪之得成日都咁多人。不過可能佢可能味精多左少少，定係PIZZA硬左Ｄ，食完返到去個胃就Ｄ唔太舒服，有Ｄ奇怪。

今日特意去咗薩莉亞意式餐廳食飯，因為知道馬鞍山呢間都出名多人，所以都預早五點半就嚟撳飛 ，但係最終都要6點20分左右先入到去，入到去叫咗蒜蓉包，粟米忌廉湯，菠蘿火腿pizza，意式蕃茄海鮮意大利粉，雞翼八隻，蒜香燒魷魚筒，同埋天使蛋糕。所有嘢都好快黎。而且其實大家去過都知薩莉亞都好抵食，平均每樣嘢都係三十幾蚊左右。 菠蘿煙肉pizza好多菠蘿，我最啱食因為我鍾意食菠蘿，另外魷魚筒蒜香汁都好正， 魷魚好juicy，個蒜蓉包一定要叫，因為係好鬆化同埋熱，如果連埋個湯飲就好滿足，意粉同埋雞翼就ok水準，不過不失啦。最後一題個天使蛋糕，真係要叫，因為佢面嗰浸係雪糕中間就係蛋糕下面嗰層仲夾住脆脆， 而且 蛋糕同脆脆之間有層薄薄cream， 成個甜品食落好fresh又不太甜。

今次是第3次幫襯。每次都很多人等位，今次也不例外。等了45分鐘，終於可以入座了。這裡有自助冷熱斟水機提供，非常方便。煙肉菠蘿薄餅：薄餅焗得夠熱夠脆。菠蘿、煙肉配上茄汁，一口咬入，味覺滿足。雞肉粗管麵：芝士白汁雞肉焗粗管通粉，味道很夾，值得推薦。脆脆蝦：把蝦沾上少許炸粉去炸，配有千島醬，做餐前小食和配菜，一流之選。農舍薄餅：這個配料是磨菇、蒜茸、茄汁。味道OK的，但配料分配在餅面上很不平均，這裡就要減分了。挪威煙三文魚：我一向喜歡吃這款食物。給它好評。周打海鮮湯：只叫了一碗給阿爸飲，他一向很喜歡喝這種湯，他說非常好味道。白汁芝士焗魚扒：魚扒是鯖魚。配菜有粟米和薯角，清新健康之選。白飯：一大碟。正正常常。6元一碟很超值。紐約芝士蛋糕：我們叫了兩件，四人吃。味道100分非常好味。補充：這裡沒有限時交枱，又不用等人齊，才比入座，這個安排，非常之好。

開左咁耐依家先去食，因為次次都勁多人唔想等咁耐。今次終於都食到啦！食得薩利亞都係貪佢平夾好食，質素都預左係快餐既味道，但真係好抵食🤣同樣質素比佢貴既通街都係，呢間CP值真係奇高2個人食，知道餐廳份量唔多，所以特登叫多幾種食物。首先上周打海鮮湯，幾香忌廉味，又有唔少蔬菜粒幾有咬口。明太子蝦魷魚意粉，蝦同魷魚每種都有2舊咁大把（咁既價錢我原諒佢🤣），意粉軟硬適中，明太子都唔算少，食得出明太子既香味，醬汁起碼可以做到掛響意粉上面，所以唔會好乾，唔錯。雞翼就比較細隻，可能因為呢知原因肉質唔算juicy，會乾少少，不過好彩唔係炸雞而係烤雞翼，未至於會超乾，尚可接受。多利亞因爲比較後期先上，所以食到6成飽，最後食有少少膩🤣不過咁唔代表唔好食，基本上每一粒飯都比醬汁、肉醬同流心蛋包住，真係超正🤤多利亞都算薩利亞名物🤣最後！我特別想highlight呢個布甸！本身唔抱太大期望，只係想食甜野先叫，點知我最鐘意就係佢！面頭焦糖香不特止，布甸食落仲好香蛋味！！又唔會太甜，真係好好食！！我決定每次黎食都要叫一個！！😆😆😆

馬鞍山其實都有好多餐廳食肆，已經唔係沙漠地喇。今日去食薩莉亞等了半個鐘，先有人叫籌號帶入坐，行入餐廳有成兩排枱無人，這裡人手真的十分有限，一次過叫十張枱坐好後又話要等另一個人來先可以點餐，之後要一次過十張枱一齊落order。這間餐廳食品價錢優惠，食品質素也不差，不過人手方面真的不夠。蒜汁燒魷魚，魷魚厚肉也大隻蒜汁香濃惹味。黑椒蜆肉鐵板煮，熱辣辣蜆肉加上黑椒可以提升鮮味，蜆肉也頗多。蕃茄海鮮意大利粉，海鮮有兩隻青口、魷魚、蜆肉等，蕃茄醬汁酸酸甜甜，意大利粉煙韌。飲品任飲，有熱咖啡、朱古力、檸檬茶同汽水等。

食物同其他分店一模一樣，食過既都會知係抵食夾大件，好評。但馬鞍山呢間，杯真係好有問題，用不銹鋼杯，裝汽水已經唔係咁好，而且d杯係100%有污積！問侍應佢盡搵都只係搵到隻比較少d積⋯⋯⋯另一個問題係排隊好耐，之前試過兩次7點拎飛，排200張，最終放棄，去第二度食完返去睇，都仲有50張！今次5點半拎飛（4人台），都排50張，結果7點先埋到位！最後，呢間野只收現金！好似間間都係，但幾時先可以進步一下呢？

馬鞍山出左名美食沙漠，新開一間特別多人，今日下畫6點半到，等左一個鐘（可以行下街先），用QR code間唔中check住到未啦，基本上呢間食物質素同其他分別無咩大分別，但最大問題係D碟好多都未洗乾淨，有污漬，10隻有10隻杯都有料，好多漬同埋 粒粒唔知咩黎，D杯真係係好大鑊，估計係洗碗碟同埋杯洗得求其，要讚係侍應都有禮貌既，如果唔係碗碟杯咁污漕，都會比高分D, 去食就要有心理準備，驚污漕準備一隻杯吧！