薩莉亞意式餐廳 (海怡西商場) (已結業)

本人晚上於 海怡半島分店 等候座位，號碼是C46。而貴公司 的店員K女士在叫號碼，當她叫C43後沒有客人應睬 她便叫C44 C45過後她就突然不再叫C號座位， 改叫A,B坐位 大概7-8張座位入座後，本人家人便去查詢座位資料。她就很不耐煩，冷眼地回應，「我岩岩ABC都有嗌囉」，然後露出不滿表情。之後我們繼續耐心等候，她繼續叫A,B座位的客人入座 ，約5-6張座位的客人入座（大部分都是剛來的客人）都比我們早入座，而本人等候一個小時，還沒能入座。眼看等候的人數也只剩十多人，而7成都是這十五分鐘來。於是我家人再去查問，不明所以。她卻說「你地以為六合彩，隨意開就入得」又直言「你地等唔到咪唔好等囉，我係唔鐘意嗌C啊，你吹啊？」極之無禮。如此服務態度使我家人非常生氣，更有出言罵店員。本人也曾當服務員，也明白服務員有壓力，但更知道，即便客人如何，都不能出言鬧罵客人，何況我家人沒有出言時，貴 公司之員工K女士已經如此囂張差劣的態度。我知道貴 公司規模頗大 但如果員工態度和質素如此差劣，我認為在香港能繼續發展的機會也會日益減少。希望貴 公司 能有待改善以及再好好培訓閣下的員工們。

屋企樓下就有呢間薩莉亞成日同男朋友講話我好想食不過因為長期都好多人等位有時等兩個鐘三個鐘都會有今日難得我哋提早專登去拎飛終於成功比我食到啦薩莉亞係我中學時期最鍾意佢嘅廉價餐廳性價比高嘢食又唔差喎首先我哋叫咗一個甜蝦沙律仲有呢個鐵板蜆雞翼我食完四隻又再叫多四隻炸蝦配埋個醬正啊不過講到好食一定係呢個焗闊長通粉即係食到停唔到成兜食晒我哋揀咗呢個鴛鴦Pizza一次過滿足晒兩個願望♥️♥️♥️開心滿足👍🏻

甜蝦沙律 $24每次都會嗌既前菜 好多隻甜蝦🦐又多Caesar汁 沙律菜都好爽好多汁👍🏻-辣味雞翼 $32專登食薩利亞就係為左隻雞翼😂辣味足 雞肉嫩滑帶少少Juicy 💦熱辣辣咁食真係好正🤤 不過啲雞翼一時大一時細咁😿-溫泉蛋肉醬多利亞 $32 黎到既時候唔算太熱♨️溫泉蛋做到流心效果❤️ 肉醬唔算濃味 岩岩好-洋蔥蒜蓉雞扒 $32雞扒厚肉 好Juicy 同醬汁好Match👍🏻洋蔥味好出但蒜味就一般 😢食到膩膩地 就食粟米同薯角 會無咁寡最岩食肉獸啖啖肉咁食😋-不過呢間既等位服務安排麻麻😀瘋狂叫大枱完全無叫過細枱咁滯見到好多人都好燥底😂-📍。薩莉亞意式餐廳。鴨脷洲海怡路12A號海怡廣場地下G03號舖。#kkisgettingfatinHONGKONG

去左海怡半島睇完戲，就去埋海怡半島商場食埋晏，經過薩莉亞，可能時間仲早，唔算太多人排隊，咁就試下佢👍門口有部取飛排隊既機，取飛後，旁邊會有一個螢幕顯示入座既號碼，而飛上有QR Code，可以睇住而家叫到幾多號碼，方便等位期間都可以去行下街，唔洗擔心會過左龍！🎉🎉🎉等左約15分鐘就入座，同行有一位小朋友，餐廳亦有提供兒童椅👍！地方同算闊落，亦好多卡位！點餐方面，選擇多，而價錢亦超抵，選好後，按枱上既點餐制，店員就會行黎落單！👏👏大約15分鐘就上齊所有食物：意大利菜湯🍅：湯料多，飲落偏酸，不過作為打頭陣既餐湯更為開胃！蒜汁燒魷魚：魷魚迷不可錯過，肉厚！醬汁偏咸，點少少巳經夠曬味道！地中海海鮮Pizza：薄底pizza，有4塊煙三文魚同少量海鮮係餅面不過醬汁偏少，材料都算適中，味道唔錯！黑椒蜆肉鐵板煮🌟：20-30隻左右，不過部分有少許類似沙既硬粒！蕃茄煙肉意大利粉🍅：較淡既蕃茄汁意粉，適中既蕃茄粒～明太子魷魚蝦仁意大利粉🍤：材料多，明太子忌廉醬味道好，明太子令食落既口感更好！唔錯既意粉選擇！辣味雞翼8隻：香辣感足夠，偏辣！同場佢可以點任飲汽水，只需要每位額外加$13/位！而佢地亦有自助水機

星期六約埋媽媽同朋友一齊去海怡食晚餐, 知道間餐廳多人等位已經提前晚餐時間及早啲去等位! 第一次去嘅我真係冇諗過多人都咁, 5:30到達已全場滿, 攞位要等8張檯, 媽媽話已經算少😣 幸好大部份客人都食完就走, 所以翻檯嘅速度都算快! 坐低望吓個餐牌, 每款食物嘅價錢都唔貴, 有啲種類仲有分兩個size , 確係唔錯! 食物嘅質素都幾好, 性價比高👍卡邦尼意粉很好食, 意粉煮得好好有啲煙靭嘅感覺雞翼就只有辣味一款, 如食唔到辣嘅就冇緣了焗蒜蓉青口幾juicy 又冇雪味三文魚蝦薄餅餅邊焗得脆脆的, 餅底又唔會好油, 幾好鐵板魷魚爽口彈牙鐵板腸仔雖然肉質juicy , 但外皮頗乾, 沒有醬汁配埋就失色咗啲!總括來說食物唔錯, 可以有下次!#純粹個人口味

今日去鴨脷洲探親戚，順便食埋個下午茶。見到間薩莉亞好似幾靚咁，就入咗去食啦。唔知係唔係新裝修，所以同其他薩利亞有啲唔同,感覺高貴好多。咁我同埋啲親戚一行六個人就入咗去食啦。不過好似冇大枱所以都真係幾逼下。🤒咁我哋就叫咗八樣嘢啦，包括雙重芝士pizza，雞肉多利亞,燒魷魚，炒蜆，墨魚汁意粉，炸蝦，辣味雞翼，仲有一個新出嘅焗薯角粟米蛋。我哋覺得最好味嘅係雞翼，其次係燒魷魚都有返咁上下水準。不過佢新出嗰個菜就普通。最後六個人都係二百幾，真係好抵食啊！😽😽😽

新開張當然又要試下啦中午又係超多人等，坐低之後就落order 叫左lunch set 都幾抵食，價格平當然份量也不多，所以我們也order 了一些小食。先來的是粟米湯同沙律，湯比較像嬰兒糊仔，但有濃郁粟米味。水牛芝士Pizza ，餅底很脆，屬一般。墨魚汁意大利粉，農農墨魚汁味，食完記得抹嘴，因為食到黑麻麻。黑椒雞肉意大利粉，簡單一個意粉卻帶來驚喜，小小辣，黑椒味很出，雞肉味道也剛好。小食點了雞翼、炸蝦及蒜蓉多士，三款都好好味。點了無限添飲，自助任添，你可以選三款口味汽水。若不喜歡你也可以選咖啡都是自助。

多利亞真的非常好吃，肉醬和忌廉非常之多，如果喜歡醬汁撈飯的人必吃。黑松露雜菌意粉的黑松露很多，雜菌都很新鮮。甜品方面個朱古力蛋糕，朱古力味非常濃郁，如果喜歡朱古力的人一定要試。

海怡呢間薩莉亞好多人，但店內位置較其他分店闊落，四人枱居多所以好多時兩個人食可以坐一張4人枱，雞翼每次都一定會叫，雖然辣辣地，但又幾好食，周打蜆湯，味道還可，甜蝦沙律，呢個又係會每次叫，抵食又好味，明太子海鮮意粉，個汁有少少creamy,而且食到好多蟹子咁既野，好食蜆肉要視符好唔好彩，有時會有好多沙，但好彩今日係無既，水牛芝士pizza,芝士味都ok但餅底好一般，最後鐵板鯖魚都幾好，薩莉亞雖然等位有時較耐，但絕對係平價之選，而味道都中規中矩，所以人多排都好正常，就如叫哂以上食物，都係百幾蚊，以現時物價唔多地方做到~

海怡開左薩莉亞，新餐廳好多人食，下午茶我等左15分鐘到就有喇，都算快。辣味雞翼（8隻）$32，雞翼焗得唔夠脆，但味道夠，肉質嫰滑。歐陸風烤焗香腸 （2條）$19，不好吃，腸條仔太咸，薯角好粉，不像薯仔口感。黑椒蜆肉鐵板煮 $19，份量都幾多，見到好多人有點啊。脆焗香味雞球 $24，熱辣辣雞球，好多肉汁，吃的時候要小心！溫泉蛋卡邦拿那意大利粉 $32，不會過多汁，所以不算太膩，撒上黑椒更好味。雞肉野菌雙享薄餅 $32，兩種口味pizza，一次過滿足兩個願望，野菌細細粒好juicy，味道幾好，不錯。榛子脆餅冰雪蛋糕 $18，第一次吃冰雪蛋糕，雪到冰一樣，好實，味道都幾好，就像金莎一樣。飲品吧餐每位 $13，有任飲豆磨咖啡，黑咖啡、泡沫咖啡、朱古力咖啡、美綠等，仲有不同種類茶包，同埋汽水。我最欣賞即磨咖啡，咖啡香濃，飲了兩杯。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

當日拎位等4人枱，7點10分等到差唔多1小時40分先有位，我的號碼係101，睇住佢由97號直跳到105號飛，我立即走過去同個侍應講點解跳得咁快，點知呢個侍應無啦啦係到大罵我地，話我地冇留意，我話你個號碼好似1秒都冇順序就直飛過去，當中冇叫過號碼，點知佢串我話1秒點會睇到呀，仲大大聲話會比位我。入到去，向其他侍應投訴 並要求佢道歉，原來剛招呼我地的就係店長，堅持唔道歉並推d剛入職2星期都不夠的員工來解決問題，最後什麼都沒有吃，立即起身離開！

等左咁耐，薩利亞終於開啦！ 明明都開左成個月人流仲係絡繹不絕。成個12月都好想食，但見到條人龍都有啲驚😂究竟海怡既朋友餓左幾耐？講返間餐廳，今日平日去食lunch 12點到排左唔洗15分鐘就入到去。個環境好舒服又大，感覺唔似其他分店咁局促☺️啲食物都唔錯，性價比好高，啲侍應雖然好忙，但都幾有禮貌。食物就可能岩岩開始，比其他分店差少少。我地叫左個lunch set 食左個肉醬多利亞，但係太多汁，搞到好水，而個燒雞既燒汁就比較淡，唔夠入味。不過多利亞既味道都還好，食完真係好滿足！下次有機會再試啲甜品！

成個鴨脷洲西邨海怡都無野好食，薩莉亞進駐海怡對我地d居民實在是大好消息啊！！早餐後10點半經過餐廳(餐廳未開門)已經有十幾人在排隊，好誇張晚上6點專程拎定飛再返屋企等（等80張枱），預計7點有得食。點知還剩49張枱，最後8點10分入座。如果吃晚飯必須預早拎飛一看餐牌 好抵呀！！好有良心呀！！平均一道食物$35內，最貴羊架鐵板都只是$69。

同家人一齊黎試新野餐廳新開張,當然要試下啦新開張多人到爆,但職員們都無亂勁呀!點左7樣野食叫左2個湯,2個意粉,1個蒜蓉包,1個pizza同1個飯好鍾意食個蒜蓉包!超級好食個飯都超超超好食不過兩個湯就真係唔太得..羅宋湯太多水,無咩味,而且唔夠香忌廉湯,好似飲緊罐頭湯😅兩款湯都唔太夠熱🤔意粉都唔錯Pizza 屋企人食,佢地都覺得唔錯每份野唔太大份,我鍾意咁樣,因為可以叫多啲唔同款式既食物去試由於爸爸係一個非常節儉既男人,佢覺得性價比相對高,非常便宜,野食上得非常快,大部分既野食都夠熱同美味只係排隊時間比較長,假期時如果5個人食而又想7點入座,一般需5點半左右就要去攞定飛大家要留意返店內只收現金

海怡新增呢一間薩莉亞，真係非常之利害！ 從門口排隊，已經問開始感受到好像茶樓排隊的感覺！久違了的萬人空巷，要拎飛等位。仲有三代同堂的奇景，有阿爺阿嫲等位，有父母等位，又有情侶等位。最重要係，平日仲有同事等位。三五成群，座無虛席！呢度啲侍應簡直忙到好似茶樓一樣！不停叫枱號，不停返枱。講返嘢食。。。抵！新鮮！快上！冇得彈！ 意粉嚟計，肯定好過自己去百佳買意粉，白汁，黑松露加蘑菇自己煮！$29即時新鮮送到，你想點？$36蚊食個莎樂美腸薄餅，加$6仲可以double cheese。食得美滿，小朋友又開心。希望質素能夠保持下去。