影片
港鐵旺角站 B2 出口, 步行約3分鐘
繼續閱讀
電話號碼
93489723
營業時間
今日營業
16:00 - 02:00
星期一至日
16:00 - 02:00
以上資料只供參考, 請與餐廳確認詳情
唔知係老闆娘定收銀 一個人 但都好好服務 我一個人 入去是但坐 當時入一枱既客未走 我坐近門口（小店來得幾張枱）但入面客一走 佢就埋黎話（等我執埋枱就坐入去啦）Great 我心一下暖 我就係鍾意小店有人情味 之後我叫幾次單都好開心 住兩年先第一次入去幫襯 早知早啲入去試最大錯誤 以前都唔知 佢有生蠔食
繼續閱讀
店名: 薯粉家 地址: 旺角快富街37號地下B舖旺角站B2出口，行3分鐘環境: 3.5/5價錢:4/5味道: 4/5呢間小店座位就唔算多，不過menu吸引，各種款式嘅嘢食都有，價錢亦唔貴，好適合當宵夜🙈美味酸辣粉+通菜❤️❤️$33@1碗+$10其實唔太食得出有酸同辣味，不過薯粉好煙韌，有幫佢加翻啲分🙈加左通菜感覺有啲口感🤣台式魯肉飯❤️❤️$30@1碗同台式小店嘅就無得比了，無個啲咁正宗，亦主要係瘦肉碎，無咩肥肉🥲不過好在好大碗，女仔食一碗都會飽🫢芝士煙肉薯條🧀🥓❤️❤️❤️❤️$35，雖然個名係薯條，但其實係薯角黎芝士值得一讚，唔係溝出黎嘅芝士汁，係真係溶左嘅芝士黎🤩但煙肉就得幾舊，唔算多燒豬仔脾❤️$28@1隻 (2隻起)肉質偏韌，唔知係咪燒得太乾，食落無咩味，只係食緊一隻好硬嘅豬脾28蚊黎講，完全唔值得🤧😵💫燒茄子🍆❤️❤️❤️❤️❤️$38@1份可以揀加辣粉，不過我哋無加，就咁蒜蓉燒已經好夠味，燒得啱啱好，入面嘅肉偏軟身，配上上面滿滿嘅蒜蓉，好惹味🤤燒韭菜❤️❤️❤️❤️❤️$15@1串 (2串起)韭菜燒到啱啱好，上面少少硬，下面嘅葉好淋，食落好香孜然粉嘅味得黎，又唔會好似出面嘅咁，得個咸字，值得encore😈#stitchfoodie旺角 #stitchfoodie油麻地#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe #香港越南菜
繼續閱讀
今日食咗薯粉家嘅招牌薯粉家加太陽蛋，依然係好味嘅老友記！😋以前中學嘅時候就成日食，而家都仲係好鍾意佢哋嘅薯粉。薯粉好有嚼勁，唔會太過腍身，配上啲蔬菜同太陽蛋，味道好香濃。佢哋嘅醬汁同調味都好啱啱好，唔會太鹹或者太甜，好順口。👍太陽蛋煮得啱啱好，蛋黃好鮮美，蛋白唔會太老，口感好恰到好處。加上啲薯粉，真係好飽肚啊！份量方面都啱啱好，啲薯粉同啲蔬菜份量啱啱好，太陽蛋份量啱啱好，唔會太多或者太少，好啱啱好。👌不過，今次去咗薯粉家，發現佢哋嘅環境改善咗好多，仲多咗啲座位，而且整體裝修都更加現代化同舒適。😍總括一句，薯粉家嘅薯粉家加太陽蛋係依然係一道好好味又飽肚嘅美食，加上佢嘅改善又增加咗用餐舒適度，令人一試難忘！我會俾佢4.5顆星評分！⭐️⭐️⭐️⭐️✨
繼續閱讀
自從搬離左旺角就無食過，咁啱今日經過就諗住買黎食，因為以前試過都ok。首先，今晚天氣係幾大風下。我同男朋友二人落完單買左碗酸辣粉就諗住坐喺店入面等外賣，見到剛好有一張空枱，諗住有客入黎就讓番個位比人。點知收銀啊姐一句唔好意思都無：「你哋出面等啊。」 聽到已經都算，你覺得咁樣係阻你做生意，但我都買左碗麵其實，唔好意思都無句。最嬲係，番到屋企打開碗麵，個麵就喺面，加左$15嘅鴨血喺底。我唔知佢係特登咁做定點，加埋啲湯（分左湯）入去食食下先知出事。加$15嘅鴨紅我完全無見過完整一塊，全部碎容容，全部得一節手指至一節半手指咁大塊仲要薄片。離曬譜，小到我食左5舊都唔知有無，我以為自己眼花，但撈咗幾次個湯底應該都係冇晒鴨血。打開門你咁樣做生意，以後都唔會食！個湯仲有勁酸
繼續閱讀
本身係見到Foodie 社交媒體網站個食評，先諗住比次機會試吓小店，點知一試就中晒伏👎🤣酸辣粉 - 揀咗中小辣，剩係得酸味，唔知佢落咗幾多酸，一上碗粉，隔離兩個啱坐底嘅妹妹即刻出門口走人😂，應該係聞到浸酸味就知咩料😂。碗粉完全冇辣味，真係唔知自己食緊啲乜上湯牛油湯薯粉 - 牛油湯等於清水+油，無味㗎，飄浮喺湯入面嘅薄切廚師腸真係好九唔搭八，小學生煮飯嘅搭配黎😂香蒜肥牛焗金菇 - 黐線，上嗰份係肥牛白烚金菇嚟喎，焗金菇會有湯？😊 擺入口完全冇味，同自己用滾水白烚冇分別串燒 - 強制要每樣都最少叫兩串，叫嗰刻係覺得可以理解嘅。上到枱明晒啦，正常一串嘅份量，分開兩串上，咁咪可以賺多你一倍價錢👍 老細的確係生財有道嘅😀 味道尚算可以，但份量係好少加一服務費 - 明嘅，出咗雙糧俾職員，當然係要係羊毛出在羊身上，menu完全無寫明，職員完全冇講定，就咁偷雞貼張紙喺收銀枱度，埋單嗰陣就話要收加一，你哋真係識玩😋總結：唔好再喺度呃錢啦 🙏
繼續閱讀