藍山咖啡專門店 (已結業)

(11/1/09)曾幾何時,在openrice睇過有人讚這裡芝士蛋糕、讚咖啡好。叫得「藍山咖啡專門店」有cheese cake,有好的飲咖啡,以為係café,原來係明符其實既「茶餐廳」!仲要係坐得逼逼夾夾個種。不過當你見到近門口處,櫃內一樽樽的咖啡調味「酒」樽,就知道佢有自家的咖啡、有著自己風格。除芝士蛋糕外,還叫了黑椒豬扒包、哥倫布多士、招牌咖啡、栗子咖啡。cheese cake細細件,cake身頗鬆散,所以芝士味唔夠厚,而且無餅底,有點不成器。招牌即磨咖啡,苦味重,甘香到不得了。與大快活/大家樂的即磨咖啡比較,快餐店的口感豐盈奶香；「藍山」有西方咖啡甘香,各有優點。講到咁好,估唔到杯栗子咖啡,雖然係黑咖啡,但已加左栗子味糖槳,都唔洗再加糖,可以齋飲,確係不錯。黑椒豬扒包,豬扒好咸,麵包亦不見軟脆。幸好哥倫布多士給我們驚喜!因為唔係以半煎炸做,而係吉列炸!哥倫布有哥倫布多士;法蘭西有法蘭西多士分別。正!火腿溶芝士+吉列脆麵包,混和一起……如果呢度環境好d,呢餐都幾enjoy。

這裏的食物是不錯, 才三十多元已經可以飽餐一頓, 小菜更是出奇的好(推介咕嚕肉), 可惜一群小姐們身份是侍應, 做的是十問九不應, 態度麻麻, 記不住客人點的菜, 手腳又慢, ,又很急趕的走來走去, 來這裏, 是吃一頓跟自己過不去的飯. 外賣嘛, 應該還是可以.

這間店鋪聽說咖啡比較出名，但是自己不飲咖啡的～只想來食一個早餐吧～入到店內客人不多～坐下來，看看什麼早餐食～叫火腿，煎蛋公仔麵還跟多士，本來想轉蕃茄湯底但一至五沒有～。～又是一杯凍奶茶～只有一個侍應和一個水吧職員～因為晨早的關係，不斷地談天～不過也不太打擾客人～火腿也有２片，煎蛋也不差，但凍奶茶比較淡味～不太好飲～因為自己不喜歡飲咖啡，總覺得有點遺憾．收二十三元，不太值～

今日同同事一齊黎食Lunch，叫左４樣野share ! 真係比以前差左好多好多，而且d食具又崩又污嘈！餐湯得白湯，超咸，又杰！只飲左兩啖焗海鮮千層麵，又係超咸，薯蓉仲多過麵，而且好腥！咖哩龍脷意粉，一d 咖哩味都無，又係超咸！排骨炒河，炒到一舊舊，好難搵到再衰過佢！蝦醬什錦炒飯．．．咸到不得了！唯一只係杯咖啡ok ! 如果下次再黎，只可以係食下午茶小食同飲咖啡！

之前也來過數次,最喜歡吃即製的鮮果窩夫。前兩天來吃晚飯,竟發現鮮果窩夫從餐牌上消失了,幸而那天想吃飯;可是這也表示我不會再那麼常來這家店了。說回當天的食物:我和朋友都點了set meal,分別是鮮茄豬扒焗飯和牛扒飯,飲品要了雲呢拿咖啡和紅草苺茶。另外再叫了薯條過過口癮。鮮茄豬扒焗飯很不俗,熱騰騰的。茄醬不會過酸,很開胃,加上半溶的芝士,更加香噴噴。豬扒軟滑,但不似給招呼過,很好。可是牛扒飯則不太對勁:可能由於不用焗的闗係,飯明顯不太夠熱。而年牛扒雖然沒有被招呼過的痕跡,但真的很韌,比以前在這裡吃過的差很多。薯條是波浪薯條。老實說只要不會炸得太生或生燶,這味是很難會難吃的。所以只能說是正常水準。雲呢拿咖啡很香,雖然明知是香油的味道,不是甚麼真材實料。咖啡底很不錯(其實這兒的咖啡都是挺好的,還有藍山、山度士、埃塞等的選擇),可惜奶不香也沒有熱過,一加進咖啡便令咖啡溫度不溫不吞的,感覺不好受。我們又太習慣地加了糖,忘了雲呢拿咖啡本身帶甜,所以又甜了一點。紅草苺茶則正正常常,果味和茶味平均。最重要的是:夠熱!這裡的環境是沒有可能好的,可幸的是他們似乎也知道太迫,收起了兩張枱。服務方面則比以前差

我去過咁多次都有食芝士,芝士海鮮飯真係落足料,而芝士雙蔬都好好食,芝士味十足! 香噴噴!啲飲品好好味特別係士多啤梨茶,係我個人既至愛!餐廳環境舒服,尤其係下午茶時間,寧靜又寫意落完單啲野食又黎得快唔洗點等.價錢方面亦好經濟,只要加幾蚊就可以轉埋餐飲.大約三十蚊就可以好豐富唯一美中不足就係啲 waitress 好似冷冰冰,冇乜表情咁

星期日到大埔超級城，同老婆試下藍山咖啡，因為之前經過好多次。叫左午餐\:1. 茄汁牛扒意粉- 味道中上，快餐\feel，牛扒全熟。2. 海鮮焗意粉- 幾香，芝士都好味。凍咖啡不錯，沒有苦澀味。

晚天去食晚飯,食左小小就走,D野難食到嘔, 叫了兩樣野,通菜牛肉,西零雞. 個菜得幾條,D菜"魚"黑色,買相又差, 西零雞有花生醬味,又"孫"都入唔到口,好差...一生人都未有過想嘔我感覺,的了西零雞要即立再食一口飯去減低難食的感覺.....其實已經有半年無幫親, 諗住再TRY下..................餓死都唔再去.

o個日又去食藍山,我發現佢地真係愈o黎愈有水準~咖啡好飲不單止,d野食又好味~o個日叫o左個三文魚粉意粉,d醬汁好好味,三文魚o既生熟程度又好適中,d意粉又好彈力,成碟意粉個賣相都好好~真係好好味~個意粉都係30蚊~我再叫多o左杯咖啡~係度飲咖啡真係好抵,阿老闆沖得又有水準,又好人,跟個意粉叫杯瑞士咖啡都係加2蚊(其實係睇你杯特飲個尾數,如$12,就加多2蚊咁)~杯咖啡好香好香~除o左呢d之外,呢度有杯叫奇趣雲呢拿o既特飲都好好味係用"柯re奧"再右雲呢拿整ga,又唔係好甜,真係好味~好似仲有d薄荷味tim ga~另外我個fd就食o左個焗芝士海鮮飯~呢個都好香芝士味又夠,料又足,另外一個fd就叫o左個"士"椒排骨炒麵~都一樣好香,個麵好脆,估唔到呢度中式西式都咁出色~佢地都一樣叫o左杯蘋果茶,好香,好有果味~成間店,比較唔好o既係d冷氣凍o左d~其實o既都好好~d waiter 姐姐仲比以前好人o左好多,睇o黎應該係換o左人~你地得閒都去食喇~

估唔到過左成4年,呢間餐廳仲晌大埔區.我不得不佩服佢有獨特既能力令佢成為大埔居民其中一個搵食既好去處.記得4年前我有一個住大埔既朋友帶我黎食野,佢係一個好識食既人,佢帶得我去食既,就有一定既質素.結果都證明左佢冇介紹錯.記得上年有一日收工,一個朋友晌大埔叫我收工去食飯,當時我記起呢間舖,於是同佢講不如睇下呢間仲晌唔晌度.真係冇諗過幾年後呢間舖都冇乜點變,食物既質素都唔差.其實同一後既餐廳都差唔多,不過總覺得呢度既環境係舒服d,同埋聽講d咖啡係好唔錯既,不過因為我自己唔飲咖啡,所以冇緣一試喇.如果有朋友入大埔既,不妨試下佢啦.

早餐, 魚柳加雙蛋, 其實係為左杯咖啡而叫左個早餐($22), 另加$2 改要杯冇泡沫o既mocha, 放係唇邊聞到一點點的咖啡香味, 入口不錯但仍是欠了一點點……

幾乎每個星期都會來吃一次早餐，因為實在太好味及太抵。$20元包一杯即磨咖啡及一大碟兩餸通粉(還有意粉、米粉、公仔麵可供選擇)，最正是湯底，不是一般茶餐廳的雞精湯，而是香濃幼滑的忌廉湯，連湯一併吃完的感覺超級滿足，可惜坐位較迫，侍應似有意無意的趕客走。

環境衛生都ok,食物普通啦,服務普通,係咖啡好少少.冇咩特別的一間店

今日去開大埔,有個朋友話呢度既咖啡好出名,咁我地就去試下啦,我地四個人（四個都係女仔）,叫左一個白菌炒意粉,一個日式炒烏多,一個炸薯條,一杯熱既美國白咖啡,熱的薄荷朱古力,芒果冰,合共90蚊到。佢0的野食同埋野飲都有返咁上下水準,不過0的服務態度就認真麻麻,而且張單又計錯左,我個朋友話佢黎過幾次,幾次都計錯,所以大家去食野既時侯要留意一下,不過整體黎講都唔錯既,最好可以全面禁煙啦。