影片
港鐵銅鑼灣站 F1 出口, 步行約6分鐘
繼續閱讀
電話號碼
35650173
營業時間
今日營業
14:00 - 23:00
星期一
全日休息
星期二至日
14:00 - 23:00
以上資料只供參考, 請與餐廳確認詳情
1264 瀏覽
前些子往中山旅遊，刻意找尋懷舊風味的老店打咭！喜出望外，周日閒逛銅鑼灣加路連山道，走到盡頭角落，竟然發現一間洋溢着40-50年代上海懷舊風味的糖水店，佈置非常細緻，一磚一木、花朵窗形，圓枱木凳的佈置，看得出心思。茅台朱古力布甸 $58 一眼看中茅台布甸，面頭的蘇三茅台朱古力招牌是自製的，設計特色成功吸晴。布甸味道濃郁，質感非常濃密，適宜兩人分享；以茅台酒入饌合拍，據店主說，注入了的茅台份量不算少，只不過被濃郁朱古力蓋過，所以不妨大啖入口，細意品嚐便能嚐到。楊枝甘露布甸 $48 蘇三的布甸口感與別不同，介乎豆花與布甸之間嘅口感，楊枝甘露噱頭不及茅台，但清甜可口，更合我心意。足料椰香鮮牛乳紅棗燉花膠 $98 亮點絕對是花膠非常嫩滑，而且厚切大塊，口感黏調，骨膠原豐富，感覺越食越漂亮；湯頭順滑，椰子清香透出，粒粒有嚼口，適量的甜度，心水推介！蜜柑桂花酒釀冰蘇 $118招牌甜點，造型吸引，材料豐富，值得－試。新鮮蜜柑藏在圓柱形的桂花酒釀冰蘇內、額外配備西米、脆米及金橘醬；吃法是取內膠片，冰蘇如火山熔岩緩慢流出，此時隨口味加進適量的西米、脆米及金橘醬提味。冰蘇粉末本身酸酸地，添上配料，既甜蜜亦脆卜卜，涼快可口，份量十足，二人分享亦可以。古法石磨芝麻糊 $42 濃郁味香，順滑十足，刻意調至健康微甜度，如果喜歡更加甜，可以要求另加糖水備用。熱綠姸茶 $38最後飲杯熱嘅綠姸茶，優休閒閒過一個下午。外賣包裝漂亮企理，買多盒椰香鮮牛乳燉花膠 屋俾媽咪吃。
繼續閱讀
經過呢條街相信一定會比店門吸引到🤩中式懷舊裝修，入到仲更加有feel環境雖然唔大但充滿不少打卡位🥹甜品糖水選擇仲要超級多款！最特色就係冰蘇同茅台布丁茅台朱古力布丁 $ 58面層白朱古力設計好靚而且用埋中式碗好精緻🥹敲碎朱古力就可以食🤣朱古力比平時出面食到嘅朱古力牌好食！第一啖會食到朱古力味先～慢慢茅台酒嘅味道就出黎呢個組合真係好特別好創新👍🏻食到中間會有朱古力醬中和返個苦味如果怕苦配埋隔離嘅朱古力漿可以增加甜味✨蜜柑桂花酒釀雪燕冰蘇 $ 118有脆米，果醬，西米三款配料額外加落去豐富口感！好大份😍綿綿冰濃郁椰子味✨最驚喜係配埋豆腐雪糕豆腐味濃郁而且creamy軟滑口感又唔膩成個配搭好夾，蜜柑果肉都好甜一路食都唔會融得快👍🏻食都唔會覺得狼狽添呀～而且仲送左張貼紙🤩設計靚嘅糖水舖仲要夠特色又好味必定會encore✨食完飯下次都要黎食飯後甜品仲有傳統中式糖水/仙草etc低消都只係$38btw仲有腸粉魚蛋小食！🤣
繼續閱讀
最近呢幾年都興起茅台甜品的熱潮，如果就咁飲茅台酒相信未必個個接受到，因為都比較濃烈！但係如果茅台甜品呢？呢間糖水店舖位於銅鑼灣，裝修係六七十年代懷舊風格，有花形設計的窗，椅子係藤椅設計！特色甜品除咗茅台布丁，仲有冰蘇，芝麻糊等…蘇三茅台朱古力布甸：呢個甜品靚到已經可以打卡，上面印有蘇三茅台布丁的白朱古力牌，旁邊有香濃朱古力醬，可以倒入去！食落去布甸好滑，有淡淡茅台酒味，感覺幾特別，慢慢品嚐就會感覺甜中帶洒味陳皮紅豆蓮子江蘇：呢個甜品我覺得幾有創意，又可以玩又可以食，首先店員會放上一個托盤，有一筒山楂餅，一兜小丸子，一兜陳皮醬，之後再上江蘇甜品！揭開膠片之後，上面有啲紅豆同埋cream 就會滑落嚟，好似瀑布咁，視覺效果好正！跟住再加上配料撈勻，再勻落杯度食！裏面都好足料，食咗好多粒蓮子，不單止有陳皮醬，而且仲有一塊塊嘅靚陳皮，加埋脆脆食，真係超好味！
繼續閱讀
有依家甜品舖頭好多，但係用港式作為餐廳主題就真係比較少見，今次嚟嘅呢間甜品舖設計好似六、七十年代嘅涼茶舖咁，除咗傳統嘅港式甜品，亦都有自家創作黑芝麻芒果冰蘇 $128叫咗一款餐廳嘅黑芝麻芒果冰蘇，其實即係黑芝麻芒果刨冰，仲有配豆腐雪糕，冰蘇上枱好大份，掹走膠片黑芝麻醬、椰醬同埋芒果粒好澎湃咁流落嚟，另外仲配搭小丸子、糖蔥餅碎、芒果醬，細膩嘅綿綿冰加上濃厚嘅芝麻醬同埋芒果醬，仲有不同嘅配料，食落口感豐富茅台抹茶朱古力布丁 $58好有趣嘅配搭，茅台加入去朱古力布丁，表面仲有茅台酒嘅標誌性白朱古力，中間仲加入抹茶醬，布丁充滿茅台酒香，同時亦保留朱古力嘅香濃醇滑口感，比起布丁更加覺得似奶凍，抹茶醬嘅甘苦味，將味道提升至另一層次楊枝甘露 $53點都要叫返款港式甜品，楊枝甘露充滿芒果，西米、小丸子等配料，仲加咗仙草增添口感，整體帶明顯芒果清香，味道可口
繼續閱讀
專𠄘約朋友過嚟蘇三甜蜜打咭嘆甜品。店舖裝潢設計很有心思，－枱－畫也充斥着懷舊感覺天氣涼仲可以坐外面慢慢嘆甜品。做完正經事，終於入戲肉。本專成日強調晚飯系吾可以空肚食㗎飯前甜品來得好震撼吓 冇返三四條友都唔好考慮挑戰杏仁栗子冰蘇配蜂巢脆脆焦糖醬 $128端上時真係比佢震撼到，成坐山－樣嘅杏仁栗子冰蘇。我溫柔地拎起圍邊 ，外圍奶漿如溶岩般傾瀉下來，真係有少少狼狽。食之前再曬上巢脆脆焦糖醬 冰蘇面是栗子蓉、糖漬栗子、杏仁脆粒、雲尼那雪糕、牛奶冰蘇。味道和口感同樣豐富，栗子蓉香甜幼滑；冰蘇如雪花般入口即化，甜度頗高，建議同幾位朋友share 就啱啱好。大概是室溫蓮子紅豆沙布丁 $45紅豆沙入口棉密，蓮子鬆化；布丁略欠Q彈，甜度適中。打包多個合桃糊 比媽咪今晚做消夜合桃糊叮熱，巳經聞到香噴噴，合桃味好香，份量足，真材實料，好味。
繼續閱讀